لجميع الطلاب .....مش عارف تذاكر...... يبقى الحل هنا ان شاء الله

[Mohamed Saad Yassin]

.....اخواني اخواتي .....
معلش الموضوع طويل بس والله مفيد جدا

...المذاكرة 3 أنواع ...

1- مذاكرة ضعيفة أوى يادوبك عشان النجاح ولكن غالبا بدون فهم .
2- مذاكرة وسط تبقى فاهم فهم شمولى وتنجح بسهولة باذن الله.
3- مذاكرة ممتازه بفهم عميق تمهد لتكوين مخترع أو عالم.

وبنظرة عابرة على ظروف القسم و خاصة شعبه المساحة و الخرائط وطبيعة نظام الترم
يبقى مفيش أدامنا الا الطريقة الوسط " خير الأمور الوسط "
وطريقة الوسط تختلف من مادة الى أخرى حسب طبيعة المادة
وحسب شكل الامتحان وحسب شخصية وأسلوب أستاذ المادة ...

تحب تعرف أفضل الطرق للمذاكرة؟
تحب تشوف الذاكرة بتاعتنا ماشية ازاي؟
تحب تخلي ذاكرتك دي طوع إرادتك؟
النهارده هاقول لكم أفكار رائعة هتساعدكم وإنتو بتذاكروا ...
الأفكار دي هتساعدك تعرف أفضل الطرق للمذاكرة وتثبيت المعلومات...
خلي بالك ...


أنواع الذاكرة

عشان نعرف نذاكر لازم نعرف الأول الذاكرة بتاعتنا بتشتغل ازاي...
وعن طريق معرفتنا دي ممكن نستخدمها أفضل استخدام..
الذاكرة أيها السادة نوعان... ذاكرة قصيرة الأمد، وأخرى طويلة الأمد.

1- الذاكرة قصيرة الأمد...

النوع ده من الذاكرة هو اللي متخزن فيه المعلومات العابرة خلال اليوم...

فطرت إيه النهارده؟
عملت إيه امبارح؟

المعلومات دي بتبقى معانا لفترة قصيرة وبعدين ممكن تنساها...
لو سألتك الأسئلة دي بعد سنتين.. ممكن ماتبقاش فاكر إنت فطرت إيه من سنتين!
الذاكرة قصيرة الأمد بتتخزن بسرعة عن طريق العقل اللاواعي...
والذاكرة قصيرة الأمد دي سعتها 7 زائد أو ناقص معلومتين في المرة الواحدة...

عايز تعرف ازاي؟
يبقى العب معايا اللعبة دي:

احفظ الرقم اللي هيظهر قدامك ده:

123313414515

ماعرفتش تحفظه؟!؟!
عادى....

الرقم اللي قريناه من شوية ده... ماعرفناش نحفظه بسرعة
عشان زي ما قلت لك الذاكرة قصيرة الأمد بتشيل بس 7 معلومات زائد أو ناقص اتنين
(من 5 إلى 9 معلومات في المرة)..

فالرقم اللي شفناه ده مكون من 12 رقما... يعني 12 معلومة...
عشان كده صعب على الذاكرة قصيرة الأمد إنها تشيله...

يبقى إيه الحل؟

عشان تحط الرقم ده بسهولة في الذاكرة قصيرة الأمد...
ممكن تلعب لعبة جامدة جدا...
ممكن بدل ما تخليه 12 معلومة... تخليه 4 معلومات بس!!

عارف ازاي؟
بص على نفس الرقم لما كتبناه بأسلوب تاني:
123
313
414
515
سهل يتحفظ كده... صح؟

كل اللي عملناه إننا قسمنا الرقم بشكل تاني...
بحيث نحفظ كل شوية مع بعض
(مش رقم رقم زي الأول... الرقم الطويل بقى 4 معلومات بس.. فبقى أسهل!

قاعدة مهمة:

عشان تعرف تحفظ... قسم المعلومات الكبيرة بطريقة سهلة الحفظ...
واربط بين المعلومات وبعضها عشان تحفظها أسهل...

2- الذاكرة طويلة الأمد...

دي الذاكرة اللي بتشيل المعلومات المهمة جدا اللي من الصعب جدا إنها تتنسي...
اسمك إيه؟
رقم تليفونك كام؟
وكده يعني...

