المساعد الشخصي الرقمي

مشاهدة النسخة كاملة : ماذا لو طلبت فتاة يدك للزواج- موضوع للحوار



اسامه البنا
03-20-2009, 12:00 PM
اولا كده ده موضوع حبيت اسمع رايكم فيه؟

ونتشارك بالراي لو ممكن

عندما تطلبك الفتاة للزواج هل توافق ؟؟؟؟؟
نعلم بأن الكثير من الرجال قد يعجب بفتاة ثم ما يلبث ان يخطبها ويتزوجها ويحقق الله مراده...
ولكن هل تعلمون بأن هناك الكثير من الفتيات يقدر الله عليها بأن تعجب بشخص سواء لدينه او اخلاقه او سعة ادراكه.....الخ من الصفات التي تكون كافيه بأن تجعلها تتمناه زوجاً .

..فالحب والكره والموده من الله سبحانه وتعالى لم يختص بها جنس معين ....




ولكن في مجتمعنا الحالي نجد ان هذا الشيء مرفوض كون ان فتاة تتمنى الارتباط بشخص ما ... فهي تعلم يقين العلم انه ان لم يكن يفكر بها فهو بداية طريق عذاب لمشاعرها ...

ماذا لو علمت بأن بنت عمك او خالك او احدى اقرباءك او معارفك تتمناك زوجاً؟
هل ستصغر في عينيك كونها قد احبتك ؟..ماذا لو ان هذه الفتاة ارادت لفت نظرك لها بأي وسيله سواء بالتلميح لاحدى اخواتك او حتى ارسلت لك رساله وقالت لك انا معجبة بك بسبب تدينك او اخلاقك ...
واريد الارتباط بك على سنة الله ورسوله ...

بصراحه ماذا سيكون موقفك؟؟؟؟وكيف كنت تتمنى الطريقه التي تشعرك برغبتها بالارتباط بك ؟

هل توافقني بأن هناك اباء يتمنون الخطبه لبناتهم اكثر من ابناءهم؟

حوار مفتوح للجميع وبدون خجل في ابداء الرأي بكل صراحه

AYMAN GAMAL
03-20-2009, 01:18 PM
والله يا اس اس موضوع غايه في الجمال

انا عن نفسي بعترف بالنوع ده من الزواج

لان بحس فيه نوع من الرابط العاطفي الكبير من المراة للرجل اللي لو وافق هيبقى جوزها

وانها تيجي من بنت فدي شجاعه كبيرة جدا جدا بس مش بحبذها

بس انا قلت كده على اساس كلامك انها اعجبت بدينه و اخلاقه و سعه بصيرته

مش شكله مثلا او صوته او اي حاجه بره الاطار الطبيعي

بس والله موضوع رائع

و ده رايي تقبل مروري يا جميل

Wild_Angel
03-20-2009, 01:28 PM
موضوع جميل جدا يا أسامه
هو فى مجتمعنا يعتبر شئ غريب
بس فى شئ بسيط جدا حبيت اضيفه
ان السيده خديجه زوجة رسولنا الحبيب صلى الله عليه وسلم طلبته للزواج
بالرغم من فارق السن بينهما ولكن ظل رسول الله صلى الله عليه وسلم يحبها حتى بعد وفاتها
ولذلك فإن كانت الفتاه طلبت الزواج من شخص لدينه وخلقه فأنا احييها على ذلك ولكن كيف لها ان تتحرى صدقه فى عالمنا الان
أنا بس حبيت اضيف ذلك حتى لا نستنكر ان تطلب الفتاه الزواج من رجل خلوق

سلمي جمال
03-20-2009, 01:35 PM
اسامة موضوعك جميل اوي


و الصراحة انا مش بفضل الحكاية دية خالص
لان من الطبيعي ان الراجل هو الي يجي يتقدم للبنت مش العكس و كمان يتقدم لاهلها مش لها هي
تخيل انت لو بنت رايحة هي و باباها تتقدم لواحد في بيته
بلاش حكاية في بلادنا و التقليد و كدة
بس حط نفسك مكان الراجل دة
هل حتبئة مبسوط؟

