المساعد الشخصي الرقمي

مشاهدة النسخة كاملة : ياهو ياهى :::هل تقبل بالعصمة فى ايد الزوجة؟(صفحة20)(متجدد)



شهاب بودا
03-15-2009, 06:52 PM
السلام عليكم ورحمة الله وبركاته

بصوا يا جماعه احم احم عشان نبقى واضحين وعلى نور الموضوع ده عايزين ناخده بهدوء(كله يجيب سلاحه) الموضوع ببساطه

احنا كل شويه هنغير مضمون الموضوع
والموضوع بيتناول عادات وتقاليد احنا ورثناها عن ابائنا واجدادنا وعايزين نناقشها هى صح ولا غلط ماشى بس زى ما انا قلت

:mad: بهدوء:mad: خالص:mad:

اتفقنا
ربنا يستر

هنبدأ معاكم بسؤال


ليه الراجل يجيب الشقه؟

سلمي جمال
03-15-2009, 07:02 PM
شهاب انت حتضرب بجد

شهاب بودا
03-15-2009, 07:13 PM
ليه بس كده يا سلا هو مافيش حد هيقف جانبى ولا ايه؟

سلمي جمال
03-15-2009, 07:15 PM
لاء يا شهاب
كدة انت حتخسر ناس كتيييييييييييييير

ههههههههههههههههههههههههه

شهاب بودا
03-15-2009, 07:17 PM
اهواضح انى هتفضح

المجاهد
03-15-2009, 07:22 PM
انا عارف جيب شقة وعفش واجهزة واكتب ئيما وفى الاخر يتخلع وهى تاخد كل حاجة ويطلع الراجل الطيب من الحكاية مسجون
صح لية هى متجبش الشقة
(من بكرة هتزوج)

شهاب بودا
03-15-2009, 07:32 PM
عندك حق وانا معاك

محمود ابوالمجد
03-15-2009, 07:51 PM
في اسرائيل الست هي الي بتروح تتقدم للراجل وهي الي بتجيب كل حاجة صح

بس ليه بقي عندنا كده

ده بسبب ان دينا بيحمل الراجل مسئولية ولو عايز تسال تسال كمان يا شهاب ليه بناخد ضعف نصيب الست في الميراث

وليه احنا الي بنطلق وليه وليه

اظن ان ده كله من صفات الراجل الشرقي قبل ما يكون متهيالي يعني من الدين

والله اعلم

شهاب بودا
03-15-2009, 07:59 PM
شكرا على التوضيح
بس فى سؤال رفيع انت فى ديشنا ولا فى ديش التانيين

Youssef Mostafa
03-15-2009, 08:50 PM
ايه يابودا شكلنا داخلين على حرب سودااااااااا
ببساطة ياسيدى
الراجل بيجيب الشقة عشان لو الشقة او البيت وقعت او اتدغدغ علىدماغ اللى فيه
الراجلهو اللى يخش السجن
عشان كدة قال الشاعر العظييييم
اللى معرفش اسمه
السجن للرجااااااااااااااااالة

شهاب بودا
03-16-2009, 07:57 AM
ايه الثقافه دى يا يوس

Shimaa MMB
03-17-2009, 09:42 PM
ديننا يلزم الرجل بالشقة ففي كتاب فقه السنه إن المسئول عن اعداد البيت شرعيا و تجهيز كل ما يحتاج اليه هو الرجل
و قال الله تعالى في سورة الطلاق (اسكنوهن من حيث سكنتم من وجدكم و لا تضاروهن لتضيقوا عليهن , و إن كن اولات حمل فانفقوا عليهن حتى يضعن حملهن)صدق الله العظيم الايه نزلت في صورة الطلاق فإذا كانت هذه الايات لوجوب النفقه بعد الطلاق و الزوج ملزم بتوفير المسكن فما بالك بالزواج نفسه و الله اعلم

Soma
03-18-2009, 10:17 AM
ديننا يلزم الرجل بالشقة ففي كتاب فقه السنه إن المسئول عن اعداد البيت شرعيا و تجهيز كل ما يحتاج اليه هو الرجل
و قال الله تعالى في سورة الطلاق (اسكنوهن من حيث سكنتم من وجدكم و لا تضاروهن لتضيقوا عليهن , و إن كن اولات حمل فانفقوا عليهن حتى يضعن حملهن)صدق الله العظيم الايه نزلت في صورة الطلاق فإذا كانت هذه الايات لوجوب النفقه بعد الطلاق و الزوج ملزم بتوفير المسكن فما بالك بالزواج نفسه و الله اعلم


ايوة ياشيماء وانا معاكى فى الرد ده
بس حلوة اوى فكرة طرح الاسئلة بتخلينا نفكر مع بعض

A.H.D
03-18-2009, 03:40 PM
شيمو كلامها صح
وبعدين هو الراجل بيروح يتقدم عشان هى تجيبلة الشقة
ههههههه
فكرة حلوة اوى

شهاب بودا
03-19-2009, 10:29 AM
ماشى ياهند يعنى احنا هنقلب على بعض

شهاب بودا
03-19-2009, 10:32 AM
احنا بقى النهارده هنغير السؤال وهو

ليه مافيش عيد للأب؟

Marwa Mahmoud
03-19-2009, 10:57 AM
فى البدايه بشكرك على الموضوع الجميل ده

سؤالك بيقول ليه مفيش عيد للأب ..؟؟؟

هو أصلا فيش حاجة اسمها عيد ام عشان يبقى فيه عيد اب

الام والاب هما الأثنين مفروض عيدهم يكون كل يوم بطاعتنا ليهم ..

الام هيا نبع الحنان والاب المسؤل الاكبر عن اسرتة

لكن الرسول صلى الله عليه وسلم وصى بالأم اكثر من الاب

فالجنة تحت اقدام الامهات . وهذا طبعا لا يجعلنا نقلل من شأن الاب

بالعكس هو مؤسسه كبرى تقوم عليها اسرة بأكملها

فلك ابى خالص حبى واحترامى ...

ميرا مار
03-19-2009, 01:17 PM
في اسرائيل الست هي الي بتروح تتقدم للراجل وهي الي بتجيب كل حاجة صح

بس ليه بقي عندنا كده

ده بسبب ان دينا بيحمل الراجل مسئولية ولو عايز تسال تسال كمان يا شهاب ليه بناخد ضعف نصيب الست في الميراث

وليه احنا الي بنطلق وليه وليه

اظن ان ده كله من صفات الراجل الشرقي قبل ما يكون متهيالي يعني من الدين

والله اعلم


الله ينور يا بشمهندس

ميرا مار
03-19-2009, 01:18 PM
جميل قوى الموضوع يا شهاب

عايزين بقى قضايا حقيقة فيه بين هو وهى

spider girl
03-19-2009, 02:22 PM
فعلا انا من راى مرمر
عيد الام والاب كل يوم مش فى المناسبات
ونضحك عليهم بهديه علشان عايزين حاجه هههههههههه

froty
03-19-2009, 02:23 PM
شهاب انت بترسم على انك لما يكون عندك اولاد يجيبولك هديه

ههههههههههههههههههههههههههههههههههههههههههههههه

خلاص يا عم هنعملك يوم نكرم فيه الاب مش عيد اب

لان مفيش عيد للام هو يوم تكريم ليها بس


http://www2.0zz0.com/2009/03/16/01/169776573.jpg

Shimaa MMB
03-19-2009, 02:44 PM
فروتي شكلها معاها حق يا بودا
و بعدين انا مع كل الآراء السابقة المفروض الاحتفال بالاب و الام كل يوم
الحاجة التانية إن مصر بتحتفل بعيد الاب نفس يوم عيد الام يعني عملوه عيد للاسرة ( الاب و الام)
موضوعك حلو ايه الاسئلة اللي جاية

سلمي جمال
03-19-2009, 03:18 PM
مش محتاجة اقول بعد رأي مرمر حاجة فعلا

A.H.D
03-20-2009, 10:29 PM
وانا مش هقول بعد الكلام اللى اتقال كلة حاجة
بس موضوع جميل اوى اوى

شهاب بودا
03-21-2009, 09:44 PM
يالهوى احنا هنروح القسم وكل واحد يا خد حقه

شهاب بودا
03-23-2009, 07:30 PM
السؤال الجديد



من اكثر عكننه؟ الراجل ولا الست؟

spring sun
03-23-2009, 07:47 PM
الست هي الكتر عكننه علي فكره لانها هي اللي بتبقي عايزه مصروف البيت ومصاريف المدارس

