المساعد الشخصي الرقمي

مشاهدة النسخة كاملة : قناة عيني عينك الفضائية !! مباشر !!


abdoitthad
03-21-2009, 08:31 PM
تش تش تش تش مباشر

السلام عليكم ورحمة الله وبركاته

تم بحمد الله افتتاح قناة عيني عينك الفضائية

وستبدأ في بث برامجها من الان

بعد قليل

الاخبار

قامت القوات الاجنبيه بضرب القوات المش اجنبيه
ــــــــــــــــــــــــــــ
فاصل اعلاني ونواصل

http://www.winchare.com/uploads/images/winchare-f7b3372da3.jpg (http://www.winchare.com)

مع برسيل مفيش مستحيل
ــــــــــــــــــــــــــــــــــ
عدنا اليكم مرة اخرى

قامت القوات المش اجنبيه بالرد على القوات الاجنبيه

الى هنا تنتهي نشرة الاخبار

شكرا لحسن المتابعه

ملحوظه : القناة مفتوحه للجميع لعرض اي برنامج . مسلسل . فيلم . او اعلان
mohamed-gohar
03-21-2009, 08:35 PM
ههههههههههههههههه من الواضح يا عبده انها قناه هادفه
abdoitthad
03-21-2009, 08:38 PM
ههههههههههههههههه من الواضح يا عبده انها قناه هادفه


والله القناة مفتوحه للجميع
اللي عاوز يحط اي حاجه يتفضل
نورت القناة محمد
Marwa Mahmoud
03-21-2009, 09:33 PM
هههههههههههههههههههه

جميلة جدااااااااااااا
abdoitthad
03-21-2009, 10:59 PM
مفيش حد عنده برامج ولا اي حاجه يعرضها على القناة ولا ايه ؟
محمد عمرو عبد الحليم
03-21-2009, 11:25 PM
السلام عليكم ورحمت الله
نقدم لى سيادتكم نشرة اخبار
بعد ما استقال مرسلنا ال أ/abdoitthad
وتم تنصيبى مكانة
نقدم لى سيادتكم اهم الانباء
قامت مجموعة من الشباب بتجمهر والاحتجاج عن سلم قسم الجغرافيا
كلية الاداب جامعة الاسكندرة
بسبب قيام احد الطلاب الغير جغرافى بى توزيع منشورات ورقية تنشر خيبة اللامل
ومدى صعبية القسم وطلب من الطلبة فى نهاية المنشورات بتحويلا فورا من القسم
مع العلم ان لم يستجب لة احد من الطلاب الجغرافين
وقاموا بى هتافات يقولوا فيها
ان لم اكن جغرافين لودت ان اكون جغرافيى
ولقد تم التعرف على موزع هذة المنشورات وكان طالب من قسم اخر يريد
ان يحدث الفوضة ويقلب اسرة الجغرافيا
لكن فى النهاية وقف الجغرافين اد وحدة
ولقد شارك اسرة منتدى الجغرافية مشاركة فعالة فى هذا الحدث مما اظهر لى الناس ولى جميع الكليات والاقسام
كم ان قسم الجغرافيا قسم رائع وقسم متماسك وكم ان اسرة الجرافيا تبنى على اسس وقيمة صحيحة
لذالك انا اقول لى اى من يشكك فى حبنا لى الجغرافيا والمنتدى انة مخطأ تماما
وفى النهاية
السلام عليكم ورحمت الله


موضوع حلو اوى يا abdoitthad بس انتا كنت عاوز اخبار
وادى الاخبار يا سيدى
واسف انى خلتك تستقيل
على فكرة حلو اوى
واسف انى تقلت عليك
موضوع رائع جزاك الله كل خير
abdoitthad
03-22-2009, 12:39 PM
نشكر الاستاذ القدير ومراسلنا الاستاذ / محمد عمرو

على مجهوده الرائع في نقل الاخبار وايصالها بوضوح للساده المشاهدين

شكرا جزيلا
Night Moon
03-23-2009, 01:45 AM
ههههههههههههههههههه قناة جامدة ياعبدة ونتمني لمدير المحطة الاستاذ عبدة انه ان شاء الله يكون في تقدم دائم وياريت استاذ عبدة تصرف علي القناة شوية يعني انتج برامج ولا المشاهدين هما اللي هيصرفو عليها من جيبهم ههههههههههههههههههههه

