المساعد الشخصي الرقمي

مشاهدة النسخة كاملة : اين نحن ؟؟؟؟


مى الشورى
03-08-2009, 02:11 AM
السلام عليكم
ازيكم يا جماعه عاملين ايه
انا النهارده رجلكم بموضوع ارجو انى الاقى الكل
مشارك برايه فيه
لانه موضوع اصبح فى صميم حياتنا
وكلنا بنعانى منه
وهواين نحن
هل اصبحنا كلنا مجرد تابعين؟
هل لم يعد هناك ما هو مهم ليشغل تفكيرنا وحياتنا؟
هل اصبحت الاشياء التافه التى نراها هى المتغلبه علينا وعلى تفكيرنا؟
هل لم يعد لدينا شخصيه مستقله تعى وتفهم ما يدور حولها؟
هل اصبحنا بكما وعميانا؟
هل اصبحنا كالببغاء فقط نسمع ونردد فقط؟
هل هناك شئ انهار فى مفاهمنا ويحتاج للاصلاح؟

هل وهل وهل وهل

وهناك الكثير
ولكن اين نحن من كل ذلك
اين فكرنا وراينا وطموحنا


ارجو من الجميع ان يشارك برايه
ان يجيب عن كل سؤال
حتى لو لم تكن اجابته موجوده لنراها
ولكن بينه وبين نفسه على الاقل
حتى نستطيع ان نصلح من انفسنا

وسؤال اخير اين نحن من المستقبل الذى لا يعلمه غير الله
هل نحن اناس سيكون لها علمها ومكانتها
ام سنكتفى بالمشاهده والتقليد الاعمى
والجرى وراء التفاهات؟
احمد عبد الحليم
03-08-2009, 02:22 AM
والله يا مي موضوع جميل جدا
والمشكلة الحقيقيه اننا كمصريين وعرب سلبيين جدا لابعد حد نبقي شايفين نفسنا مظلومين وحقنا بضيع مننا وما بنعملش حاجة
عندنا كميه لا مبالاة تغطي نهر النيل كله عمرنا ما بنفكر في تغيير حالنا الا في قصص الافلام والمسلسلات بنشوف فيها احلامنا اللي مش عارفين نحققها
وامانينا اللي من وجهة نظرنا مستحيله برغم ان مفيش حاجة اسمها مستحيل غير في عقولنا احنا
عشان كدة تلاقينا في اي حاجة تافهة متصدرين واوائل انما في المهم ودن من طين وودن من عجين
شكرا علي طرحك المتميز يا مي...
مى الشورى
03-08-2009, 02:27 AM
انا اللى بشكرك يا احمد على مشاركتك
وعلى رايك ده
لكن هنعمل ايه
هو ده المهم يا ترى هنفضل واقفين محلك سر زى ما احنا ولا هنتغير
ربنا يساعدنا على اننا نفوق من الغيبوبه اللى بنعيشها دى
Marwa Mahmoud
03-08-2009, 07:48 AM
بشكرك يا مى موضوع جميل جداااااااا ومتميز

أين نحن ...!!!؟؟

نحن هنا ولكن لسنا هنا نعيش حياتنا على أرض الواقع

بكل أحداثها نحلم ونتأمل ونبدع وننتظر مستقبل أفضل

ولكننا وبكل أسف أصبحنا تابعين لكل ماهو رخيص وغالى

ضاعت منا الكثير والكثير من حقوقنا بل تخلينا عنها

ولم نعد نطالب بها . أصبحنا مبرمجين على أشياءلا نستطيع

الخروج منها وإلا ......

ما هو الحل لعودة ماضاع منا الكرامة والكبرياء والتحدى ...!!!

ماهو إلا حل واحد وهو العودة مرة أخرى لديننا قد فرطنا فيه

وها نحن اليوم ندفع الثمن .....

عذرا للإطالة
samomran
03-08-2009, 04:25 PM
اين نحن
نحن هنا و لكن فى عالم النسيان
نحن هنا و لكن ليس لنا وجدان


و دى حقيقه ناس كتير اوى فى سننا فى الجامعه اسليه انت عايز تبقى ايه فى المستقبل يقول لك مش عارف


عشان نصلح من انفسنا و نلاقى نفسنا


لازم نثبت اننا قد النيا اللى احنا عايشين فيها
و اننا بنحارب عشان هدف مهما كان صعب


اكيد حنوصل له طالما اننا بنحارب عشانه
ميرا مار
03-08-2009, 09:24 PM
موضوع فعلا حلو قوى يا مى

باحييك فعلا انتى راجعة بموضوع جميل جدا..

عايزة اقولك..
فاكرة اغنية مدحت صالح بتاعت فيلم امير الظلام

انا باحب الاغنية دى بشغل غريب
اسمعى الكلام:: انا اخترت اكتر كلمات مؤثرة من الاغنية

النور مكانه فى القلوب

يا تكــــــــــون قد الحياه يا تعيش وحيـــــــــــــــد وسط الدروب

فى ناس كتير ترضى المصير
وناس تعيش بضمير ضرير
-
-
-
لكن الامل يفتح بيبان
المس ضياء القمر
انقش قلوب ع الحجر
على شئ ماتندمش
-
-

-

العمر ايه غير قلب مايخافش


اللى عايزة اقوله..ان فى الحياه سكتين..سكة متعبة قوى قوى
ودى اللى بتقفى فيها وبتعلنى العصيان على افكار غبية
وعلى ناس جاهلة .. وتستحملى كلامهم..ونظراتهم ونميمتهم..