والذاكرة دي عشان تتكون لازم تقوم بشوية مجهود في الأول...
بعد كده هتثبت بطريقة رائعة...
وهي دي المذاكرة بقى...

يعني إيه مذاكرة؟

المذاكرة دي ببساطة هي إنك تنقل المعلومات من الذاكرة قصيرة الأمد للذاكرة طويلة الأمد...
عشان كده لما حد يقول لك: عايزك تحفظ الدرس ده زي اسمك
يبقى كأنه بيقول لك: عايزك تحفظ الدرس ده بالذاكرة طويلة الأمد!

لكن لو ذاكرت درس ونسيته تاني يوم... تبقى بتستخدم الذاكرة قصيرة الأمد بس.

ازاي ننقل المعلومات للذاكرة طويلة الأمد؟

عشان ننقل المعلومات للذاكرة طويلة الأمد لازم نقوم ببعض المجهود زي ما قلنا...
لكن النتيجة بتكون رائعة...
طيب هنعمل ايه ؟؟؟


1-التكرار:هيخلّي عقلك يتعامل مع المعلومة باهتمام لأنها بتتكرر...
تبقى مهمة بالنسبة لك...

2-استخدام مراكز المخ المختلفة:
الطريقة دي مؤثرة وفعالة جدا...
- إنت بتذاكر بعينك: يعني مراكز الإبصار في المخ اشتغلت على المعلومة دي...
- اكتب وإنت بتذاكر: هيخلي مراكز المخ المخصصة بعملية الكتابة تشتغل على المعلومة دي...
- سمّع اللي ذاكرته: نشطت مراكز الذاكرة ومركز الكلام اشتغل برضه على نفس المعلومة
لو كنت بتسمّع بصوت...

بالطريقة دي المعلومة تغلغلت جواك بأكتر من طريقة.. يبقى ألف مبروك!


3-الحالة الذهنية:

وإنت بتذاكر المعلومة حط في دماغك إنك بتذاكرها عشان تفضل على طول
وتفيدك طول حياتك... لو ذاكرتها على اعتبار إنها معلومة مؤقتة عايزها للامتحان بس
عقلك هيتعامل معاها على إنها معلومة تافهة ويحطها في الذاكرة قصيرة الأمد
زي ما إنت طلبت منه!
تخيل إنك بتحفظ المعلومات دي لأنك هتحتاجها بعد سنين طويلة...
تخيل كده مش هتخسر حاجة... وهتندهش من النتيجة الرائعة اللي هتتحقق...

بالطرق دي هتلاقي إن اللي حفظته ده هينتقل للذاكرة طويلة الأمد
وهتلاقي نفسك حققت النتيجة اللي إنت عايزها...

مش كده وبس...


فيه طرق تانية هتساعدك على المذاكرة ...

زي ايه ؟!؟!؟!









يا تري عارف ايه هي مهارات المذاكرة ؟!؟!؟!


مهارات المذاكرة



المهارة الأولى : القراءة الفعالة

يمكنك اكتساب مهارة القراءة الفعالة، من خلال اتباع الخطوات الثلاث الآتية:

المرحلة الأولى: قبل القراءة

التهيئة النفسية والعقلية للقراءة:
اختر مكانًا هادئًا مضاء بشكل مناسب، فهذا سيعمل على زيادة تركيزك.
ابدأ بالتفكير حول ما ستقرأ ، تعرف على العنوان الرئيس والعناوين الفرعية
فهي توضح الفكرة الرئيسية للدرس وركز على الاستنتاجات والتطبيقات.
اطرح أسئلة معينة في ذهنك من واقع قراءتك للعناوين مثل
(ماذا، كيف، لماذا، أين، متى، مَن) مما يثير انتباهك
ويشعرك بالمتعة والتشوق لما ستقرؤه،
فوجود أهداف للقراءة تجعل الطالب يسعى وراء تحقيق هدفه.
ضع بعض التوقعات الذكية على هيئة افتراضات،
ثم قم بتعديلها على ضوء ما تقرؤه، فالافتراضات تساعد على تركيزنا عند القراءة ،
وتجعلنا نشعر بالإثارة عندما تتحقق تصوراتنا لما قرأناه أو سمعناه فيما بعد.