بس بجد بجد توبك جامد والله يا عبدة تسلم ايدك
abdoitthad
03-23-2009, 10:39 AM
نورتي القناة يا أسماء

بعد قليل

احداث الفيلم الهندي لاتقتلني
abdoitthad
03-24-2009, 06:03 AM
اعلانات تجاريه

عاوز تخس اتصل بزيرو تلات اصفار خمس اصفار

هنخسسك هيييييييييييييييه بقولك انت

http://www.winchare.com/uploads/images/winchare-440999d5dc.jpg (http://www.winchare.com)

هييييييييييه بقولك انتي

http://www.winchare.com/uploads/images/winchare-440999d5dc.jpg (http://www.winchare.com)

اتصل بالرقم ده وهتخس يعني هتخس

http://www.winchare.com/uploads/images/winchare-98c6685d3c.jpg (http://www.winchare.com)

محمود فرج الله
abdoitthad
03-24-2009, 06:42 AM
الفيلم بطولة

اميتابتشان ... محمد شان ... عبد العزيز شان

اخراج

السيد شان

تدور احداث الفيلم حول عصابة محمد شان وعبد العزيز شان

الذين يريدون قتل اميتابتشان

يذهب اميتابتشان الى بيت حبيبته ليختبأ هناك

وتأتي العصابه لتقيده على الكرسي
http://www.winchare.com/uploads/images/winchare-26baf12dda.jpg (http://www.winchare.com)
وتضع متفجرات وصواريخ وقنابل نوويه

لتفجير المنزل

فاصل هندي قصدي اعلاني ثم نعود مع الفيلم الهندي

ـــــــــــــــــــــــــــــــــــــــــــــــ

قناة عيني عينك مش هتقدر تفتح عينيك

ـــــــــــــــــــــــــــــــــــــــــــــ

عدنا

يحاول اميتابتشان فك قيده

http://www.winchare.com/uploads/images/winchare-1cf514925c.jpg (http://www.winchare.com)

ولكن بعد فوات الاوان

وتنفجر القنابل والصواريخ

ويخرج اميتابتشان من المنزل ومعه حبيبته ويأخذ في تنفيض ملابسه (ولا كان في اي متفجرات ولا البيت وقع عليهم ولا اي حاجه )

ثم يغني لحبيبته بتاع ساعتين تلاته

http://www.winchare.com/uploads/images/winchare-cc6a397a22.png (http://www.winchare.com)

ويتجوزوا في الاخر

http://www.winchare.com/uploads/images/winchare-f3c0cc8165.jpg (http://www.winchare.com)

النهاية
Night Moon
03-26-2009, 01:47 AM
ههههههههههههههههههههههههه جامد الفيلم يا عبدة والانتاج رائع باين عليه الصرف باين باين يعني ههههههههههههههههه
free eagle
03-26-2009, 01:57 AM
الله ينور يا عبدو موضوع جامد جدا

تسلم ايدك


وانتظرنى مع الاخبار باذن الله
mr.lonly
03-26-2009, 02:11 AM
بشكرك يا عبدة علي الفكرة الجامدة دى واحب اشارك ب ....



انا و البطيخ وهوااك .. برنامج .. للحب.. و عن الحب

مع اوووسامه منير


الحب
ذلك الشعور السهلبيسي الذي يزعزغ عقول البشر
و يهشك قلوبهم


مستمعينا لسه بنتكلم عن الحب وحلقتنا النهارده عن

الاستهبال في الحب
معاكم اسامه منير علي نجوم fm مزيكا علي كيف كيفك

في.. انا و البطيخ و هواك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها



دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
abdoitthad
03-26-2009, 02:26 AM
ههههههههههههههههههههههههه جامد الفيلم يا عبدة والانتاج رائع باين عليه الصرف باين باين يعني ههههههههههههههههه