و مرسي يا اسامة بجد علي الموضوع دة

AYMAN GAMAL
03-20-2009, 01:44 PM
هههههههههههههههههههههههههههه

هتبقى مبسوط يا اس اس؟

سلمي جمال
03-20-2009, 01:47 PM
طب انت يا ايمن حيكون اية شعورك؟

اسامه البنا
03-20-2009, 02:15 PM
اولا باشكرك يا ايمن ويا ويلد ويا سلمي علي المرور والمشاركه بالراي

بس انا مش هبقي مبسوط الا اذا كانت البنت جميله اوي
هههههههههه

وتجيب باباها معاها كمان
ههههههههه

AYMAN GAMAL
03-20-2009, 02:24 PM
انا ؟

شعور ايه بقى انا هرفض اساسا

A.H.D
03-20-2009, 08:32 PM
موضوع جميل
بس انا برفض الاسلوب دة تماما
هى تروح تكلمة لية ؟
هو لو شايف انها مناسبة لية او حاسس ناحيتها باى حاجة فالاولى ان الراجل اللى يروح يقولها مش هى اللى تبدا
لانها مهما كانت بنت ومجتمعنا مش بيحبذ الحجات اللى من النوع دة
بس ودة راييى

froty
03-21-2009, 12:34 AM
انا بقى راى ان الموضوع عادى اى من الطرفين هيبتدى بانه يصرح عن مشاعرة مش مهم المهم انهم يبتدوا حياة هما الاتنين راضين عنها
وكمان ان البنت تقول للراجل عن مشاعرها ويرفضها فى البدايه احسن من انها تتمادى فى مشاعر ممكن ميحسش بيها اصلا
يعنى احسنلها تصرح وتقول وهو يا يقبل او يرفض بدل متحبه اكتر وتتجرح جرح اكبر


وده راى وتقبل مرورى

والموضوع جامد جدا

meno_sokra
03-21-2009, 04:18 PM
انا عن نفسي مااعتقدش ان في واحدة ممكن هى تطلب ايد الولد بس عموما الموضوع فكرته جديدة وحلو جدا

white_heart
03-21-2009, 04:25 PM
واللة من وجهة نظرى الموضوع جميل



وبما انة مفهوش اى حرام



يبقى خلاص لية لا



بس هو فين الشخص اللى يستحق ان البنت تعمل كدة علشانة



دول انقرضوا من زمان ومفيش ولد دلوقتى يستاهل او على الاقل فية حاجة سبيشيل



علشان البنت تطلب ايدة

اسامه البنا
03-21-2009, 10:08 PM
شكرا يا جماعه علي الاراء والمرور الجميل ده

والي المزيد من الاراء والنقاش

Mahmoud Slem
03-21-2009, 10:25 PM
هو لو زى ما قال ايمن
ووايلد

انها هى صارحتة بحبها ليه
علشان دينه واخلاقة وعقله
فده مفيهوش اى عيب
لكن تقاليدنا وديننا
ان الراجل يذهب الى البنت
لكى يتزوجها وليس العكس
ولكن
اذا صارحت البنت الولد بحبها له وهو تقبل ذلك
فا انا مش شايف فيه غلط من وجه نظرى
ومش بتقلل من انوثه ولا احترام البنت
وشكرا للجميع

وشكرا ليك يا اوس اوس

اسامه البنا
03-21-2009, 10:38 PM
انا معاك يا محمود في نفس الراس الله ينور عليك يا صاصا

Sara Gamal
03-21-2009, 10:50 PM
موضوع جميل يااسامه مش متعودة منك على العقل ده

بص يااسامة ..أولا من وجهه نظرى الشخصية انا شايفه ان العواطف والمشاعر مش حجر على حد ولا تخص راجل او ست هى من حق الجميع

لكن من وجهه نظر المجتمع وخصوصا المجتمع الشرقى هتكون شئ غريب علينا ويمكن تنقص من صورة البنت فى نظر الناس ونظر الشخص اللى هى اعجبت بيه ..