المرحلة الثانية: أثناء القراءة

عملية المسح:
اقرأ الموضوع بصورة متكاملة وسريعة، دون تثبيت العين طويلاً على
جزء من السطر أو على كلمة؛ فعليك أن تعويد عينيك على القراءة المنطلقة إلى الأمام،
ولا تعيد قراءة الجملة، حتى لو شعرت بعدم الفهم التام للمعنى،
فقد تجده في الجمل والعبارات التالية؛ والهدف من القيام بهذه
القراءة السريعة أو المسحية هو التعرف المبدئي على الدرس.

المرحلة الثالثة: بعد القراءة

عملية الاسترجاع:راجع المعلومات والأفكار الرئيسة، وذلك إما بكتابة ملخص لها،
أو بتسجيل بعض الملاحظات الهامة، أو القيام بعملية التسميع
لأهم الأفكار والاستنتاجات والمفاهيم، التي توصلت إليها،
وقد أثبتت الأبحاث أن قيامك بعملية الاسترجاع بإمكانك تذكر 70% من المعلومات التي ذاكرتها.

المهارة الثانية: مهارة التلخيص

التلخيص من المهارات الدراسية ذات الفوائد الجمة،
ويمكن اكتساب هذه المهارات وتطويرها بالممارسة،

ومن أهم فوائد عملية التلخيص وكتابة الملاحظات


1- تساعد على التركيز على المعلومات الهامة والأساسية،
فهو يساعد على التركيز بفاعلية على ما تقرأ أو تسمع.

2- تساعد في عملية الفهم والاستيعاب، فعمل الملخصات يحدد لك
الأطر العامة للموضوعات والتفصيلات المتفرعة عنها،
ويضع حدودًا فاصلة بين أجزاء الموضوع، ويعمل على تصنيفه
وتقسيمه بصورة توضح المعنى وتساعد في تخزينه في الذاكرة بصورة مرئية.

3- تساعد في إمدادك بسجل من المعلومات المركزة،
التي ستحتاج لها في المستقبل؛ فإذا ما أردت إجراء
مراجعة سريعة لبعض الدروس، وليس لديك وقت كاف
لمراجعتها من الكتاب بإمكانك الاستعانة بالملخصات.

4- تساعد على إدارة الوقت بفاعلية، فهي تجنبك إضاعة الوقت والجهد،
فبدلا من قراءة (10) صفحات يمكن تلخيصها في صفحتين باستخلاص أهم الأفكار.
ولهذا الجانب أثر نفسي إيجابي عليك ، وعلى استمرارك في عملية المذاكرة والمراجعة الدورية.


المهارة الثالثة : مهارة الحفظ


كيف تذاكر وتحفظ المعلومات ؟


هناك عدة طرق للمذاكرة والحفظ أهمها :

1-طريقة الببغاء

المذاكرة عند العديد من الناس ، تعنى الإعادة والتكرار إما بالتسميع الشفهي أو الكتابي،
ولكن يعيب هذا الأسلوب ، أن هذا الالتصاق أو التعليق يكون مهزوزًا؛
فقد يكتشف الطالب أن المعلومات التي قام بتسميعها ، تحت ظروف القلق النفسي،
قد ذهبت بشكل كامل ، كأن الدماغ أصبح فارغًا من كل أثر للمعلومات،
وهذا لا يعنى أن هذه الطريقة فاشلة، ولكن يجب أن يطور هذا الأسلوب،
وتستخدم وسائل أخرى مدعمة له ، مثل قوة التخيل، والربط التسلسلي .

2-طريقة التخيل

هي عملية تكوين صورة عقلية لشيء تم ملاحظته وتخيله ثم تحويله إلى صورة
واقعية مجسمة، ثم نعمل على إعادة تكرار هذه الصورة عدة مرات في مخيلتنا
مما يعمل على تعزيز قوة الذاكرة لدينا.

مثال :

تخيل أنك مخرج برامج ، حينذاك كل شئ سيأخذ بعداً بصرياً وحركياً وسمعياً ،
مما سيعمل على تعزيز قوة الذاكرة .

3-طريقة الربط الذهني

إحدى الطرق المتفرعة من قوة التخيل؛ فالمعلومات الجديدة من السهل
تحويلها إلى معلومات طويلة المدى، فكلما نجحت في صنع الارتباطات
كلما كان تذكرك للأشياء أفضل.

