المساعد الشخصي الرقمي

مشاهدة النسخة كاملة : مصانع للموت ,.×.× حسبى الله ونعم الوكيل



ميرا مار
03-24-2009, 03:01 PM
مصانع للموت

هناك وسائل اخرى غير القتل بسلاح واضح معروف
ولكن هناك طرق اخرىتؤدى بنا فى النهاية الى الموت المحقق..

فى احدى قرى مركز الصف .. تخلى صاحبى مصنع عن اداميتهما .. وقادهما
الجشع الى المال الى العبث بارواح الناس ..
الكارثة تتم فى الخفاء..
أنشا رجلى الاعمال مصنعيهما...
فى اماكن صحراوية متاخمة للقرية بعيدا عن عيون الناس
وخلف الجدران ن يحدث ما لا يتخيله عقل...

بالات ضخمة معباه بنفايات المستشفيات المختلفة
أقطان ملوثة بدماء العمليات الجراحية،، شاش ملوث بدماء وفيروسات مسببة لامراض خطرة
كميات كبيرة من حفاضات كبار السن مستخدمة،،

ملابس واقمشة وملاءات سرير وكمامات وسرنجات وع بلاستيكية
واكياس حمراء مكتوب عليها مستشفيات جامعة القاهرة ومعهد الاورام
غير مصرح بتداولها او بيعها وعليها علامة خطر.,.×.×
كل هذا يتم فرمه بماكينة فرم القطن.. وتنعيمه ليتم الحصول فى النهاية
على نوع من القطن يشبهن التنجيد يتم بيعه لاستخدامة
فى المراتب والوسائد

طبعا انتقلت النيابة وحرزت اطنان واطنان من هذة النفايات واخرى جاهزة للبيعوقد اكد تقرير اللجنة
انها تحتوى على جراثيم وفيروسات مدمرة لجسم وخلايا الانسان
وانها تظل حية
والمفروض..كل دا بسبب موظين جشعين مالهم ضمير فى المستشفيات
المفروض يعدموا النفايات وبدل كدا يعبوها فى بالات ضخمة ويبيعوها

والسؤال دلوقتى.....

هل باتت ارواح الناس وحياتهم ملعبا احترف فيه سماسرة الموت وسائلهم
لتحقيق مكاسب قذرة؟؟؟؟؟؟؟

واين المسئولون ...المنوط بهم رقابة هذه المصانع غير المرخصة والتى انتشرت فى الاونة الاخيرة؟؟

حسبى الله ونعم الوكيل

المقال منشور باهرام السبت 21\3

ريما
03-24-2009, 03:22 PM
ماشاء الله عليكى باخت ميرامار الله يحفظك ويخليكى لا بابا وماما ويوفقك

mohamed-gohar
03-24-2009, 04:00 PM
الموضوع دا انا اول مره اعرفه شكرا علي افادتك يا ميرا وحسب الله ونعم الوكيل

ريحانة الزهور
03-24-2009, 04:12 PM
لاحول ولاقوة إلا بالله
للاسف كثيرا ما يحدث ذلك
إنعدم الاخلاق بات هو حال الناس
للاسف المال أصبح مسيطرعلي الناس
ربنا يرجمنا برحمته
جزاك الله خيرا

abdoitthad
03-24-2009, 04:23 PM
انا لله وانا اليه راجعون

فعلا ( ماتت قلوب الناس ....... و ماتت النخوه )

جزاكي الله كل خير

محبة الرحمن
03-24-2009, 11:40 PM
لا اله الأ الله
كم تنقل الملوثات وكم اصبحنا

ابناء سوء هل وصل بينا الحال الي المحال

لا اله الأ الله

بجد بارك الله فيكي وجزاكي اللله خير

Marwa Mahmoud
03-24-2009, 11:46 PM
حسبى الله ون عم الوكيل

ايه دة للدرجادى انعدم الضمير

لا حول ولا قوة إلا بالله

بشكرك يا ميرا جدااااااااااا على الموضوع

فعلا مهم جدااااااااااا

ميرا مار
03-25-2009, 12:52 AM
جزاكم الله خيرا يا جماعة جميعا على الردد

ريما
محمد
ريحانة
عبده
محبة
مرمر

وربنا يقدرنا جميعا اننا ابدا لا نسكت عن الحق فى يوم من الايام

خالد أبوسعده
03-25-2009, 01:07 AM
للاسف هى دى مصر

تفتكرى يا ميرا ان المسؤولين مش عارفين الكلام دا

لا دول عارفينه كويس اوووووى
بس لو منعوه كدا بيقفلوا باب رزق ليهم
الرشاوى و الهدايا الى بتجيلهم

دا غير انهم كدا بيوفروا ليهم بلايين
كأنهم بيلبسوا طاقيه دا لدا
كانهم تخلصوا من المخلفات و دى لها تكاليفها
و جابوا مواد خام و دى ليها تكاليفها برضه
يحطوا المخلفات مواد خام و تكاليف الاتنين يوزعوها علي بعض

