المساعد الشخصي الرقمي

مشاهدة النسخة كاملة : زحمة يا دنيا زحمة



ahmedko
09-30-2008, 04:52 AM
مين فينا مبيكرهش الزحمة
بجد مين فينا و هو راكب المواصلات رايح الكلية الصبح مبيلاقيش السكة مقفولة
يا ترى فيها اية حادثة
ولا عبدو مشتاق معدى
ولا المصيفين ولا اية
انا عن نفسى بكرة اسكندرية فى الصيف عشان الزحمة و ما بقدرش امشى و اتحرك بالساهل

Mimi
09-30-2008, 05:15 AM
http://img.photobucket.com/albums/v505/MCsam/anyaflower316.gif

ياااااه يااحمد انت جيت ع الجرح والله

مصــر مفيهاش زحمة يابني ولا حاجة ، مصــر حاليآ عبارة عن قنبلة موقوتة وهتنفجر دا اذا مكنتش انفجرت فعلآ

والله شئ يكسف اللي بيحصل في بلدنا دا ، ولا أتعشم ان قوانين المرور الجديدة هتصلح حاجة

المشكله في الآخر ييجي يقولك ايه ، ما انتو ما بتعملوش حساب لعدد السكان وبتخلفو عيال كتيره ، هيا البلد خربانه من شوية .. ما هي منكم

والله انا بيغيظني اوي الرد دا هو احنا كمان هنتدخل في ارادة ربنا ونحدد النسل عشان نقلل السكان وبكدا المرور هيتحل ؟

http://img.photobucket.com/albums/v505/MCsam/anyaflower316.gif

دي اليابان فيها 128 مليون مش 80 مليون زينا واتفرج على النظام اللي يخلينا ننتحر باه من بعد ما نقارنه بينا ، ليه احنا شعب بيخلق الاعذار بس ؟ ومنحاولش نزبط نفسنا ونحل مشكلتنا دي

طيب شوفو الصين ، بكين لوحدها فيها اضعاف اضعاف شعب مصر كله ومع ذلك النظام في المرور رهيب جدآ وأظن الاولمبياد كان أكبر صورة مشرفة ليهم وأثبتت دا

يقولك ياعم الصين دي شوف أكبر مننا بـ قد ايه ؟ وهو حضرته ميعرفش ان في حاجة اسمها كثافة سكانية ونسبة وتناسب والصين مصنفة من اكتر البلاد كثافة سكانية

انا نفسي والله منفضلش نضرب مثل بالشعوب والبلاد التانية

http://img.photobucket.com/albums/v505/MCsam/anyaflower316.gif

الشبح
09-30-2008, 05:39 AM
بحبك يا مصر .......... هههههههه

tiger
09-30-2008, 09:34 AM
موضوع جامد يا أبو أحمد لو فى تنظيم جيد فى المرور زى الدول الطبيعيه الأمور حتبقى كويسه 0

Rania Ismail
09-30-2008, 12:56 PM
ان شاء الله لما امسك منصب كبير فى الوزاره ححللك المشكله ديه يا ابو حميد ولا تزعل نفسك

Wild_Angel
10-02-2008, 11:00 PM
No Comment

على الزحمه وتعبها وخصوصا انها فى كل مكان

طوابير العيش والمواصلات وحتى محطات الوقود


http://www.almlf.com/get-10-2008-m5vvfdft.jpg (http://www.almlf.com)
http://www.almlf.com/get-10-2008-lcl35zyt.jpg (http://www.almlf.com)
http://www.almlf.com/get-10-2008-94w5c162.jpg (http://www.almlf.com)

ahmedko
10-02-2008, 11:06 PM
بجد با جماعة الموضوع لا يطاق
الواحد عشان يروح مشوار من سيدى بشر مثلا لحد المنشية ينزل قبليها بساعة ونص تقريبا
لية هو اليوم فية كام ساعة!!!!!!!!!!!
و على فكرة يتهيألى ان الموضوع دة ليه اثر نفسى عند الناس كلها
يعنى ممكن لو الواحد رايح الامتحان مثلا و الدنيا زحمة التوتر بتاع الوقت اساسا و ان هو هيتأخر ممكن يسببله مشاكل و ينسىحاجات فى الامتحان