بس أنا شيفاها بصورة تانية..فرضنا اب ليه زميل فى العمل وشايفه مناسب لبنته او لاخته او احد اقاربه ومتدين وعلى خلق ايه المشكلة لو عرض عليه الزواج منها مظنش ده هنقص من كرامتها شئ..الرسول صلى الله عليه وسلم وصى على اختيار النسب ((تخيروا لانسابكم فان العرق دساس))

وسيدنا موسى عليه السلام تزوج بالطريقه دى لما عرض عليه الرجل احدى ابنتيه مقابل العمل عنده
وفى السلف زواج الشاب الصالح من الفتاة التى انجبت له الامام احمد ابن حنبل

***المشكلة اولا واخيرا فينا احنا وفى مجتمعنا

AHMED FTIHA
03-21-2009, 10:53 PM
اعتقد ان البنت اللى تعجب بشاب اكيد الشاب دة حيلاحظ من تصرفاتها ولو حصل حاجة ازيد من كدة تكون غير مقبولة فى الشرع و مجتمعنا

اسامه البنا
03-21-2009, 10:56 PM
شكرا يا ساره علي الرد الجميل ده


الله ينور عليك

انا في العموم بحب رايك جدا

مرور جميل منك مشرفه الموضوع

اسامه البنا
03-21-2009, 10:57 PM
اعتقد ان البنت اللى تعجب بشاب اكيد الشاب دة حيلاحظ من تصرفاتها ولو حصل حاجة ازيد من كدة تكون غير مقبولة فى الشرع و مجتمعنا


شكرا يا ميدو علي المشاركه

منور والله

miro
03-21-2009, 11:09 PM
الموضوع جامد اصلا بس انا شايفة ان الراجل اللى يطلب الزواج و مش الفتاة اللى تطلب الزواج من الرجل لان دة ممكن يقلل من معزتها له ومع ذلك ان الموضوع دة مش حرام لكن مش مستحب

اسامه البنا
03-21-2009, 11:19 PM
الموضوع جامد اصلا بس انا شايفة ان الراجل اللى يطلب الزواج و مش الفتاة اللى تطلب الزواج من الرجل لان دة ممكن يقلل من معزتها له ومع ذلك ان الموضوع دة مش حرام لكن مش مستحب


شكرا ميرو علي الرد

ردك جميل ومعقول

ميرا مار
03-22-2009, 12:17 AM
والله يا اسامة

انا لو ولد؟؟

امممممممممممم مش عارفة

بس انا لو عرفت ان فى واحدة طلبت من اخويا انها تتجوزه
او حاجة بالمعنى دا.. مش هارتاح لها ومش هاحبها

هى ممكن بي اخرها يعنى تعبر عن مشارعها باى طريقة
رقيقة وبدون كلام ولا تخرج عن حدود الادب والحياء


واحييييييييييييييييييييييييييييييييك يا اسامة موضوع بجد جميل

اسامه البنا
03-22-2009, 09:57 PM
والله يا اسامة

انا لو ولد؟؟

امممممممممممم مش عارفة

بس انا لو عرفت ان فى واحدة طلبت من اخويا انها تتجوزه
او حاجة بالمعنى دا.. مش هارتاح لها ومش هاحبها

هى ممكن بي اخرها يعنى تعبر عن مشارعها باى طريقة
رقيقة وبدون كلام ولا تخرج عن حدود الادب والحياء


واحييييييييييييييييييييييييييييييييك يا اسامة موضوع بجد جميل


طبعا يا ميرا انا ليا الشرف انك تردي علي موضوع ليا

مرورك اسعدني وعجبني رايك وشرفتي الموضوع

خالد أبوسعده
03-22-2009, 10:24 PM
بص
احنا نفكر فى الموضوع بطريقه تانيه

ايه الى يخلى بنت هى الى تعمل كدا؟؟

اول حاجة انه مثلا الى بتحبه مطنشها او مش معبرها و خرجت عن شعورها راحت تلفت نظره علشان يعبرها و تطلب ايده هههههه ال تطلب ايده ال هههههههه
ما علينا

تانى حاجة انها ممكن تكون بنت معندهاش حياء و طبعا اهم حاجة فى البنت حياءها و دا مصدر جمالها


فى الحالتين مش حتستريحلها
و 90% حتكون بنت مش ولا بد
دا فى رايى

خالد أبوسعده
03-22-2009, 10:24 PM
طبعا انا مش محتاج انى اقولك ان الموضوع تحفه

spider girl
03-22-2009, 10:26 PM
اه موضوع حساس اوى
انا رايى ان كل بنت بتشوف حد محترم
وصاحب شخصيه متميزة ودين وحكمه
بتتمنى انه يكون زوج ليها انا بالنسبه لى مجرد امنيه
يعنى حتى لو البنت جريئه وفعلا شيفاه مناسب ليها جدا
مينفعش هيه الى تقدم الخطوة الاولى وتقوله تقبل الزواج منى
لكن السيده خديجه رضى الله عنها نفذتها ودى حاله نادرة وكانت فى زمن تانى
لكن مجتمعنا الى عيشين فيه يمنع كده
وانا من رايى زى ما قلت دى مجرد امنيه مش اكتر
ولازم الخطوة الاولى من الراجل مش من البنت