ومصاريف النور يعني حايتها كلها هات هات هات


والراجل بصراحه الله يكون في عونه هيجيب ده كله منين

فلو هي اقتصاديه تبقي الحياه حلوه ولو غير كده فهتبقي هي مصدر العكننه في البيت

سلمي جمال
03-23-2009, 07:50 PM
الســـــــــــــــــــــــــــــــــت

شهاب بودا
03-23-2009, 07:50 PM
الله عليك يا باشا يا ناصفنا

شهاب بودا
03-23-2009, 07:51 PM
مين تانى هيشارك

Soma
03-23-2009, 08:30 PM
فى ست بتحب العكننه
وفى راجل برضه ميكنش موجود فى مكان غير لما يكون فى عكننه
الخلاصه هما الاتنين
على حسب شخصية كل منهما

spider girl
03-23-2009, 09:52 PM
الست
بس علشان بتشيل هم بكرة

A.H.D
03-23-2009, 10:11 PM
لا الست السبب وحدها ولا الراجل سبب وحدة


الخلاصة

هم الاتنين

شهاب بودا
03-24-2009, 06:41 PM
هما الاتنين نولع فيهم يعنى

شهاب بودا
03-24-2009, 06:41 PM
ولا ايه رايكم

Soma
03-24-2009, 07:12 PM
لو انت رايك كده خلاص نولع فى الاتنين ونخلص منهم
اوك انا موافقة
ههههههههههه

شهاب بودا
03-24-2009, 07:42 PM
لا
ده مش راى

Soma
03-24-2009, 07:54 PM
مش سالت راينا نولع فى الاتنين ولا لاه
لو قصدك على الموضوع انا قلت رايى فيه
الاتنين فعلا فى امراة نكديه وفى رجل نكدى
بس مش كله على فكرة مثلا ناس كتيرة بعيدين البعد تماما عن النكد
وانا منهم مبحبش النكد تماما ولا انا انكد على حد ولاحد ينكد عليا
بهرب على طول من الاماكن اللى فيها نكد
بحس الناس النكديه دى ناس مريضه فيها ايه يعنى لو الناس فكرت فى الحاجت الحلوة اللى معاهم
وميخلوش النكد يتسرب ليهم ممكن اى شخص يزعل شويه من حاجة حصلت ويفكر فى الحاجة دى نهاية العالم يعنى عشان يفضل زعلان عليها

froty
03-25-2009, 12:25 AM
على فكرة يا شهاب

شكل نهايتك قربت يا بودا

ههههههههههههههههههههههه

بس الموضوع حلو ان احنا نتناقش فيه

وراى ان الانسان عموما يعنى ست وراجل مش طول الوقت نكدى ولا طول الوقت سعيد

يعنى مش الست لوحدها ولا الراجل لوحده لان الاتنين اصلا بيكملوا بعض سواء فى العكننه او فى السعاده

شهاب بودا
03-25-2009, 06:11 PM
اكيد طبعا يا فاديه

ياسمين
03-26-2009, 04:35 PM
والله المرأة الذكية هى اللى تطلب من زوجها اى حاجة وهو يعطيها لها وهو راضى ومبسوط
وبعد ين المرأة لما بتقول هات هات يعنى هتأخد الفلوس تحطها فى جيبها ولا دى حاجات مطلوبة فى البيت
وعموما لما يكون فى عكننة بيكون مصدرها الرجل وليست المرأة

semsema
03-26-2009, 06:16 PM
اولا الموضوع جامد اوى
افكارك حلوة اوى يا بودا
طبعا كرانشاوى بقى
بصوا بقى
انا دلوقتى فى اقصى حالات العكننه
ورأى فى الموضوع دا
ان العكننه معناها ان فى حاجة ناقصة
التفاهم بين الاتنين مش تام
او ممكن يكون فى حد فيهم انانى
يعنى الاحتمالان كتيييير اوى
بس مش حد فيهم على طول هو السبب
كل واحد بيعكنن على التانى حبه
حبه هو
حبه هى
بس كتير اوى هو
لان هو بيدى نفسة حقوق اوى اكتر منها
ودا طبعا علشان هو شرقى
المختصر المفيد انى اتخنقت وكفاية اوى كدة

شهاب بودا
03-26-2009, 06:36 PM
الله عليكى يا سماح

شهاب بودا
03-28-2009, 06:55 PM
السؤال بتاع النهارده

مين اعقل الراجل ولا الست؟

Soma
03-28-2009, 07:10 PM
الست تقريبا من الواقع اللى بشوفه عشان هى اللى بتعرف تقدر وتعقل الامور كويس بعكس الراجل
بس فى رجالة برضه عاقلين جدا وبيوزنوا كل كملة بيقولوها وبيحكموا عقلهم كويس
واعرف ناس كده بس قليل
شوف فى كده وفى كده فى ستات عاقلين وفى رجالة عاقلين
وفى ستات مجانين وفى رجالة مجانين
متقدرش تقارن فى العموم لكن لو قارنت بين اتنين قدامك فعلا تقدر تعرف بس ده ميتعممش برضه
اسئلتك حلوة بس محيرة بيبقى صعب نحكم ان ده كذا وده كذا عشان دى بتبقى نسب متفاوتة بين الاشخاص

Youssef Mostafa
03-28-2009, 07:11 PM
ياجماعة اللى انا حقوله دة مش تحيز ولا حاجة بس فى رايى

الرجل اعقل

والدليل

مثلا لو الست هى كانت صاحبة الشقة مثال يعنى ممكن لو اتعاركت معاك ترميلك حاجتك وتقولك اطلع برة

ودة دليل على انالست عقلها صغير

وطبعا فى حاجات تانية كتييييييييييييييييير

سلمي جمال
03-28-2009, 08:17 PM
الاتنين...............

شهاب بودا
03-29-2009, 06:07 PM
يلا مين تانى

ندي حجاج
03-29-2009, 11:48 PM
الامر نسبى بين الاتنين حسب الموقف ممكن تكون المراءة اعقل من الرجل و مش نكدية ممكن العكس بس انا مع ياسمين المراءة الذكية هى التى تكسب الرجل فى صلحها طول الوقت ويعطيها كل مايمتلك هو رادى عنة

شهاب بودا
03-30-2009, 06:52 PM
الله فين الباقى

شهاب بودا
04-01-2009, 01:40 PM
سؤال النهارده

مين أكتر حنيه الراجل ولا الست

Soma
04-01-2009, 04:42 PM
تقريبا الست اكتر عشان هى منبع الحنان

سلمي جمال
04-01-2009, 05:22 PM
الســـــــــــــــــــــــــــــــــــــــــــــــ ــــــت

firehawek
04-01-2009, 05:53 PM
الست هى اللى اكتر حنيه كفيه انها هى نصف المجتمع وهى بتربى النصف التانى

شهاب بودا
04-01-2009, 05:58 PM
يلا فين الباقى

lolaa fahmy
04-01-2009, 06:49 PM
الست طبعا احن

shemo
04-01-2009, 06:51 PM
اكيد الست هى الحنينة أكتر

toleban
04-01-2009, 06:54 PM
شكرا ليك ياشهاب


هى طبعا بتكون احن بطبيعتها

froty
04-01-2009, 07:29 PM
ربنا خالق الست بيتحكم فيها العاطفه يا شهاب

الموضوع مش محتاج سؤال

الست طبعا

Youssef Mostafa
04-01-2009, 07:32 PM
يبنى مش وائل جسار بيقولك

ارجوك بالراحة عليا صوتك مليان حنية

بصراحة كدة يابودا ان شايف ان الست هى اكتر حنية

spider girl
04-01-2009, 08:19 PM
ههههههههههههههههههه
ههههههههههههههههههههه
انا بضحك على يوسف على فكرة كلامه فى الجون
قال وائل جسار قاااال هههههههه



الست طبعا يا بودا دى عايزة كلام

Youssef Mostafa
04-01-2009, 08:35 PM
فعلا والله دى حقيقة الست حنينة بقلبها


لكن الراجل حنين بكلامه عنده كلام جااااااااااااااامد

froty
04-02-2009, 12:31 AM
عندك حق يا يوسف طبعا فاهم انت

ان الراجل كلام وبس لكن الست فعل

queen of the lost love
04-02-2009, 12:41 AM
اكيد الست هى مركز الحنيه ودى طبيعه فيها يعنى بس ده مايمنعش انها محتاجه حنيه الرجل

olivia nader
04-02-2009, 12:48 AM
الست لو حنينه
حتخلي الراجل يطلع كل الحنيه اللي جواه عشان يغطيها
مش مساله غيره بس بيبقي متبادل
اكيد الست حنينه ده طبع معروف
بس اكيد كمان الراجل حنين
الحنان ده اصلا سر الحب
اللي معندوش حنان من الست او الراجل يبقي معندوش قلب

