المساعد الشخصي الرقمي

مشاهدة النسخة كاملة : أقاطع أم لا ؟


عمرو عنتر ( محب في الله )
04-02-2009, 07:28 PM
ممكن ياجماعة حد يقولي أقاطع المنتجات الامريكية والاسرائيلية الصهيونية ولا لأ ؟

أنا شخصياً حاسس ان المفروض نقاطع وشوفت الشيوخ في مصر كلها مثل الشيخ : محمد حسان والشيخ :صفوت حجازي , وكل الشيوخ عندنا في مصر قالوا كده , لكن شوفت برضه مفتي المملكة العربية السعودية على النت قايل يامسلمين مفيش حاجة اسمها مقاطعة وبعد ماكنت متحمس للمقاطعة , رجعت أشتري حاجات تاني ممكن حد يفيدنا ولا نعمله استفتاء ولا ايه ؟
mr.lonly
04-02-2009, 10:58 PM
استفت قلبك يا عمرو بس
عمرو عنتر ( محب في الله )
04-03-2009, 01:51 AM
أولاً : شكرا ان حضرتك شرفتني بالرد في الموضوع

ثانياً : حتى قلبي تايه يامستر لونلي مبقتش عارف ايه الصح من الغلط
mr.lonly
04-03-2009, 02:03 AM
الحلال بين والحرام بين
عمرو عنتر ( محب في الله )
04-06-2009, 10:37 PM
أخي العزيز / مستر لولي :

أحب أولاً أوجهلك شكر خاص ان انت الوحيد اللي اهتميت ورديت عليا في الموضوع ده لان الظاهر لازم اتكلم في لماذا البنت تحب الولد وازاي تخنق بنت زميلتك وكليب خد بالك عليا وأحاديث من هذه النوعية عشان الناس ترد عليا وتتواصل لكن لما نقول نقاطع ولا لأ أو نقول كل يوم سنة عن النبي الناس ولا ترد الا قليل ومشكور اللي رد .

شكرا مرة اخرى لإنك محترم وترد وتتواصل في موضوع أراه جيد .

لي عندك سؤال لماذا لا تعطيني حلاً مريحاً فمثلاً هل انت مقاطع هذه المنتجات أم زاي حالاتي
mr.lonly
04-07-2009, 12:38 AM
والله يا اخ عمرو المسألة ابسط من كدة انا مش بقاطع عشان فلان مقاطع
لا انا مقاطع عشان انا مؤمن بقضيه بلدى
وان المقاطعة احد الحلول لما لها من تأثير اقتصادى علي الدول المعتديه علي حقوقنا
بس حيرتك دى انا كنت فيها من 5 سنين تقريبا ولقيت انى مش هاخسر حلجة لما ااقاطع بالعكس
انا هاكسب انى يوم القيامة لما ربنا يسألنى عن موقفي اقول قاطعت يارب وهذا ما استطعت
وكما قال رسولنا صلي الله عليه وسلم (من راي منكم منكرا فليغيره بيدة فان لم يستطع فبلسانه
فان لم يستطع فبقلبه وذلك اضعف الايمان )
وشكرا لك ووفقك الله لما فيه الخير لأمتك
عمرو عنتر ( محب في الله )
04-07-2009, 02:57 PM
والله يا اخ عمرو المسألة ابسط من كدة انا مش بقاطع عشان فلان مقاطع
لا انا مقاطع عشان انا مؤمن بقضيه بلدى
وان المقاطعة احد الحلول لما لها من تأثير اقتصادى علي الدول المعتديه علي حقوقنا
بس حيرتك دى انا كنت فيها من 5 سنين تقريبا ولقيت انى مش هاخسر حلجة لما ااقاطع بالعكس
انا هاكسب انى يوم القيامة لما ربنا يسألنى عن موقفي اقول قاطعت يارب وهذا ما استطعت
وكما قال رسولنا صلي الله عليه وسلم (من راي منكم منكرا فليغيره بيدة فان لم يستطع فبلسانه
فان لم يستطع فبقلبه وذلك اضعف الايمان )
وشكرا لك ووفقك الله لما فيه الخير لأمتك



الله يفتح عليك يامستر لونلي والله النقطة دي عمرها ماجت في دماغي , أنا ان شاء الله هاعمل زيك يامستر لونلي هقاطع وموش هاخسر حاجة لان ده الحاجة الوحيدة اللي في ايدي , ربنا يسترك دنيا وآخرة

ولازم اوجهلك شكر تاني برضه لانك الوحيد اللي هنا شوفتيك اهتميت بقضية جادة وادعوك وان كنت لا أملك حق الدعوة الى المشاركة معي في مواضيع المنتدى الاسلامي
mr.lonly
04-08-2009, 12:45 PM
شكرا علي ايه يا عمرو دة انا اللي لازم اشكرك انك عرضت استفسارك
اللي في ناس كتييير بتقع فيه وبتخجل انها تقول او تعرض المشكلة

وان شاء الله هنشارك سوا في مواضيع القسم الاسلامى وانا بقبل دعوتك بكل سرور
عمرو عنتر ( محب في الله )
04-08-2009, 01:02 PM
جمعنا الله دائماً على الحب في الله
froty
04-09-2009, 08:37 PM
انا ليه وجهة نظر فى موضوع المقاطعه ده

انا زيك مش عارفه اقاطع او لا

بس شايفه ان الشركات الخاصه بالمنتجات اللى المفروض اقاطعها موجوده فى مصر والعماله فيها مصريه

يعنى لو قطعت الناس اللى بتشتغل فى المصانع والشركات ديه مش هتلاقى شغل

علشان كده مش عارفه اقاطع ولا لأ

وشكرا لعرضك الموضوع ده بس اعتقد لازم راى حد فاهم فى الدين اكتر

بحيث يريحنى من ذنب الناس اللى ممكن متلقيش تاكل لو سابوا اشغلهم
عمرو عنتر ( محب في الله )
04-09-2009, 08:44 PM
شكرا لاهتمام حضرتك فروتي وبجد نورت الموضوع

بس ماهي دي المشكلة اللي انا كاتبها في الموضوع ان مفتي مصر بيقول نقاطع ومفتي السعودية بيقول لأ وكل واحد ليه ادلته

بخصوص الناس اللي حضرتك بتقول هتشرد لأ هما موش هيتشردوا لانهم هيشتغلوا في المحلات المصرية اللي اكيد هتزيد لما الطلب كله هيكون عليها
froty
04-13-2009, 10:36 PM
يا استاذ عمرو انا معتقدش ان الطلب على المنتجات المصريه هيزيدلانهاعمرها مهيكون زى المنتجات اللى احنا بنقول نقاطعها

لان الجوده عندنا زى محضرتك عارف عاليه قد ايه لدرجه ان الواحد لو قاطع هيقاطع حتى المصرى

وشكرا منك على الموضوع المهم ده