هوه ده رايى يا اسامه وياريت تتقبله شكرا موضوع حلو بجد

lolaa fahmy
03-23-2009, 04:47 PM
موضوع جميل للنقاش فيه يا اسامه
شكرا ليك عليه
بس تقيله شويه ان البنت هيا اللي تبادر بالخطوه الاولي طيب امال لزمة المهر والشبكه اللي بيدفعهم العريس ايه؟؟

تدفعهم هيا بقي؟؟
وبعدين لو فيه بنت ربناقدرلها انها تعجب بشب كويس عالي الخلق مقدمهاش
غير انها تدعي ربنا انه يعجب هو بيها كمان ولو من نصيبها ربنا
هيكتبهولها
ا طبعا ومينفعش باي حال من الاحوال انها تقوله انا معجبه بيك عشان هتسقط مننظره احنا بنتكلم هنا عن رجل شرقي
بشكرك مره تانيه

اسامه البنا
03-24-2009, 06:38 AM
طبعا انا مش محتاج انى اقولك ان الموضوع تحفه


الله يخليك يا خالد فعلا ردك اكتر من صريح بحبتين شويه

بس الله ينور عجبني صرحتك اوي

اسامه البنا
03-24-2009, 06:40 AM
اه موضوع حساس اوى
انا رايى ان كل بنت بتشوف حد محترم
وصاحب شخصيه متميزة ودين وحكمه
بتتمنى انه يكون زوج ليها انا بالنسبه لى مجرد امنيه
يعنى حتى لو البنت جريئه وفعلا شيفاه مناسب ليها جدا
مينفعش هيه الى تقدم الخطوة الاولى وتقوله تقبل الزواج منى
لكن السيده خديجه رضى الله عنها نفذتها ودى حاله نادرة وكانت فى زمن تانى
لكن مجتمعنا الى عيشين فيه يمنع كده
وانا من رايى زى ما قلت دى مجرد امنيه مش اكتر
ولازم الخطوة الاولى من الراجل مش من البنت

هوه ده رايى يا اسامه وياريت تتقبله شكرا موضوع حلو بجد


كونها تبقي امنيه يا ساره

معني كده ان البنت متتغلاش عن حياءها وده يديها جمال اكتر

واحترام كمان منه ومن غيره

ردك مقنع الله ينور

اسامه البنا
03-24-2009, 06:42 AM
موضوع جميل للنقاش فيه يا اسامه
شكرا ليك عليه
بس تقيله شويه ان البنت هيا اللي تبادر بالخطوه الاولي طيب امال لزمة المهر والشبكه اللي بيدفعهم العريس ايه؟؟

تدفعهم هيا بقي؟؟
وبعدين لو فيه بنت ربناقدرلها انها تعجب بشب كويس عالي الخلق مقدمهاش
غير انها تدعي ربنا انه يعجب هو بيها كمان ولو من نصيبها ربنا
هيكتبهولها
ا طبعا ومينفعش باي حال من الاحوال انها تقوله انا معجبه بيك عشان هتسقط مننظره احنا بنتكلم هنا عن رجل شرقي
بشكرك مره تانيه



فعلا الراجل الشرقي هو راجل من نوعيه خاصه

وليه شروط معينه علشان يقبل بيها

وانا ليا راي في النقطه ديه

حتي لو هو قبل بكده هيرفض علشان الي حوليه

ووجهته قدام الناس

نسرين شاهين
03-27-2009, 02:12 PM
على فكرة المجتمع هو اللى بيرفض لكن وقت الرسول مكانش عيب لان ابو بكر الصديق كان رايح يطلب من على ابن ابى طالب ان يتزوج من ابنته اسماء وكمان اخطب لبنتك ولا تخطبش لابنك .