اي خدمه يا اسماء ولسه الافلام جايه كتير
abdoitthad
03-26-2009, 02:28 AM
الله ينور يا عبدو موضوع جامد جدا

تسلم ايدك


وانتظرنى مع الاخبار باذن الله


منتظرين اخبارك يا باشا
abdoitthad
03-26-2009, 02:30 AM
الله ينور مستر لونلي وننتظر المزيد
Night Moon
03-29-2009, 03:52 AM
احم احم احم
والان مع برامج الاطفال
(المقدمة)ياولا ياولاد ترترا تعالو تعالو ....................................
اعزائي الصغار النهاردة انا جايبلكو قصة جديدة جدا ماحدش سمعها قبل كدا والقصة هي
كان ياماكان مايحلي الكلام الابذكر النبي علية الصلاة والسلام كان في قرية صغيرة في بلد كبيرة فيها عايش فيها ناس كتيييييييييييير وبيشتغلو في الحقل وبيزرعو جميع انواع الفواكه ولكن كان عايش فيها شخص شرير جدا اسمة اسمة دراكولا وكان عم دراكولا دة مابياكلش زينا فواكه وخضروات لا دة كان بياكل بياكل بني ادمين وكان بيخرج من بيتة يتمشي ويتفسح بالليل كدا علي حوالي الساعة واحدة وكان اللي يقابل عم الحج دراكولا دة يقوم مخلص علية وفضل عم الحج دة يخلص علي واهل القرية واحد ورا واحد لحد ماتبقاش حد في القرية خالص وراح طبعا زهق دراكولا لان طبعا مافيش حد ياكلة فلم عزالة وراح لقرية تانية يخلص علي الناس اللي فيها وهكذا وهكذا ............................
توتةتوتة فرغت الحودتة حلوة ولا ملتوتة

اعزائي اولياء الامور طبعا انا جبت القصة دي علشان الاطفال يتعظو شوية ويتامو بدري بس انا عارفة مافيش فايدة زي مقال سعد زغلول وشكرا
alaa eid
03-29-2009, 04:06 AM
ههههههههههههههههههه
القصة جميلة جداااا
تسلمي يا قمر
محمد عمرو عبد الحليم
03-30-2009, 11:44 PM
بعد رحيل اسماء وتحولها الى دراكولا علشان دراكولا الاصلى عضها بعد القصة علطول هنشوف قصة تانى
طبعا مش معايا مع حد تانى
بجد قصة حلوة يا اسماء و بعد الشر عليكى انا بهزر فقط
بجد قصة جميلة
استمرى
جزاكى الله خير
سندريلا
04-07-2009, 02:04 PM
ايه القناه الجمده دى :rolleyes: ياريت تزيعوا المسلسل العربى فاضى ومش فاضى ;) وكمان تجيبوا حلقات كارتون الكابتن ماجد:p
أحمد رمزى
04-07-2009, 08:06 PM
والله يا عبده لما دخلت ع الموضوع وقريت أوله فكرتك بتتكلم جد ودى قناه بجد وخصوصا مع الصوره الرمزيه بتاعتك
للنجم Wentworth Miller
أو

Scofield

زى أسمه فالمسلسل العالمى prison break

بس لما كملت الموضوع لقيت الفكره جامده جدا

الف مبروك عبده على أنطلاق القناه
ودلوقتى هسبكم ونررررررررجع لبعض تانى
abdoitthad
04-09-2009, 02:55 AM
شكرا ليكم

ومنتظر برامجكم على القناة
Rania Ismail
04-09-2009, 03:04 AM
الف الف مبروك على افتتاح المحطة الجديدة
ومزيد من التقدم ان شاء الله
بجد فكره جميله والتوبك رائع بكل البرامج اللى فيه
تسلمو
Mahro
04-09-2009, 05:28 PM
اليكم نشرة السادسه

