من الاكثر تلاعب بالمشاعر ؟؟؟

[samomran]

هناكَ منْ البشر من هوايتهم التلاعب بمشاعر الآخرين , فتجدهُ مثلاً

يقولُ لِفُلانة ((أُحبّك)) , ثمَّ يذهب إلى فتاةٍ أُخرى ويقولُ لها نفس الكلام

ثم يتنقّل بين الفتيات كالبستاني الذي يتنقّلُ بين الورود !!...


هؤلاء النوعية من البشر هم كثيرين جداً ولا حصرَ لهم , ولكنْ باعتقادي

الشخصي أنَّ هؤلاء لديهم نقص عاطفي وعقدة نفسية ......

وكذلك يوجد من (الفتيات) من هوايتهنَّ التلاعب بمشاعر الشباب والضحك

عليهم , فينطبق عليها مثلما ينطبق على الشاب تماماً......

في رأيك من هوَ أكثرُ تلاعباً بالمشاعر الفتاة أم الشاب ؟
مع ذكر الاسباب التي تدفع الي عمل ذلك؟؟

[Youssef Mostafa]

بص ياسلام انت الاول شبهت الاشخاص دى بالبستانى اللى بيتنقل بين الورد
فكدة انت قللت من قيمة الرجل وزودت من قيمة المراة
وفى نفس الوقت ان الوردة لو البستانى مهتمش بيها حتمووووووت

المهم ندخل فى الموضوع
انا شايف ان الحكاية دى بصراحة كدة بتحصل كتيير من الشباب
بس انهى شباب بقى؟؟؟
شباب الشات والانتر نت اللى قاعدين طول النهار ع النت يصطادوا بنات
والبينت يعينى متصدق تلاقى واحد قالها كلمتين حلوين معسلين
تقولك بس هو دة فارس احلامى
بس كدة

[samomran]

مشكوووووووووووور يا يوسف على الرد الجميل ده

[mony]

اولا موضوع جميل يا سلام

احييك عليه

ثانيا انا مع راى يوسف

بس احب اقولك يا يوسف ان مش كل البنات كده

ممكن تعتبر البنات اللى مش بتفكر كويس اوى اللى عوزه تعيش السن زى اى بنت

وعلى فكره كمان يا يوسف مش شباب الشات والانترنت بس

بالعكس ده فى شباب كتير يعنى فى المجتمع فى اى مكان ممكن يلعبو بمشاعر اى حد

[samomran]

راى جميــــــــــــــــــل
يا مونى

و انا سعيد انى شوفتك

[ياسمين]

اولا شكرا يا اسلام على الموضوع الجميل دة
ثانيا انا من رأى مونى ان شباب كتير في المجتمع دلوقتى بيلعبوا بمشاعر اى حد يعنى مش شباب النت وبس
والشباب اعتقد انهم اكتر تلاعبا بالمشاعر وفى برضة بنات بس قليل الشباب اكتر لانهم هم اللى بيقدروا يصرحوا بمشاعرهم حتى ولو كانت زائفة
ولكن البنات بحكم الاخلاق والعادات مش بتقدر تصرح للشاب بأى مشاعر لذلك في اعتقادي ان الشباب اكتر تلاعبا بالمشاعر

[samomran]

مشكورين يا جماعه على الردود الجميله دى

[Ma7amed Adel]

انا من وجهة نظر الكل انا الشاب هو الذى يفعل ذلك ولكن البنت التى جعلته يفعل ذلك فهى احبته دون معرفت مشاعره

[samomran]

مشكور يا عادل على الرد الجميل ده

[Ma7amed Adel]

اية خدمة انت تامر يا سلم بس بجد دى حقيقة واقعية صح ولا لا

[samomran]

اكيــــــــــــــــــــــــد صح يا عادل الله ينور ردك جميــــــــــــــــــــل

[Yamyam]

طبعاً الولاد هم الأكثر تلاعب بالمشاعر
لأن من السهل عليهم يقولو(بحبك)
و فاكرين انهم بيمتلكو البنت بيها
وده بيكون مجرد تسليه فقط أو حب امتلاك


بس فى النهايه بيبان عليه اذا كان بيتسلى أو لا
من خلال عدم الاهتمام بيها على الأقل

[Mohamed Hashem]

هههههههه
صعب قوى اليومين نحكم
مين اللى بيتلاعب بمين
ضحكتونى ياولاد

[eslam mamdouh]

