المساعد الشخصي الرقمي

مشاهدة النسخة كاملة : تعرف ايه عن نفسك؟؟؟؟؟؟؟



ميرا مار
09-09-2008, 11:24 PM
هات ورقة وقلم :)وجاوب :o..

اذكر اهم صفات مميزة لشخصيتك ..

بعدها اختر منها 3 صفات بتحبها فى نفسك ..


و3 تانية وحشة ومحتاج تغيرها .. و

صفة بقى مهمة فى شخصيتك بتديك ثقة فى نفسك ..

ايه اكتر لون بتحبه؟
وبتحس بايه لما تشوفه؟..

ايه الحاجة اللى بتحب تعملها وتقضى فيها وقت تحس بعدها انك سعيد؟ ..

مين اكتر شخص تحب رفقته؟ ..

ايه ممكن ينرفزك قوى؟ ..

ايه الاكلة المفضلة؟

والمشروب المفضل؟

فيلمك المفضل ..

اغنيتك..لعبتك .. هوايتك المفضلة؟


جاوب لو جاوبت بسرعة من غير ماتفكر
يبقى انت محظوظ لسة ماتوهتش من نفسك ..


واللى مش جاوب بسرعة ابدا بقى اعرف نفسك واتمسك بيها ..

Mimi
09-10-2008, 12:27 AM
موضوع هااايل جدآ بصراحة ياباش مهندسة وأنا هبدأ باه بس ليا طلب باه انا عايزه حضرتك كمان تشاركي في موضوعك عشان نقدر نكشف من شخصيتك شوية

يلا نبدأ بسم الله

اذكر اهم صفات مميزة لشخصيتك

الهدوء

اختر 3 صفات بتحبها في شخصك

امممممممم أكتر حاجة بحبها فيا الهدوء ورجاحة العقل والهبل :D

اختر 3 صفات تكرهها في شخصك

عدم الثقة بالنفس والتردد القاتل واني باكل ضوافري زي العيال ونفسي اسيبها تطول

صفة مهمة في شخصيتك بتديك ثقة بنفسك

اذا كان مفيش ثقة اساسا هجيب منين الصفة:o

أكتر لون بتحبه وبتحس بايه لما تشوفه

الازرق السماوي لانه بيحسسني بالاسترخاء وعشان بحب السما اوي اوي بحب لونها

ايه الحاجة اللي بتحب تعملها وتقضي فيها وقتك وبعدها تحس انك سعيد

اني أعمل رياضة ..الرياضة حقيقي بتصفي الذهن وبتطير المشاكل والهموم وتخلينا مبسوطين ورايقين آخر حاجة

مين أكتر شخص تحب رفقته

لا يعني مفيش حد معين..الانطوائية غالبه شوية على طبعي

ايه اللي بينرفزك

الصوت العالي ..بيقتلني والزحمة بموووت منها

الاكلة المفضلة والمشروب المفضل

يعني انا فقرية شوية بحب الكشري المصري بس مش عارفه بقا غالي ليه وبحب كل أنواع الأكل الشامي فتة الحمص الفتوش التبولة ..الخ المشروب باه عادي بردو مانجا فراولة او موز بالحليب وهكذا

الفيلم المفضل

يااااه كتيرررررررررررر جدا The Good Son ,The Semmetry , Saw , Malcom-X ,I know what u did last summer لالالا بجد كتير اوي كل افلام الرعب والاكشن وفي العربي بحب افلام احمد عز وحلمي والسقا

أغنيتك لعبتك هوايتك المفضلة

لو عايزين اغنية معينه ممكن اقول مثلا My Immortal . Lithim , Tell M e Why ,When 're gone وعموما بحب اغاني Avril . Evanscense ,Delcan Galbraith, Enrique , Shayn word and mooooooooooooooooore

في هواياتي المفضله كان الباليه المائي بس بطلته قبل 4 سنين بس تفضل الرياضة احسن هواية بعدين القراءة في علم الفراسة عشان بحب اقرا دماغ الناس وبستمتع بكدا وبحب بردو التصميم امممممممم والبحث عن كائنات غريبة مش عايشة معانا < ---- الاخيره دي هبل بس الموضوع جد عندي

وأخيرا انا مش عارفه ياباش مهندسة جاوبت بسراعة ولا لاء لان مكنش معايا Stop Watch :p

انا متحمسة أشوف اجابات حضرتك واجابات المساحين اللي معانا ( وباقي الاخوة ) وشكرآ كتير ع الموضوع

http://www.te3p.com/vb/uploaded2/30893_21179394983.gif

Hassan Mohamed
09-10-2008, 03:58 AM
هات ورقة وقلم وجاوب .. اذكر اهم صفات مميزة لشخصيتك .. بعدها اختر منها 3 صفات بتحبها فى نفسك .. و3 تانية وحشة ومحتاج تغيرها .. وصفة بقى مهمة فى شخصيتك بتديك ثقة فى نفسك .. ايه اكتر لون بتحبه؟ وبتحس بايه لما تشوفه؟.. ايه الحاجة اللى بتحب تعملها وتقضى فيها وقت تحس بعدها انك سعيد؟ .. مين اكتر شخص تحب رفقته؟ .. ايه ممكن ينرفزك قوى؟ .. ايه الاكلة المفضلة؟ والمشروب المفضل؟ فيلمك المفضل .. اغنيتك..لعبتك .. هوايتك المفضلة؟ جاوب لو جاوبت بسرعة من غير ماتفكر يبقى انت محظوظ لسة ماتوهتش من نفسك .. واللى مش جاوب بسرعة ابدا بقى اعرف نفسك واتمسك بيها .. ياللا لسة عندى مواضيع كتيييييييييييييييير


موضوعك جميل جدا يا بشمهندسة مها واتمني ان الكل يشترك فيه عشان نتعرف علي كل الصفات اللي بيلمسها الموضوع ده وزي مقالت جودي ياريت انتي كمان تشتركي معانا وتجوابي علي نفس الاسئلة

نبدأ بئا

اذكر اهم صفات مميزة لشخصيتك
الهدوء - الخجل - الغلاسة - خفة الدم - الإصرار والعزيمة

بعدها اختر منها 3 صفات بتحبها فى نفسك
انا بحب في نفسي قوي موضوع الاصرار والعزيمة بحس ان الحياة دايما مستمرة وفيها جديد

و3 تانية وحشة ومحتاج تغيرها
ساعات بكون عصبي ، كتوم في بعض الاحيان ، حساس

وصفة بقى مهمة فى شخصيتك بتديك ثقة فى نفسك
قوة الشخصية والحمد لله

ايه اكتر لون بتحبه؟ وبتحس بايه لما تشوفه؟
الأزرق بدرجاته والأخضر ....... الازرق بيحسسني بادفئ والحنان والأخضر بيحسسني بالجمال

ايه الحاجة اللى بتحب تعملها وتقضى فيها وقت تحس بعدها انك سعيد؟
لما بشوف طنط واخواتها

مين اكتر شخص تحب رفقته؟
...................

ايه ممكن ينرفزك قوى؟
لما حد يكذب عليا او يخدعني

ايه الاكلة المفضلة؟ والمشروب المفضل؟ فيلمك المفضل .. اغنيتك..لعبتك .. هوايتك المفضلة؟
الجمبري والمسقعة - فخفخينا - انت عمري - أمل حياتي - كرة لقدم - الكمبيوتر والانتر نت

بجد موضوع جميل وشكرا ليكي يا بشمهندسة ...........

Hassan Mohamed
09-10-2008, 06:02 AM
حاسس اني نسيت اقول حاجة لا مش حاجة واحده تقريبا 4 بس يلا مش مهم
:confused:

ريما
09-11-2008, 01:39 PM
أهم الصفات إللى موجوده فيا هى : الطيبه _ حب الناس _ الخير .
أهم الصفات الوحشه ومحتاجه اغيرها :
1-الطيبه عشان الزمن اللى احنا عيشينه مش عاوز الناس الطيبه.
2-انى مش بحب ازعل اى حد حتى ولو على حساب نفسى .
3- فى اوقات مبيكنش عندى ثقه فى نفسى وبجد نفسى اغير الصفه دى .
الالوان اللى بحبها : الازرق لانه بيعطينى الاحساس بالصفاء___ الوردى لانه بيحسسنى بالرومانسيه.

ريما
09-11-2008, 01:47 PM
انا لسه مكملتش
=الحاجه اللى بحب اعملها هى: الجلوس امام الكمبيوتر

الشخص اللى بحب رفقته : الانسان الى بيحبنى وبيخاف عليا

الشئ اللى بينرفزنى : لما الاقى انسان مش بيحب الخير لحد

الاكله المفضله: المحشى ورق العنب والارز المعمر والكبسه السعودى

المشروب المفضل :المانجو

الفيلم :عمر و سلمى

اغنيتى المفضله : سيرت الحب و أمل حياتى لاام كلثوم و اصعب احساس لتامر حسنى

الهوايه : الرسم والجلوس امام الكمبيوتر

Hassan Mohamed
09-11-2008, 01:50 PM
اهم شئ ان يكون كل واحد كتاب مفتوح قادم نفسك

يلا مستنين نشوف كلام بقية الاعضاء

Hassan Mohamed
09-11-2008, 07:57 PM
احب اقول للبشمهندسة مها ليه حضرتك مردتيش علي كلام جودي لحد دلوقت؟؟؟

ميرا مار
09-11-2008, 11:48 PM
مساء الخير
جودي متخليش حد يوقع بينا
كان عندي دروب في السيستم
ولسه متصلح
اذكر اهم صفات مميزة لشخصيتك
الكبرياء - الرومانسية - ايماني عالي بالله - صريحة - جريئة - لماحة - عنيدة - ملولة( بحب التغيير والمفاجأت)

بعدها اختر منها 3 صفات بتحبها فى نفسك
كبريائي - تواضعي مع الضعيف وفي المقابل بتحدي بعناد القوي

و3 تانية وحشة ومحتاج تغيرها
لو كرهت حد بكرهه جدا لاني بحب كل الناس ومبكرهش حد غير لما يثبت انه يستحق ده - باجي علي نفسي كتير

وصفة بقى مهمة فى شخصيتك بتديك ثقة فى نفسك
ثقافتي الوسعة

ايه اكتر لون بتحبه؟ وبتحس بايه لما تشوفه؟
هما لونين الابيض بيحسسني بالامان - والاحمر بحس بالحياه

ايه الحاجة اللى بتحب تعملها وتقضى فيها وقت تحس بعدها انك سعيد؟
لما بقضي وقت اللي مع اصدقائي اللي بجد

مين اكتر شخص تحب رفقته؟
البحر

ايه ممكن ينرفزك قوى؟
الغباء والجهل

ايه الاكلة المفضلة؟ والمشروب المفضل؟ فيلمك المفضل .. اغنيتك..لعبتك .. هوايتك المفضلة؟
الجمبري - عصير الفراولة - نهر الحب - قلب واحد - السودوكو - السباحة

tiger
09-12-2008, 05:14 AM
اذكر اهم صفات مميزة لشخص
حساس - طيب - الآيمان باالله - القوة والصلابه فى بعض الأوقات - نظرى قوى - ساعات بكون دمى خفبف - التفكير
بعدها اختر منها 3 صفات بتحبها فى نفسك
الآيمان بالله - الطيبه - القوه
و3 تانية وحشة ومحتاج تغيرها
الحساسه زياده على اللزوم - أستخدام الآيد - الطيبه مع اى حد
وصفة بقى مهمة فى شخصيتك بتديك ثقة فى نفسك
التفكير الكتير
ايه اكتر لون بتحبه؟ وبتحس بايه لما تشوفه؟
الآزرق بدرجاته وخاصه لون البحر
ايه الحاجة اللى بتحب تعملها وتقضى فيها وقت تحس بعدها انك سعيد؟
أساعد بس
مين اكتر شخص تحب رفقته؟
صاحب استحملنى ولسه مستحملنى
ايه ممكن ينرفزك قوى؟
الغباء والعصييه فى حاجة غير الحق
ايه الاكلة المفضلة؟ والمشروب المفضل؟ فيلمك المفضل .. اغنيتك..لعبتك .. هوايتك المفضلة؟
الآسماك كلها - اللبن بالبلح - الخطايا - فدائى - كورة القدم وتنس الطاوله - الرسم والقراءة بعض الآوقات

ahmedko
09-12-2008, 06:28 AM
على فكرة احب اقدم شكر كبير بجد لهندسة المنتدى ا/ مها على الدماغ العاليا دى مش قصدى حاجة و الله العظيم
احنا محتاجين للاسئله دى عشان نعرف بعض على الاخص ان احنا مش بنتقابل مع بعض

البطاقة الشخصية السيكلوجية
اهم الصفات
طيب ، ميهمنيش النهاردة بقدر اهتمامى بالغد ، بحب اسرح بافكارى لحد بعيد جدا ، احيانا بعشق انى اكون انطائى و احيانا بموت من الوحدة ، لما بكون نفسيا مرتاح بكون حساس على درجة كبيرة جدا ولما بكون متنرفز بكون خارج عن شعورة تماما لدرجة ممكن تخلى الناس تكرهنى ، بعشق حاجة اسمها حب التجريب
3 صفات بحبها لنفسى
التفكير السليم ، التواضع ، الرغبة فى مساعدة الاخرين
3 صفات بكرها فى نفسى
مش دايما ملتزم مع ربنا ، التسرع فى اخذ بعض القرارات ، سعات كتيرة بخاف
صفة تدينى ثقة بنفسى
كترالتجارب اللى بدخل فيها بتقوينى جدا
اكتر لون بحبه
الاخضر الفاتح و الازرق السماوى بحس بالراحة النفسية
افضل وقت بكون مستمتع فية
مع مجموعة محددة من اصدقائى
افضل شخص بحب اكون معاة
اشخاص فى حوالى 4
بس احب اكون مع نفسى بيكون حوار جامد طحن بينا احنا الاتنين
اكتر حاجة بتنرفزنى
انى الاقى الشخص اللى بتعامل معاه بيخونى او بيشتغل ضدى او ضد مجموعتى
الاكلة المفضلة
السبانخ و المحشى بأنواعه و الكبسه من ايد طنط ام عمرو
المشروب عصير التمر الهندى البيتى و الخروب كمان
الفاكهة المانجا و القشطة و الاناناس ابو شوك
الاغانى المفضلة
اعشق فيروز و عايزكو تسمعو اغنية البوسطة ، بعدك على بالى ، و موسيقى اغنية ستى يا ستى
الفيلم المفضل
سعد اليتيم و تيتو و مسلسل محمود المصرى و كل مسلسلات النجم يحيى الفخرانى
الرياضة تقريبا نسسيت حاجة اسمها رياضة من زمان و بيبان عليا طبعا

Hassan Mohamed
09-12-2008, 06:34 AM
مين طنط ام عمرو دي ياض ؟؟؟!!!!

وكبسة ومحشي وسبانخ وانا بقول الواد ده عملاق ليه

اه ورياضي فعلا هههههههههههه وبيان اساسي عليك

الواد ده يا جدعان نص كلامه كذب

اتمني انه يقول الحقيقية عشان الفضايح تبان

ahmedko
09-12-2008, 06:41 AM
يا جماعة محدش يصدق الواد دة انتو عارفينة
على فكرة بقى دى الحقيقة
طب جرب و اعزمنى على الغدا و مش هتندم يا حسسن و ربنا ماشى
يا ابنى احنا لسه هنطلع مع بعض المشروع انت متعرفنيش لسه على فكرة هقعد جنبك فى الغدا دة عقاب كافى عل اللى انتى قولتوا دلوقتى
هههههههههههههه

Hassan Mohamed
09-12-2008, 06:50 AM
شفتوووووواااا اهو بيعترف اهو وبيأكد صحة كلامي

ده انت مش هتأكل أكلنا بس دانت مش بعيد تأكلنا احنا شخصيا

مقولتليش بردو مش طنط ام عمرو دي

ميرا مار
09-12-2008, 11:21 PM
انا لسه مكملتش
=الحاجه اللى بحب اعملها هى: الجلوس امام الكمبيوتر

الشخص اللى بحب رفقته : الانسان الى بيحبنى وبيخاف عليا

الشئ اللى بينرفزنى : لما الاقى انسان مش بيحب الخير لحد

الاكله المفضله: المحشى ورق العنب والارز المعمر والكبسه السعودى

المشروب المفضل :المانجو

الفيلم :عمر و سلمى

اغنيتى المفضله : سيرت الحب و أمل حياتى لاام كلثوم و اصعب احساس لتامر حسنى

الهوايه : الرسم والجلوس امام الكمبيوتر

اجاباتك ناقصة يا ريما .... واضح انك رومانسية وحساسة قوى هتتعبى فى الزمن دة .. اجمدى شوية

ميرا مار
09-12-2008, 11:36 PM
اذكر اهم صفات مميزة لشخص
حساس - طيب - الآيمان باالله - القوة والصلابه فى بعض الأوقات - نظرى قوى - ساعات بكون دمى خفبف - التفكير
بعدها اختر منها 3 صفات بتحبها فى نفسك
الآيمان بالله - الطيبه - القوه
و3 تانية وحشة ومحتاج تغيرها
الحساسه زياده على اللزوم - أستخدام الآيد - الطيبه مع اى حد
وصفة بقى مهمة فى شخصيتك بتديك ثقة فى نفسك
التفكير الكتير
ايه اكتر لون بتحبه؟ وبتحس بايه لما تشوفه؟
الآزرق بدرجاته وخاصه لون البحر
ايه الحاجة اللى بتحب تعملها وتقضى فيها وقت تحس بعدها انك سعيد؟
أساعد بس
مين اكتر شخص تحب رفقته؟
صاحب استحملنى ولسه مستحملنى
ايه ممكن ينرفزك قوى؟
الغباء والعصييه فى حاجة غير الحق
ايه الاكلة المفضلة؟ والمشروب المفضل؟ فيلمك المفضل .. اغنيتك..لعبتك .. هوايتك المفضلة؟
الآسماك كلها - اللبن بالبلح - الخطايا - فدائى - كورة القدم وتنس الطاوله - الرسم والقراءة بعض الآوقات

شكرا لمشاركتك يا اشرف .. اكتر حاجة عجبتنى انك عارف ان عندك صاحب مستحملك دة اكيد يوصلك انك تعرف قيمته .. حااااااااافظ علية الاصدقاء فى الزمن دة ثروة

ميرا مار
09-13-2008, 12:03 AM
على فكرة احب اقدم شكر كبير بجد لهندسة المنتدى ا/ مها على الدماغ العاليا دى مش قصدى حاجة و الله العظيم
احنا محتاجين للاسئله دى عشان نعرف بعض على الاخص ان احنا مش بنتقابل مع بعض

البطاقة الشخصية السيكلوجية
اهم الصفات
طيب ، ميهمنيش النهاردة بقدر اهتمامى بالغد ، بحب اسرح بافكارى لحد بعيد جدا ، احيانا بعشق انى اكون انطائى و احيانا بموت من الوحدة ، لما بكون نفسيا مرتاح بكون حساس على درجة كبيرة جدا ولما بكون متنرفز بكون خارج عن شعورة تماما لدرجة ممكن تخلى الناس تكرهنى ، بعشق حاجة اسمها حب التجريب
3 صفات بحبها لنفسى
التفكير السليم ، التواضع ، الرغبة فى مساعدة الاخرين
3 صفات بكرها فى نفسى
مش دايما ملتزم مع ربنا ، التسرع فى اخذ بعض القرارات ، سعات كتيرة بخاف
صفة تدينى ثقة بنفسى
كترالتجارب اللى بدخل فيها بتقوينى جدا
اكتر لون بحبه
الاخضر الفاتح و الازرق السماوى بحس بالراحة النفسية
افضل وقت بكون مستمتع فية
مع مجموعة محددة من اصدقائى
افضل شخص بحب اكون معاة
اشخاص فى حوالى 4
بس احب اكون مع نفسى بيكون حوار جامد طحن بينا احنا الاتنين
اكتر حاجة بتنرفزنى
انى الاقى الشخص اللى بتعامل معاه بيخونى او بيشتغل ضدى او ضد مجموعتى
الاكلة المفضلة
السبانخ و المحشى بأنواعه و الكبسه من ايد طنط ام عمرو
المشروب عصير التمر الهندى البيتى و الخروب كمان
الفاكهة المانجا و القشطة و الاناناس ابو شوك
الاغانى المفضلة
اعشق فيروز و عايزكو تسمعو اغنية البوسطة ، بعدك على بالى ، و موسيقى اغنية ستى يا ستى
الفيلم المفضل
سعد اليتيم و تيتو و مسلسل محمود المصرى و كل مسلسلات النجم يحيى الفخرانى
الرياضة تقريبا نسسيت حاجة اسمها رياضة من زمان و بيبان عليا طبعا

شكرا ليك انت لانك اتكلمت معانا بصراحة واحب اقولك انا كمان باتكلم مع نفسى كتير .. ودى للاسف لعنة حقيقى
تبقى كويس وفجاه تفتكر موقف وتبدا حوار لطيف مع نفسك ماتقصدش حاجة وفى ثانية تتخانق معاها .. وحاجات كدة كتير
اما بقى انك مش ملتزم دايما مع ربنا .. خدها منى عن تجربة الصلاه عادة مش عبادة وصدقنى باقى العبادات لو بدات وتعبت شوية فى الاول هتتعود ومش هتعرف تعيش بدون ذكر الله .. بص مش لازم تمشى على خط واحد كل ماتفتكر اعمل حاجة ماتقولش بقى ياه دانا نسيت العصر خلاص بقى مش هينفع اصلى النهاردة ان شاء الله من اول بكرة او من اول الجمعة الجاية ...... ليه مايكونش خلاص من اول الصلاه الجاية .. وياسيدى .. اسمع حبة قران كل يوم قبل ماتنام صدقنى هترتاح قوى :D

ميرا مار
09-13-2008, 12:11 AM
موضوعك جميل جدا يا بشمهندسة مها واتمني ان الكل يشترك فيه عشان نتعرف علي كل الصفات اللي بيلمسها الموضوع ده وزي مقالت جودي ياريت انتي كمان تشتركي معانا وتجوابي علي نفس الاسئلة

نبدأ بئا

اذكر اهم صفات مميزة لشخصيتك
الهدوء - الخجل - الغلاسة - خفة الدم - الإصرار والعزيمة

بعدها اختر منها 3 صفات بتحبها فى نفسك
انا بحب في نفسي قوي موضوع الاصرار والعزيمة بحس ان الحياة دايما مستمرة وفيها جديد

و3 تانية وحشة ومحتاج تغيرها
ساعات بكون عصبي ، كتوم في بعض الاحيان ، حساس

وصفة بقى مهمة فى شخصيتك بتديك ثقة فى نفسك
قوة الشخصية والحمد لله

ايه اكتر لون بتحبه؟ وبتحس بايه لما تشوفه؟
الأزرق بدرجاته والأخضر ....... الازرق بيحسسني بادفئ والحنان والأخضر بيحسسني بالجمال

ايه الحاجة اللى بتحب تعملها وتقضى فيها وقت تحس بعدها انك سعيد؟
لما بشوف طنط واخواتها

مين اكتر شخص تحب رفقته؟
...................

ايه ممكن ينرفزك قوى؟
لما حد يكذب عليا او يخدعني

ايه الاكلة المفضلة؟ والمشروب المفضل؟ فيلمك المفضل .. اغنيتك..لعبتك .. هوايتك المفضلة؟
الجمبري والمسقعة - فخفخينا - انت عمري - أمل حياتي - كرة لقدم - الكمبيوتر والانتر نت

بجد موضوع جميل وشكرا ليكي يا بشمهندسة ...........

يا حسن الغلاسة واخفة الدم لا يجتمعان بس شكلك خفيف الدم ماتقولش على نفسك غلس بقى اختار واحدة ورد علينا وبعدين مين طنط ؟؟؟؟؟؟؟؟؟
ومين اخواتها؟؟؟

وانت فعلا اكتر شخص بتحب رفقته هى ............ نقط دى؟؟؟؟؟
اجاباتك مش مفهومة ....
هنديلك فرصة تانية:D;)

ahmedko
09-13-2008, 12:37 AM
اسمحيلى يا هندسه انى ارفع القبعة ليكى بجد و الله مش هزار من زمان نفسى آلاقى اللى يقدر ميكلمش احمد شخصه بس يقدر يكلم احمد نفسه
بجد مش عارف اقولك اية شكرا

ريما
09-13-2008, 04:16 PM
تعرفى يا بشمهندسه مها ده موضوع جميل جدا عشان كل واحد يتكلم بصراحه عن نفسه

ميرا مار
09-13-2008, 10:04 PM
اسمحيلى يا هندسه انى ارفع القبعة ليكى بجد و الله مش هزار من زمان نفسى آلاقى اللى يقدر ميكلمش احمد شخصه بس يقدر يكلم احمد نفسه
بجد مش عارف اقولك اية شكرا

اخجلتم تواضعنا احمد افندم
وليا الشرف اسمع منك الكلام دة واللى يلاقى حاجة كويسة يتمسك بيها
ايه رايك دايما هتلاقينا هنا.. نكلم احمد نفسه:)

witch evil
09-14-2008, 01:24 AM
موضوع بجد جميل جدااااااااا وبجد احيكى عليه

بس انا فى الموضيع دى احب اتفرج من ورى الكوليس

Hassan Mohamed
09-14-2008, 01:32 AM
يا حسن الغلاسة واخفة الدم لا يجتمعان بس شكلك خفيف الدم ماتقولش على نفسك غلس بقى اختار واحدة ورد علينا وبعدين مين طنط ؟؟؟؟؟؟؟؟؟
ومين اخواتها؟؟؟

وانت فعلا اكتر شخص بتحب رفقته هى ............ نقط دى؟؟؟؟؟
اجاباتك مش مفهومة ....
هنديلك فرصة تانية:D;)



........... يعني مش عارف

وبالنسبة لموضوع طنط ههههههههههههه فانا كنت بهبل

Rania Ismail
09-16-2008, 11:31 AM
اذكر اهم صفات مميزة لشخصيتك
جدعة . حنينة . متحملة المسؤليه . عندية . عصبية . غلسة فى بعض الاحيان . رومانسية

بعدها اختر منها 3 صفات بتحبها فى نفسك
جدعة ومتحملية المسؤلية وحنينة

3 وحشة وحتاجة اغيرها
عندية وعصبية بدرجة كبيره والامان اللى بديه للناس زياده وخصوصا الاصحاب

وصفة بقى مهمة فى شخصيتك بتديك ثقة فى نفسك
جدعة

ايه اكتر لون بتحبه؟ وبتحس بايه لما تشوفه؟
اللون الازرق بكل درجاته بعشقه . بحس لما بشوفه بالقوه

ايه الحاجة اللى بتحب تعملها وتقضى فيها وقت تحس بعدها انك سعيد؟
انى اكون مع صحابى اللى بحبهم قوى مش مهم فين المهم اننا نكون مع بعض

مين اكتر شخص تحب رفقته؟
اصحابى المقربين واخويا محمد

ايه ممكن ينرفزك قوى؟
ان حد يظلمنى

ايه الاكلة المفضلة؟ والمشروب المفضلة؟

الورق العنب والاسماك بكل انواعها والكبسة السعودى
انا بحب المانجة والفراولة والموز بالبن والخروب والدوم

فيلمك المفضل .. اغنيتك
بحب افلام احمد حلمى واحمد عز واحمد السقا وكل افلام الرعب والاكشن

اغنيتك..لعبتك .. هوايتك المفضلة؟
بحب اغنية حال الدنيا وهى دموع ولا اكتر بتاعت واما
بحب العب لعبة zuma beta
بالنسبة للهواية بحب الرسم جدا بحس انى بلاقى نفسى وانا برسم

Rania Ismail
09-16-2008, 11:36 AM
احب اقدم التحية لاحلى باشمهندسه فى الدنيا على الموضوع الجميل ده

Hassan Mohamed
09-16-2008, 05:03 PM
معلومات قيمة عنك يارانيا

وشكرا لمشاركتك معانا في الموضوع ده

ومش هعقم علي ورق العنب ولا علي الكبسة :D

ميرا مار
09-16-2008, 10:25 PM
موضوع بجد جميل جدااااااااا وبجد احيكى عليه

بس انا فى الموضيع دى احب اتفرج من ورى الكوليس


ايه رايك بقى انى مصرة على مشاركتك ..
اكيد انتى شخصية خجولة كتومة .. مش عاوزة اقول اكتر من كدة ... اتمنى بجد تفتحى لنا قلبك..

ميرا مار
09-16-2008, 10:31 PM
رانيا فى كلامك شئ قلب عليا المواجع وخلانى ادمع ..
اللى هو بينرفزك .. لما حد يظلمنى .. عندك حق فى الكلمة دى ..

witch evil
09-20-2008, 12:55 AM
هات ورقة وقلم وجاوب .. اذكر اهم صفات مميزة لشخصيتك .. بعدها اختر منها 3 صفات بتحبها فى نفسك .. و3 تانية وحشة ومحتاج تغيرها .. وصفة بقى مهمة فى شخصيتك بتديك ثقة فى نفسك .. ايه اكتر لون بتحبه؟ وبتحس بايه لما تشوفه؟.. ايه الحاجة اللى بتحب تعملها وتقضى فيها وقت تحس بعدها انك سعيد؟ .. مين اكتر شخص تحب رفقته؟ .. ايه ممكن ينرفزك قوى؟ .. ايه الاكلة المفضلة؟ والمشروب المفضل؟ فيلمك المفضل .. اغنيتك..لعبتك .. هوايتك المفضلة؟ جاوب لو جاوبت بسرعة من غير ماتفكر يبقى انت محظوظ لسة ماتوهتش من نفسك .. واللى مش جاوب بسرعة ابدا بقى اعرف نفسك واتمسك بيها .. ياللا لسة عندى مواضيع كتيييييييييييييييير


موضوع رائع زى كل موضيعك يا بشمهندسه بجد
بس انا مبعرفش اجاوب على الاسأله دى بس كفايا انى اقول


أن سالتنى عن نفسي فلن اجيب حتي تسأل الناس
وأن سألت الناس عني فلا تصدقهم حتي تسالني عن نفسي.

وأن سألت من لا يعرف وانت لا تعرف
فقد اصبحت غريق لايجد قشة فتعلف بالماء علي امل النجاه
ولكن احذرك فلا احد يمسك بالماء،
فمن أمسك بالماء مشية علي الهواء
وسقط في الفضاء
من دون غطاء.

witch evil
09-20-2008, 12:59 AM
[ وبعدين الخجل ضعف وانا عمرى مكنت ضعيفه ولا بحب الضعف وصريحه لدرجه مش ممكن تتصوريها ومش بخجل من حاجه فى شخصيتى ولا عن نفسى ووعدك فى يوم صفا كده ابقى ادخل اكتب

Hassan Mohamed
09-22-2008, 05:29 AM
متجاوبي يا بنتي خايفة من ايه

ميرا مار
09-25-2008, 04:16 PM
فين الاعضاء الجدد عايزين نعرفوا
تعرف ايه عن نفسك
عشان احنا كمان نعرفوا

emu
09-26-2008, 03:43 PM
الموضوع جميل جدا يا بشمهندسه مها

emu
09-26-2008, 04:08 PM
اهم الصفات المميزه لشخصيتي؟
الهدوء والأنطوائيه
ال3 صفات اللي بحبهم في نفسي؟
الهدوء_ تحدي النفس_القرب من ربنا سبحانه وتعالي
ال3 صفات اللي بكرههم في نفسي؟
اني بظلم نفسي علي حساب الناس_بأنب نفسي كتير_ احيانا بكون متسرعه
الصفه اللي بتديني ثقه؟
حب الناس ليا
اللون المفضل عندي؟
السماوي
الحاجه اللي بحب اعملها وبحس اني سعيده بعدها؟
لما بحس ان ربنا جعلني سبب اني اخلي حد مبسوط - وممكن كمان لما اتعب عشان حاجه واوصلها
اكتر شخص بحب رفقته؟
اكيد كل اهلي
الشىء اللي بينرفزني؟
ان حد يكدب اويمثل عليا وبجد الموضوع ده بيوجعني جدا
الاكله المفضله.
المكرونه بالبشاميل_الجمبري
المشروب المفضل؟
البيبسي وعصير الجوافه
الفيلم المفضل؟
مش فاكره دلوقتي بس ممكن اقول مثلا تيمور وشفيقه و انت عمري ....
#الاغنيه المفضله؟
تيجي سوا-اللي مصبرني_مستني ايه_ليه اللي يحب_اول ما شوفتك....
هوايتي؟
الرسم
اما الالعاب؟
فمفيش لعبه معينه بحبها

ميرا مار
09-27-2008, 12:26 AM
يا ايمو


باشكرا جدا اخييييييرا حد رد عليا

على فكرة فينا حاجات كتيييييير من بعض

emu
09-27-2008, 12:40 AM
ربنا يخليكي يا بشمهندسه مها دا انتي تأمري وكمان دا اقل واجب اننا نقدر مجهودك

Hassan Mohamed
09-27-2008, 12:54 AM
هو الناس كلها ليه بتحب الجمبري

sarah
09-28-2008, 12:47 AM
أ
احم أحم بسم الله
أهم صفات مميزة فيا؟
عاقلة- هادئة- خجولة- بحب الناس ومساعدتهم- عندى ارادة- ودودة - متواضعة- كتومة( باكل فى نفسى ) -بحب الحياة.

أختر 3بحبها
ودودة -متواضعة -بحب مساعدة الغير .

3 وحشة ومحتاج تغيرها( بس انا مش عايزة اغير هم )
خجولة (يعنى قلبى بيدق وانا بكتب الكلام ده بعد تفكير , بس بحاول اكسر الحواجز اللى زى دى)- كتومة - باجى على نفسى كتير عشان غيرى حتى لو ميستهلوش

ايه اكتر لون بحبه وبحس بايه لما اشوفه؟
الروزات والموفات, معرفش بحس بايه بس برتاح, بس انا بحب فى لبسى كل الالوان.

ايه الحاجة اللى بتحب تعملها وتقضى فيها وقت بعدها بتكون سعيد
لو خدمت شخص كيبر فى السن ومحتاج مساعدة يا سلام لو عملتها من غير ما يطلبها بجد بحس انى سعيدة بافعالى والدنيا سهلة

مين اكتر شخص تحب رفقته؟
صحبتى بوسى

ايه ممكن ينرفزنى؟
عدم النظام (الهمجية) بالاضافة للجهل المنتشر اليومين دول, وفى جملة بتنرفز نى بجد منها ( السيئة تعم ) فى شرع مين.

لاكلة اللى بموت فيها الفراخ المشوية , اهو نغير حفلة السمك والجمبرى للى عدت.
مشروبى: كل العصائر وزبادى فى الخلاط
فيلمى : بحب الاجنبى - بس اليومين دول احمد حلمى جامد فى افلامه.
اغنيتى:( بتعب اوى وانا جنبو وبسلم عليه) شيرين , اصلى مش عارفة اسم الاغنية ايه؟

هوايتى : قلت قبل كدة بس اقول السباحة , بس مبحبش اغوط.



ميرسى كتير يا بش مهندسة , مشكوووووووورة جدا خلتينى ااقف مع نفسى شوية.

sarah
09-28-2008, 04:02 AM
ملحوظة : انا كتبت عن نفسى قبل ما ءاقرا الصفحات اللى قبل كدة عشان ممكن يكون فى تشابه .

sarah
09-28-2008, 01:59 PM
يا جماعة يتعدوا على الصوابع اللى كتب عن نفسوا , واللى دخل للمشاهدة كتير اوى , زى ما بتقروا عننا عرفونا انتم كمان عن نفسكوا.

Hassan Mohamed
09-28-2008, 08:04 PM
أ
احم أحم بسم الله

اغنيتى:( بتعب اوى وانا جنبو وبسلم عليه) شيرين ,
اصلى مش عارفة اسم الاغنية ايه؟

هوايتى : قلت قبل كدة بس اقول السباحة , بس مبحبش اغوط.



ميرسى كتير يا بش مهندسة , مشكوووووووورة جدا خلتينى ااقف مع نفسى شوية.


هههههههههههههههههه بتحبيها ومش عارفة اسمها الزاي يعني

ميرا مار
09-28-2008, 11:59 PM
ايوا كدة يا سارة

قوللى للكسلانيين اللى مش عايزين يعرفونا على نفسهم

وبعدين انا كمان باموووت فى الاغنية دى

sarah
09-29-2008, 05:51 AM
وبعدين انا كمان باموووت فى الاغنية دى
(تحبى اغنيهالك)

Hassan Mohamed
10-03-2008, 11:24 PM
عملالي فيها عمرو دياب يا سارة

احمد حسن
10-04-2008, 09:59 AM
انااعرف انى بدور على هدف ولغاية دلوقتى لسة محققتوش
لكن الصفات الشخصية
هكتبها واقولها

ميرا مار
10-04-2008, 09:05 PM
مافيش احلى من الصراحة
احنا مش هنضغط عليك( دلوقت) تقول ايه الهدف ..
لكن ماشى جاوب بقى على باقى الاسئلة

ميرا مار
10-30-2008, 02:01 PM
نداء للاعضاء الجدد .. تعرف ايه عن نفسك

Sara Gamal
10-30-2008, 03:42 PM
هات ورقة وقلم وجاوب .. اذكر اهم صفات مميزة لشخصيتك .. بعدها اختر منها 3 صفات بتحبها فى نفسك .. و3 تانية وحشة ومحتاج تغيرها .. وصفة بقى مهمة فى شخصيتك بتديك ثقة فى نفسك .. ايه اكتر لون بتحبه؟ وبتحس بايه لما تشوفه؟.. ايه الحاجة اللى بتحب تعملها وتقضى فيها وقت تحس بعدها انك سعيد؟ .. مين اكتر شخص تحب رفقته؟ .. ايه ممكن ينرفزك قوى؟ .. ايه الاكلة المفضلة؟ والمشروب المفضل؟ فيلمك المفضل .. اغنيتك..لعبتك .. هوايتك المفضلة؟ جاوب لو جاوبت بسرعة من غير ماتفكر يبقى انت محظوظ لسة ماتوهتش من نفسك .. واللى مش جاوب بسرعة ابدا بقى اعرف نفسك واتمسك بيها .. ياللا لسة عندى مواضيع كتيييييييييييييييير

أهم صفاتى:
رومانسية-عقلانية-صبورة-عنيدة-جريئة-عصبية-ليا نظرة فى الناس(بعرف احكم عليهم)-مترددة-عدم القدرة على العفو(لآانسى الإساءة)
3صفات بحبهم:
رومانسية-صبورة-ليا نظرة فى الناس]
3صفات لا أحبها:
عصبية-عدم القدرة على العفو-ليا نظرة فى الناس
أكتر لون بحبه:
اللون السماوى والاخضر(بشوف فيهم احساس بالصفاء والامل )
الحاجة التى احب اعملها واقضى فيها وقت يسعدنى:
انى العب مع طفل صغير واراعيه
اكتر شخص احب ارافقه:
الانسان اللى انا بحبه(حبيبى)
اكتر حاجة تنرفزنى:
انى ازعل او اجرح حد انا بحبه
الاكلة والمشروب المفضل:
الرقاق-عصير البرتقال
الفيلم المفضل:
autumn in newyork-walk to remember
الاغنية المفضلة:
ثورة الشك(لأم كلثوم)-مرسال الهوى(لنجاة)
الهواية:
القراءة

ميرا مار
11-16-2008, 11:08 PM
يااااااااااااااااااااااه يا سارة
ثورة الشك لام كلثوم ؟؟؟؟؟؟؟؟؟؟؟؟ظ
دانتى طلعتى سميعة قوى
اهلا بيك يا سارة منورة الموضوع

Nhla147
11-17-2008, 01:19 AM
ازيك يا مس مها؟

انا اسفه على التأخير فى الرد
بس انا ما كنتش بدخل بقالى يومين
بس انا جيت خلاص اهو وهجاوب عشان خطرك بس

اذكر اهم صفات مميزة لشخصيتك؟

الثقه فى النفس,لذيذه،عقلى اكبر من سنى،طيبه اوى،بحب الناس جدااااااا,رومانسيه، مش بعرف ازعل من اى حد خالص،وعندى امل فى كل حاجه..

اختر 3 صفات بتحبها في شخصك؟

الثقه فى نفسى،حب الناس,عندى امل فى المستحيل:D

اختر 3 صفات تكرهها في شخصك؟

انى مش بعرف ازعل من حد لان دا بيخلينى اتجرح الجرح اكتر من مرة ،حساسه زياده عن اللزوم

صفة مهمة في شخصيتك بتديك ثقة بنفسك؟

ثقتى فى نفسى والحمد لله وحبى للناس كلها

أكتر لون بتحبه وبتحس بايه لما تشوفه ؟

الأبيض بيحسسنى بالصفاءوحب الخير

ايه الحاجة اللي بتحب تعملها وتقضي فيها وقتك وبعدها تحس انك سعيد؟

لما بساعد حد واسعده بجد بكون فى قمه الفرح

مين أكتر شخص تحب رفقته؟

القمر،هو اللى بيلاقيه دايما معايا فى كل مكان..

ايه اللي بينرفزك؟

انى اشوف حد بيتظلم

الاكلة المفضلة والمشروب المفضل؟

الاكله:المكرونه بالبشامل والفراخ المشويه على الفحم
العصير:الفراوله بموت فيها

الفيلم المفضل؟

ظرف طارق و حبيبى دائما

أغنيتك لعبتك هوايتك المفضلة؟

اغنيتى:ياعينى عليكى يا طيبه(امال ماهر) ،حكايتى مع الزمان(صباح) بس مش فاكرة حاجه تانى دلوقتى
لعبتى:العاب باربى كلها،وكل باقى العاب الاطفال اللى ممكن تتخيليها:D
هوايتى:الرسم وحب الناس و البص للسما لانى بعشق حاجه اسمها قمر



بجد موضوع جميل اووووووووووووووى


أختـــــــ نهله ــــــــك

ميرا مار
11-17-2008, 01:32 AM
يا نهوووووووووووو ل يا قمر
ايه الكلام الجميييييييل دة
على فكرة احنا متشابهين فى حاجات كتير
بس اهم حاجة
انى
باعشق اللون الابيض
تسلم ايدك ع المشاركة

ميرا مار
11-17-2008, 01:34 AM
انااعرف انى بدور على هدف ولغاية دلوقتى لسة محققتوش
لكن الصفات الشخصية
هكتبها واقولها


واحنا مستنييييييييين يا احمد تشارك كمان
بس انا بجد عايزة اسالك
التوقيع بتاعك.. ايه.. معناه ايه..؟؟:rolleyes::D

free eagle
11-17-2008, 01:58 AM
اهم صفاتى انى بحب الناس كلها وخصوصا الشلة بتاعتى اجتماعى فوق الوصف بحب اسمع للناس اوى بحب اسعدهم ذكى محبوب جدا من الناس كلها من الصغير قبل الكبير عقلي كبير جدا مغرور شوية.رومانسي لدرجة كبيرة اوى
احب تلات صفات فيا انى غلس.....مجنون............بحب اساعد الغير.
احسن صفة بتدينى ثقة ف النفس مساعدة الغير.
اكتر لون بحبه الاحمر طبعا علشان الاهلى وعلشان الورد وعلشان بيدل على الحب.
الحاجةاللي بحب اعملها يامةانى بحب اسمع للناس اللي مخنوقة وبستريح اوى اوى لما يفكوا خنقتهم ويستريحم
الشخص اللي بحب صحبته نفسي والبحر.
لما اكون مظلوم او لما اشوف واحد سيب الشغل اللي المفروض يعمله وبيهزر.
الاكلة المفضلة ليا واللى صحابي كل ما يكلوها يفتكرونى الجبنة البيضة(هههههههههههههههههههههههه)
العصير المانجو
الفيلم المفضل عندى فيلم قراصنة الكاريبى الاجزاء الثلاثة,مولين روج


الاغنية المفضلة ليا اى اغنية جزن
لعبتى المفضلة الجرى والسباحة

بحب اوى اجلس على البحر بالليل مع السما والنجوم كفاية اوى كدة

ميرا مار
11-17-2008, 06:57 PM
شكرا ايجل ع المشاركة
نسيت تقول صفة مهمة جدا فيك.. انك صريح
منور الموضوع يا ايجل

samomran
11-17-2008, 07:24 PM
موضوع هااايل جدآ بصراحة ياباش مهندسة
يلا نبدأ بسم الله

اذكر اهم صفات مميزة لشخصيتك

الهدوء

اختر 3 صفات بتحبها في شخصك

العقل و حب المغامره و حب الاستطلاع :D

اختر 3 صفات تكرهها في شخصك

العصبيه و سرعه الغضب و الكلام عندى بيبقى بالايد فى العصبيه

صفة مهمة في شخصيتك بتديك ثقة بنفسك

الطمووووووووووووووووووووووح:o

أكتر لون بتحبه وبتحس بايه لما تشوفه

الاسود ليه بقى امممممممممم عشان الظلمه لانها وقت التقرب الى الله طبعا التقرب فى كل وقت لكن الله ياتى الى السماء الدنيا فى ثلث الليل الاخير و يقول من يستغفرنى فاغفر له عشان كده انا بحب اللون الاسود

ايه الحاجة اللي بتحب تعملها وتقضي فيها وقتك وبعدها تحس انك سعيد

امممممممممممممممممممممم مش عارف بس تقريبا هى انى اساعد مظلوم دى بتبقى عندى بالدنيا

مين أكتر شخص تحب رفقته

طبعا اصدقاء عمرى من الطفوله الى الان

ايه اللي بينرفزك

الغباء و الزياده فيه

الاكلة المفضلة والمشروب المفضل

الكشرى المصرى طبعااااااااا ده الاكله المقدسه لى و بحب المحشى و المكرونه بالباشاميل و بحب من المشروووووب مشروب طاقه اسمه باور هورس ده جااااااااامد اوى

الفيلم المفضل

كتيــــــــــــــــــــــــر اوى اوى اوى
من العربى الجزيره و جزيره الشيطان و الهروب و فيلم سلام يا صاحبى
اما الاجنبى بقى خد عندك
saw 1/saw 2/saw3/the ring1/2) armegadon/casino royal/ behaind the enmy lines the/ sanke in eagle shadow/ under world revelotion 1,2/blad 1.2.3,/

أغنيتك لعبتك هوايتك المفضلة

lithium/my immortal/bleed/going under/bring me to life/every body fool/any where/and i love dido very much /
shayn word/blue/back street boys/all the song from linkin park band/eminem all of his song/alton johonse/Evanescence all of her song she is the best/and the best of the best delta goodrum/
thats all

في هواياتي الملاكمه طبعا طبعا و القراءه اكيد [/COLOR]



و فى انتظار الباقى باذن الله

mimo
11-17-2008, 10:52 PM
اهم صفه مميزه لشخصيتى
الهدوء

ثلاث صفات بحبها فى شخصيتى

الطيبه/الجدعنة/رومانسى/طموح

3صفات مش كويسه

الانطوائيه شويه/العصبيه/الزعل من الاصدقاء

صفه مهمه فى شخصيتى
حب الاصدقاء

اكتر لون بحبه

الاحمر عشان الباهلى والاخضر عشان الحريه والحب

اكتر حاجه بحب اعملها
مساعده الغير وسماع دعوه من الى ساعدته

اكتر شخص احب رفقته

حبيبتى
ال بينرفزنى

الى بيرجع فى كلمته


الاكله والمشروب والفيلم واللعبه والهوايه

السمك خصوصا بتاع البحر /بعشق البطاطس المحمره/بحب المانجه والموز وبيبسى ماكس/بحب افلام احمد حلمى السقا كريم والاكشن والخيال العلمى والرعب/اللعبه زوم /الهوايه كرة القدم والخروج مع الاصدقاء


الاغنيه

ولا كان الحب باختيارنا

ميرا مار
11-18-2008, 10:33 PM
موضوع هااايل جدآ بصراحة ياباش مهندسة
يلا نبدأ بسم الله


العصبيه و سرعه الغضب و الكلام عندى بيبقى بالايد فى العصبيه

صفة مهمة في شخصيتك بتديك ثقة بنفسك

الطمووووووووووووووووووووووح:o

أكتر لون بتحبه وبتحس بايه لما تشوفه

[/COLOR]

و فى انتظار الباقى باذن الله


احنا مش هنحاول نعصبك خاااااااااالص يا اسلام .. ههههههههه ربنا يستر
ويارب يديك كل اللى تتمناه وكل طموحاتك تتحقق باذن اللة
شكرا ع المشاركة الحلوة يا اسلام

ميرا مار
11-18-2008, 10:37 PM
اهم صفه مميزه لشخصيتى
الهدوء

اكتر شخص احب رفقته

حبيبتى



طب ياللا يا ميمو اعترف بسررررررررررررررررررررررررررررررعة وقولنا عنها ..
تقدر تجاوب عنها الاسئلة دى؟؟؟؟؟؟؟؟؟
تعرف لو جاوبت صح
يبقى انت فعلا بتحبها... ياللا اختبر نفسك بقى
وشكراا جداا على مشاركتك معانا وعايزين نشوف اسمك اكتر فى كل الموضوعات

ميرا مار
05-17-2009, 07:38 PM
فى ناس كتييييييييييييير ماجاوبتش

ياللا مستنية اشوف اجاباتكم

اصل الموضوع قديم فكان مستخبى:D

pretty angel
05-17-2009, 09:40 PM
اولا....... بشكرك جدااااااااا يا بشمهندسه مها على الموضوع التحفه ده

بجد خلانى ادور جوايا كتير عن اجابات للاسئله

نبدأ الاجابه

اذكر اهم صفات مميزة لشخصيتك ..
الرومانسيه- جدعه - الطيبه -العصبيه- بحب الغلاسه - الفضول- متردده ثقتى بنفسى مش دايما موجوده

اختر منها 3 صفات بتحبها فى نفسك ..
بحب جداا اسمع من الناس واساعدهم على اد ما اقدر- الطيبه- بحب اعمل كل ما هو جديد وغريب

و3 تانية وحشة ومحتاج تغيرها ..
العصبيه لان مش الكل ممكن يستحملها- التردد- مش بقدر ادى الامان بسرعه

صفة بقى مهمة فى شخصيتك بتديك ثقة فى نفسك ..
حب الناس ليا بجد بيدينى ثقه كبيره فى نفسى

ايه اكتر لون بتحبه؟ الموف والازرق بدرجاته
وبتحس بايه لما تشوفه؟.. الازرق عشان انا من عشاق البحر بجميع حالاته
الموف بحبه جدااااا بحس ببهجه لما بشوفه

ايه الحاجة اللى بتحب تعملها وتقضى فيها وقت تحس بعدها انك سعيد؟ ..
لما بقدر اخفف عن حد تعبان ومحتاج مساعده ببقى فرحانه اوى
وكمان بحب جدااااااااا انى اقعد لوحدى مع البحر (ياااااااااااااااااااااااااااه احساس تانى خالص)

مين اكتر شخص تحب رفقته؟ ..
واحده صاحبتى بحبها جدااااااااا وبجد اتعلمت منها كتير وهى استحملت منى اكتر

ايه ممكن ينرفزك قوى؟ ..
انى اتظلم وان حد يفهمنى غلط وان حد يخدعنى ويكدب عليا بجد احساسين يموتوا

ايه الاكلة المفضلة؟
بجب الاسماك وجميع الاكلات البحريه

والمشروب المفضل؟
فراوله باللبن -موز باللبن- مانجو

فيلمك المفضل ..
افلام حلمى والاكشن والرعب

اغنيتك..لعبتك .. هوايتك المفضلة؟
الاغانى كتيييير بحب حليم وورده وفيروز ومن الجديد ممكن اختار جوايا حتعيش لرامى صبرى -على فكره لجنات -بعشقك لراغب علامه - كل اغانى شرين واغانى تانيه كتير مش فاكره اوى دلوقتى
مافيش لعبه محدده
الهوايه ..... بحب جداااااااااا السباحه

شكراااااااااااااا جدااااا على الموضوع

alaa eid
05-18-2009, 04:23 AM
اذكر اهم صفات مميزة لشخصيتك ..
الرومنسية - الهدوء - الخجل - لماحة - طيبة جداااا- طموحة
بعدها اختر منها 3 صفات بتحبها فى نفسك ..

الرومانسية - الهدوء - الخجل
و3 تانية وحشة ومحتاج تغيرها .. و
اني برده باكل في ضوافيري زي العيال بس مرة كبرتهم ونفسي اكبرهم تاني:p - طيبتي زيادة عن اللزوم
صفة بقى مهمة فى شخصيتك بتديك ثقة فى نفسك ..
الحياء
ايه اكتر لون بتحبه؟
الموف
وبتحس بايه لما تشوفه؟..
بالرومانسية

ايه الحاجة اللى بتحب تعملها وتقضى فيها وقت تحس بعدها انك سعيد؟ ..
اني اروح البحر
مين اكتر شخص تحب رفقته؟ .. (حبيبي) وصاحبتي اللي بعزها جدااااااااااا
ايه ممكن ينرفزك قوى؟ ..
ان حد يتجاهلني او اضايق حد بعزه
ايه الاكلة المفضلة؟
البيتزا - الشورما
والمشروب المفضل؟
عصاير عموما بس الفراولة اكترهم
فيلمك المفضل ..
تايتنك
اغنيتك..لعبتك .. هوايتك المفضلة؟

اغنيتي ليا فيك

موضوع هاااااااااااااااايل بصراحة

إسلام محمد
05-25-2009, 02:24 PM
اذكر اهم صفات مميزة لشخصيتك ..

الهدوء ـ الحنية ـ التواضع ـ احترام الاراء ـ حب الناس ـ شكاك ـ قليل من المزاح ـ وفيا حاجة من الخباثة ـ التردد احيانا وبعالجها بصلاة الاستخارة ـ عصبى احيانا


اختر منها 3 صفات بتحبها فى نفسك ..

حب الناس ـ احترام الاراء ـ الحنية



و3 تانية وحشة ومحتاج تغيرها ..

العصبية المؤقتة دى ـ الشك ـ الهدوء الزايد عن حده خصوصا مع الناس الجديدة عليا



صفة بقى مهمة فى شخصيتك بتديك ثقة فى نفسك ..

توكلى على الله ويقينى بالله ويقينى باستجابة دعوتي


ايه اكتر لون بتحبه؟
الزيتى والبنفسجى والنبيتى

وبتحس بايه لما تشوفه؟..

بحس بانتعاش كده



ايه الحاجة اللى بتحب تعملها وتقضى فيها وقت تحس بعدها انك سعيد؟ ..

سماع القران الكريم من صوت جميل جدا



مين اكتر شخص تحب رفقته؟ ..

والدى



ايه ممكن ينرفزك قوى؟ ..

ان حد يفتى فتوى وهو اصلا ميعرفش حاجة وبيتكلم كده وخلاص



ايه الاكلة المفضلة؟

المكرونة وخصوصا بالبشامل



والمشروب المفضل؟

عصير المانجو



فيلمك المفضل ..

مفيش والحمد لله



اغنيتك..

مش بسمع اغانى والحمد لله لانها حرام


لعبتك ..


معظم العاب الذكاء الى على الكمبيوتر


هوايتك المفضلة؟

سماع القران




وجزاكم الله خير

موضوع جميل وشيق والله

Ahmed Mohamed
05-25-2009, 03:00 PM
هات ورقة وقلم :)وجاوب :o..



اذكر اهم صفات مميزة لشخصيتك ..

الخجل - الطيبة - العصبية -وممكن نقول التسرع - هادئ "بس في اوقات معينة "
- التردد - عندي طموح واحلام

بعدها اختر منها 3 صفات بتحبها فى نفسك ..

الطيبة - طموح وحالم - الخجل



و3 تانية وحشة ومحتاج تغيرها .. و

التسرع - العصبية - التردد


صفة بقى مهمة فى شخصيتك بتديك ثقة فى نفسك ..

الخجل " عشان ساعات بحس انه بيديني نوع من الاحترام والوقار "


ايه اكتر لون بتحبه؟

الاسود

وبتحس بايه لما تشوفه؟..

بالامتلاك


ايه الحاجة اللى بتحب تعملها وتقضى فيها وقت تحس بعدها انك سعيد؟ ..

قاعدة الاصحاب


مين اكتر شخص تحب رفقته؟ ..

اصحابي - اقاربي - اسرتي


ايه ممكن ينرفزك قوى؟ ..

الغباء - والتجاهل من الاخرين


ايه الاكلة المفضلة؟

هي اي حاجة مشوية
بمشي فيها عالطول


والمشروب المفضل؟

عصير المانجو الطبيعي


فيلمك المفضل ..

امممم كل الافلام الرومانسية والكوميدية


اغنيتك..لعبتك .. هوايتك المفضلة؟

بحب كل الالعاب اللي فيها عربيات
بعشق السيارات

مفيش اغنية محددة اللي بيعجبني بسمعه




موضوع حلو اوي يا ميرا

Marwa Mahmoud
05-25-2009, 03:04 PM
بجد موضوع راااااااااااااااااااااائع يا ميرا

والاجبات عجبتنى اوى انا قولت ادخل اتفرج من خلف الكواليس

وهمخمخ كدة وهرجعلكوا تانى

MoStAfA MaHeMoD
05-25-2009, 03:05 PM
بس يا ترى ده ممكن يريح انا شايف العكس لاني الواحد شخصيته مليانه وربنا ستار بس موضوع جميل بس هيفتح حجات كتير مش لازم نفتحها

إسلام محمد
05-25-2009, 03:24 PM
يالا يا جماعة جوبوا

عايزين نعرف ردود كل الاعضاء

Marwa Mahmoud
05-26-2009, 03:23 PM
هات ورقة وقلم :)وجاوب :o..

اذكر اهم صفات مميزة لشخصيتك ..

حب الناس -التواضع - بت جدعة - بتقدر الكبير والصغير - لماحة جدااا - تقبل الرأى والرأى الاخر - طيبة اوى -
رومانسية حبتين - متسرعة - صعب ان ادى ثقتى لأى حد - مش بحب نظام ان حد يدينى اوامر - بتقبل النصيحة - فيا روح القيادة.

اختر منها 3 صفات بتحبها فى نفسك ..

بت جدعة - لماحة جداا - حب الناس

و3 تانية وحشة ومحتاج تغيرها .. و

متسرعة - مش بحب اخد اوامر من حد

صفة بقى مهمة فى شخصيتك بتديك ثقة فى نفسك ..

ان صعب ادى ثقتى لاى حد دى بتدينى ثقة فى نفسى

ايه اكتر لون بتحبه؟

الابيض

وبتحس بايه لما تشوفه؟..

بحس ان بيدينى امل فى بكرة

ايه الحاجة اللى بتحب تعملها وتقضى فيها وقت تحس بعدها انك سعيد؟ ..

القعدة مع اصحابى جميلة اوى بكون اسعد واحدة

مين اكتر شخص تحب رفقته؟ ..

اكتر حد ارتاح ليه

ايه ممكن ينرفزك قوى؟ ..

انك تقابل ناس تفكر نفسها حاجة وهيا ولا حاجة

ايه الاكلة المفضلة؟

السمك عامة اكلى المفضل

والمشروب المفضل؟

عصير الفراولة
فيلمك المفضل ..

مفيش حاجة معينة بالذات فى الافلام

اغنيتك..لعبتك .. هوايتك المفضلة؟

اغانى ام كلثوم وفيروز عامة - مش بلعب كتير عادى - النت والقراءة

جاوب لو جاوبت بسرعة من غير ماتفكر
يبقى انت محظوظ لسة ماتوهتش من نفسك ..


واللى مش جاوب بسرعة ابدا بقى اعرف نفسك واتمسك بيها ..


طبعا موضوع راائع زى باقى موضوعاتك الرائعة

اسئلة جميلة جداااااااااا تسلمى يا حببتى

محمد الفرارجي
05-30-2009, 03:31 AM
دوري بقى
اوعى يا عم
سيبونا ناخد فرصة بقى

ازيك يا ميرا

شوفي يا ستي
احسن 3 صفات
الكرم، الجرأة، الشجاعة

أسوأ 3
القلق،التسرع،التعصب
أكتر صفة باحبها
الشجاعة

أحسن فعل بأحبه
السعي عالأرملة والمسكين، وطول السجود

أكتر حد بأحب أقضي معاه الوقت

روح قلبي طبعا سارة وامها يلا عشان ما تنكدش علينا
هههههههههههههههههههههههههههه
اكتر حاجة بأكرهها
الإلحاح والغباء
احسن أكله
أي أكل من أيد الجماعة ولا مؤاخذة
أحسن مشروب
الشاي
بس يكون من ايدي هيه مش بتعرف تظبطه
احسن فيلم

العربي
ومحدش يفهمني غلط الكيف
اجنبي اي حاجة لتوم هانكس
الأغاني مش باسمع بس لو هيأثر على شخصيتي كنت باسمع سومة وفريد وفايزة
الرياضة الجري
الهواية
القراءة

وشكرا يا ميرامار على المواضيع اللي مش بتخلص

ميرا مار
08-16-2009, 02:25 PM
ههههههههههههههههههههههههههههههههههههه

هههههههههههههههههههههههه

والله مشاركة زى العسل

هههههههههههههههههههههههههههه

بجد مبسوطة بيها خالص

وربنا يخليلك سارة وامها اللا تزعل مننا بردو

ميرا مار
08-16-2009, 02:26 PM
ايه دا دا


انت كدا ضيعت الفرصة


فى اجابات ناقصة يا بشمهندس

عندك ملحق:mad:

ميرا مار
08-16-2009, 02:30 PM
طبعا موضوع راائع زى باقى موضوعاتك الرائعة

اسئلة جميلة جداااااااااا تسلمى يا حببتى


حبيبتى يا مرمر

انا كمان باموت فى اللون الابيض

انا ماكنتش اعرف الحاجات دى كلها عنك

اممم كويس والله حلو الموضوع دا:D

ميرا مار
08-16-2009, 02:37 PM
انا راجعة تانى فى ناس شرفت الموضوع

وانا لسة ماقراتش

انتظروا بس ثوانى

الدلوعة
08-16-2009, 05:42 PM
اولا احب اشكرك على اللعبة الحلوة دى
اهم الصفات الى بتميز شخصيتى
الشقاوة -الطيبة-الذكاء-حب الناس-الخوف من معصية ربنا-بموت فى صحابى -العصبية-الكلام الدبش-قلة الثقة فى الناس غالبا
3 صفات بحبها
الشقاوة-الخوف من ربنا-حب الناس

العصبية-قلة الثقة بالناس -الكلام الدبش
صفة مهمة فيا
الاقتراب من الله والخوف من معصيته وحب الرسول صلى الله عليه وسلم والذكاء
اكتر لون بحبه
االروز
بحس باية لما اشوفه
بالسعادة
اكتر حاجة بحب اعملها وانا سعيدة
انى اتجمع مع صحابى او اهلى
اكتر شخص بحب رفقته
امى
الشىء الى ممكن ينرفزنى
ان حد يظلمنى
الاكلة المفضلة
التشيكن بانيه
المشروب المفضل
الموز باللبن
فيلمى المفضل
semum هو فيلم اجنبى رعب بس اسلامى عن ابليس والانسان
اغنيتى المفضلة
مولايا صلى
هوايتى
الصحافة والقراءة والنت

الورده البيضاء
08-21-2009, 03:28 PM
موضوع رائع جدا ياميرا مشكورة علية

اذكر اهم صفات مميزة لشخصيتك ..
حساسة زيادة شوية_احيانا بثق فى الناس جامد ومش بخون حد_بحب اعرف راى الناس فية ولو حتى كان نقد_اما بتعصب مش بعرف امسك اعصابى_كلامى دبش اوى:D_ اجتماعية _ احيانا يعنى والحمد لله بفهم اللى قدامى عايز يقول اية لو بيكلمنى

بعدها اختر منها 3 صفات بتحبها فى نفسك ..

اجتماعية _بحب الفكاهة_مش من السهل حد يضحك علية
و3 تانية وحشة ومحتاج تغيرها
كلامى دبش جدا مع الناس القريبة لية
احيانا مش بعرف امسك اعصابى لو حد نرفزنى
انى باخد انطباعى عن الناس من اول مرة نتكلم فيها ومن الصعب اغير وجهة نظرى فية

صفة بقى مهمة فى شخصيتك بتديك ثقة فى نفسك .. ان مفيش حد يقدر يلف ويدور علية بسهولة

ايه اكتر لون بتحبه؟
بصراحة مفيش لون معين
وبتحس بايه لما تشوفه؟..
:D

ايه الحاجة اللى بتحب تعملها وتقضى فيها وقت تحس بعدها انك سعيد؟ .. انى اكون مع صحابى

مين اكتر شخص تحب رفقته؟ ..
صحابى اكيد

ايه ممكن ينرفزك قوى؟ ..حد يبقى عايز يستعبطنى او يضحك علية

ايه الاكلة المفضلة؟
المحشى والملوخية الخضرا

والمشروب المفضل؟
عصير القصب

فيلمك المفضل ..
تيمور وشفيقة

اغنيتك..لعبتك .. هوايتك المفضلة؟
لما قابلت عينيك لخالد سليم ..بيت العيلة عالمنتدى..الهواية مهتمة بلعبة الكراتية

KAREEM
10-16-2009, 02:26 PM
أولا شكرا ع الموضوع الرائع دا
ولو تسمحى لى هشارك معاكوا
فى الاجابة ع الاسئلة





هات ورقة وقلم :)وجاوب :o..

اذكر اهم صفات مميزة لشخصيتك ..

الكرم (على اسمى ) - التسامح - الاخلاص (فى الحب) -
أفقى واسع بتقبل كل الاراء -
التواضع وانا قلت الصفات دى مضطر لان اطلب منى اجاوب

بعدها اختر منها 3 صفات بتحبها فى نفسك ..
تقبل النقض - التسامح - الكرم

و3 تانية وحشة ومحتاج تغيرها .. و
- التسرع أحيانا بس هو قل كتير عن الاول
- العصبية ودى قللتها الفترة الاخيرة بس لسه موجودة بنسبة 20 % من المواقف اللى بتستفزنى بتعصب فيها .
- الاهمال احيانا مع عدم تركيز وبحاول اتخلص منه


صفة بقى مهمة فى شخصيتك بتديك ثقة فى نفسك ..

-بتدينى ثقة ( ثقتى فى نفسى انى متربى وثقة أهلى بيا لو عملت ايه ؟)

ايه اكتر لون بتحبه؟
وبتحس بايه لما تشوفه؟..
-اللبنى السماوى الصافى
-بحس فيه بالصفاء والنقاء والجمال

ايه الحاجة اللى بتحب تعملها وتقضى فيها وقت تحس بعدها انك سعيد؟ ..

مين اكتر شخص تحب رفقته؟ ..
- شقيقى محمد

ايه ممكن ينرفزك قوى؟ ..
- الجهل مع العند

ايه الاكلة المفضلة؟
- الحواوشى المحبش

والمشروب المفضل؟
عصير الجوافة

فيلمك المفضل ..
مفيش فى دماغى حاليا بس ممكن
( صاحب صاحبه )

اغنيتك..لعبتك .. هوايتك المفضلة؟

- اغنيتى ( حياتى كلها لله )
- بلاى ستيشن والافيد منها كرة القدم الرشاضة نفسها

ياسرالحزين
10-22-2009, 08:48 PM
بعد اذن حضرتك أنا هاشترك...
اهم الصفات المميزة لشخصيتك ..
عصبي جدا.. خجول.. طيب جدا.. رومانسي بدرجة غريبه.. وفي نفس الوقت حزين دايما.. لما بحب بحب اوي والعكس تماما لما باكره.. ومبعرفش أكره بالساهل.. بطيء ومتردد في اتخاذ القرارات.. دايما باكون انطباع عن الشخص من أول لقاء..
3صفات نفسي أغيرها..
اني عصبي.. الخجل.. البطء والتردد في اتخاذ القرارات..

3 صفات بحبها فى نفسي ..
الرومانسيه.. الطيبه.. حبي المستمر لكل من حولي..

صفة مهمة فى شخصيتك بتديك ثقة فى نفسك .. الطيبه..

اكتر لون بحبه؟
الأبيض..
بحس بايه لما بشوفه؟
راحة نفسية

الحاجة اللى أحب أعملها وأحس بعدها اني سعيد؟
انى اكون مع حبيب عمري

اكتر شخص أحب رفقته؟ اكيد حبيب عمري

ايه ممكن ينرفزك قوى؟
الاستهبال...

ايه الاكلة المفضلة؟
القلقاس والكشري..

والمشروب المفضل؟
القهوة..
فيلمك المفضل .. تيمور وشفيقة
اغنيتك..
مش أغنية معينة
لعبتك .. مفيش
هوايتك المفضلة
الكتابة...

Ahmed Slem
10-22-2009, 09:44 PM
هات ورقة وقلم :)وجاوب :o..



اذكر اهم صفات مميزة لشخصيتك ..
القياده/ الثقه بالنفس /حب الله و الرسول/الطيبه /الشخصيه المرحه و القويه في نفس الوقت
بعدها اختر منها 3 صفات بتحبها فى نفسك ..
حب الله و الرسول/الثقه بالنفس/القياده



و3 تانية وحشة ومحتاج تغيرها .. و
العصبيه/التهور/التسرع
صفة بقى مهمة فى شخصيتك بتديك ثقة فى نفسك ..
القياده


ايه اكتر لون بتحبه؟ الاخضر
وبتحس بايه لما تشوفه؟..عادي


ايه الحاجة اللى بتحب تعملها وتقضى فيها وقت تحس بعدها انك سعيد؟ ..
اني انصح اصدقائي بالدين
و اشوفهم بيعملوا بالنصيحه


مين اكتر شخص تحب رفقته؟ .. والدتي/صاحبي الانتيم


ايه ممكن ينرفزك قوى؟ ..
الهذار البايخ


ايه الاكلة المفضلة؟مفيش حاجه معينه


والمشروب المفضل؟ القهوه بالحليب


فيلمك المفضل .. شمس الزناتي


اغنيتك..لعبتك .. هوايتك المفضلة؟

انا سيبتك ليارا/لعبتي البرو سوكر اليكترونيا و المصارعه فعليا/هوايتي الفضله
الخط العربي



مشكوره جدا علي
الموضوع الرائع ده