حاجات كتيرة اوى ممكن تسببها الزحمة

Hassan Mohamed
10-02-2008, 11:07 PM
ايه اللي دخل البنزيم في الموضوع ده مش فاهم

ahmedko
10-02-2008, 11:12 PM
معاكى حق يا جودى و الله المشكلة ان احنا اساسا مش منظمين
يعنى الصين تقريبا 1.2 مليار نسمةتقريبا قد عدد سكان مصر 15 مرة
شوفى الدنيا عندهم عاملة ازاى
بلاش الصين و اليابان دى دول من كوكب تانى
شوفى اوخنا العرب الامارات ،البحرين ،قطر
دا حتى الدكتور على ذكى كان بيحكيلنا على البحرين و على النظام فيها و الله كنا بنتحسر على المهانة اللى احنا فيها

ahmedko
10-02-2008, 11:14 PM
ايو يا ابو على
صباح الفل
انتى مش عايش معانا ولا اية
مبتشوفش الطوابير اللى فى محطا ت الوقود على بنزين 80
و الله دى التكسه بتبقى بالميات فى شارع ابوقير

Hassan Mohamed
10-02-2008, 11:16 PM
اه اه بشوفهم بس ده للي بيركب تكوسة بقا

Wild_Angel
10-02-2008, 11:21 PM
لا مش شرط يا حسن التاكسيات بس ده بقى لكل العربيات

الامر لله وحده ليس بيدنا غير الدعاء

ahmedko
10-02-2008, 11:25 PM
بجد و الله العملية صعبة للغاية
الواحد بيروح من يومه حوالى 4 ساعات مواصلات غير ساعتين تعب بسبب المواصلات
دى حاجة متعبة بجد

ميرا مار
10-04-2008, 08:47 PM
ايه يا حمد
الموضوع الزحمة دة ..
انا اكتر واحدة حاسة بيه

انا غيبت يومين رجعت لقيت زحمة ( الموضوعات)
كلها جميلة
وعايزة ارد
بس مش عارفة اتصرف من الزحمة ..

طب ايه رايك بقة ان زحمة المواصلالالالت سهلة
بالمقارنة بالزحمة اللى جوا الواحد..
لما تبص حواليك تحتار ..
الموضوع كبييييييييييييييير

ALY ELSAYED
09-11-2009, 07:29 PM
زحمه يا دنيا زحمه

انا عايز اقولك اناحنا خدنا علي كده

وبالذات في الصيف

والسبب كتر الفحت والردم كل شويهيكسروا

ويرجعو يردمو ويكسرو تاني

مش عارف والله هما بيعملو ايه

جزاك الله كل خير

سانتا مونى
09-12-2009, 02:44 AM
زحمه يا دنيا زحمه

انا عايز اقولك اناحنا خدنا علي كده

وبالذات في الصيف

والسبب كتر الفحت والردم كل شويهيكسروا

ويرجعو يردمو ويكسرو تاني

مش عارف والله هما بيعملو ايه

جزاك الله كل خير


هما شكلهم كده ياعلى بيدورو على جثة من جثث الفراعنى ولا ايه:)
ههههههههههه
تسلم ايدك يااحمد الموضوع جميل اوى ومهم اوى
يارب مشكلة الزحمة تقل بقى
متقولو امين الله:bones:

sweet girl
09-12-2009, 03:29 AM
التوبيك جميل جدا يا احمد
بس الزحمه مبقتش فالمواصلات وبس
لو على اد المواصلات كانت بقت هينه
لكن المشكله ان الزحمه بقت فقلوبنا وعقلونا وتفكيرنا ومشاعرنا
ياااااااااااه
ديه الزحمه بقت فحاجات كتيييير اوى و علاجها كمان مبقاش سهل
الواحد فعلا محتاج ان الزحمه تقل فكل حاجه عشان نشعر بهدوء النفس وصفاءها
جزاك الله خيرا

اسامه البنا
09-18-2009, 01:37 PM
انا عن نفسى بكرة اسكندرية فى الصيف عشان الزحمة و ما بقدرش امشى و اتحرك بالساهل



وانا والله معاك بحس باحباط وكاني مخنوق ومتكتف