موضوع جميل يا سولوم


صعب انك تقول ان الشاب هو اللى بيتلاعب بمشاعر الفتاه او العكس

ده خطا تعميم كبير


الموضوع بيختلف من شخص لاخر حسب طبيعته ومشاعره

لكن اللى انا بعتقده ان الشخص اللى بيتلاعب بمشاعر الاخريين هو شخص غير سوى يعانى نفسيا ممكن يكون هو مجروح من قبل والجرح ده هو اللى خلاه يتلاعب بمشاعر من امامه

لكن فى النهايه هو الذى يجنى على نفسه وهو فى النهايه الخاسر الوحيد....يخسر دائما حبه للاخرين وحب الاخرين له




شكرا جدا لموضوعك الجميل

[emu]

اولا بحيييييييييييييييييييييييك تحيه جامده جدا يا سامو علي الموضوع الجميل والجديد ده
واللي اكيد طبعا هتكون المناقشه فيه مفيده جدا
انا شايفه ان مفيش حد في الدنيا دي نيته سليمه وضميره صاحي 100% ولد او بنت
احنا مش ملايكه يعني..
بس النصيب الاكبر في التلاعب بيكون في الولد او الراجل بمعني اصح وده مش كلامي ده كلام علم النفس
و الاكيد ان الدنيا فيها ناس بتراعي ربنا في اختيارها و قادره تخلي اللي جواها سليم وصح
ولو كان في حب صادق واحترام بين الطرفين اكيد مش هيكون في اي تلاعب ولا خيانه
ولو كان في بين الطرفين اي نيه بالتلاعب بيقي الاحسن متتقالش كلمه المشاعر لانها خساره فيهم
شكرا ليك مره تانيه يا سامو.....

[samomran]

شكرا ليكم جميعا على الاراء الجميله دى

على الرغم من ظلمكم للاولاد

الا انه راى و يحترم


و انا فى انتظار باقى الردود

[هدى على]

دية ظاهرة منتشرة جد ااااااااااا مش عارفة اوصفلكم الشخص دة دة معندهوش قلب ولا عقل ولا عندة حاجة اساسا

[samomran]

و الله يا جماعه

ماحدش يقدر يحكم على الموضوع ده لانه نسبى

زى ما فى ولاد بيلعبوا بالبنات

\فى بنات استاذه فى الكلام ده

و صدقونى هم الاغلبيه

[emu]

و الله يا جماعه

ماحدش يقدر يحكم على الموضوع ده لانه نسبى

زى ما فى ولاد بيلعبوا بالبنات

\فى بنات استاذه فى الكلام ده

و صدقونى هم الاغلبيه


يا اسلااااااااااااااااام!!!
اغلبيه ايـــــــــــــــه بس؟؟؟؟
عموما احنا عايشين علي الارض والارض مافيهاش ملايكه
ولد بنت كلنا جوانا مشاعر طيبه ومشاعر من النوع التاني
بس الشاطر بقي اللي يقدر يتحكم في نفسه اولا ويختار صح
علشا مش كل واحد ولد كان او بنت يمر بتجربه ربنا يقدرلها انها متكملش
يقول البنات هم اللي مش عارف ايه
او الولاد هم اللي بيلعبوا
وكدا يعني
الدنيا ماشيه بينا وكلنا في مركب واحده
والقدر والنصيب في النهايه بيلعبوا دورهم....

شكرا ليك يا سمسم


.

[samomran]

شا شيمو انا ما قولتش كده


بس الفكره و اسالى اى حد

البنت الوحيده اللى ممكن تلهم اللى قدامها انها بتحبه من نظره عينها بس


عشان كده البنات قادرين على كل حاجه



ان كيدهن عظيم


ولا ايه

[الورده البيضاء]

موضوع بجد مهم جدا تحديدا لانة منتشر كتير اليومين دول
وفعلا يااسلام عندك حق فى بنات بتقدر تخدع بعض الشباب ياجماعة زى مافى شباب مستهتر بيخدع البنات الساذجة بردو فى بنات مستهترة بتخدع شباب ساذج
ولكن مننكرش ان نسبة الشباب الخداعة اكتر بكتير وقليل جدا انك تلاقى بنت تخدع شاب
عامة منهم لله الاتنين
والف شكر لموضوعك الجميل جدا بجد تسلم افكارك
اسفة عالاطالة

[samomran]

شكرا ليكى اسعدنى مرورك