المساعد الشخصي الرقمي

مشاهدة النسخة كاملة : من كتابات صديقى حسان!!!



Youssef Mostafa
03-07-2009, 09:14 PM
عندى صديق اسمه حسان مسافر برة بيشتغل وكمان هوايتته كتابة المقالات والتاليف ودايما اى مقال جديد يكتبه لازم يبعتهولى على طول ودة نموذج كدة ع الماشى:


اسمي حسان الزهقان.......زوج مثالي لهذه الأيام

أنا طبعاً مش ضعيف الشخصية .... بس مش بحب المعارك والكلام دا كله

وبصراحة مراتي يعني لما بشوفها مش عارف ليه بفتكر مصارعي السومو

وأنا راجل غلبان

ضربة بس من كوعها ممكن تحصل لي حاجة
زي قضاء شهر راحة في العناية المركزة
المهم

أنا بصراحة قلت أكتب مذكراتي عشان الناس تستفيد منها

ملحوظة المذكرات في خزنة في الدولاب المغلق بمفتاح وحاطط فوق الخزنة حبة هدوم عشان محدش يشوفها

هو مش خوف

بس احتياط

العمر مش بعزقة

*********************

يوم عادي

صحيت من النوم وطبعاً مراتي صحيت قبلي وحضرت الفطار على مضض ..... زى كل يوم

بس النهاردة قالت لي وإحنا بنفطر

..(حسان).. أنا عاوزاك تنزل بعد كده تجيب الحاجات من تحت .... أصلي زهقت

فوجئت باللي قالته بس عادي
مراتي أصلاً متقلبة ولو قالت لي تعال نسيب مصر مش هفاجأ
ابتسمت لها وقلت

تحت أمرك يا حياتي

نظرت لي شذراً .... كان نفسها أقول لا أو أجادل عشان تستغل الفرصة دي في أنها تعمل تصبيحة نكد
بس على مين
مسكت الجرنال وتظاهرت بأني أقرأ الجرنال ودفنت فيه وجهي

وقلت لها

تصدقي يا حبيبتي قريت امبارح في الجرنال ... أن الإنسان لازم يمشي ويمشي رجله لأن المشي له فوائد كبيرة على الجسم .... وبيخلي الدم يمشي في العروق .... ويزيد نضرة وجمال الوجه

سكت شوية
حسيت بمراتي بتفكر

طبعاً أنا لعبت في نقطة ضعفها
جمالها
قالت:يعني المشي بيزيد في جمال الوجه .... غريبة أوي أول مرة أسمع كده .... طيب بقولك إيه ... خلاص متنزلش تجيب حاجة أنا هبقى أنزل أجيبها عشان أمشي رجلي

حاولت أدفن ضحكتي .... فكحيت حتى أخفي الضحكة .... وقلت

تحت أمرك يا حياتي

ثم قمت وقلت لها

عاوزة حاجة يا حبيبتي

فكرت قليلاً ثم أشارت بيدها كالملوك الذين يعفون عن العبيد

لا مش عاوزة مع السلامة
****************************

النهارده معزوم عند والدتي

والدتي الطيبة عازماني أنا ومراتي وأخواتي البنات عندها

ربنا يكرمها الست دي والله

دخلت ألبس ولقيت مراتي قاعدة قدام التليفزيون فقلت لها

إيه يا حياتي أنت مش هتلبسي ولا إيه عشان العزومة

قالت في لا مبالاة

لا مش رايحة

اتعصبت وحاولت أمسك نفسي

ليه حبيبتي إحنا متفقين أننا نروح من يومين

فضلت تتفرج على التليفزيون ولا كأنها حاسة أني متنرفز

وإيه يعني .... مالياش مزاج

مسكت نفسي وقعدت على الكرسي أبص لها

اعمل معها إيه الست دي

حاولت أكلمها بالمنطق قلت

طيب في حاجة أنت زعلانة منها

قالت

لا بس بصراحة أنا مش بحب قعدة حماتي وأخواتك .. فمش هروح حصل إيه يعنى

رديت عليها

بس هما بيحبوك ... وعمرهم ما قالو حاجة وحشة لك

لقيتها بصيت لي بصة اللي خلاص اتخنق واللي لو كترت معه في الكلام يبقى أنت خلاص لعبت في عداد عمرك

قالت

أنا قلت خلاص ... مش رايحة ... فيه حاجة


في مثل بيقول الخوف نصف الرجولة


ايه رايكم فية؟؟

Marwa Mahmoud
03-07-2009, 10:32 PM
ههههههههههههههههههههههههه

أيه دة يا حرام مسكين

ربنا معاه شكلة على نياتة

ليه الجنة إن شاء الله

شكرا ليك يا يوسف قصة لذيذة

farida
03-07-2009, 11:14 PM
ههههههههههههههههههههههه

والله صعب عليا

ده غلبان اوي

بس قصة جميلة اوي يا اوفيس

mimo
03-07-2009, 11:25 PM
قصه حلوه يا يوسف ولها معانى كتيره بس على فكره هوه الى عامل فى نفسه كده

لان من يقبل تلك المعاملة من مراته لايلومن الا نفسه


ميمو الطيب

لا للتكبر

Youssef Mostafa
03-08-2009, 08:40 AM
ميرسى ياجماعة ان القصة عجبتكو بجد منورين وانتظروا المزيد من كتابات حسان

Wild_Angel
04-29-2009, 11:46 PM
الموضوع جميل بس فين باقى الكتابات
منتظرين الباقى يا يوسف
ومنتظرين موضوعاتك

alaa eid
04-30-2009, 01:54 AM
هههههههههههههههههههههههه
لا راجل جاااااااااااااااامد الله يعينه الراجل
ويكون في عونه
ميرسي يا يوسف خاااااااااالص

Youssef Mostafa
04-30-2009, 01:59 AM
الموضوع جميل بس فين باقى الكتابات
منتظرين الباقى يا يوسف
ومنتظرين موضوعاتك


شكرا على مرورك ياوايلد نورتى الموضوع



هههههههههههههههههههههههه
لا راجل جاااااااااااااااامد الله يعينه الراجل
ويكون في عونه
ميرسي يا يوسف خاااااااااالص


العفو يالولو نورتى التوبيك بمرورك ياجميل شكرا

Soma
04-30-2009, 09:10 PM
ميرسى جداااا يايوسف
القصه جميلة جدا ومستنية الباقى