أيهما أهـــم بحياااتك كرامتك أم قلبك؟ ( موضوع للنقاش)

[اسامه البنا]

السلام عليكم ورحمة الله وبركاته


أيهما أهـــم بحياااتك كرامتك أم قلبك؟


هو ممكن الواحد يستغني عن قلبه


علشان خاصر كرمته؟


لماذا يبيع الصديق صديقه والحبيب حبيبته والعاشق وغيرهم (؟)

وكل شخص اكيد بقي له موقف من الحياة سواء مع صديق

او حبيب او زوج .... هذه هي الحياة ؟


مفيش سبب ليه ده فعلا ..!

صحيح انه لابد ان تكون كرامة النفس فوق كل اعتبار

ولكن لماذا ولدت التضحيه اذا كانت كرامة النفس هي المنتصره

في الغالب!!!!!!!


ام هي مجرد كلمات نؤيد مضمونها ولكن بدون العمل بها ....

لنقف لحظة على بعض الجمل

هي موجوده في حياتنا ودائما نرددها في موقف معين

لا

وانما في حدث ،،،،



خداع

خيانة

كراهية

كذب

ضعف

هزيمة



قالوا :


( الي يبيعك بيعه )


( اللي يهواك اهواه..واللي ينساك انساه )


( الذي لا يعتبرك ربحا لا تعتبره خسارة )


( الصديق وقت الضيق )


فكـــر قليلاً ...


هل نستطيع حقا تطبيق ذلك !!



فعندما نلتقي بصديق مثلا ..نثق به..ونبوح له بمشاكلنا

ثم

مع مرور الايام نكتشف انه لا يحبنا...ولا يعتبرنا الا خيال


في غيابه نسئل عنه ...وان غبنا لا يسئل عنا

هل حقا نتخلى عنه

مش عارف بس هي محيره شويه!!!!!!!!!!!

ودلواقتي انتوا قريتوا الموضوع

وبكده ممكن تجاوبوا علي السؤال بس بكل صراحه ياريت

السؤال هو
(أيهما أهـــم بحياااتك كرامتك أم قلبك؟)

[Marwa Mahmoud]

بشكرك جدا جدا جدا على الموضوع الرائع ده يا أسامه

وبحييك على طريقة عرضة والاسئلة جميلة جداااااااا

سؤال بيقول


أيهما أهـــم بحياااتك كرامتك أم قلبك؟

هما الاتثنين بألتأكيد مهمين عندى لأن كل واحد فيهم بيكمل التانى

أنا ممكن أتنازل عن بعض حقوقى اللى ممكن أتغاضى عنها

ولكن ليس على حساب كرمتى

وأيضا قلبى هو ملك لى لا استطيع تجاهلة فيأخد دائما أولويتة

ممكن نضحى كتير أوى فى سبيل حد بنجبه بجد

ويستاهل حبنا ليه فبنجى على نفسنا وعلى كرمتنا فى بعض الاوقات

عشان نفضل محتفظين بيه ..لانى مش بؤؤمن بقوله ( اللى يبيعك بيعة )

للأسف مبعرفش اابيع بسهوله

عذرا للإطالة

[اسامه البنا]

نورتي الموضوع يا مرمر

وبشكرك علي رايك ومشركتك جدا

[Youssef Mostafa]

بص ياسمسم حقولك حاجة حلوة

فى الحب ننسى كرامتنا وفى الغيرة ننسى الحب


يعنى احنا ممكن احيانا نهملكرامتنا واحيانا نهمل قلبنا

[اسامه البنا]

رايك عجبني يا يوسف الله ينور عليك

اسعدني مرورك

مستنين الباقي؟؟؟؟؟؟؟؟؟؟؟؟

[ياسمين]

شكرا يا اسامة على الموضوع الرائع دة
بس من وجهة نظرى ان الكرامة بالنسبة لى فوق كل شىء
إذا تعارض الحب مع الكرامة ....................................
.......................................فليمت الحب و لتحيا الكرامة

[اسامه البنا]

فلتيحيا راي يا سمين

مرورك اسعدني كتير والله

[ريحانة الزهور]

أصون كرامتي من قبل حبي فأن النفس عندي فوق قلبي

رضيت هوانها فيما تقاسي و ما اذلالها في الحب دأبي

وما هانت لغيرك في هواها و لا ذلت لغيرك في التصبي

ولكني سمحت بها لأني رأيتك مثل نفسي في التّأبي

و كيف تكرمين هواي يوما اذا اذللتني ما بين صحبي

و ماذا تبتغين و قد توالت دلائل صبوتي و شهود حبي

و ناجاك الهوي بلحاظ عيني و حدثك الضني بلسان كتبي

عتبت عليك في حبي لأني رأيت الحب أبقي بعد عتب

[ريحانة الزهور]