او السكة السهلة.. تقفى محالك سر.. وتنتظرى مايعطيه لك النصيب

وللاسف معظم الناس بتعمل كدا....
وفى الاخر
اكيد اللى بيتعب بيلاقى..

ادعو الله ان يلهمنا الصواب
وان يعطينا القدرة على التغلب على المواجهات الصعبة فى الحياه
ويرزقنا ..سند ..السند هو الله..بس ساعات بنحتاج حد ياخد بايدنا
ويساعدنا نعد\ى الطريق الصعب

باشكرك جدا يا مى

الموضوع جميل جدا
مى الشورى
03-09-2009, 11:53 PM
انا بشكركلا من
مرمر
واسلام
وميرا
على مشاركتهم الجميله دى
وعلى الاراء الاجمل
ويا ريت يكون فى كتير غيرنا قدروا يفهموا ويعرفوا احنا فين بالظبط
يا ريت يكون فى حد لسه بيسمع ويشوف
وميكنش فاضل بس غير ناس اشبه بالجثث
البحيرى
04-23-2009, 12:51 AM
فى مصر المحروسة
alaa eid
04-23-2009, 02:56 AM
هل اصبحنا كلنا مجرد تابعين؟

بصراحة اه احنا تابعين يعني مثلا زي ما بنشوف دلوقتي بداية من التعليم بقينا تابعين للدروس حتي المدارس بقت التلاميذ مش بتروحها لانهم معتمدين اعتماد كلي علي الدروس الخصوصية بس احنا اللي عملنا في نفسينا كده

هل لم يعد هناك ما هو مهم ليشغل تفكيرنا وحياتنا؟

لا والله فيه كتييييييييييييير مهم في حياتنا اننا نشغل بالنا فيه بدل ما نشغل بالنا في حاجات تافهة ومش هتفيدنا في حاجة
هل اصبحت الاشياء التافه التى نراها هى المتغلبه علينا وعلى تفكيرنا؟

صح فعلا بقينا بنفكر في حاجات تافهة
هل لم يعد لدينا شخصيه مستقله تعى وتفهم ما يدور حولها؟

لا عندنا شخصية بس احنا من اللي بنشوفه بصراحة بنكبر دماغنا علي حاجات كتير
هل اصبحنا بكما وعميانا؟

نفس اجابة السؤال السابق
هل اصبحنا كالببغاء فقط نسمع ونردد فقط؟

احنا بقينا كدا لان كله خايف من بعضه
هل هناك شئ انهار فى مفاهمنا ويحتاج للاصلاح؟

هو بصراحة احنا لو عدنا للاسلام بمفهومه زي ايام زمااااان كانت احلي ايام مش زي ايامنا ياااااارب يرحمنا والله
فنصيحتي ان كل واحد يرجع لدينه ويراعي ربنا في كل حاجة بيعملها


شكراااا كتير ليكي
سوري علي الاطالة
مى الشورى
04-23-2009, 07:31 PM
فى مصر المحروسة


اولا اهلا بيك
ثانيا احنا كلنا فى مصر المحروسه لكن فين
وعايشين ازاى فيها
قدمنلها ايه او حنقدم لها ايه
ايه موقفنا من كل حاجه حوالينا
حنا فين من حاجات كتير
الكل بيقول علينا اننا مستهترين ومش عايشين
لازم نقول احنا فين
واحنا ايه
مى الشورى
04-23-2009, 07:37 PM
هل اصبحنا كلنا مجرد تابعين؟

بصراحة اه احنا تابعين يعني مثلا زي ما بنشوف دلوقتي بداية من التعليم بقينا تابعين للدروس حتي المدارس بقت التلاميذ مش بتروحها لانهم معتمدين اعتماد كلي علي الدروس الخصوصية بس احنا اللي عملنا في نفسينا كده

هل لم يعد هناك ما هو مهم ليشغل تفكيرنا وحياتنا؟

لا والله فيه كتييييييييييييير مهم في حياتنا اننا نشغل بالنا فيه بدل ما نشغل بالنا في حاجات تافهة ومش هتفيدنا في حاجة
هل اصبحت الاشياء التافه التى نراها هى المتغلبه علينا وعلى تفكيرنا؟

صح فعلا بقينا بنفكر في حاجات تافهة
هل لم يعد لدينا شخصيه مستقله تعى وتفهم ما يدور حولها؟

لا عندنا شخصية بس احنا من اللي بنشوفه بصراحة بنكبر دماغنا علي حاجات كتير
هل اصبحنا بكما وعميانا؟

نفس اجابة السؤال السابق
هل اصبحنا كالببغاء فقط نسمع ونردد فقط؟

احنا بقينا كدا لان كله خايف من بعضه
هل هناك شئ انهار فى مفاهمنا ويحتاج للاصلاح؟

هو بصراحة احنا لو عدنا للاسلام بمفهومه زي ايام زمااااان كانت احلي ايام مش زي ايامنا ياااااارب يرحمنا والله
فنصيحتي ان كل واحد يرجع لدينه ويراعي ربنا في كل حاجة بيعملها


شكراااا كتير ليكي
سوري علي الاطالة





لولو حبيبتى كلامك جميل اوى بس احنا مينفعش اننا نكبر دماغنا لانها بتنتهى فى النهاية
باننا بنفقد الاحساس بكل اللى حولنا
بس فيه سؤال ليكى ولكل واحد
انتى بتقولى الاسلام زى زمان
الاسلام زمان هو الاسلام دلوقتى لكن الاختلاف الوحيد فى المسلمين
انا اللى بشكرك على رايك وعلى مرورك
والموضوع معمول للنقاش يعنى طولى زى ما انتى عايزه