المساعد الشخصي الرقمي

مشاهدة النسخة كاملة : إزاي تقابلي العريس لأول مرة؟



هيثم
03-09-2009, 02:36 PM
إزاي تقابلي العريس لأول مرة؟
http://www2.0zz0.com/2009/03/04/20/495922531.jpg
هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير أوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير أوووي
علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب
طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها
ماتخافيش.. إحنا دلوقتي هنمشي معاكي خطوة خطوة ونقول لك تعملي إيه
*******
الخطوة الأولى
جهزي نفسك نفسيا ومظهريا
1-
علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك
2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي
3-
بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جوب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبيّنك أكبر من سنك
واوعي تنسي تختاري الألوان اللي تكون مناسبة عليك وتنور وشك
4-
لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم
5-
ياريت في اليوم ده ما تكتريش في المكياج علشان ما تبقيش عاملة زي البلياتشو.. وخليك بسيطة جدا في مكياجك يعني كفاية أووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي
6-
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده
*******
الخطوة التانية
أثناء اللقاء نفسه
1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدّي
2-
لو مامته جات معاه ياريت تخلّي بالك منها وبلاش تكشّري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها
3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه
4-
لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك
5-
خليكي جريئة ولو وجه لك الكلام ردي عليه بذوق من غير كسوف
*******
كمان خدي بالك أوووي
1-
لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة
2-
لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه
*******
الخطوة الثالثة
بعد انتهاء اللقاء
بعد ما يمشوا عايزك تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك

A.H.D
03-09-2009, 03:33 PM
شكرا ليك ياهيثم موضوع جميل

سلمي جمال
03-09-2009, 03:54 PM
مرسي لك اوي يا هيثم
موضوع مهم فعلا

بس الاحراج دة مش بيكون بايدنا

دة لازم
و المشكلة ان مش بتلاقي كلام يتقال ساعتها

الحل اية

AYMAN GAMAL
03-09-2009, 03:59 PM
بتجيب الحجات دي منين يا هيثم

موضوع حلو شكرا ليك

Marwa Mahmoud
03-09-2009, 04:15 PM
شكرا ليك يا هيثم

موضوع جميل ونصائح أجمل

تسلم

هيثم
03-09-2009, 05:04 PM
مرسي لك اوي يا هيثم


موضوع مهم فعلا


بس الاحراج دة مش بيكون بايدنا


دة لازم
و المشكلة ان مش بتلاقي كلام يتقال ساعتها



الحل اية
عشان تعرفى بس العريس يعنى لازم تستحملى شويه

spring sun
03-09-2009, 06:28 PM
والله حلو اوي الموضوع ده

يلا بقي اللي تتخطب تنفذ النصائح دي

هيثم
03-10-2009, 07:31 PM
فى حد نفذ النصائح ولااااا لسه

reda_bebo99
03-10-2009, 07:48 PM
الله ينور يا هيثم انت واد عقر وراسي الله يسهله
موضوع جميل الله ينور يا h

lolaa fahmy
03-11-2009, 09:24 PM
موضوع جميل جداا
تسلم ايدك

heba
03-12-2009, 12:22 AM
موضوع جميل جدا
وتقريبا لسه ماحدش نفذ حاجة

GooD_DrSh
03-12-2009, 04:08 AM
هههههههههه
مواضيعك تانى اللى زى العسل دى
بس انتا كدا رستنا على الليله كلها
يعنى لو انا بقى ما هكون خلاص عرفت كل حاجه وهصر انى اكلمها انتى جهالاويه ولا زملكااويه زى
واقولها ايه دا يا بطه انى مكسوفه
ونننزل نتمشى واقاعدها على كافيه واخليها تدفعلى هههههههههههههههههههههههههه
والله زى العسل يا هيثووووم

SS.GIS
03-12-2009, 12:36 PM
والله معلومات قيمه جدا

هيثم
03-15-2009, 07:18 PM
هههههههههه


مواضيعك تانى اللى زى العسل دى
بس انتا كدا رستنا على الليله كلها
يعنى لو انا بقى ما هكون خلاص عرفت كل حاجه وهصر انى اكلمها انتى جهالاويه ولا زملكااويه زى
واقولها ايه دا يا بطه انى مكسوفه
ونننزل نتمشى واقاعدها على كافيه واخليها تدفعلى هههههههههههههههههههههههههه

والله زى العسل يا هيثووووم
هههههههههههههههه
ربنا يخليك

esraa
03-15-2009, 07:26 PM
بجد موضوعاتك حلوة أوى يا هيثم ....




ربنا يخليك لبنات المنتدى ....






و ميحرمناش من نصائحك دائما ....

هيثم
03-15-2009, 07:30 PM
بجد موضوعاتك حلوة أوى يا هيثم ....



ربنا يخليكى

ربنا يخليك لبنات المنتدى ....


مش اوى كدا



و ميحرمناش من نصائحك دائما ....
والله انتو تستهلوا اكتر من كدا

esraa
03-15-2009, 08:18 PM
والله انتو تستهلوا اكتر من كدا








ربنا يخليك لينا و ميحرمناش منك يا رب ......


انت بس نزل و احنا ندعيلك .....








جرب كده و تشوف النتيجــــــــــــــــــــة .....

i'm
03-15-2009, 08:59 PM
Gaaaaaaaaaaaaamd

Shimaa MMB
03-15-2009, 09:05 PM
الموضوع جميل جدا يا هيثم
جزاك الله كل خير

froty
03-16-2009, 02:55 AM
لا بجد جامد الموضوع

بس للاسف معتقدش

انى ممكن انفذه ابدا



http://www3.0zz0.com/2009/03/16/00/794957426.jpg

هيثم
03-16-2009, 07:06 PM
لا بجد جامد الموضوع



بس للاسف معتقدش


انى ممكن انفذه ابدا




http://www3.0zz0.com/2009/03/16/00/794957426.jpg
ليه بس كدا متقديش الامل
هههههههههههههه

الورده البيضاء
12-12-2009, 12:11 AM
تسلم ايدك ياهيثم ميرسى اوى ليك
جزاك الله كل خير

alaa eid
12-12-2009, 06:24 AM
موضوع جميييييل جدا
شكرا ليك

هدى على
12-16-2009, 07:07 PM
بصوا هو الاحراج موجود موجود فى اول عشر دقائق وبعدين اما يتكلم معاكى بتهدى شوية بشوية

هدير هيبه
12-19-2009, 05:08 PM
موضوع بجد تحفه

جنان

شكرا ليك يا هيثم

هيثم
01-25-2010, 09:08 PM
شكرا يا جماعه على الرد على الموضوع:egg:

boo_mn82
02-01-2010, 08:37 PM
موضوع حلو كتير ونصائح هامة جدا واهم حاجة العروسة تكون واثقة من نفسها