سلمي جمال
04-02-2009, 12:53 AM
هو مش الكلام الحنان المتبادل

المقصود بصفة عامة

و الست بطبعها حنينة
او فيها احساس اكتر من الراجل
لان لو كان العكس كان حيبان في الاطفال يعني الام احن من الاب علي اولادها و دة بالفطرة مش بالعشرة

Youssef Mostafa
04-02-2009, 12:54 AM
بس بردو احنا الاصل

وع الاصل دووووووور

سلمي جمال
04-02-2009, 12:57 AM
طب يا يوسف
انت شايف مين احن

انت ولا ماماتك

خالد أبوسعده
04-02-2009, 12:59 AM
و الله انا رايى فى الموضوع دا و من الى شوفته من ناس كتيييييير

ان الحنيه دى صفه
الصفات دى مش مرتبطه باذا كان دا راجل ولا ست

دى حسب شخصيه الانسان دا

فى ستات حنينه كتيير اووووووووووى
و فى رجاله حنينه اوووووووووى
و العكس صحيح

بس بتفرق فى طريقه العرض عند الاتنين

الست ليها طريقه فى الحنيه
الراجل ليه طريقه فى الحنيه

و كل واحد منهم بيحب الطريقه بتاعت الطرف التانى من التانى

و شكرا...

علي فكره الموضوع جااامد اوى

محمد خضير
04-02-2009, 01:38 AM
بص يا بودا فى الاول بيكون الراجل بس بعد كده بتكون الست

وعموما المراة اكتر حنية على الرغم من انها اكتر قسوة من الراجل

فهى تجمع بين الشىء ونقيضه

Youssef Mostafa
04-02-2009, 02:23 AM
طب يا يوسف
انت شايف مين احن

انت ولا ماماتك


'طبعا مامتى هى دى عايزةكلام يعنى بس مش دة موضوع شهااااب

nouna
04-02-2009, 03:04 AM
ايه ياشهاب طبعا الست هى الحنينة الراجل شخصيته قوية هيجيب الحنية منين هوه فى اكيد حنية لان الطبيعى انه بيحس بس الست اكتر طبعا

Youssef Mostafa
04-02-2009, 10:07 AM
متتغروش اوى كدة مش عشان جينا معاكو المرة دى بس :p:p:p:p

nouna
04-02-2009, 07:07 PM
يايوسف مصطفى مش جيت معانا الحق حق

هاجر
04-03-2009, 02:38 PM
انا رايي ان مش دايما الست بتبقى احن من الراجل سعات كتير الراجل بيكون احن بكتييييييييير بكلامة وبفعلة بس ف اغلب الاوقات ان الست احن طبعا بشكرك يا بودا ع الموضوع الجامد دة

شهاب بودا
04-03-2009, 05:01 PM
العفو يا هاجر ده واجبنا

شهاب بودا
04-06-2009, 06:09 PM
السؤال بتاع النهارده

ينفع العريس اصغر من العروسه؟

يعنى ممكن العريس يبقى اصغر من العروسه ولا ماينفعش

alaa eid
04-06-2009, 07:25 PM
أنا شايفة لو كان أكبر بسنة ممكن لان ممكن يكون في تفاهم اكتر من اللي أكبر منك بس لو أكتر من كده مش هاينفع
وشكرا ليك كتير يا بودا

شهاب بودا
04-06-2009, 07:56 PM
انا شايف انه ماينفعش يكون اصغر منها ده بالعافيه يكون قدها

Youssef Mostafa
04-06-2009, 08:16 PM
ليه يابودا بقى عندك سبب مقنع

Soma
04-06-2009, 08:25 PM
ينفع على فكرة وحصلت فعلا
بس انا مش حابة الموضوع ده الاحسن يكون اكبر منها ويكون احسن لواكبر بخمس سنين او سته
ده الافضل يعنى بس لو اكبر بسنه خلاص مفيش مشكلة بس اصغر ماارجحش

سلمي جمال
04-06-2009, 09:31 PM
nooooooooooooo

Youssef Mostafa
04-07-2009, 03:21 PM
ومالك بتقوليها بقلب ليه كدة ياسلمى
ههههههههههههههههه

Marwa Magdy
04-07-2009, 03:27 PM
هو ينفع يكون العريس اصغر
بس انا ما برجحش كده خالص
بيتهيألى المفروض انه يبقى اكبر منها ب 4 سنين على الأقل
علشان بيقوا فى مستوى تفكير متقارب
ودى وجه نظرى

Youssef Mostafa
04-07-2009, 04:01 PM
انتو بتقولوا لازم يبقى اكبر منها ب 4سنين على الاق عشان يبقوا فى مستوى تفكير واحد

معنى كدة ان المراة تفكيرها وعقلها اصغر من الراجل

spider girl
04-07-2009, 05:54 PM
لا مش كده خالص يا بطوط
بص يا سيدى
انا من منظورى الشخصى ههههههههه
انه مينفعش يكون اصغر منها بتاااااااااتاااااااااا
ليه باه علشان البنت بتكبر عقليا وجسمانيا
قبل الولد بسنتين ودى حقيقه علميه والله
يعنى المفروض الولد يكون اكبر من البنت بسنتين وطالع
ومينفعش يكون اصغر ليه هتربى من جديد ولا ايه؟

Youssef Mostafa
04-07-2009, 06:02 PM
ماشى اميكى

spider girl
04-07-2009, 06:14 PM
بطل باه

المهم تكون اقتنعت يا بطوط

شهاب بودا
04-07-2009, 06:24 PM
واضح كده ان الموضوع سخن

Youssef Mostafa
04-07-2009, 06:35 PM
لا مقتنعتش طبعا

شهاب بودا
04-07-2009, 07:59 PM
اقتنع ولم الدور يا عم

Youssef Mostafa
04-07-2009, 08:55 PM
الم الدور ايه يابودااا انت بتجيييب ورا ولا ايه؟

انا عايز اسباب مقنعة يعنى

حاجات منطقية تدخل العقل

spider girl
04-08-2009, 01:53 AM
يعنى الى قلته مش مقنع
حد يشهد معانا يا خونا

Youssef Mostafa
04-08-2009, 02:02 AM
لا مش مقنع خالص اصلا

olivia nader
04-08-2009, 02:06 AM
جواز عتريس من فؤاده بااااااااااااطل
ماينفعش بجميع المقاييس
لان فكريا كده لازم يكون اكبر بسنتين علي الاقل
ثم ان ده مش معناه ان عقل البنت هو اللي اصغر
طبعا معناها العكس
و هدي اللعب يا جو

Youssef Mostafa
04-08-2009, 02:09 AM
مهو هم اختيارين ياما عقل البنت اصغر بطبيعته ودة طبيعى اصلا

ياما مفيهاش حاجة

لعب ايه يا اولى دة نقااااااااش

وانا لسة مقولتش رايى

بس مستنى اشوف الباااااااااقى

Soma
04-08-2009, 03:18 AM
لا مش كده خالص يا بطوط
بص يا سيدى
انا من منظورى الشخصى ههههههههه
انه مينفعش يكون اصغر منها بتاااااااااتاااااااااا
ليه باه علشان البنت بتكبر عقليا وجسمانيا
قبل الولد بسنتين ودى حقيقه علميه والله
يعنى المفروض الولد يكون اكبر من البنت بسنتين وطالع
ومينفعش يكون اصغر ليه هتربى من جديد ولا ايه؟

كلامك صح جداااااااااا وانا معاكى فى الكلام ده
ده قصدى برضه لما قلت لازم الولد يبقى اكبر من البنت
يعنى يايوسف الولد اللى اد البنت هو اللى تفكيره بيبقى صغير
فلازم يكون اكبر منها عشان يقدر يوصل لتفكيرها وعقليتها

شهاب بودا
04-08-2009, 06:35 PM
على فكره البنت تفكيرها مش اكبر من الولد ولا حاجه كلالحكايه انه لازم يكون قدها اواكبر عشان مافيش مره الست تفتكر انها اكبر من الراجل فتقول ان رايها هو الى صح وبس