يسعدني أن أجيب على سؤالك هذا ...
بهذه الابيات لاحمد رامي
لو وجدت من تحيا من اجله لن يجعلك يوما إلا في عز
جزاك الله خيرا

[toleban]

شكرا يااسامة على الموضوع

بجد جاااااااااااااااااااااااااااااااااااااااااااااامد حدااااااااااااااااااااااااااااا

بس بالنسبالى الكرامة فوق كل شى

لان صعب جدا انك تلاقى واحد يستحق انك تتنازل عن كرامتك علشانه

[اسامه البنا]

بجد يا ريحانه اسم علي مسمي

بجد رايك اسعدني ودعم موضوعي

الله ينور عليكي

وبجد يا تولين رايك يحترم اسعدني مرورك

[الورده البيضاء]

السلام عليكم ورحمة الله وبركاتة
موضوع رائع جدا وجميل جدا يااسامة
تسلم ايدك
وانا من رائى ان كرامة الانسان فوق كل شىء
لان الانسان هو عبارة عن روح وكرامة لو ضاعت كرامتة بيضيع هو كمان
ومفيش حد يقدر يعيش من غير كرامة
تسلم ايدك والف شكر عالموضوع

[eslam mamdouh]

شكرا ليك يا اسامه موضوع جميل جدا



اسامه انا شايف ان مفيش وجه نقاش او مقارنه


الكرامه فوق كل شى

الانسان ممكن يضع قبه اسفل قدمه لو احس مجرد احساس ان ذلك قد يؤثر على كرامته

مع احترامى لكل شى لو الانسان ترك قلبه ومشاعرع تتحكم فيه وفى كرامته بالتاكيد يهلك

كرامه الانسان تبقى دائما هى عنصر احترامه لذاته وبقاءه والثقه بنفسه


شكرا ليك جدا على موضوعك الجميل

[ALY ELSAYED]

شكرا يا اسامه علي موضوعك الجميل القيم

لانه فعلا هو ده الي بيحصل والي بنشوفه من الاخرين حولنا

سؤلك
أيهما أهـــم بحياااتك كرامتك أم قلبك؟

طبعا وبدون جدال كرامه الواحد مننا فوق كل اعتبار زي منتا مقولت

لكن بالنسبه لليبيعك تبيعه والكلام ده

هنا تختلف الناس مع بعضيها تجاه رد الفعل حسب شخصيه كل واحد

وانا من رئي انك لو انتا كويس وبتعامل الناس كويس ولقيت منهم غير كده

اسمحلي اقولك ان انتا كويس لنفسك ومش معني كده انك تتغير في معملتك

خد الحذر منهم واتعامل بنفس تعاملك

عامل ربنا في معامله الاخرين ولا تعامل انفسهم

جزاك الله كل خير يا اسامه

[Yamyam]

طبعاً كرامتى أولاً


ولكن




هناك القليل من التضحيه والتنازل



بس لو كان يستاهل

[Marwa Magdy]

بالنسبه ليا انا
كرامتى اهم بكتير اوى من قلبى

شكرا يا اسامه على الموضوع

[ميرا مار]

موضوع راائع جدا والله يا اسامة

بس يا ترى كل الاراء دى حقيقة؟؟

واللا عند التنفيذ بتبقى فى حاجة مش فاهمها؟؟

بالنسبة ليا يا اسامة..

انا راحة قلبى للاسف..فى راحة ضميرى

مش باحب ابدا اكون ظالمة..ولحظة ماختار كرامتى على حساب قلبى

ممكن تيجى كلمة تغير الدفة للانتظار قليلا..لاتاكد انى ماظلمتش

لكن لو اتاكدت فعلا ان اى حد باحبه مش بيحبنى خلاص
فى لحظة خلاص بادى لقلبى الامر انه يكره بس على شرط انى اكون لاخر لحظة حافظت على حبى
عشان ابدا عمرى ماندم على حاجة

بس فعلا على راى اسلام.. سر سعادة المرا احساسه بكرامته..

وفعلا فعلا اللى يحبك عمره مايذل كرامتك ابدا..