القوات الروسيه تحشد قواتها بالقرب من السواحل الشماليه للبحر الأبيض المتوسط

تحسباً لوع اى هجمات عليها من افراد حركة حرب امبابه

وافراد الحركه يستعدون للقتال بروح الرجال

ويساندهم اقليات ومنحرفى وشباب اوعى يغرك جسمك

من جميع انحاء مصر القديمه

عمتم مساءا وسوف نوافيكم بالأخبار




موضع بجد هايل يا عبدو جامد يا واد
abdoitthad
04-10-2009, 11:15 AM
شكرا lover angel

شكرا ماهرو على نشرة الاخبار وشد حيلك عشان تشتغل مذيع في القناة
Mahro
04-12-2009, 12:46 AM
شكرا حبيبى عبدو

احباءنا الكرام تأخذم اليوم قناة عينى عينك الفضائيه لصاحبها عبدو عم الأتحادويه

لنقل المباراه الوديه بين فريقى الأتحاد & حرس الحدود

وانا شايف المدرجات مليانه اتحادويه والماطش هيبقى نااااااااااااااااااااااااار

لو انته على شمال التليفزيون هتلاقينا على شمالك ولو انته على اليمين هتلاقينا على يمينك

المهم انك قاعد وهتلاقينا وخلاص

يالا ودى االعيال وامهم عند حماتك

ومع عينى عينك هتحلى اكيد اوقاتك

كان معكم معلقكم

حماد ريعو

ازيك يا ماما .....................

ههههههههههههههههههههه
جوليت الحب
04-12-2009, 01:25 AM
لا بجد فكرة حلوة اوووووووووى يا عبدة تجنن اوى والفيلم دة باين صح انه اتكلف كتير بس انا هضيف حاجة صغنونة مع قناة عينى عينك اكيد اكيد مش هتقدر تغمض عنيك :eek:
abdoitthad
04-14-2009, 03:33 AM
أهلاً و سهلاً بكم في نشرة أخبار ثاني يوم علي التوالي من أيام القمه العربيه ، نقدمها لكم من قناة عيني عينك الفضائيه


1-الرؤساء العرب إستيقظوا من النوم مبكراً لبدأ ثاني أيام القمه العربيه.

2-الرؤساء العرب يأخذون دُشاً سريعاً لكي يكونوا [ مصحصحين] في القمه.

3_الرؤساء العرب إرتدوا ملابسهم و جايين في السكه.

4- وصل الرؤساء العرب إلي قاعة مؤتمر القمه العربيه و يتناولون الآن طعام الإفطار.

5-الرئيس 1 يتلذذ بطعم الفول [ إللي بطعم الجمبري] .

6-الرئيس 2 نسي و لف الطعميه في القرطاس الذي كتب فيه خطابه.

7-إنتهاء الرؤساء العرب من طعام الإفطار و علي الفور يبدأون القمه.

8-الرئيس السوداني يلقي خطاباً يرحب فيه بأشقاؤه العرب من جديد نظراً لأنهم وحشوه من إمبارح.

9-الرئيس السوداني يُنهي خطابه و يصفق له الأشقاء العرب و هم [ مصحصحين] نظراً لأنهم أخدوا دُش قبل المجئ إلي القمه.

10-الرئيس 1 يتفضل بإلقاء خطابه [ هو هو نفس الخطاب الذي قاله في اليوم الأول للقمه] نظراً لأنه مش لاقي حاجه يقولها.

11-الرئيس 2 محتاس لأن الدور قادم عليه في الكلام و هو لف الطعميه في الخطاب .

12-يضطر الرئيس 2 أن يقول أي كلام يخطر بباله لأنه لا يجد ما يقرأ منه .

13-الرئيس 3 زهق من السماع فيقوم بتسليك أسنانه من آثآر طعمية الإفطار.