Youssef Mostafa
04-08-2009, 07:51 PM
مهى لو الست عملت كدة يابودا سورى يعنى تبقى ...............
ولا بلاااش

samomran
04-09-2009, 03:39 PM
بسم الله الرحمن الرحيم

اولا طبعا انا احب انى ابدى شكرى و اعجابى بالقضيه المطروحه

ثانيا
و بدون اى تحيز و الله

انا مش شايف اى داعى للدوشه اللى معموله دى

ممكن يكون الولد اصغر من البنت
وده جااااااااايز

و ممكن تكون البنت اصغر من الولد
لكن امىت ده و امتى ده

ممكن يكون الولد اصغر من البنت

لما يكونوا واخدين بعض عن حب دى الحاله الوحيده اللى يقبل بيها فى الموقف ده

لانهم حيكونوا فهامين بعض

و عقليتهم اتبرمجت على بعض و دى حقيقه

لكنغير كده مش حقول مستحيل لكن صعب انه يحصل توافق بينهم

و ما تنسوش يا جماعه ان الرسول عليه الصلاه و السلام تزوج السيده خديجه و هى اكبر منه ب15 سنه

مش سنتين هنا ولا ثلاثه

samomran
04-09-2009, 03:40 PM
و انا من راى و من راى معظم الدعاه الاسلاميون بل الاغلبيه انها اعظم قصه حب فى التاريخ

و سال الرسول عليه الصلاه و السلام بعد وفاه السيده خديجه من احد الصحابيات

(الا تتزوج يا رسول الله )

فقال رسول الله

الا من بعد خديجه من احد

بمعنى هو فى حد بعد خديجه


و فى ناس ممكن تعترض على كلامى و تقول ده رسول الله

قال الله تعالى (لقد كان لكم فى رسول الله اسوه حسنه لمن كان يرجوا الله و اليوم الاخر )

ده شم معناه انى اقولك روح خد واحده اكبر منك

لالالا
لكن انا بقولك انه جاايز

samomran
04-09-2009, 03:41 PM
و بتبقى ناجحه
و رسولك عمل كده

و على فكره يا جماعه السيره النبويه مش معجزه لكنها منهجيه تفكير و اصلاح و لكنا ممكن نعمل زيها

فليه نقول لازم و نشترط و نحط قوانين و نتشاجر فى شىء ممكن يحصل

و على فكره لو حصل و توافقوا ممكن تبقى قصه حب فوق الروعه


ارجوا انى اكون ما طولتيش عليكم

و السلام عليكم و رحمه الله و بركاته

Youssef Mostafa
04-09-2009, 03:46 PM
بسم الله الرحمن الرحيم

اولا طبعا انا احب انى ابدى شكرى و اعجابى بالقضيه المطروحه

ثانيا
و بدون اى تحيز و الله

انا مش شايف اى داعى للدوشه اللى معموله دى

ممكن يكون الولد اصغر من البنت
وده جااااااااايز

و ممكن تكون البنت اصغر من الولد
لكن امىت ده و امتى ده

ممكن يكون الولد اصغر من البنت

لما يكونوا واخدين بعض عن حب دى الحاله الوحيده اللى يقبل بيها فى الموقف ده

لانهم حيكونوا فهامين بعض

و عقليتهم اتبرمجت على بعض و دى حقيقه

لكنغير كده مش حقول مستحيل لكن صعب انه يحصل توافق بينهم

و ما تنسوش يا جماعه ان الرسول عليه الصلاه و السلام تزوج السيده خديجه و هى اكبر منه ب15 سنه

مش سنتين هنا ولا ثلاثه





و انا من راى و من راى معظم الدعاه الاسلاميون بل الاغلبيه انها اعظم قصه حب فى التاريخ

و سال الرسول عليه الصلاه و السلام بعد وفاه السيده خديجه من احد الصحابيات

(الا تتزوج يا رسول الله )

فقال رسول الله

الا من بعد خديجه من احد

بمعنى هو فى حد بعد خديجه


و فى ناس ممكن تعترض على كلامى و تقول ده رسول الله

قال الله تعالى (لقد كان لكم فى رسول الله اسوه حسنه لمن كان يرجوا الله و اليوم الاخر )

ده شم معناه انى اقولك روح خد واحده اكبر منك

لالالا
لكن انا بقولك انه جاايز





و بتبقى ناجحه
و رسولك عمل كده

و على فكره يا جماعه السيره النبويه مش معجزه لكنها منهجيه تفكير و اصلاح و لكنا ممكن نعمل زيها

فليه نقول لازم و نشترط و نحط قوانين و نتشاجر فى شىء ممكن يحصل

و على فكره لو حصل و توافقوا ممكن تبقى قصه حب فوق الروعه


ارجوا انى اكون ما طولتيش عليكم

و السلام عليكم و رحمه الله و بركاته



هو دة الكلام ياسلااااااام قولهم حاجة يعم
انت كدة جيبت م الاخر
دليل جامد والله الرسول صلى الله عليه وسلم
والله يبنى انت مية مية
كلامك زين والله كله

samomran
04-09-2009, 03:49 PM
و الله يا جماعه انا قولت راى بدون اى تحيز

مش مستحيل ولا صعب لكنه جااااااااااااااااااااااااايز

و اللى يقول السيره النبويه صعب

وده الرسول
اقول له لا


السيره النبويه المعجزات فيها مش لتغير مجرى الاحداث لكن للتثبيت

و زواج الرسول من السيده خديجه مش معجزه و الله

دى حقيقه واحد وواحده عادى جدااااااااااااااااااااااااا

قل انما انا بشر مثلكم



و بجد انا مش شايف سبب للدوشه اللى عملاها البنات

Youssef Mostafa
04-09-2009, 04:17 PM
وانا والله ياسلام بقول كدة زيك بالظبط بردو

مش شايف فيها اى حاجة

قالوا لأ لازم تكون البنت اكبر

عشان مستوى تفكير البنت اكبر من مستوى تفكير الولد

عند امه يادهم ههههههههههههههههههههه

شهاب بودا
04-09-2009, 06:55 PM
ايه يا يوس انت متحمس اوى ليه كده

ميرا مار
04-09-2009, 07:00 PM
:oههههه مش عارفة

ماللك يا يوسف متحمس لييييييييييييييييه
هى اكبر منك بكتير؟؟:o

شهاب بودا
04-09-2009, 07:02 PM
ههههههههههههه
الله يا باشا

ميرا مار
04-09-2009, 07:02 PM
الموضوع المرة دى جميييييل يا شهاب

وفى الصميم على فكرة


وجايز طبعا ..بس اللى اهم من الحب الايام دى هو التفاهم

لو فى تفاهم.. واحتواء من الطرفين لبعض

هتتلاشى فروق السن اطلاقا..

بس دى مش قاعدة الحقيقة ..هى حاجة صعبة بس لما بتحصل بتيقى لذيذة

ميرا مار
04-09-2009, 07:05 PM
اه اقولك مثال بقى

انا عندى ابن عم مامتى متجوز واحدة اكبر منه ب 10 سنين

عايزة اقولك بيموووووووت فيها وهى بتغير عليه مووت

وعلى فكرة ربنا مارزقهمش بولاد ومع ذلك.. مايستغنوش عن بعض

ادعولهم بقى

وعندى واحدة قريبتى بقى العكس جوزها اكبر ب 15 سنة

مافيش تفاهم خااااااااااالص وكل واحد عايش فى اتجاة

وعجبى

Youssef Mostafa
04-09-2009, 07:08 PM
ايه يامعلم جدىىىىىىىىى

بدل متبقى معايا تبقى علياا

متخلينا حلوييييييين


هههههههههههههه

لا واله سنة بس كتيير؟؟؟

samomran
04-09-2009, 07:10 PM
و الله يا جماعه زى ما انا قولت
الموضع مش مستحيل
او معادله صعبه

هى الفكره فكره وجود محاور للتفاهم
و منها ممكن نقول انهم ممكن بتوافقوا مع بعض

وب عدين يا ياسوف انت مالك متحمش اوى لما قولت راى كده


واضح انها اكب منك

ولا ايه يا صاحبى

Ahmed Mohamed
04-09-2009, 07:11 PM
اولا يا جماعة الموضوع مهم جدا ومنتشر اوي اليومين دول
الولد بيحب بنت اكبر منه
اقول رايي بصراحة