المهارة الرابعة: المراجعة

1- دوّن أكثر النقاط أهمية في كراسة الملاحظات.
2- راجع هذه الملاحظات دورياً.. اقرأها بصوت عالي.
3- لخص قدر المستطاع وقلل من ملاحظاتك لتتذكرها.
4- أثناء المراجعة والمذاكرة عليك بتوقع الأسئلة.
5- راجع وفق جدول زمني.
6- استخدم الألوان وأشِّر على أهم النقاط.
7- داوم على الأدعية أثناء المذاكرة وحفظ القرآن
والأذكار وحافظ على الصلاة, فلا بارك الله في عملٍ ينهى عن الصلاة.


كيف تعد برنامجاً للمراجعة؟


إن إعداد برنامج للمراجعة يلعب دوراً كبيراً في الاستعداد للامتحانات،
ويتم إعداد برنامج أو جدول المراجعة تبعاً لمقدرة كل طالب,
وتبعاً لنوعية المواد التي سيجري فيها الامتحان

على أن يكون في الشكل التالي:


1- المذاكرة المنتظمة لجميع المواد المقررة.
2- المراجعة المنتظمة لأنها مرحلة هامة؛ فلا تبدأ بالمراجعة ليلة الامتحان
ولكنها مستمرة مع نهاية كل جلسة للمذاكرة.
3- ترتيب مواد الامتحان تبعاً لقربها الزمني من تاريخ الامتحان.
4- تحديد المواد التي تحتاج لمجهود ووقت أكبر في المراجعة.
5- تحديد الزمن المتبقي على كل مادة وتقسيمه تبعاً لها.
6- وضع المادة الصعبة مع مادة أقل صعوبة.
7- تحديد فترات في الجدول للراحة ولممارسة هواية محببة مما يساعد على
تهيئة الجسم والذهن للاستيعاب الأفضل.
8- تجنب أسباب التشتت الذهني وأحلام اليقظة أثناء المراجعة؛ فمن يعمل ليس لديه وقت للأحلام.
9- احذر أن تقلد زملاءك في طريقة مراجعتهم؛ فلكل إنسان طريقته ومقدرته التي تميزه,
فإن طريقتك الخاصة في هذا الوقت هي أفضل الطرق.
10- اجعل مراجعتك لكل درس بأن تضع هيكلاً للدرس في عناوين رئيسة وفرعية,
ثم ابدأ بمراجعة كل ما يخص كل عنوان على حدة بعد أن تكون قد وضعت الهيكل الأساسي للمادة ككل, فهذا يساعدك -إن شاء الله- على تذكر كل النقاط الخاصة بكل درس عند الإجابة في الامتحان.


معوقات الاستذكار الجيد


هناك بعض الصعوبات التى يمكن أن تعوقك عن المذاكرة والتى يجب عليك
أن تكتشفها وتحاول التغلب عليها، حتى تستطيع أن تدخل فى المذاكرة الفعالة، وأهم هذه الصعاب

1-عدم القدرة على التركيز أثناء المذاكرة،فتفقد وقتك فى التنقل
من درس إلى آخر ومن مادة إلى أخرى دون أن تذاكر شيئاً.

2-تراكم الدروس وعدم القدرة على تنظيم وقتك للانتهاء منها.

3-كراهية بعض المواد الدراسية، وتصديق الفاشلين الذين يخوفونك منها
ويصورونها لك على أنها (بعبع) لا يمكن التغلب عليه.

4-أصدقاء السوء الذين يضيعون وقتك فى اللهو والهراء دون تقدير لأى مسئولية.

5-القلق والتوتر الناتجان عن المشكلات الأسرية أو العاطفية والتى تشتت الذهن
وتضعف من قدرتك على الاستذكار الجيد والتقدم الدراسى.


كيف تقاوم النسيان وتقوى ذاكرتك ؟؟؟

اهتم علماء النفس بدراسة ظاهرة النسيان خاصة لدى الطلاب،
وحددوا بعض القواعد التى تساعد على التغلب على النسيان
وتعمل على تقوية القدرة على التذكر

وأهمها

1-تعرف على النقاط الرئيسية فى الدرس وضع خطاً تحتها وكرر قراءتها حتى تثبت فى ذهنك وذاكرتك.

2-لا تذاكر وأنت مرهق فالتعب لا يساعد على تثبيت المعلومات فتنساها بسرعة.

