المساعد الشخصي الرقمي

مشاهدة النسخة كاملة : لو القنوات دخلت على بعض؟



أحمد رمزى
04-06-2009, 10:55 AM
لو القنوات دخلت على بعض؟
اكيد هتبقي سلطه برامج
شوفوا كدا




سيداتى سادتي

اهلا بيكم فى اليوم المفتوح

الحقيقه النهارده الارسال اتعطل كتير

واحتمال كبير اوى الترددات كلها تدخل فى بعضها

فا...خلوا بالكوا

كل واحد يظبط القنوات كويس اوي

علشان تعرفوا تتفرجوا علي فقراتنا النهارده

وأولا مع نشرة الاخبار

................

النشره :سيداتى سادتى نقدم لكم نشرة الاخبار

وفى نشرتنا : كيلو لبن ونص كيلو سمنه وعلبتين زبادي وخمس خيارات

وتروحى جايبه خمس لاعبييين فى خط الدهر

و3 فى خد النص و 2 فى الهجوم

وبيحكم مباراة النهارده الكابتن جمال الغندور

اللى نزل ارض الملعب وقدامه عين البوتاجاز

وتحطى عليها الحلة

وتروحى سايباها فى المغاره

وبعدين يا عمو؟؟؟

وبعدين يا حبيايبى راح على بابا وسمسمه داخلين

وهناك بقى لقوا ايه؟؟؟

لقوا قوات مجلس الامن

وادان بشده ما يحدث فى القدس

كما اعلن الرئيس جورج بوش انه حمار كبير اوى

وراحوا راكبينه وطلعين على الغابه ولقوا هناك اللاعيب الكبير

اللاعيب الكبير اوى وماشى بالكوره وهايعدى منه يا خساره

اتخدت منه ووصلت للفيل الكبير

اللى راح طارب الاشكيف وامنا الغوله

وحطهم جوه الكنافه المحشيه بالزبيب وجوز الهند

وبعد كده تحط الشربات على كالوس اللى ماشى بالكوره

وهايشووووووووووووووووو

ط ياخساره..باظت البصاره

انا قلتلك ياستى ما تحطيش

ملح كتير على الاكل عشان ما يعملش

زلازل وبراكين فى جنوب شرق آسيا مما ادى اللى هجوم سلاحف النينجا

وهدف اكيد يضيع منه ويشوط عصام الحضرى الكوره

ويوصلها ل حلة الشوربه وتحطى فيها حتت الخيار والكوسه

بعد ما تسلقيها كويس وتروحى حطالها على اقليم كوسوفو

حيث هاجم ميلوسوفيتش رئيس الصرب

المجتمع الدولى ووصف ما يحدث بانه

كوسه وقبل ما تسويها لازم تحطيها

فى الجووووووووون يا واد يا لاعيب

دى ما يحطهاش غير حسام حسن

صاحب الراس الذهبيه وتحطى ع البوتاجاز

كابتن ماجد اللى خد بسام وراحوا يلعبوا فى الفرن

لمدة خمس دقايق و32 ثانيه

وبعدها تجيبى حله كبيره اوى اوى

وتحطى فيها ياسر ريان وبيرقص وبيدخل منطقة الجزاء

وبيضرب ودخل رجال الاسعاف وشالوه فى الكنكه

وبعد ما تقدمى الشاى لضيوفك تقوليلهم بابتسامه رقيقه

بررررره...حرام عليك يا راجل

وهكون معاكم في انا و الخيار وهواك

وهادى خشبه يا واد يا لاعيب يخطف الكوره

منه على وبعد ما تحطى عليها الشربات تروحى مديه للضيوف

ببوز الجزمه وزى ما احنا شايفين

جماهير الدرجه التالته

اتحرقت فى البوتاجاز

يا خساره يا خساره لكن ماتزعليش تقدرى تقدميها

للمفوضين العرب فى مباحثات السلام حيث صرح السيد جورج بوش

انه سوف يضطر للمضى قدما فى عملية السلام

وسيعرض مقترحاته على صدره يا واد يا لاعيب

وناخد اتصال ونقول الو !!!

هانى رمزى بيعمل عجايب النهارده رقص خمسه

وشاط الكوره قنبللللللللله فى قلب العالم العربي

الذي ادان كل ما يحدث داخل بيت الاشباح

ولما باسم شاف العفريت قام جرى بسرعه وراح داخل

مجلس الشعب الذي قرر عقد اولى جلساته فى الجردل

ولازم تتخلصى من الزباله اللي في الجردل اول باول

وعلشان نجهز الشوربه لازم نسلق القوانين الجديده

وقد تم ضبط احد اعضاء مجلس الشعب وهو بيلعب فى مناخيره

ودا يصح يا عمو ؟؟ لا يا حبيبى طبعا دى عاده سيئه جدا كان زمان بيعملها

الحكم واللاعبيه اللى شرفونا النهارده

وبالهنا والشفا

والى هنا تنتهى شربة الخيار لهذه المباراه

والسلام عليكم ورحمة الله وبركاته

Marwa Mahmoud
04-06-2009, 03:00 PM
هههههههههههههههههههه
جميلة اوى تسلم

Youssef Mostafa
04-06-2009, 05:34 PM
هههههههههههههههه

جامدة ياحمد باشا

أحمد رمزى
04-06-2009, 08:58 PM
تسلمى مرمر ع المرور

abdoitthad
04-09-2009, 03:03 AM
انت لخبطلي دماغي يا احمد

بس جامد

GooD_DrSh
04-09-2009, 03:46 AM
هههههههههههههههههههههههههههههههههههههه
جاااااااااااااامده يا حماااااااااااااده اووووووووووووووووووى
دمها خفيف اووووووووى

أحمد رمزى
04-09-2009, 10:24 AM
تسلم abdoitthed‏ ع المرور وأنا برده اللى لاخبطلك دماغك

أحمد رمزى
04-09-2009, 10:27 AM
شكر
GooD_drsh ‎
ع المرور الجميل ده

alaa eid
04-09-2009, 03:06 PM
ههههههههههههه
جميلة اوي يا احمد
تسلم ايدك

أحمد رمزى
04-09-2009, 04:56 PM
شكرا لولو ع المرور الجميل ده وده بعض ما عندكم