انا شايف ان المفروض البنت تكون اصغر من الولد علي الاقل بسنة او سنتين


اقول ليه


لان من الاعراف الطبية ان المراة بعد سن الاربعين تفقد قدرتها علي الانجاب

( بمعني بالبلدي كده ان الست بتعجز قبل الراجل )

وبالتالي لو الولد اصغر من البنت ممكن ينظر الي مراة اخري

وبالتالي تتولد الغيرة لدي الزوجة الاولي
لان الراجل ببساطة بيبقي لسة فيه نشاط ( يعني عاوز يتجوز تاني مثلا )
بيشوف ان مراته كبرت خلاص وبيبقي عاوز يعيش سنه لانه لسة صغير


دي وجهة نظري


لكن انا ليس ضد زواج الرجل بامراة اكبر منه
بس دي وجهات نظر يا جماعة

شهاب بودا
04-09-2009, 07:13 PM
هههههههههههه وعجبى بس يا ميرا مش كل مره تسلم الجره

Youssef Mostafa
04-09-2009, 10:46 PM
وهى الجرة جت عليا انا ياشهاب ومتسلمش يعنى

time mystery
04-09-2009, 11:23 PM
بس يا شهاب لو انت شايف ان الشقة تجيبها العروسة يبقي غلط انت قوام البيت

Soma
04-09-2009, 11:36 PM
وهى الجرة جت عليا انا ياشهاب ومتسلمش يعنى


شكلها يايوسف كده اكبر منك بجد :D:D

Ma7amed Adel
04-09-2009, 11:44 PM
الله ينور يا باشا مهندس شهاب بس لية احم احم دى ههههههههههههه ما تخفش عاحميك

Youssef Mostafa
04-09-2009, 11:50 PM
سوماااااااااااااااااااا:rolleyes:


انتى مواركيش غير هنا ولا ايه:mad:

فكك منىىىىىىىىى:D

Soma
04-09-2009, 11:52 PM
حاااااااااااااااااااااااااضر

خالد أبوسعده
04-10-2009, 12:28 AM
بجد شائك اوى الموضوع دا

و الله انا رايى ان السن مش عائق قدام حب حقيقى

لكن لو مش حب حقيقى و موضوع صالونات

يبقى لازم البنت تكون اصغر من الولد او فى سنه علي الاقل

و بس كدا

Youssef Mostafa
04-10-2009, 03:55 AM
و الله انا رايى ان السن مش عائق قدام حب حقيقى

و بس كدا


هو دة الكلاااااااااااااااااااااااااااااام ياناااااااااااااااااس

froty
04-10-2009, 09:13 PM
واسع واسع واسع ..........................

انا جيت .................

بصوا بقى

انا عندى وجهة نظر

والبنات متزعلش لانها حقيقه

البنت اكبر من الولد سنتين عقليتين اه

بس ده قبل العشرينن ..لكن

بعد العشرين بيكون النمو العقلى للمرأه بطىء والعكس عند الراجل

يعنتى مفيش اى مشكله لو الراجل اصغر من الست

وديه وجهة نظرا

خلاف للحقيق العلميه

يا رب البنات متزعلش منى

وجامد جدا الموضوع ده يا شهاب

ميرسى عليه

Youssef Mostafa
04-11-2009, 06:56 PM
واسع واسع واسع ..........................

انا جيت .................

بصوا بقى

انا عندى وجهة نظر

والبنات متزعلش لانها حقيقه

البنت اكبر من الولد سنتين عقليتين اه

بس ده قبل العشرينن ..لكن

بعد العشرين بيكون النمو العقلى للمرأه بطىء والعكس عند الراجل

يعنتى مفيش اى مشكله لو الراجل اصغر من الست

وديه وجهة نظرا

خلاف للحقيق العلميه

يا رب البنات متزعلش منى

وجامد جدا الموضوع ده يا شهاب

ميرسى عليه


هو دة الكلام الصح بردو الله ينور يافروتى ومحدش يزعل منك طبعا
عشان انتى بتقولى الحق

خلاص بقى ياشهاب تخسر المرة دى

شهاب بودا
04-12-2009, 11:41 AM
سؤال النهارده

هل الراجل يغفر خيانة المرأه؟
يعني عايزين نعرف ليه الست ممكن تغفر للراجل الخيانه والراجل؟

samomran
04-12-2009, 12:53 PM
فى الواقع يا شهاب انا شايف ان الست تغفر للراجل الخيانه
لان الراجل معرض للغلط لان احتكاكه بالحياه عامه اكتر من المراه

لكن المراه ليه تخون فىوجود زوج يحميها و يراعاها
بصراحه مش شايف سبب للخيانه هنا

Soma
04-12-2009, 03:15 PM
انا مع راى samomran
بس اعتقد تقريبا مش الراجل بس اللى مش بيغفر والمرأة كمان مش بتغفر
عشان ده اكيد بيجرحها فى كرامتها وفى نفسها
والراجل مش بيغفر برضه عشان كرامته اللى اتجرحت
فى كلتا الحالتين الاتنين مش حيقدروا يرجعوا يعيشوا حياتهم زى ماكانت
وممكن المرأة تغفر فى حالة لو فى اولاد عشان بتفكر فى مستقبل اطفالها
ومش بترضى تهد بيتها بايدها
لكن الراجل تقريبا مش بيفكر زيها بيفكر بس فى كرامته اللى اتجرحت
بصراحه هما الاتنين الخاينين منهم عايزين الحرق ههههههه

Youssef Mostafa
04-12-2009, 03:23 PM
يااشهاب ان شايف ان المفروض ولا الراجل يخون ولا الست اصلا

لان الخيانة فى حد ذاتها سواء من الراجل او من الست شئ مش عادى
عقوبته القتل للست

وعقوبته للراجل بقى ان الست تنفصل عنه

موضوع جامد ياشهاااب

شهاب بودا
04-13-2009, 06:54 PM
يلا مين تانى يرد

شهاب بودا
04-19-2009, 07:13 PM
6ايه خلصت الردود

خالد أبوسعده
04-19-2009, 08:13 PM
طبعا بشتى الاوجه الخيانه لا تغتفر

لو اغتفرت من الانسان ربنا موجود

الست الى تخون جوزها يبقى متستحقش انها تعيش معاه
و الراجل الى يخون مراته حرام فيه انها تراعى فيه ربنا

شهاب بودا
04-22-2009, 07:11 PM
سؤال النهارده


ايه صفات فتى او فتات أحلامك؟

سلمي جمال
04-22-2009, 07:31 PM
طب انا ارد ازاي يعني

Horiaa Swedan
04-23-2009, 12:46 AM
موضوع رائع اشكرك عليه

بالنسبه للسؤال

فتى او فتات الاحلام مجرد مسمى بنطلقه على شخصيه مهما تخيلت صفتها وشكلها بتظل عاجز عن ايجادها

لان الحب اعمى لا يدرك تلك المواصفات

انا من وجهه نظرى انك لو حبيت حد بجد مش حتبص للشروط اللى انت حتطها لفتى او فتات احلامك

بس ممكن نقول ايه اللى يجذبنى انى احب اللى قدامى

اهم صفه هى الحنيه والطيبه

بس فى نفس الوقت يبقى جدع ويخاف عليا لو غلط يزعق يحسسنى بالامان

يحترمنى ويحترم رأى

يصبر عليا لانى سعات كتير بعمل حاجات مبقصدهاش تزعل

يكون شكله مقبول وياسلام لوبيلبس نضاره او عنيه ملونه

تقبل مرورى

شهاب بودا
04-24-2009, 05:32 PM
يلا فين باقى فتيان وفتيات الاحلام

froty
04-24-2009, 09:01 PM
شهاب انت مشكله يا ابنى

بس عموما فتى احلامى اهم حاجه فيه لازم تكون قوه التحمل

علشان انت عارف اختك طبعا لما بتتنرفز

وبمعنى اصح عاوزه فتى احلامى يقدر يحتوينى وبيتهيالى ساعتها اكيد هبدا ابطل نرفزه

وشكرا يا شهاب على السؤال الغريب جدا ده

Soma
04-25-2009, 02:55 AM
انا بقى نفسى يكون متدين ويراعى ربنا فيا ومبيدخنش طبعا تكون شخصيته قوية يكون انسان فعلا
بما تحمل الكلمة من معانى يبقى حنين جدا وطيب ومتفاهم جدا يقدر يفهمنى وافهمه انا كمان
يحتوينى ويخاف عليا
يعنى وصفات تانية كتيرة بس انا مش فاكرة غير دول بس دلوقتى :D:D
لكن تعرف برضه لو حبيت حد اوى مش حفكر فى المواصفات دى خالص بس طبعا بيبقى فى مواصفات اساسية
لازم تبقى موجوده انه لازم بيكون مواصب على الصلاة ومبيدخنش فعلا انا بستحقر اساسا الناس اللى بتدخن دى
ربنا يهديهم
وبس كده خلاص