3-قسم المواد الطويلة إلى وحدات متماسكة يسهل فهمها وحفظها كوحدة مترابطة.

4-ثق فى نفسك وفى ذاكرتك واحفظ بسرعة.


الامتحـــــانات ؟‍‍‍‍‍‍؟؟

1-تأكد من جدول الامتحانات قبل موعده بوقت كاف.

2-لا تجهد نفسك قبل الامتحان وأهتم بغذائك.

4-لا تكثر من المنبهات ولا تتناول الأدوية المسهرة فهى تضرك أكثر مما تفيدك.

5-أعد أدواتك كل ليلة طبقاً لامتحان الغد. وخذ قسطاً كافياً من النوم قبل الامتحان
لترتاح جسمياً ونفسياً وذهنياً وتركز فى الامتحان.

6-بكر فى الذهاب إلى لجنة الامتحان، وقد أخذت ما يلزمك من أدوات،
ولا تنس رقم جلوسك، وأدخل الامتحان مستريح الجسم ، مطمئن النفس، واثقاً من النجاح.

7-أقرأ ورقة الأسئلة كلها جيداً بإمعان وهدوء ولا تتعجل فى الإجابة،
ولا تتردد عند الإجابة أو الاختيار حتى لا يضيع وقتك.

8-قسم زمن الإجابة بين الأسئلة المطلوب الإجابة عليها، واترك بعض الوقت للمراجعة،
ولا تغادر لجنة الامتحان قبل انتهاء الوقت.

9-اترك فراغاً بعد إجابتك عن كل سؤال فربما تحتاج إلى زيادة شيئاً ما عند المراجعة.

10-ابدأ بالإجابة عن الأسئلة السهلة، وتأكد من الأسئلة الإجبارية والاختيارية.

11-يفضل أن تكتب مسودة للإجابة، وتأكد أن المصحح يرجع إليها أحياناً ويحتسب لك درجاتها.

12-حدد المطلوب من السؤال بالضبط، وأجب على قدره، ورتب إجابتك فى شكل عناصر وفقرات.

13-إذا تذكرت نقطة متعلقة بسؤال آخر وأنت تجيب فسارع بكتابتها فى المسودة قبل أن تنساها.

14-لا تترك أى سؤال مطلوب منك إجابته دون أن تكتب فيه، وإذا لم تستطع الإجابة
عن السؤال كله فأجب عن الجزء الذى تعرفه منه،فإن ذلك يحتسب لك فى الدرجات.

15-لا تخرج من لجنة الامتحان قبل أن تراجع إجاباتك فربما تكون قد نسيت شيئاً
أو تتذكر شيئاً جديداً تضيفه للإجابة.

16-اعتمد على نفسك ولا تحاول الغش، فمن غشنا ليس منا كما قال رسول الله،
كما أن محاولاتك للغش تزيد من توترك واضطرابك، وتشتت أفكارك،
وتعرضك لإلغاء امتحانك والرسوب فأحذر أن تضيع نفسك.

17-تذكر أن وضوح خطك ونظافة كراسة الإجابة، وحسن تنظيم الإجابات وعرضها
من أهم عوامل النجاح والتفوق.
وأخيراً … نصـائح عامة للتفوق

1-حسّن علاقتك مع الله وتعرف إليه فى أوقات رخائك حتى يقف بجانبك
فى أوقات شدتك وعند حاجتك إليه .

2-ثق فى نفسك وفى عقلك وقدراتك، وتأكد أنك قادر على النجاح والتفوق
فأنت لست أقل ممن سبقوك على طريق النجاح .

3-اجتهد فى مذاكرتك وتأكد أن كل مجهود تبذله سيعود عليك بالنفع والخير
لأن الله لا يضيع أجر من أحسن عملاً .
4-حدد هدفك فى الحياة وضعه نصب عينيك، واجتهد فى الوصول إليه بكل قوتك
وإمكانياتك، حتى تنفع نفسك وأهلك ووطنك .

5-استعن بالله ولا تعجز، وأعلم أن ما أصابك لم يكن ليخطأك،
وأن ما أخطئك لم يكن ليصيبك، وأن الدنيا لو اجتمعت على أن يضروك بشىء
لم يضروك إلا بشىء قد كتبه الله عليك، وأن الدنيا لو اجتمعت على أن ينفعوك
بشىء ما نفعوك إلا بشىء قد كتبه الله لك.