اسامه البنا
03-29-2009, 09:43 AM
كلامك جيمل يا نسرين

مرورك اسعدني كتير

reda_bebo99
03-31-2009, 10:25 PM
موضوع جميل يا اسامه الله ينور
بس انا شايف ان حياتنا تطغو عليها الدين وحيات سي السيد
وليس كما يفعل الغرب ممكن هناك حد يعمل كده عادي ولكن
احنا احسن منهم ده رايي بس والله موضوع غايه للروعه وشكرااا لتعبك

Yamyam
04-01-2009, 07:22 PM
افتكر ان لو اصبح الزواج بهذه الطريقه ما كان هناك خلافات بين الازواج والذى ينتهى فى بعض الحالات بالانفصال
فالمرأه هى اساس نجاح هذا الارتباط

اسامه البنا
04-03-2009, 11:16 AM
افتكر ان لو اصبح الزواج بهذه الطريقه ما كان هناك خلافات بين الازواج والذى ينتهى فى بعض الحالات بالانفصال
فالمرأه هى اساس نجاح هذا الارتباط

رايك غريب وجديد

بشكرك عليه

هبه المصرى
04-23-2009, 04:55 PM
ما هى دى الموضه دلوقتى ان البنت تروح للولد وتقله تتجوزنى ..........وتقولك وفيهاايه اخطب لبنتك وما تخطبش لابنك...............يا اخى توكه على رايى الست كوريا

مختار الحسانين
04-23-2009, 05:08 PM
ما فيه مشكلة أبدا ، ان يختار الأب لبنته ، وأن يعرضها بطريقة طيبة لشخص محترم ، وأرفض تماما أن تنجر البنت وراء مشاعرها وتعرض نفسها بنفسها ، فتقع فريسة ربما لمشاعرها فى مجتمع لايقدر مثل هذه المشاعر .

أنا فى اعتقادى أن الحب ياتى بعد العشرة والانجاب ، أما حب ما قبل الزواج فهو حب مراهقة ،،،،،،، الحب بعد الزواج فهو الحب الحلال والأمن ، اما ما قبل الزواج فهو الضياع غير المبرر

اسامه البنا
04-24-2009, 06:02 PM
ما فيه مشكلة أبدا ، ان يختار الأب لبنته ، وأن يعرضها بطريقة طيبة لشخص محترم ، وأرفض تماما أن تنجر البنت وراء مشاعرها وتعرض نفسها بنفسها ، فتقع فريسة ربما لمشاعرها فى مجتمع لايقدر مثل هذه المشاعر .

أنا فى اعتقادى أن الحب ياتى بعد العشرة والانجاب ، أما حب ما قبل الزواج فهو حب مراهقة ،،،،،،، الحب بعد الزواج فهو الحب الحلال والأمن ، اما ما قبل الزواج فهو الضياع غير المبرر


ما شاء الله عليك يا مختار

رايك بصراحه يحترم الله ينور

ردك اسعدني ويا رب تكون مبسوط معانا علي المنتدي

اسامه البنا
04-26-2009, 03:31 PM
ايه يا شباب انتوا فين


انا عايز اعرف ايه رايكم في الموضوع

Mohamed Hashem
05-18-2009, 10:44 PM
بصوا يا شباب
انا مع وايلد ... طالما الرجل خلوق ... وهى معجبه به على اساس دينه (واحده متدينة نفسها ترتبط بواحد ملتزم ) فدا ليس عيبا
ووايلد ضربت لنا مثال بالسيدة خديجة وعضو آخر ضرب لنا مثال سيدنا موسى ... وأظن لو أن الدين أتى لنا بقاعدة فلابد لنا من ترك قواعد التقاليد وما اعتدنا عليه ... ومع ذلك حنروح بعيد ليه .. اللى قبلنا هما اللى قالو .. اخطب لبنتك ولا تخطبش لابنك ...
عموما ... انا شخصيا - دا لو الزمن رجع 15 سنة للوراء - اوافق طبعا على فتاة تتقدم لى إذا كانت أخلاقى ومعاملاتى امامها سبب اعجابها بيا
على الاقل حتبقى فتاه عاقلة ... لان للاسف .. اصبحوا قلة جدا الآن ... وما بيشدش نظر الفتيات الا الملابس .. العربية .. طريقة الكلام ... والجركات والكلمات والتعبيرات اللى بيقولوا عليها "روشنه"
أصلح الله حالنا وحالكم وحال جميع المسلمين ... وفقكم الله وهداكم ... ورزق فتياتنا المسلمات الراشدات بخير الأزواج وجعلهن خير زوجات ... آمين

اسامه البنا
05-27-2009, 11:18 AM
متشكر علي مروركم جميعا اللي اسعدني جدا

الورده البيضاء
05-27-2009, 11:34 AM
ما فيه مشكلة أبدا ، ان يختار الأب لبنته ، وأن يعرضها بطريقة طيبة لشخص محترم ، وأرفض تماما أن تنجر البنت وراء مشاعرها وتعرض نفسها بنفسها ، فتقع فريسة ربما لمشاعرها فى مجتمع لايقدر مثل هذه المشاعر .