14-الرئيس 4 يسأل الرئيس 5 عن الدوله التي يرأسها لأنه نسي [ هوا رئيس إيه؟]

15-الرئيس 5 أجابه بالحل الشافي بأنه هو رئيس جامعة [ القلل المتحده]

16-إنتهاء الرئيس 2 من إلقاء [الهلس بتاعه] الذي إستغرق 8 ساعات و نصف و دقيقتين و ربع إلا ثانيتين ‘ و يغادر الرئيس 2 بلاده غاضباً من الطعميه [ ربنا يخرب بيتها] و يقرر العوده إلي بلاده ، وكان هذا أثناء إلقاء الرئيس 3 لخطابه [ الذي كان لا يتذكر هو رئيس إيه؟]

17-الرئيس 3 غضب هو أيضاً من أن الرئيس 2 غادر القاعه أثناء إلقاءه لخطابه و يصف هذا الموقف بأنه [ قلة ذوق ] و يحلف 3 يمين بالله ماهو مكمل الخطاب فيقرر مغادرة قاعة المؤتمر و العوده إلي بلاد الرئيس 2 لكي يهزأه علي جريمته الشنعاء.

18-الرؤساء العرب بدأوا يناموا ،فيقرروا إستكمال وقائع المؤتمر في الأحلااااااااااااااااااام .

19-و يغادر أصحاب الجلاله و الفخامه و السمو قاعة المؤتمر علي أن يعودوا غداً لإستكمال وقائع القمه العربيه.


قدمنا لكم نشرة أخبار الساعه الخامسه و خمسه إلا خمس دقائق من إستوديوهات قناة عيني عينك الفضائيه

نشكركم وطاب مساؤكم
Youssef Mostafa
04-14-2009, 04:02 AM
ههههههههههههههههههههههههههههههههه


موضوع جامد اوى ياعبدوووووووووووووووو
روميو الحب
04-14-2009, 08:01 AM
انا عندى برنامج جامد اوى بس ياريت حد كريس ومش بيمل من القادة هوة الى يعملوة البرنامج اسموة برنامج وش وسهل اوى هيطلع بليل على الساعة واحدة ويعمل ششششششششششششششششش لغاية متلاقو برامج جديدة
abdoitthad
04-14-2009, 01:45 PM
هههههههههههههههههههههه

ماشي يا روميو

هكلمهملك
Night Moon
04-26-2009, 02:47 AM
والان البرامج التعلمية
اعزائي الطلبة والطالبات في جميع المراحل احنا الان هاندرس ماة الله اعلم باسمها ايه يعني الوزارة منزلاها لحد مايشوفولها اسم ولما يبقو ينزلولها اسم هتبقي الوزارة تبعتلكو smsاو ايميلات كدة يعني
الدرس الاول النظرية

بما ان المثلث متساوي الساقين اذن المثلث متساوي الاضلاع وبما ان المثلثات كلها شبه بعضها فكل المثلثات متساوية وريحو دماغكو

الدرس التاني ملغي
الدرس الثالت قراءة (تحت رعاية القراة للجميع)هما حطينة غلاسة زيادة ورق
الدرس الرابع جدول الضرب
جدول الضرب رقم 1و2لحد مالانهاية كلة = 5 دة الجدول الجديد

نصائح للطالب
ياابني يا حبيبي منك له ولها لما تدخل الامتحان اول ماتمسك ورقة الاسئلة وتجاوب المسائل اضحك للمسأله تتضحكلك وتتحل المسألة بكل سهولة

لما تتزنق في سؤال كدة ولا كدة بلاش تغش من اي حد ألف اي حاجة من منهجك أو غش من حد واثق ان دحيح يعني مش هيغلس عليك ويديك المسألة غلط
مع تمنياتي لكم بالنجاح والتوفقيق ان شاء الله
abdoitthad
04-28-2009, 01:39 AM
هههههههههههههههههه

الله ينور عليكي يا اسماء

ايه البرامج الجامده دي ؟

اهم حاجه التعاون بين الطلبه في الغش :D
pretty angel
04-28-2009, 02:00 AM
بصراحه قناه جاااااااااااااااااااااااااامده جدااااااااااا

والبرامج خطيره

ولا الفيلم تحفه

هههههههههههههههههه

لا بجد بجد موضوعك يا عبده روعه جداااا والله

ومذيعى القناه يجننو

اتنمى لكم المزيد من التقدم

وفى انتظار المزيد والجديد من البرامج والاخبار
Silver Man
04-29-2009, 03:38 PM
ايه يابودز الحلاوة دي انت بتعمل قنوات من ورايا