Youssef Mostafa
04-25-2009, 03:00 AM
الله الله

انتو بتتكلموا عليا :p:p:p

Soma
04-25-2009, 03:53 AM
الله الله

انتو بتتكلموا عليا :p:p:p



هههههههههههههههههههههههههه
طيب قولنا انت كمان يمكن تطلع بتتكلم على حد هنا برضه :D:D:D

roma
04-25-2009, 04:28 AM
لو ترضى تقعد فى شقه مراتك هى الادافعه ثمنها اقعد ياعم شهاب
فى المشكله التانيه السن لا يعوق الحب بس صحيح هى مش حلوه ان الواحد يتزوج بوحده اكبر منه
المشكله الثالته
هناك سيدتا بتعمل خارج المنزل يبقى كمان الراجل ملهوش سبب انه يخون
وهى بتغفر لانا اضعف منه وليس اكثر

Youssef Mostafa
04-25-2009, 09:49 AM
هههههههههههههههههههههههههه
طيب قولنا انت كمان يمكن تطلع بتتكلم على حد هنا برضه :D:D:D




هنا فين صلى ع النبى بس ياسومااااا

Soma
04-27-2009, 02:01 AM
عليه افضل الصلاة والسلام

الورده البيضاء
05-04-2009, 02:04 AM
موضوعك جميل جدا ياشهاب بجد حلو اوى
بص ياسيدى
اولا انا مش مع سوما انى لو حبيت حد مش هفكر فى المواصفات اللى حطاها فى عقلى او متخيلاة فيها
لانم يبقى فية ولو جزء كبير من المواصفات اللى انا عيزاها
اللى هى احم احم
اولا
يكون بيصلى وبيعرف ربنا عشان يتقى ربنا فى معاملتى
مش بيشرب سجاير
بيحترمنى واحترمة
ويكون راجل بجد شخصية يعنى وتكون قوية جدا كمان
متفاهم _ديموقراطى_ ومش شرط الشكل على فكرة المهم انة يكون مقبول شكليا وخلاص
مش بخيل
عشان دى خلاص بقت صفة مرتبطة بالرجالة اليومين دول
ويكون متعلم واخد كلية
ويكون مرح مش كشر ى ينكد علية
ويكون رومانسى جدا هههههههههههه

بس ككدة شوفت انها مواصفات سهلة ازاى؟

Soma
05-04-2009, 12:59 PM
على فكرة يا إيمى انا قولت فى الاخر

لكن تعرف برضه لو حبيت حد اوى مش حفكر فى المواصفات دى خالص بس طبعا بيبقى فى مواصفات اساسية
لازم تبقى موجوده انه لازم بيكون مواصب على الصلاة ومبيدخنش

قوليلى بقى مش معيا فى ايه انا قولت تقريبا نفس كلامك

الورده البيضاء
05-06-2009, 10:03 PM
على فكرة يا إيمى انا قولت فى الاخر

لكن تعرف برضه لو حبيت حد اوى مش حفكر فى المواصفات دى خالص بس طبعا بيبقى فى مواصفات اساسية
لازم تبقى موجوده انه لازم بيكون مواصب على الصلاة ومبيدخنش

قوليلى بقى مش معيا فى ايه انا قولت تقريبا نفس كلامك

متزعليش ياقمر
انا كنت فاكرة انك ممكن تتنازلى عن حاجة زى الصلاة فى اختيارك
بس يعنى حصل خير المهم متزعلش ياقمر

Soma
05-06-2009, 11:21 PM
انا مزعلتش كنت بوضح بس
وكمان بحب اوى اغلس عليكى :D:p

تغاريد العصافير
05-16-2009, 05:04 PM
ايه الكلام الكبيييييييير ده هو ده اللي فاضل ويبقي ايه لزمته ويحس بقيمتها ازاي بعد كده؟؟:D:D

محمد حمدى
05-16-2009, 07:09 PM
طبعا يا بودا انت عارف المواصفات اللى انا عايزها....
1-تكون ملتزمة وحافظة القران وذات خلق ودين.
2-تكون جميلة .
3-تكون بتحبنى موت جدن يعنى .. هو اكيد طبعا انا ححبها اكتر ما هى بتحبنى.

TiToO
05-16-2009, 07:21 PM
wAt eVeR.....

samomran
06-14-2009, 01:20 AM
موضوع جميل

و انا يمك هى صفه واحده مكن يجيى بعدها كل شىء كويس

و هو الاخلاص

لان الاخلاص دلوقتى نادر الوجود و اذا وجد فان الحياه ستكون اسهل مما نتصور

اما اذا لم يوجد

فبطن الارض خير لنا من ظهرها

surveyor0000
08-06-2009, 08:33 PM
الموضوع جميل جدا يا جماعه و الله و بجد بيخلي كل واحد يفكر هو يتمني ايه و مايتمناش ايه في مواصفات شريك حياته ..

انا شايف ان الشرط الاساسي هو الحب

لان الشرط ده لو موجود هيلغي معظم الكلام اللي احنا بتقولوه ,, يعني مثلا اللي عامل ليسته طويله بالمواصفات ده عايز شخص تفصيل ,, و لما يحب جايز يلاقي حاجات من اللي رافضها في حبيبه لكن مش هيشوفها او هيعمل نفسه مش شايفها , و بعد كده يحاول يصلح منها

الموضوع مش مجموعه شروط تحت بعضها ,, شرط الحب كفايه لان بيه كل شيءبيتغير , ولو فعلا ان المواصفات دي كلها اتجمعت في شخص جاهز مش تفصيل . هل تبقي انت تطابق عليك شروط الانسان التاني ده ؟؟؟

انا رأيي اننا نحب و ناخد فرصه اننا نتحب و يكون في اساسيات بس في اختيارنا و بعد كده نبتدي نصلح من بعض

ميرا مار
08-13-2009, 08:12 PM
فين يا شهاب الموضوع الجديد

نحن فى الانتظار

شهاب بودا
08-24-2009, 02:01 PM
سورى انى اتأخرت على مواضيعى عشان كان فى مشاغل

شهاب بودا
08-24-2009, 02:02 PM
موضوع النهارده
يارترى المعاكسات مين السبب فيها البنات ولا الولاد؟

Horiaa Swedan
09-06-2009, 03:55 AM
ايه الغيبه دى كلها.

Horiaa Swedan
09-06-2009, 04:02 AM
احب اكون اول اللى يرد فى الموضوع الجديد

بصوا هما الاتنين السبب مش حنقدر نرمى الحمل على واحد

فى شباب طبعهم كده يعكسوا اى حد وممكن تبقى بنت ماشيه فى حلها ويعكسها هو خلاص اللى فى داء مش بيبطله.

وفى بنات بتستفز اللى قدمها عشان يعكسها ودى بتبقى مريضه او عندها عقدت نقص عايزه تحس انها حلوه .

فى كل الاحوال الجديد فى زمنا ان بقى فى بنات هى اللى بتعاكس الولاد والواحد بيشوفها كتير .