6-لا تغضب والديك فدعاؤهما أكبر عون لك.

7-وادع دائما بمثل هذا الدعاء (اللهم إني أسألك فهم النبيين وحفظ المرسلين,
اللهم اجعل ألسنتنا عامرة بذكرك وقلوبنا بخشيتك...
إنك على ما تشاء قدير، وحسبنا الله ونعم الوكيل).

نتمني من الله عز وجل التوفيق للجميع

ان شاء الله
و معلش الموضوع طويل بس والله مفيد جدا
منقول لتعم الفائدة من موقع هندسة المنصورة
و بالتوفيق و النجاح ان شاء الله

[خالد أبوسعده]

بجد شكرا جدا جدا يا استاذ محمد علي النصايح الغاليه دى
ربنا يقدرنا علي اتباعها

و جزاك الله كل خير علي مساعدتك لينا
و دا طبعا لانك اخ كبير لينا و بتعتبرنا كلنا اخواتك الصغيرين

الف شكر ليك يا استاذ محمد

[محبة الرحمن]

الحمد لله خلصت قراءة

والله من كل نقطة استفدت حاجة جديدة

جزاك الله خير وبارك الله فيك

في معلومة عجبتني

9- احذر أن تقلد زملاءك في طريقة مراجعتهم؛ فلكل إنسان طريقته ومقدرته التي تميزه,
فإن طريقتك الخاصة في هذا الوقت هي أفضل الطرق.

والله المعلومة دي عن تجربة لو سمعت كلام حد غيرك فيها ممكن تخليك ما تقدر تذكار المادة


والمعلومة دي

6-لا تغضب والديك فدعاؤهما أكبر عون لك.
من اسباب البركة في الحياة وعن تجربة لا حياة لأحد لم يبر والديه

[queen of the lost love]

الموضوع ده جااامد جدا مع انو طوييل اوى بس فعلا مفيد اوى
شكرا يا استاذ محمد ويا رب تفيدنا ديما

[Hassan Mohamed]

موضوع رائع

شكرآ جزيلآ

[spider girl]

جزاك الله كل خير يا استاذنا
ربنا يجعله فى ميزان حسناتك

[mohamed-gohar]

جزاك الله خير يا استاذ محمد استفدت كتير

[Mohamed Saad Yassin]

شكرا جدا ليكم عالمرور
و يارب تكون استفادتم

[mony]

موضوع مفيد جداااااااا

جزاك الله خير يا أستاذ محمد

[Wild_Angel]

جزاك الله خيرا استاذ محمد نصائح غاليه حقيقى
بارك الله فيك
وان شاء الله بالنجاح والتوفيق للجميع

[wisam]

موضوع طويل اوى بس جميل جدا يا استاذ محمد
ربنا يجزيك عنا خير

[مى الشورى]

الف شكر لحضرتك على المعلومات
والنصايح الرائعه دى
وبجد حضرتك بتذاكر علم نفس كويس اوى

[froty]

الموضوع بجد حلو اوى

جزاء الله خير عنى

ايها الاخ الفاضل


http://www7.0zz0.com/2009/03/14/19/893330320.jpg

[froty]

الموضوع بجد حلو اوى

جزاء الله خير عنى

ايها الاخ الفاضل
http://www7.0zz0.com/2009/03/14/19/893330320.jpg

[شيماء رمضان الوهيبى]

اية الجمال دة واللة احسن موضوع قرأتة من اول دخولى فى المنتدى

ربنا يخليك يا استاذ محمد بجد موضوع رائع

[الفارس]

شكرا يا استاذ محمد على الموضوع الجميل دة

[Marwa Mahmoud]

ربنا يكرمك ويجزيك كل خير

استازى الفاضل

موضوع جميل جداااااااااااااااااا

وفعلا استفدت حجات كتير

بشكرك

[essam abd elftah]

جزاك الله كل خير يا استاذ محمد

[حسبى من الدنيا رضاك]

جزاك الله خيرا والله موضوع اكثر من رائع يارب يجعله فى ميزان حسنات حضرتك
والله استفدت جدا بس كان عندى تساؤل انا بعانى فى المذاكرة من البطء الشديد بس الحاجة اللى
بذاكرها ببطء بذاكرها كويس المشكلة انى مش بلحق اخلص كل المنهج بسبب المشكلة دى