مصر


العيب مش لمجرد المصانع و لا اصحاب المصانع
دى البلد الى بيديرها شويه ناس قذره
بايعين ضميرهم و ناهبين الشعب

تفتكرى المقاله دى ردها حيكون ايه؟
ولا الهوى

حمله صغيره
و يروحوا المصانع و يعاينوا من علي الباب
و كام عقوبه كدا يسدوا بيها عين الى بيتكلم
و يومين و يرجع الوضع زى ما هو

بس العيب الاكبر فينا احنا
الى شغالين فى المصانع دى و شايفين الى بيحصل قدامهم
الدكاتره
احنا الى بنشترى الحاجات دى

مقوله سمعتها و اعتقد انها صحيحه

كلنا ضحايا و كلنا مجرمين

free eagle
03-25-2009, 01:16 AM
حسبنا الله ونعم الوكيل

انا لله وانا اليه راجعون


ربنا يستر علينا


وشكرا يا ميار تسلم ايدك موضوع جامد

ميرا مار
03-26-2009, 12:08 AM
شكرا يا يسرى نورت


ايه يا خالد.. انا خفت والله.. معقول احنا كدا؟؟


مش عارفة مش متخيلة الوضع صعب قوى كدا..


بس ليه لا؟؟ عندك حق ..بس مش الحل اننا نسكت

بس احنا ماتربيناش ولا اتعودنا اننا نقول لا..مهما كان التمن

بس فى ايدنا ولو ان دى بداية

نحاول نتعلم نقول لا.. ولو شوفنا او سمعنا ..نقول..عشان لما ربنا يسالنا
نقول اننا ماسكتناش


شكرا يا خالد.. بجد باشكرك على الراى الجرئ والصريح دا
جزاك الله خيرت






الحق استخبى بقى اليومين دول:cool:

خالد أبوسعده
03-26-2009, 12:36 AM
ههههههههههههههههه

استخبى ليه
هو انا بتكلم فى السياسه لا سمح الله
لالالالا انا قصدى عم عبده الجناينى ههههههههه
هو السبب فى كل الى بيحصل فى البلد ( بدل ما اتمسك )

بصى يا ميرا
كلمه لا دى بنقولها لبعض
لكن منقولهاش لحد بره
المشكله بجد ان الى بيقول لا واحد او اتنين
و الله يرحمهم

مفيش تكاتف

تخيلى لو كان كل الشعب بيقول لا كانوا قدروا علي الناس كلها

لكن طول ما كل واحد لوحده بيتخلصوا من كل واحد علي حده

الذنب ذنبنا فى الاول
مشكله المصريين انهم محتاجين حد يجمعهم
مش بيجمعوا بعض

و دا يا يظهر يا ربنا يخلصنا من عم عبده الجناينى ههههههه كنايه علشان متمسكش ههههههه


كفايه كلام احسن بجد شكلى حتمسك

Ahmed Mohamed
03-26-2009, 01:09 AM
الله ينور يا ميرا
وبجد خالد عنده حق في كل كلمة قالها
لاننا بلد اللي يقول فيها الحق يا اما يطلعوه حرامي يا اما يخفوه ورا الشمس
ويطلعوا عليه بلاوي ويقولوا هرب

وهو ده فعلا اللي بيحصل في بلادنا
عم عبده الجنايني مخلاش حد يقول لاء ابدا
وقال اايه بلد ديموقراطي طيب هي فين دي

وكفاية كده بقة لحسن ابقي احصل خالد

بجد شكرا يا ميرا علي الموضوع المثير للنقاش ده

ميرا مار
03-27-2009, 11:40 PM
مين ميرا؟؟؟


انا ولا اعرفكم:D


وعم عبده دا حبيبى...
طب مش يمكن يا ولاد اللى حواليه هما اللى كدا؟؟:mad::mad:

واللا ايه؟؟:confused::confused::confused:

خالد أبوسعده
03-27-2009, 11:59 PM
هههههههههههههههههههه

اكيد الى حواليه هم السبب اه
بس اكيد عنده علم

فضايحنا علي التلفزيونات يا خوانا

Marwa Magdy
03-28-2009, 12:10 AM
حسبى الله ونعم الوكيل فيهم كلهم

موضوع جامد اوى يا ميرا
شكرا على المعلومة دى

alaa eid
03-28-2009, 12:35 AM
حسبي الله ونعم الوكيل
يااااااارب احفظنا جميعا
جزاكي الله كل خير

toleban
04-01-2009, 06:48 PM
حسبى الله ونعم الوكيل

اول مرة اعرف ان الناس وصلوا للحد ده

وان الاموال هى اهم شى عندهم واهم من حياة الناس

شكرا ليكى ياميرا ياعسل على الموضو الجميل ده