Youssef Mostafa
09-06-2009, 05:10 AM
يامواضيعك يابودااااا

بص ياريس

حاجة معروفة اوىى
لو واحد شاف واحدى لابسة محترم ومحتشمة حيعاكسها لييييه مظنش

لو واحد شاف واحدة لابسة سورى يعنى محزق وملزق مش حيعاكسها ليييييييه :D

الورده البيضاء
09-06-2009, 11:18 AM
موضوع رائع جدا يابشمهندس
بس انا رائى من راى حورية انا معاها جدا ان الطرفين مسئولين
ولو على كلام مصطفى
والله والله فى بنات بتبقى منقبة وبتتعاكس وانا بحلف ودة شوفتة بنفسى مش حد قايلى
الف شكر ليك على طرح المناقشات

Youssef Mostafa
09-12-2009, 04:00 AM
ماشى يبقى العيب من الشباب صح؟

طيب الحالة دى مش بنشوف منها الا حالة او اتنين يعنى
لكن حالة البنات اللى لابسة ضيق وبنطلونات وبتاع طول محنا ماشيين بنشوفها يبقى العيب من مين بقىىىى

سانتا مونى
09-12-2009, 04:17 AM
السلام عليكم
ياجماعة انا لسة شايفه الموضوع ده دلوقتى
وهو فكرته حلوة اوى

وانا مع حورية
وبقولك يامصطفى العيب مننا احنا لو عندنا دين كوي مكنش يبقى فى بنت لابسة محزق وملزق
ولا ولد يبص اصلا عالبنت وهى ماشية لابسة ايه ولا مش لابسه ايه
ولو كل واحد بدا بنفسه المشكله هتتحل من غير صعوبات
بس احنا اللى بنحب نحلل المواضيع عالاخر عشان نطلع نفسنا مش غلطانين
وشكرا ليكو
الحوار اكثر من راااااااااااااااااااائع

Youssef Mostafa
09-12-2009, 04:39 AM
لا العيب مش فيهم العيب على اهاليهم اكيد بيشوفوهم وهم نازلين بالملابس دى واحتمال كمان هم الى بيروحوا معاهم يشتروها الاهالى باظت والناس باظت والبلد باظت لازم احنا كمان نعيش على نفس الحال

سانتا مونى
09-12-2009, 04:54 AM
معاك حق والله

سانتا مونى
09-12-2009, 04:55 AM
معاك حق والله

بس ده مش معناه اننا نبقى امعة
نعمل اللى الناس بتعمله وخلاص

Soma
09-12-2009, 03:15 PM
عندك حق يا مصطفى انت وسانتا
الاهالى فعلا هما السبب فى كده بس كمان مش مبرر اننا نمشى على نفس النمط
رايى ان الاحسن ان يكون فى وعى بين الشباب والبنات يعنى الاصحاب ينصحوا بعض ويساعدوا بعض انهم يكونوا كويسين
محدش يشوف الغلط ويقول وانا مالى ويسكت لازم يكون وعى برضه بين الاصحاب
ربنا يهدى شباب وبنات المسلمين

شهاب بودا
09-18-2009, 11:27 PM
الله الله انا مش فاهم حاجه

Soma
09-19-2009, 05:12 AM
مش لازم على فكرة تفهم
ههههههههههههههه

سانتا مونى
09-19-2009, 09:17 PM
ههههههههههههههههههه
صح ياسوما
المهم ان احنا فاهمين:1:
هههههههههههههه

Rania Ismail
09-21-2009, 02:05 PM
احم احم احم اولا احب احيى بودتى على الموضوع القوى ده بجد فعلا محتاج تصفيق حاااااد جدا
معلشن انا جيت متاخر قوى فيه
اما بالنسبة لراى فى المضووع الاخير المعاسكات
اوقات كتير بتكون البنت السبب فى المعاكسات ديه بس معلش فى ولاد كتير محترمة مهما شافو بنات لابسبن زى ما بتقولو محزق وملزق مش بيعاكسوهم
وانا شوفت كمان ان اوقات كتير بتكون فى بنات محترمة وماشين فى حالهم وتلاقى الولد طالبة معاه رخامة وهبل ويقعد يعاكس اى حد يمر عليه
انا شايفة انه من الولد فى اغلب الاوقات

Horiaa Swedan
09-22-2009, 12:38 PM
الله الله انا مش فاهم حاجه


مش لازم تفهم كفايا احنا فهمين

الورده البيضاء
10-01-2009, 10:42 AM
فين السؤال الجديد يابشمهندس؟؟؟؟؟؟؟؟

خوخة
10-02-2009, 12:14 PM
اولا اشكرك علي الموضوع الجزاب دا لأ بصراحة أضفت للعلم معلومة جديدة قال ليه الراجل يجيب الشقة قال ؟؟؟ اقولك انا بقي لأن هو اللي غاوي والمثل بيقول الغاوي ينقط بطقيته وبعدين امال انتوا عايزين ايه احنا كمان اللي نجيب الشقة وبالمرة العفش والاجهزة واقولك حاجة المفروض ان احنا نجيب من الاخر الشبكة ونيجي نتقدم ونطلب القرب رجالة أخر زمن!!!!!:donatello::donatello::donatello::donatell o::donatello:

Ahmed Slem
10-11-2009, 01:23 AM
انا هقولك ليه الراجل بيجيب الشقه علشان يكتبها باسمها و حاجه تانيه اللي معاه قرش محيره يجيب
حمام و يطيره

الورده البيضاء
10-11-2009, 01:22 PM
ماهو رد فعلك ياادم لو فجاة لقيت البنت اللى انت بتحبها قالتلك احبك واعترفتلك هى بحبك؟
هل لسة العادات والتقاليد القديمة موجودة؟
ولا انتهت؟
وانتى ياحواء
هل ممكن تعمليها وتعترفى بحبك لحبيبك؟

الورده البيضاء
10-11-2009, 01:23 PM
هو سؤال خطر على بالى
اسمحولى اجاوب زيى زى اى حواء تانية هتجاوب؟
بالنسبة لانى اعترف بحبى لشخص انا بحبة دا مستحيل انة يحصل منى انا شخصيا
حتى ولو متاكدة مليون المية انة بيحبنى

هدى على
10-11-2009, 05:33 PM
شكلك كدة بتحب الاستفزاز دة الى ناقص كمان نجيب الشقة منجبش كمان العفش ونجى نتقدم مل هو لزمتة اية هيجيب اية هو كفاية كدة

Horiaa Swedan
10-11-2009, 09:25 PM
سؤال جميل جدا بس ياترى فين هوبا مش هو اللى كان بيحط الاسأله؟؟

ما علينا احب اجاوب ههههههه
عادى يعنى اما بنت تقول لولد مش جريمه وانا شيفاها عادى ومفيهاش حاجه

الورده البيضاء
10-12-2009, 07:37 PM
سؤال جميل جدا بس ياترى فين هوبا مش هو اللى كان بيحط الاسأله؟؟

ما علينا احب اجاوب ههههههه
عادى يعنى اما بنت تقول لولد مش جريمه وانا شيفاها عادى ومفيهاش حاجه


ايون ياحوريا المفروض ان البشمهندس هو اللى بيحط الاسئلة فانا استاذنت استاذ محمد انى انزل اسئلة لغاية مالبشمهندس يرجع يدخل المنتدى تانى عشان مش بيدخل دلوقتى خالص بدل مالموضوع يقف
ميرسى لمشاركتك ياقمر

الورده البيضاء
10-14-2009, 11:12 PM
اية ياجماعة الموقف مش عاجبكم ولا اية؟؟؟؟؟؟؟

Horiaa Swedan
10-16-2009, 01:09 AM
ايون ياحوريا المفروض ان البشمهندس هو اللى بيحط الاسئلة فانا استاذنت استاذ محمد انى انزل اسئلة لغاية مالبشمهندس يرجع يدخل المنتدى تانى عشان مش بيدخل دلوقتى خالص بدل مالموضوع يقف

ميرسى لمشاركتك ياقمر




لا يا قمره عادى ولا يهمك البشمهندس هههههههههه قصدى هوبا فعلا مش فاضى دلوقتى بس انشاء الله حيفضى فى اقرب وقت وبعدين واحد يا قمره المهم المصلحه العامه

Ahmed Slem
10-16-2009, 03:57 PM
انا متوقعش ان البنت تقول كده حتي و لو انا صرحت لها بكده لان عاداتنا و تقليدنا مبتقولش كده
بس من تصرفاتها معايا انا اعرف هي عايزه تقول ايه

samomran
10-16-2009, 04:02 PM
و الله لو قالت

حسيبها و حمشى

محمد الفرارجي
10-16-2009, 04:07 PM
بسم الله الرحمن الرحيم

يا ولاد اللذين هيه وصلت لكده؟

البنت هتقوله بأحبك؟

وعادي كده؟

يا حلاوة والنبي بقى بنتي تاني يوم تيجي لي ساحبه لي شحط وبأحبه يا بابا.
مش عارف وصلنا ليه كده
لما بنشوف بنت مش لابسة كويس بنقول العيب على إللي في البيت.

ولما تقول له بأحبك هيبى العيب على مين ؟

المهم

البنت غالية قوي قوي غلو فوق الوصف ولو مش غالية ما كانش النبي عليه الصلاة ولسلام وصى عليها . فيا ريت ما ترخصش نفسها لأن الولد بشر .
لما بيلاقي الحاجة جت له بسهولة هيزهق منها بسرعة ولما بيتعب على ما بياخدها مش بيفرط فيها.