أنا فى اعتقادى أن الحب ياتى بعد العشرة والانجاب ، أما حب ما قبل الزواج فهو حب مراهقة ،،،،،،، الحب بعد الزواج فهو الحب الحلال والأمن ، اما ما قبل الزواج فهو الضياع غير المبرر


انا رائى من راى ا|مختار
وحياء البنت طبعا لايسمح لها انها تعرض نفسها للزواج من شخص
ولكن فى بنات مسلوبة من الحياء تستطيع فعل ذلك ولكنها تعود نادمة فى الاخر على مافعلت
الف شكر يااسامة على الموضوع الرائع دة

اسامه البنا
09-07-2009, 10:29 PM
اسعدني مرورك يا امل

جزاكي الله خير

ALY ELSAYED
09-07-2009, 10:37 PM
والله يا اسامه الموضوع ده وقعي جدا

وبيحصل فعلا

بس هنا عنصر المفجاءه بيخليك متردد

لانك عمرك ما فكرت فيها خالص

لكب لو مهدت ده في الاول وحولت تجزبك اليها

ولفتت نظرك اليها بشئ كويس فيها

وحسيت انها بتحبك بجد من افعلها

اكيد سعتها مش حترفض

لانك مش حتلاقي حد تاني يحبك بجد

جزاك الله كل خير يا اسامه

مى رسمى
09-08-2009, 12:42 AM
والله من ساعة ما قريت الموضوع يا سامه وانا عماله اضحك مش عارف ليه الحقيقه
حلو اوى انى اعجب بواحد واروح اقوله دى بس صعبه اااااااااااااااااااااااااااااااااااوى
لان اجمل صفه تتحلى بها البنت او المرأه عموما وصفه دى بيحبوها الرجال فى النساء جدا هى الحياء
وفى الاول والاخر ياستاذ اسامه الموضوع نصيب يعنى لو هما لبعض ربنا حيرتب وفى الاخر مش هتفرق مين كلم مين والكلام دى
الموضوع ممتاز جزاك الله خيرا

سانتا مونى
09-08-2009, 02:04 AM
ياجماعة انتوبتتكلمو فى ايه
انتومش شايفين اللى بيحصل للبنات من العلاقات اللى زى د
ياوي انتى كنتى بتقولى ان السيدة خديجة طلبت الزواج من الرسول بس ده كان ايام الرسول هه
دلوقتى لو بنت راحت قالت لولد انا بحبك وعايز اتجوزك هيقولها ماشى وانا كمان بحبك
يقول لنفسه وماله منتسلى شوية مفيهاش حاجة
بل للاسف البنات هى اللى باقت تتسلى اليومين دول
لاحول ولا قوة الا بالله
مينفعش اصلا انها تكلمه قبل الزواج وتقوله انها بتحبه لان كده حرااااااااااااااااااااااااااااااااااااام
معلش طولت عليك يااسامة
الموضوع حلو اوى وخلى فى تفاعل جميييييييييييل بينا
شكرا ليك
جزاك الله كل خير

حسناء
09-08-2009, 06:44 AM
ايه ده يا اسامه البنات تتقدم للولاد

هو ده اللي ناقص ياحلاوه يا ولاد

الحمد لله ان الصعايده مخدوش خبر بالموضوع ده

اكيد طبعا انا مش مؤيده لموضوع البنت ووالدها يرحوا يخطبوا ولد من بيته

لكن لو بنت معجبه بدين واخلاق رجل وحاولت تلفت نظره ليها من خلال احترامها ليه

ولاخلاقه وتقديرها لثقافته ده مش شيفاه عيب

اسامه البنا
09-08-2009, 08:56 PM
شكرا علي

ومي

و


سانتا مونى (http://www.mesa7a.com/forum/member.php?u=6861)