باشكرك يا اسامة

[محمد زيدان]

اولا موضوع جميل جدا
ثانيا بالنسبة ليا انا بعتبر الاثنين مهمين جدا فى حياة اى شخص مفيش انسان ينفع يعيش من غير كرامة ومن غير حب
ولكن فى ترتيب الاولويات اكيد طبعا الكرامة

[emu]

اولا احب اشكرا يا اسامه علي فكره التوبيك بتاعك الجميل ده
واسمحلي اشارك برأيي المتواضع...
انا شايفه ان الحب في حد ذاته كرامه ولو ضاعت الكرامه اكيد مش هيكون في حب لان الحب اصلا اساسه الكرامه
يبقي ازاي ممكن اختار واحد منهم..
الكرامه اهم شئ عند اي انسان والحب جاي جاي بس في وقته المناسب ومع الشخص المناسب
ووقتها هيكون الحب والكرامه وجهان لعمله واحده زي مابيقولو
انا عن نفسي هختلهف مع كل الردود اللي اتكتبت(( مع احترامي للجميع طبعا))
لاني هختار الاتنين قلبي وكرامتي ومش هتنازل عن واحد فيهم ممكن كتير منكم يقول ازاي؟؟مش هينفع..
بس انا شايفه ان الجمع بين الحب والقلب والمشاعر والكرامه سهل جدا وخصوصا لو كنت مع شخص صادق وبيحب بجد
بس الصعب بقي اني اوظف مشاعري صح واحافظ علي حبي لاخر نفس ليا في الدنيا
((محدش بيعيش من غير حب ولا حد بيعيش من غير كرامه))


اسفه للاطاله

تقبل مرورييييي

[هدى على]

ساعات الواحد يتنازل عن كرامتة فى حاجات وساعات ميتنازلش فى حاجات بس الاهم فى التهاون وعدمها هو الاستقرار

[sweet girl]

طبعا يا اسامه الموضوع جميل جدا بس يمكن اكون ما سالتهوش لنفسى قبل كده او ممكن تقول انى بهرب من

الاجابه لان اجابتى هى انى هختار قلبى اه هختاره لان صعب اوى انك تقدر تتحمل وجع قلبك او مشاعرك او

كتوضيح اكتر انا فى البدايه هختار قلبى وممكن انى اهمل كرامتى عشان اللى بحبه لكن لو اكتشفت ان اللى

اتنازلت عشانه ميستاهلش التنازل ده ممكن انى ادوس على قلبى عشان كرامتى لانى بكل اسف قلبى

بيطغى على تفكيرى ..

شكرا ليك اوى يا اسامه واسفه جدا للاطاله

[اسامه البنا]

ما شاء الله كل ديه ردود

شكرا علي الردود وابداء الاراء

ومستني بقيه الاراء

[مى رسمى]

اسامه شكرا على الموضوع الجميل
وممكن اقول راى ولا ايه........................؟
حقول واللى يحصل يحصل
فى مقوله بتقول اصون كرامتى من اجل حبى
فاذا ضاعت الكرامه ضاع الحب
والحبيب دائما مايعامل حبيبه على انه نفسه فكيف يضيع كرامت نفسه
واذا تعارض حبى مع كرامتى تنازلت عن حبى من اجل كرامتى

[اسامه البنا]

مي فعلا ارائك بتعجبني اوي

الله ينور عليكي

[ساره مجدى]

الموضوع جميل اوى يأسامه
والسؤال ده كل واحد فينا بيسأله لنفسه كتير
بس اجابته بتختلف على اساس الانسان نفسه
الى ممكن اتنازل عن كرامتى عشانه
هل هو حقا يستحق ؟
ولو كان بجد يستحق يبقى مفيش مشكله
ومجرد عتابى ليه حيردلى كرمتى

[hemdan00]

بجد يا أسامة الموضوع دا من أجمل المواضيع اللي قريتها في حياتي ومن كتر حلاوته قريت كل الردود الموجوده عشان اعرف تفكير الناس ازاي بس (معا إحترمي للجميع طبعا) أنا متفق معا رأي مي رسمي الأنسان لما بيحب حد بيخاف عليه أكتر من نفسه ولو كان الحب دا بجد بيكون كل الحواجز بين الأتنين ملغيه أصلا يبقا إزاي حد بحبه يجرح كرامتي ولو حصل في يوم الحد دا جرح كرامتي يبقا ماكنش بيحبني لأن مفيش حد بيجرح كرامه نفسه بمعني أصح ( الحب كله كرامه )


http://tk.files.storage.msn.com/x1pNWjjkHJ3o_y0bOm-kz8FBu7V70-_gj9Jfac4YPjw5lDLr0P_-Jp1RBnuZN6bn_4VU-PN2qYC5vAc96dxowiZy26QzLNJbNQPhIsFuAM3FcGQ_Pj22hHS CcAZXSVxFV7peuQfGyQUUF0




?What do you do when the only person who can make you stop crying is the person who made you cry:( :(

[اسامه البنا]

شكرا يا جماعه لي الردود

مشرفين الموضوع