ممكن اشارك ولا تخاف اني اخد مكانك اول ما يسمعوا موضوع القناه وانا ابقي مديرها



قصة بوليسية خطيرة:

كان فيه ولد وبنت في الغابة البعيدة ...............خلصت

شوفت بقي دلوقتي كله هيرد علية واخد مكانك
Ma7amed Adel
04-29-2009, 07:02 PM
هى قناة ليلية ولا صبح وبليل هههههههههههههههه
abdoitthad
04-30-2009, 01:49 AM
بصراحه قناه جاااااااااااااااااااااااااامده جدااااااااااا

والبرامج خطيره

ولا الفيلم تحفه

هههههههههههههههههه

لا بجد بجد موضوعك يا عبده روعه جداااا والله

ومذيعى القناه يجننو

اتنمى لكم المزيد من التقدم

وفى انتظار المزيد والجديد من البرامج والاخبار



القناه منوره بمروركم

وببرامجكم
abdoitthad
04-30-2009, 01:52 AM
ايه يابودز الحلاوة دي انت بتعمل قنوات من ورايا


ممكن اشارك ولا تخاف اني اخد مكانك اول ما يسمعوا موضوع القناه وانا ابقي مديرها



قصة بوليسية خطيرة:

كان فيه ولد وبنت في الغابة البعيدة ...............خلصت

شوفت بقي دلوقتي كله هيرد علية واخد مكانك


ايه القصه الجامده دي

شكلك كده هتاخد مكاني رسمي :D
abdoitthad
04-30-2009, 01:54 AM
هى قناة ليلية ولا صبح وبليل هههههههههههههههه


القناة مفتوحه 24 ساعه

انت بس عايزينك تشرفنا
Mahro
05-04-2009, 10:13 PM
عاااااااااااااااااااااااااااااااااااجل

وسول مسؤل امييييكى الى سرم السيخ

ولم تذكر الحكوما اى استفسارات عن سبب مجيئه

وبعض الجهات تدعى انه جاء لقضاء اجازه المصيف بساطىء بلطيم

وحضور المباراه الوديه الدوليه بين مركز شباب مركز الله يسهلك مع نظيره الكاسح

مركز شباب صباح الفل يا ست الكل

وسوف نوافيكم بتفاصيل الأحداث
pretty angel
05-04-2009, 11:43 PM
ونحن فى انتظار تفاصيل هذه الزياره واحداثها
Night Moon
10-09-2009, 04:00 PM
احم احم
نشرة الاخبار من كوكب المريخ واليكم التفاصيل

-إليكم نشرة أخبار سنة 2030 من محطة المريخ الفضائية...التردد على الديجيتال(30000أفقي)...


-اكتشاف فيروسات كمبيوتر خطيرة تنتقل إلى الإنسان عن طريق الشاشة والماوس

-إختفاء طبقة الأوزون نهائيا فوق فرنسا

-إسرائيل ترفض الانسحاب من البصرة إلا بعد ضمان أمن مستوطناتها في بغداد

-سيريلانكا تطرد ثلاثة آلاف خادمة عربية

-إعفاء ذوي الدخل المحدود من دفع ضريبة الهواء

-إلقاء القبض على عربي مبتسم والشبهات تدور حول دوافع ابتسامته ، ومصدر أمني (سميك) المستوى يقول الابتسامة مدفوعة من جهات خارجية

-واشنطن تتهم ليبيا بتفجير سفينة فضاء فوق المريخ

-وزارة الداخلية اليمنية تحذر من استخدام الصواريخ في الأفراح

-فتوى تثير جدلاً واسعاً : الطلاق بواسطة الايميل غير جائز

-تحطم مركبة فضاء موريتانية على سطح المريخ بعد نفاذ الوقود فور دخولها مجال الكوكب المغناطيسي

-اختطاف سفينة فضائية أثناء توجهها إلى المريخ والمختطفون يطلبون حق اللجوء السياسي إلى كوكب الزهرة

-وشكرا علي حسن استماعكم لنا ونلتقي ان شاء الله في تمام الواحدة صباحا
هههههههههههههههههههههههههههههههههههههههههههههههههه ههههههههههه