وحسناء بس خلي بالك يا حسناء اني صعيدي اصلا

ساره مجدى
09-13-2009, 12:17 PM
موضوع حلو اوى بأسامه ومع انه مرفوض فى مجتمعنا بس انا متأكده
ان البنت لو حبت وعايزه الولد يحبها ويروح هو يطلب ادها حتعملها من
غير ما تروح او حتى تقوله انها بتحبه
وعلى فكره يأسامه الى قبلينا قالو :
خد الى يحبك ومتخدش الى بتحبه

اسامه البنا
09-16-2009, 01:20 PM
موضوع حلو اوى بأسامه ومع انه مرفوض فى مجتمعنا بس انا متأكده
ان البنت لو حبت وعايزه الولد يحبها ويروح هو يطلب ادها حتعملها من
غير ما تروح او حتى تقوله انها بتحبه
وعلى فكره يأسامه الى قبلينا قالو :
خد الى يحبك ومتخدش الى بتحبه





شكرا سوس

علي الرد والمشاركه

احمد محمود هاشم
12-01-2009, 11:24 PM
بعد التحية . قل ما تجد ذلك .سلام

اسامه البنا
12-06-2009, 07:54 PM
رايك يحترم يا استاذ احمد


شكرا ليك

احمد محمود هاشم
12-06-2009, 09:49 PM
بعد التحية الجميلة . قالو من قبلنا اخطب لبنتك ولا تخطبشى لبنك . لماذا .اذا راى الاب من يصون ابنتة ويحافظ عليها ويتقة الله فيها فيتمنا من الله ان يجمع الله بينهم فى خير . ولم يقولو اخطبى لنفسك .اسف للاطالة عليك . سلام

mostafaaaaa
01-18-2010, 03:40 AM
موضوع كتيييييييييييييييييييير حلو
بس انا من راى انى البنت تكون برنسيسه فى كل شىء ملكه تكون قاعده فى مكنها والراجل هو الى يشقى فى كل شىء حتى يشقى عشان يوصلها مشاعروة دة نوع من الشقى برضو
والحب مش محتاج تلميحات ولاا رسايل ولااكدة عشان الراجل بيحس انى فى حد معجب بيه من نظرة عين بس فقط لااغير من اول نظرة بيحس وبيعرف دى اهو لحظة بيتولد فيها الحب وبيفضل يكبر عامل زى الطف الصغير
وممكن اكون انا غلط بس الى انا شوفتو ومريت بيه وعرفتو انى هو دة الصح انى المتعه فى امنيه اخفاء المشاعر عند البنت هو دة حياء البنت وسورى لو طولت عليكم

اسامه البنا
05-21-2010, 07:25 AM
اراء جميله كلها

اسعدني ردكم ورايكم

m.alghrbawy
07-17-2010, 08:02 AM
موافق بس تجيب الحاجات الى انا كنت هجيبها لو انا الى طلبت ايدها :a28:

momo_lovely599
07-17-2010, 11:35 AM
انا بقى اتحطيت فى الموقف ده اكتر من مرة بس الغريبه انى اللى بعوزة مبجيش واللى بالنسبه ليا عادى الاقيه بيموت فيا.
صعب ان تحب فى الزمن الخاطئ الاصعب ان يتوافق ذلك مع الشخص الخاطئ

اسيل علي
07-17-2010, 11:58 PM
صراحة لا اعتقد انه يوجد نوعية من البنات تستطيع ان تلمح ولو مجرد تلميح لرجل ما انها تريده زوجا لها اشعر انها فيها شيء من الاهانة لكرامتها وكبريائها وخصوصا لو وجدت الرفض من قبل هذا الشخص او نظر اليها نظرة انها البنت عديمة الحياء أو..أو..الكثير من الافكار التى تخالج فكر هذا الرجل خصوصا اذا كان من ضعاف الدين او من ذوي التفكير المريض فأنا شخصيا لا اعتقد بوجود هذه الفئة من البنات مطلقا

esraa marey
07-26-2010, 05:05 PM
موضوع مهم ممكن كتير يواجه 0 وانا من راى او انا شخصيا لو فى شخص بحبه بجد اولو حموت عليه فمستحيل انى اقوله انا من نفسى 0 للاسباب كتيرة اهمها الحياءءءءءءءءءءءءءءءءءءءءء وكبرياء وكرامتى 0