[Soma]

شكرا جدا جدا موضوع رائع ومفيد لكل الطلبه وموضوعك صح جدا وعن تجربه
والموضوع اه كبير بس مملتش من قرايته عشان مفيد جدا
على فكرة الموضوع ده قريب من موضوع قريته فى كتاب قوة عقلك الباطن بس الكتاب بيتكلم عن اى شئ عايز تحققه
وتقنع عقلك الباطن بالحاجة دى وينفذها لكن طبعا بعد اذن الله سبحانه تعالى
وهنا عايزين نحقق النجاح فلازم اقناع العقل الباطن بتحقيق النجاح وحيتحقق فعلا لانه حيمهدلنا طريقنا للمذاكرة
بس برضه بعد اذن الله سبحانه وتعالى
وجزاك الله كل خير

[star09]

ربنا يكرمك ياستاذ محمد موضوع جامد جدا رائع والله

[surveyedu]

بشكرك كتير جدا يا أستاذي على أهتمام حضرتك
وجزاك الله كل خير

[reda_bebo99]

جزاك الله خير يا استاذ محمد وشكراا علي المجهود الرائع

[ميرا مار]

جزاك الله خيرا يا استاذ محمد

[روميو]

اشكرك ياستاذ محمد وربنا ينجحك كمان وكمان واشوف حضرتك دكتور انا شاء الله

[Zooma]

موضوع هايل هايل هايل يا استاذ محمد

[ibrahim_elsonbati]

و الله موضوع مفيد جدا و شكرا ليك يا استاذ محمد

[إسلام محمد]

الموضوع دة جاامد جدا جدا

جزاك الله خير يا استاذ محمد والله على مجهودك الرائع ده وعلى حرصك الشديد على تلامذتك وطلابك

ويارب فعلا الكل يستفاد من الموضوع الجميل ده

وجزاك الله خير مرة تانية

[sandra_sa]

الموضوع بجد جميل شكرا ليك يا استاذ محمدلاانك حريص على انك تفدناونتظررررررررررر المزيد

[ياسمين]

جزاك الله خيرا يا استاذ محمد على المعلومات القيمة
فعلا الموضوع طويل بس مفيد جدا

[Mohamed Gaber]

ربنا يخليك يا استاذ محمد والله موضوع تحفة و اكثر من رائع
وحزاك الله كل خير

[الشبح]

تسلم يا استاذ محمد

موضوع رائع جدا بجد

ربنا يجازيك خير

[محمد عمرو عبد الحليم]

جزاك الله خير يا أ/ محمد
على المعلومات القيمة دة
وان شاء الله هحاول اعملة وربنا يوفقنى انا ول زى
جزاك الله خير

[koky]

بجد من كتر الحماس اللى جوايا للمذاكره بعد ما قريت الموضوع ده حسيت انى خلاص ذكرت
جزاك اللـــــــــــــــــــه خيرا يا استاذى................

[هاجر]

احنا بجد بنشكرك اوى يا استاذ محمد الموضوع جميل اوى بجد ومفيد جدا ويارب دايما تنورنا بموضوعات جميلة ومفيدة جزاك الله كل خير

[toleban]

جزاك الله كل خيرا يا مثلى الاعلى الموضوع جميل جداااااااااااااااااااااااااااااااااااااااااااااااا اااااااااااااااااااا على الرغم من انه طويل

وبصراحة استفد منه اوى وربنا مايحرمنا من حضرتك وتفدنا دايما

[samomran]

جزاك الله خير يا استاذ محمد

فعلا كنا محتاجين الكلام ده

[tarek]

جزاك الله خيرا استاذ محمد نصائح غاليه حقيقى
بارك الله فيك

[alaa eid]

جزاك الله كل خير يا استاذ محمد
بجد معلومات في غاية الاهمية واستفدت منها كتييييييير

[abogaser_2010]

دكتور محمد بجد مش عارف أقولك إيه يمكن تفتكرني بجامل أو حتي تفتكرني بضيف رد والسلام لكن صدقني
أنا منبهر بالموضوع وعملت للصفحه حفظ عندي علي الجهاز وردي لشكرك علي المجهود حتي وان كان الموضوع منقول

[جنات]

جزاك الله خيرا يا استاذ محمد انا اول مره اقرا موضوع طويل وانا متشوقه كده ربنا يبارك فى حضرتك وتفضل تفيدنا كده على طول....