وبعدين التنازل وحش ممكن نتساهل لما يبقى الموضوع رسمي( لأ يابابا بلاش نتقل عليه في الشبكة أوضة النوم دي غالية قوي بلاش منها كده يعني ).
إنما تتنازلي من أولها هترخصي نفسك وترخصي أهلك معاكي.
يا بنتي أول طريق الخطأ خطوة تنازل لما بتتم صدقيني بيبقى صعب قوي ترجعي من الطريق ده

ربنا يحفظكوا جميعا يا رب

اللهم إفظ بناتنا ونساءنا وقهم الفتن يا رب

MEROOO
10-16-2009, 04:07 PM
انا من رايى انها مش جريمة لما البنت تقول للولد انا احبك

لكـــــــــــــــــــــــــــن مش اى ولد دا لما يكون زوجها حتى خطيبها لااااااااااااااا

لان البنت وبكل بساطة المفروض تكون محترمة ودا الطبيعى والمفروض يكون فى البنت....مش حاجة كبيرة يعنى

ودا رايى

Horiaa Swedan
10-16-2009, 04:41 PM
انا عجبنى رايك اوى يا ميرو فعلا الحب مش جريمه مدام ليه حدوده

طالبة جامعية
10-25-2009, 12:28 PM
ofcourse i will say every thing

الورده البيضاء
10-25-2009, 12:34 PM
انا متوقعش ان البنت تقول كده حتي و لو انا صرحت لها بكده لان عاداتنا و تقليدنا مبتقولش كده
بس من تصرفاتها معايا انا اعرف هي عايزه تقول ايه



لا اتوقع يااحمد
بيحصل فعلا
ميرسى جدا جدا ليك

الورده البيضاء
10-25-2009, 12:35 PM
و الله لو قالت

حسيبها و حمشى


وجهة نظر برضو
ميرسى لحضرتك يابشمهندس عالمشاركة

الورده البيضاء
10-25-2009, 12:37 PM
بسم الله الرحمن الرحيم

يا ولاد اللذين هيه وصلت لكده؟

البنت هتقوله بأحبك؟

وعادي كده؟

يا حلاوة والنبي بقى بنتي تاني يوم تيجي لي ساحبه لي شحط وبأحبه يا بابا.
مش عارف وصلنا ليه كده
لما بنشوف بنت مش لابسة كويس بنقول العيب على إللي في البيت.

ولما تقول له بأحبك هيبى العيب على مين ؟

المهم

البنت غالية قوي قوي غلو فوق الوصف ولو مش غالية ما كانش النبي عليه الصلاة ولسلام وصى عليها . فيا ريت ما ترخصش نفسها لأن الولد بشر .
لما بيلاقي الحاجة جت له بسهولة هيزهق منها بسرعة ولما بيتعب على ما بياخدها مش بيفرط فيها.

وبعدين التنازل وحش ممكن نتساهل لما يبقى الموضوع رسمي( لأ يابابا بلاش نتقل عليه في الشبكة أوضة النوم دي غالية قوي بلاش منها كده يعني ).
إنما تتنازلي من أولها هترخصي نفسك وترخصي أهلك معاكي.
يا بنتي أول طريق الخطأ خطوة تنازل لما بتتم صدقيني بيبقى صعب قوي ترجعي من الطريق ده

ربنا يحفظكوا جميعا يا رب

اللهم إفظ بناتنا ونساءنا وقهم الفتن يا رب


اللهم امين يارب
حضرتك صح مليون المية يابشمهندس
ميرسى جدا جدا لمشاركة حضرتك معانا
بس لو حصل هيبقى برضو العيب من التربية فى البيت وعدم التربية على تعاليم دينا الصحيحة
الف شكر لمشاركة حضرتك

الورده البيضاء
10-25-2009, 12:39 PM
انا من رايى انها مش جريمة لما البنت تقول للولد انا احبك

لكـــــــــــــــــــــــــــن مش اى ولد دا لما يكون زوجها حتى خطيبها لااااااااااااااا

لان البنت وبكل بساطة المفروض تكون محترمة ودا الطبيعى والمفروض يكون فى البنت....مش حاجة كبيرة يعنى

ودا رايى


ياميرو ياجااااااااااامد
ميرسى ياجميل على رايك
بس خليكى فاكراة:1:
نورتى ياقمر

bata_batot
11-07-2009, 05:30 PM
تعرف الولديجيب الشقة له ؟؟؟؟؟؟
علشان البنت جوهرة غالية اللى يعرف قيمتها مش يجيب شقه يجيب قصر :11rob:

الورده البيضاء
11-12-2009, 10:51 AM
تعرف الولديجيب الشقة له ؟؟؟؟؟؟
علشان البنت جوهرة غالية اللى يعرف قيمتها مش يجيب شقه يجيب قصر :11rob:


شكرا لحضرتك

bata_batot
11-22-2009, 07:14 PM
اقولك انا ليه الراجل يجيب الشقه

علشان البنت زى الجوهره اللى عايزها بجد لازم يتعب علشان يعرف يجبها ولو مش عاوز خلاص برحته

الورده البيضاء
11-22-2009, 09:54 PM
اقولك انا ليه الراجل يجيب الشقه

علشان البنت زى الجوهره اللى عايزها بجد لازم يتعب علشان يعرف يجبها ولو مش عاوز خلاص برحته


اية الحلاوة والجمال دا
ميرسى ليكى يابطوطة عالمشاركة

الورده البيضاء
11-22-2009, 09:55 PM
ادم: هل تقبل ان العصمة تكون فى ايد الزوجة؟
حواء:هل تقبلى بهذا الوضع ان العصمة تكون فى ايدك؟

الاميرة
11-23-2009, 08:13 PM
على فكرة يا شهاب فى بنات كتير هى الى بتجيب الشقة لو عايز واحدة منهم روح بس عيل الى يرجع فى كلامة ونبقة نشوفك بعدها

froty
11-30-2009, 08:26 PM
انا عن نفسى مقبلش العصمة تكون فى ايدى
ربنا مأمرناش بكده وربنا قال " الرجال قوامون على النساء "
وميرسى ليكى على الموضوع يا قمراية

الورده البيضاء
11-30-2009, 08:37 PM
انا عن نفسى مقبلش العصمة تكون فى ايدى
ربنا مأمرناش بكده وربنا قال " الرجال قوامون على النساء "
وميرسى ليكى على الموضوع يا قمراية


ميرسى ليكى انتى ياقمراية لمرورك
وانا رائى ممن رايك طبعا
الف شكر لمشاركتك

محمود ابوالمجد
12-03-2009, 05:07 PM
لاطبعا العصمة في ايد الراجل عشان الدين اولا والثقافة العامة ثانيا كعادات وتقاليد يعني

الورده البيضاء
12-04-2009, 07:05 PM
لاطبعا العصمة في ايد الراجل عشان الدين اولا والثقافة العامة ثانيا كعادات وتقاليد يعني


الف شكر لمرور حضرتك يابشمهندس
بس مننكرش ان احيانا العادات والتقاليد مش مواكبة العصر اللى احنا فية
انا مقصدش على العصمة طبعا
انا اقصد على اشياء تانية ممكن تكون تقاليد متاصلة لكنها غير مرغوبة حاليا
الف شكر لمرور حضرتك مرة تانية

هبه ابراهيم
02-22-2010, 02:02 AM
العصمة كده فى ايد الرجاله احسن
اعتقد الشرع قال كده فى الاغلب
وشكرا على الموضوع يا ورده

blue_sky
03-03-2010, 04:10 PM
موضوع جامد
وأنا رأيي أن العصمة تكون في أيد الزوج أكيد لأن لو هو قبل أن العصمة تكون في أيدي أنا (أستحاله أعيش مع واحد بالشخصية دي)
وبعدين الشقة هو اللي يجيبها لأن دي من قوامة الرجل

الورده البيضاء
03-21-2010, 04:45 AM
موضوع جامد
وأنا رأيي أن العصمة تكون في أيد الزوج أكيد لأن لو هو قبل أن العصمة تكون في أيدي أنا (أستحاله أعيش مع واحد بالشخصية دي)
وبعدين الشقة هو اللي يجيبها لأن دي من قوامة الرجل


الله ينور عليكى ياسمسمة وانا معاكى طبعا ياجميل