المساعد الشخصي الرقمي

مشاهدة النسخة كاملة : رجالة اليومين دول



أحمد رمزى
04-06-2009, 09:02 PM
تخيل وانت قاعد كده بتقرا كتاب رومانسى
والا بتتفرج على فيلم عربى ولا هندى
رومانسى
(يشل)
وبتفكر وسرحان فى فارسه احلامك
اللى هتيجى تاخدك على الحمار البنفسجى
(اللى هيطير بيك ويوقعك راقبتك تتكسر )
تلقى الست الوالده داخله عليك وبتقولك
عاوزه اكلمك ياواد فى موضوع
وانت تتخض وتخاف وتقولها خير ياماما





تقولك خير ياحبيبى عندى ليك خبر يفرحك
وانت زى الاهبل
(تتنطط وترقص وتسال امك خير خير )
تقولك جارتنا ام برقوقه جايه تخطبك للبت برقوقه
بنتها وانت خلاص كبرت وحلويت
والبنات بقت تتحدف عليك
وانت بقى تتكسف وتوطىء راسك فى الارض
(مسكوف ياعين ماما )
وتقول للحاجه الوالده اللى تشوفيه ياماما
تقولك مامتك البنت حلوه ومؤدبه
ووظيفه كويسه ومرتبها عالى
ومن عيله محترمه ومن الشغل للبيت
ومن البيت للشغل





ولا بدخن ولا بتروح ولا بتيجى
وانت تقول للحاجه وانت مكسوف
( ياعين امك)
طب هى شفتنى فين ياامى وانا دايما قاعد فى البيت
تقولك امك شفتك وانت بتشترى الخضار من السوق
ياضنايا
(يلهوى على الجمال خضار كمان)
وجايه هى وامها يشوفوك يوم الخميس
طب ياماما وبابا ايه رايه
ابوك يابنى محتاس فى الطبخ وغسيل الصحون
الله يعينه سيبه فى حاله
( اااه يانى راحت خلاص على الرجاله )





وتقول لمامتك الحاجه اللى تشوفيه ياماما اعمليه
انا تحت امرك وتطلع جرى على اوضتك تتنطط
تنطيط ادام المرايا وتلف نص لفه يمين ونص لفه شمال
وتغنى وتعملى فيها سعد الصغير
( هتجوز --- هتجوز)
ويجى يوم الخميس وتروح للكوافير الرجالى
وتضرب شعرك هاى لايت وتشيل حواجبك خالص
(نيولوك بقى ياجدعان )
وتروح بيتكم وتلبس القميص والبنطلون
اللى فصلتهم عند عمو عبده الترزى
وتلبس الجزمه الاجلسيه الملمعه
( يلهوى على الجمال -- ايه ده عريس
اجمل من جون ترافولتا ياجدعان)



وتنزل بسرعه اول ماتعرف ان برقوقه والست والدتها
الحاجه فى صالون بيتكم وبابك يقولك خد العصير
وادخل سلم على عروستك وحماتك
وانت تتكسف وتقول لبابك انا مكسوف يابابا
(مكسوف -- مكسوف -- مكسوف)
وتاخد صينيه العصير وتدخل ترمى السلام
( ياسيدى مسى علينا )
واول ما العروسه تشوفك تعكسك بكلمتين حلوين
وانت ياقلب امك تتكسف وتقدم العصير
وتسيبهم وتطلع تجرى من الفرحه
( عروسه يابوى)





واخواتك بقى يسالوك شكلها ايه تقولهم حلوه حلوه
وعسل عسل عسل
وفجاه الست الحاجه والدتك تقراء معهم الفاتحه
وتسمع انت واخواتك صوت زغروطه تجنن من بابك
خارجه من المطبخ
(لووووووووووولى )
وفجاه وبدون مقدمات تتفاجىء بدخول اختك
اللى خارجه من قضيه سطو مسلح وتجاره هيروين
وبتقول فى ايه بيحصل من ورا ضهرى
(او بااااااااااااااااا الجوازه هتتفركش ياحلو )



يقوم السيد الوالد شكر الله سعيه يهديها بكلمتين
ويقولها اخوكى بيتخطب تصرخ بصوتها اللى بيسمع
اول الشارع عندكم وشفت اخويا فين البت دى
هو اخويا بيخرج لوحده فى الشارع من ورايا
( مش بقولك الجوازه هتبوظ يابنى عوضك على الله )
والدك الغالى يحاول يهديها ويقولها لا يابنتى ده جايه
على السمع وسمعه اخوكى اللى زى الفل
( تخرس البت وتتكم وتسكت خالص )
وتستعد بقى ياجميل للخطوبه والجواز
وتتجوز برقوقه وشهر والتانى برقوقه تغضبك :Taj10:
تلم هدومك وتروح غضبان فى بيت الست الوالده
والوالده تصلح بينكم
وهكذا وشوف بقى لغاية ما ربنا يفرجها وتخلعك
وترميك ف الشاااااارع

ملطووووووووووش

alaa eid
04-07-2009, 04:36 AM
هههههههههههههههههههههههههههه
حلوة اوي يا احمد
تسلم ايدك

Youssef Mostafa
04-07-2009, 04:46 AM
هههههههههههههههه

جامدة جامدة بجد

أحمد رمزى
04-07-2009, 12:44 PM
شكرا
Lolo
ع المرور

أحمد رمزى
04-07-2009, 12:46 PM
تسلم يوسف ع المرور الجميل ده

Marwa Mahmoud
04-07-2009, 03:06 PM
ههههههههههههههههههههههه

بجد جمااااااامد جدااااااااااااا

نسلم

Marwa Magdy
04-07-2009, 03:32 PM
ههههههههههههههههههههههههههه
هههههههههههههههههههههههههه
جاااااااااااااااااااااااامد اوى يا احمد

أحمد رمزى
04-07-2009, 03:46 PM
شكرا مرمز ع المرور

أحمد رمزى
04-07-2009, 03:52 PM
شكرا mero
ع المرور ويالا بقى شوفيلك واحد روحى أخطبيه

Mahro
04-08-2009, 04:11 AM
تحفه يا ابو حميد

معندكش ليا عروسه

بس تكون ايديها خفيفه

هههههههههههههههههههههههههه


تسلم يا غالى

أحمد رمزى
04-08-2009, 12:50 PM
تسلم mahro
ع المرور الجميل ده
وأمانه عليك لو لقيت عروسه أيدها خفيفه متنساش أخوك

أحمد رمزى
04-08-2009, 12:59 PM
تسلم mahro
ع المرور الجميل ده
وأمانه عليك لو لقيت عروسه أيدها خفيفه متنساش أخوك

الورده البيضاء
04-10-2009, 12:52 PM
ههههههههههههههههههه
تحفة يااحمد ههههههههه
حلوة اوى
تسلم ايديك
يارب مايجى الزمن دة بكدة مفيش رجالة بقى
ههههههه احنا كدة احنا اللى حنبقى رجالة والرجالة هتبقى هى البنات
ههههههههههه
حلو اوى بجد

أحمد رمزى
04-15-2009, 11:01 AM
تسلمى زمان كان فى حب ع المرور
و على فكره ده هزار
كلام يعنى
أحنا لسه رجااااااااااااااااااااااله

الورده البيضاء
04-18-2009, 11:16 PM
تسلمى زمان كان فى حب ع المرور
و على فكره ده هزار
كلام يعنى
أحنا لسه رجااااااااااااااااااااااله

هههههههههههههههههههه ربنا يستر ههههههههه