[samar]

بجد شكرا جدا ليك ياستاذ محمد وبجد استفد جدا بس يارب اعرف اعمله عملى

[محمد خضير]

جزاك الله خيرا يا استاذ محمد


وتزودنا دايما بما ينفعنا

[amr mohammed]

بجد موضوع رائع اوى
كان فين كل ده و احنا لسة فى الكلية
بس عالعموم الواحد يستفيد منه ايضا فى حياته بصفة عامة

[Mohamed Saad Yassin]

شكرا للجميع عالمرور
و يالله شدوا حيلكم
الامتحانات على الابواب
و الجدول فى الموضوع التالى
http://www.mesa7a.com/forum/showthread.php?t=6611
و بالتوفيق

[dero]

شكرا ليكى يا استاذنا و بجد موضوع استفدت منه و ربنا يكرمنا كلنا فى المذكره و الامتحانات
و جزاك الله خيرا

[الورده البيضاء]

الف شكر لاستاذنا المبجل
وجزاك الله كل خير على مجهودات سيادتك
وفعلا استفادنا كتير والحمد لله
وهيتم تطبيق هذة النصائح الغالية باذن الله

[AHMED MoSTaFa]

موضوع جامد جدا جدا شكــــرا يا غالى على المعلومات القيمه فى الذاكره والمذكره

[hazemelomda]

الموضوع جميل ربنا يباركلك

[bata_batot]

بجد شكرا شكرا شكرا

معلومات فى غايه الجمال وبجد استفدت من كل معلومه

جزاك الله كل خير وجعلك عون لنا باذن الله

[ALY ELSAYED]

الله ينور بجد يا استاذ محمد سعد

موضوع مفيد ومهم جدا جدا

وفي استفاده عظيمه لان اكيد في حاجات كانت تايهه مننا

جزاك الله كل خير

[mohamed ali]

الف شكررررررررررررررر
يااستاذ محمد على مجهودك
وجزاك الله عنا خيراً

[sh_vip]

دى نصائح غالية فعلا وانا عن نفسى هاجربها ودعواتى لك ولنا بالنجاح

[عصام العادلى]

ربنا يجعلة فى ميزان حسناتك

[Horiaa Swedan]

جزاك الله خيرا والله موضوع اكثر من رائع يارب يجعله فى ميزان حسنات حضرتك


والله استفدت جدا بس كان عندى تساؤل انا بعانى فى المذاكرة من البطء الشديد بس الحاجة اللى

بذاكرها ببطء بذاكرها كويس المشكلة انى مش بلحق اخلص كل المنهج بسبب المشكلة دى




بص فى ناس كتير بطيئه وانا بعتبر نفسى من الناس دى عشان كده لقيت الحل وماشيه عليه بقالى سنه والحمد لله جايب نتيجه
بص انت ممكن تعمل ايه

اولا: مناهجنا بتبقى كتاب ومحاضرات انت تعمل ايه تقرى المحاضرات كلها قرائه سريعه عشان تفهم الموضوع ماشى عن ايه :a41:

ثانيا : تقرى الجزئيه اللى قرتها من المحاضرات من الكتاب قرائه سريعه برضوا بحيث تقدر تفهم ايه الزياده والناقص وتغطى الموضوع:a41:

ثالثا : تبداء تركز فى جزئيه جزئيه وحده وحده بالورقه والقلم والملاحظات وتجمع بين المحاضرات والكتاب

بكده حتلحق تذاكر لانك الحاجات اللى مش حتلحق تذكرها ببطئ انت اخدت فكره عنها سريعه ساعت الامتحان حتفتكرها :a8::a8:

اهم حاجه القرائه تكون بتركيز
وان شاء الله الموضوع يجى بفايده:a34::a34:

[Horiaa Swedan]

موضووووووووووووووووووووووووووووع رائع جدا يا استاز محمد وبجد ده مش جديد على حضرتك انك ديما بتنقلنا كل ما هو مفيد وكل اللى يخلينا احسن حضرتك ونعم القدوه والاخ فى القسم ده بجد
ربنا يوفقك يارب

:a3::a3::a3: