المساعد الشخصي الرقمي

مشاهدة النسخة كاملة : ادم ما الذى تريده اليوم ؟؟؟؟؟؟؟؟؟؟



froty
03-28-2009, 10:44 PM
سؤال يلح على فكري محاولا أن يعبر عقلي تمركز حين عشق اللاشيء،
والبحث عن اللاشيء!!

كثير منهم ينخرط في علاقات عاطفية مع فتيات، منهن البريئة ومنهن المعتادة على التسكع في طرقات الهوى،
وإذا بنا نراه في نهاية المطاف، يقترن بأخرى لا صلة عاطفية تجمع بين قلبيهما!!!
إنما هناك امر،، آخر إستحوذ العقل على إختياره، حين البحث عن الموظفة في زمن إرتفاع المعيشة،
وإرتفاع قيمة الحب العذري، فتجده ينزاح بقلبه جانبا، ويترك عاطفته خواء، أثناء عبوره قنطرة الارتحال من حياة العزوبية إلى حياة يُقال أنها متوشحة بالسعادة.

غريبة هي معترك التناقضات في حياة بعض الرجال اليوم!!
إذ تجد أنهم بعد أشهر- أو فلنمدد الفترة الزمنية قليلا- ، فلنقل بعد سنوات يسيرة، يبدؤون، بالشكوى من حياتهم الزوجية- التي كان العقل حسابها- ويعلنون حاجتهم للحب، ويندمون ويصرخون على أن ضيعوا قصة حب بريئة عبرت طريقهم ذات يوم!!

مغالطات، وتشتت وحيرة وندم، وضياع للمبادئ وللحب ولسمو المشاعر بين الزوجين، وبالتالي إندثار معاني الحب بين الابناء مستقبلا!!

ومنهم من يذهب باحثا عن التسلية، فيعلق قلوب العذارى البريئة بوهم كاذب من مواصفات الحب،ولوعته وتأججه،
ثم يرمي بنزاريات العشق وقصائده المحمومة، عند أول متنفس للمادة، دون أي إحساس بالذنب الذي إقترفه تجاه كائن بشري حين ولج معه في متاهات وهمية عاشقة!!!

قد يغفل هو ذنبه، فينام عن الديًن الذي عليه، ولكن الديان لا ينام، فالمنتقم الجبار لكل ظالم بالمرصاد،
لذلك نسمع ونرى أنه من عاش حياته متسكعا في طرقات الهوى، ظلما وغرورا،
نراه ونسمع عنه بعد الزواج، انه لا يعرف للسعادة طريق، وإنه دائم الشك بزوجته، وتلك عدالة السماء،
حين إبتلته بمرض الشك،

مرض الشك الذي يدمر حياته الزوجية طوبة تلو الطوبة، حتى يوشك صرح الثقة والمودة والرحمة الذي من المفترض أن يلازم قفصه الذهبي ، أن ينهار.

هنا سؤال:
ما الذي يريده ذلك النوع من الرجال؟؟!!
لماذا يتركون حب عذري يتشتت ويضيع ويرسم طريق مظلمة لكلا الطرفين؟؟
هل بسبب المادة،؟ أم بسبب عدم القناعة بالاقتران بمن أحب وجمعت بينهما علاقة حب ؟؟
ولماذا يصرخون ويصرحون بحاجتهم للعاطفة والحب بعد زواج تم بإختيار العقل ويحلمون بعودة السنين كي يعيدو الاختيار إنما من جهة القلب هذه المرة؟؟!!

هنا الفكر حين إبتعث من قصص الواقع من حولنا، يبحث عن إجابة،
فهل منكم من يرسل لعقولنا التي تلج في التعجبات إجابة مقنعة...

لماذا يحدث كل ذلك؟؟

shemo
03-29-2009, 01:28 AM
تسمحيلى اضم صوتى لصوتك واستنى ماكى الاجابة
ليه حبيبتى وصاحبتى لكن مراتى وشريكة عمرى لاء

Soma
03-29-2009, 03:49 AM
وانا ايضا اضم صوتى معكم واريد ان اعرف الاجابة
ليه بيحكموا عقلهم و يندموا بعد سنين يفتكروا اللى اختروهم بقلبهم وتركوهم
لكى يرضوا عقولهم
باحيكى على الموضوع الجميل والرائع ده

froty
03-29-2009, 05:28 PM
وانا مستنيه راى ادم فى الموضوع معاكم
وشكرا لمروركم

شهاب بودا
03-29-2009, 06:19 PM
الله يا فاديه

سلمي جمال
03-29-2009, 08:10 PM
طب متقول رايك يا عم شهاب

بجد 100 100 يا فادية ايوة كدة اديهم

عشان يعرفو ان الله حق

Youssef Mostafa
03-29-2009, 09:15 PM
ايه الكلام اللى كبير عليكو دة هاهاهاهاهاهاها


احنا مش حنرد بصراحة :p:p:p

جنات
03-29-2009, 10:56 PM
موضوع جامد جدااااااااا يا فروتى برافو عليكى والدليل على موضوعك ان لحد دلوقتى ادم مش عارف يرد على الموضوع انا كمان بنضم اليكم ومستنيه مبرر ليهم انا عارفه ان مش كل الشباب كده بس ليه المعظم كده؟؟؟

ندي حجاج
03-29-2009, 11:56 PM
[RIGHT]بحيكى على الموضوع وانا معاكم ياريت ادم يردوا علينا ولا هما مش عرفين يردوا [/RIGHT
]اللة ينور

Youssef Mostafa
03-29-2009, 11:59 PM
يادم كلم يادم حد بينادى عليك
ياجماعة فى حد هنا اسمه ادم ؟؟يرد طيب

هههههههههههههههههههههههههه

خليكو مستنيين ادم بقى يامجانييييييييييين

محمد خضير
03-30-2009, 12:18 AM
موضوع جيد

بس انتى تعرفى حد حصله كده اختار بعقله وبعد كده ندم على اللى ضيعها من اديه

alaa eid
03-30-2009, 02:57 AM
عايزين يا بنات الشباب في المنتدي هما اللي يجابوا يلا عايزين نشوف الاجابات
تسلمي موضوع جميل فعلا

froty
03-30-2009, 09:45 PM
شكرا لكل اللى مر على الموضوع من البنانيت الحلوين

وشكرا للجنس الاخر بس فين ارائكم

free eagle
03-30-2009, 09:54 PM
هما كلكم كدة مستنين الشباب علشان يجاوبوا




ربنا يسهل بقي بعد كام سنة
هههههههههههههههههههه

froty
03-30-2009, 10:55 PM
شكرا يا يسرى على مرورك بس

فين رايك ولا انت مش من الشباب

Youssef Mostafa
03-30-2009, 11:11 PM
شوفت بقى يايسرى عشان رديت

اتريقوا عليك ازاى
هم دول البنات يعم

بصوا بقى بجد انامش فاهم السؤال


قولى السؤال تانى
:d:d

froty
03-31-2009, 07:42 PM
يا يوسف بلاش انت

اقرا الموضوع وانت تفهم كويس

Ahmed Mohamed
03-31-2009, 08:03 PM
السلام عليكم ورحمة الله


احب اولا اشكر الاخت فروتي علي الموضوع ده
لانه فعلا ذو اهمية كبيرة
وهذه حقيقة منتشرة في مجتمعنا الان
ليه معظم الشباب مش بيرضوا يتزوجوا بحب عمره
" بيقولك مش اتجوز واحدة انا كنت ماشي معاها "


وده طبعا مبدأ غلط لاني واحب اوجه الكلام ده لكل شاب
ان انت يا آدم مش انت اللي بتروح للبنت
وتقولها ان انت اللي معجب بيها


صح ولا لاء ؟


يا جماعة المشكلة مش في آدم نفسه صدقوني
المشكلة بقيت خطيرة اوي ومنتشرة بجد
المشكلة فعقول الناس كلها


والله العظيم في ناس بيقولو " انا لما احب واحدة معايا
واروح اتقدملها بعد التخرج واترفض لا انا اخليها حبيبتي وصاحبتي لغاية ما اتخرج وبعد كده اسيبها "


المشكلة بقيت في الاهل دلوقتي معظمهم مش بيسبوا فرصة
للشباب انه يعيش حياته علي راحته
لازم يتدخلوا في كل حاجة


بمعني لازم يبوظوا الجوازة وخلاص
فمعظم الشباب بدأ في الاتجاه الي
الاسلوب الالتوائي في التعامل مع البنت




وده رايي من وجهة نظري ويا ريت تتقبلوه .
وشكرا ليكي يا فروتي انك طرحتي المشكلةدي

Youssef Mostafa
03-31-2009, 08:29 PM
اه الموضوع كدة بقى يبقى بصوا بقى

الحكاية دى كانت زماااان وخلصت خلاص ان واحد يمشى مع واحدة طول فترة الكلية وبعد التخرج يخلع

اما دلؤتى 90% من الحالات دى بتكمل فعلا مع بعض حتى بعد التخرج بيتجوزا وبيعيشوا فى تبات ونبات ويخلفوا صبيان وبنات

وال10% الباقى دول بقى تلاقيهم حديثى الارتباااط هههههههههههه

وكمان فى واحد مثلا اثناء فترة الكلية ميقدرش يقضيها من غير بنت

والعكس فى بنات اثناء فترة الكلية لازم يبقى معاها ولد يسليها ودول اللى بنلاقيهم مع بعض 12 ساعة

تلاقيهم اعدين فى مكان واحد ونفس القعدة مش بيتحركوا من الساعة 8 الصبح للساعة 8 بليل
لكن صدقينى يافروتى اللى قصدك عليهم دول قلوا اوى دلؤتى

وحتى لو موجودين البنات بقت عارفة كل حاااجة الايام دى وبقوا حريصين جداا ودى حاجة كويسة طبعا
عشان كدة بنصح كل شاب وكل فتاة انهم ميتسرعوش فى الحاجات دى
كان معكم يوسف من امام الشاشة اللى بتجيب الواااان

Ahmed Mohamed
03-31-2009, 08:34 PM
ههههههههههههههه

تحفة والله انت يا يوسف

وانا معاك في النقطة دي
برافو عليك

Ma7amed Adel
03-31-2009, 08:38 PM
انا مختلف مع كل هذه الاراء فانتى نظرتى اللى الموضوع من الجانب المظلم ومن يحب لا يكرة ولا اية وانتى اللى تردى على نفسك واللى يفشل دى ما اسمو ش حب دى تسلية وكتير من الشباب فيه هذا الطابع ولكن اذا احب نحت فى الصخر لكى يصل الى من يحب

Shimaa MMB
03-31-2009, 09:40 PM
الموضوع جامد يا فادية و سألتي سؤال اجابته في كلمتين (المجتمع الشرقي)
دي التربية اللي بيتربى عليها الراجل من صغره في مجتمع زي ده

froty
04-01-2009, 01:19 PM
ميرسى ليك يا احمد على رايك

وبتفق معاك بنسبه 50% ان الاهل احد الاسباب لان الجوازة تفشل

froty
04-01-2009, 01:21 PM
ياه يا يوسف اخيرا فهمت الموضوع

ههههههههههههههههههههههههههه

شكرا على رايك ولونى بختلف معاك فى النسب اللى انت بتقولها بس فعلا رايك يحترم

froty
04-01-2009, 01:24 PM
شكرا ليك يا محب الرحمة لمرورك وردك

واحب اقول لحضرتك انى مش بنظر للموضوع من الجانب المظلم ولا حاجة

الموضوع كله اثار فضولى لما شوفت اكتر من حاله حصل لها كده وحبيت اعرف وجهه نظر ادم فى الموضوع

وليه مش بيحب بجد فى كل الاوقات ......بس

وشكرا على مرورك وعلى رايك

froty
04-01-2009, 06:53 PM
ميرسى على ردك يا شيمو يا حبيبة قلبى

مرورك على موضوعاتى دايما بينورها

بس انا بختلف معاكى فى الراى المرة ديه علشان لو جبنى الغلط على التربيه يبقى بنجيب اللوم على حواء لان هى اللى بتربى ولا ايه

ومتنسيش ان الاخلاق ديه بيكون تأثير المجتمع فيها اكتر من 50% علشان كده مينفعش نقول تربيه ولا ايه ؟

طالبة جامعية
10-25-2009, 01:42 PM
حلو اوووووووووووووووووى
تسلم ايدك

الورده البيضاء
10-25-2009, 08:50 PM
موضوع رائع جدا جدا يافروتى
تسلم ايدك ياقمراية

froty
11-30-2009, 08:13 PM
حلو اوووووووووووووووووى
تسلم ايدك


ميرسى ليكى كتير على مرورك يا قمر

froty
11-30-2009, 08:14 PM
موضوع رائع جدا جدا يافروتى
تسلم ايدك ياقمراية

ميرسى ليكى الموضوع رائع علشان انت يا قمر نورتيه بمرورك عليه