المساعد الشخصي الرقمي

مشاهدة النسخة كاملة : متى تمنيت ان تفقد ذاكرتك؟!!



شهاب بودا
04-09-2009, 07:31 PM
السلام عليكم ورحمة الله وبركاته

موضوع أعجبني كثيراً وأحببت أن تشاركوني فيه الرأي
في حياتنا تصادفنا مواقفٌ وأحداث مع مرور الوقت وعبث الزمن
وتكرر المواقف وتغير الفترات تصبح تلك المواقف ذكريات
وقد تكون كالعلقم أو كالسكر
وتبقى عالقةً في الذهن كالفقاعات ،، تتبلور وتدور
فيصبح بعضها ضبابياً وبعضها لا يزول ،، والبعض منها لا يُذكر أبداً
فلو وتلك من عمل الشيطان ..!!
مُنحت لك فرصة إزالة بعض تلك الفقاعات من وطن ذاكرتك ْ
فأي ذكرياتٍ ستقوم بمسحها ؟؟
وأي مرحلةٍ عمريةٍ تلك التي ستنهيها من حياتك ْ؟
وما أصعب وأشد مرارةً من ذكرياتك تلك التي ستنهيها من الوجود
ومتى قلت في نفسك بألم ليتني ما عشت حتى رأيت هذا اليوم
وصدقاً أخي/ أختي
متى تمنيت أن تفقد { الذاكرة } ولماذا ؟؟
افتحوا قلوبكم ،، ف حين نقرأ مصائب الأخرين ،،
تهون علينا مصائبنا
ودمتم سالمين

samomran
04-09-2009, 07:35 PM
احيــــــــــــــــك يا شهاب

موضوع جميل

انا تمنيت انى افقد الذاكره و انا فى سنه ثانيه

عشان اقدر انسى اصحابى اللى ضربونى فى ظهرى و خانونى

بجد موضوع هااااااااااااايل

ميرا مار
04-09-2009, 08:21 PM
جميل يا شهاب


انا كمان موقف زى الايام دى السنة اللى فاتت

نفس احساس اسلام بالضبط.. ..

Ma7amed Adel
04-09-2009, 09:56 PM
والله يا شهاب لية نفقد الذاكرة مش نحاول نحل الموضوع احسن ولا اية

شهاب بودا
04-12-2009, 01:38 PM
والله يا محب انا ماقصدش هروب من المشكله لكن فى مشاكل سعات بنتحط فيها وبنبقى ندمانين اننا وقعنا فيها وانا دى الى انا اقصدها وبس

Ahmed Hosny
04-12-2009, 01:48 PM
السلام عليكم ورحمة الله وبركاته
احب اقولك ان ده موضوع جميل اوى وانا
عايز اقولك ان الانسان مننا لو دقق على اللى بيحصل
معاه من الى حوليه هيزعل منهم كلهم عشان كده انا بنصح اى واحد انه
يفضى الميمورى بتاعه على طول بس انا بحب افضيها قبل الامتحانات
واكرر شكرى

الورده البيضاء
04-13-2009, 06:16 PM
اولا بجد احب اقولك ياشهاب ان موضوعك دة بجد جامد جدا وجميل اوى وفى حاجات كتير الواحد نفسة ينساها ويتمنى انها تتمسح من ذاكرتة خالص بس نعمل اية الحمد لله على كل حال


والله يا شهاب لية نفقد الذاكرة مش نحاول نحل الموضوع احسن ولا اية

بالنسبة للبشمهندس محبة
مش معنى ان الواحد عايز ينسى يبقى انة بيتهرب من مشكلتة بس بجد فى مشاكل كتير بتبقى نفسك تنساها حتى لو كنت حلتها بتبقى برضو عايز تنساها ومش شرط تكون مشكلة ممكن تكون فترة فى عمر الواحد مش عايز تفتكرها وتتمنى نسيانها زى السنتين اللى فاتو مثلا بالنسبة لية

lolaa fahmy
04-26-2009, 06:35 PM
والله موضوع جميل ياريت كان ممكن ننسي حاجات ومواقف حصلت لينا ذكراها بيسبب لنا الم كبير

انا نفسي امحي من الذاكره او افقد الذاكره عن سنتين من حياتي

السنه الاولي سنه 2004 كلها وهيا السنه اللي مرض واتوفي فيها بابا

السنه التانيه 2007 نفسي تتمحي من سجل حياتي لانها حصل فيها مواقف مش عايزه افتكرها ابدا

شكرا شهاب

sweet girl
06-12-2009, 10:19 PM
شكرا ليك يا شهاب الموضوع جميل اوى السنه اللى اتمنيت فيها فعلا انى افقد ذاكرتى هى السنه اللى فاتت لان اعز صاحبه ليا سابتنى من غير اى اسباب وحاجات تانيه كتير مش عايزه افتكرها اصلا

Mimi
06-12-2009, 10:31 PM
أول حاجة ياشهاب انت وحشتنا اوي

بتمنى نشوفك زي الاول كدا كتيرر

تاني حاجة الموضوه يجنن

وفرصة كويسة عشان الواحد يفتح قلبه

أنا أول ما شفت التايتل من برا افتكرت موقف علطول حصلي وفعلا مطابق للموضوع بتاعك

اليوم اللي عملنا حادثة .. مش احنا .. بس الحادثة دي تسببت في مقتل طفل لا يتعدى عمره 6 سنين

وكان أول يوم في رمضان 2007

طبعآ الذنب على السواق اللي نفسي انه يتشنق 100 مرة لانه هو السبب ومكتفاش بخبطه مرة واحدة لاء داس عليه مرتين

وأنا حسيت بجسم الطفل دا وهو تحت العربية

وحاسة اني تسببت في مقتله مش عارفه ليه وبتمنى ان الموقف دا يتمحي تمامآ من ذاكرتي

هدى على
06-15-2009, 08:19 PM
موضوعك حلو فعلا الواحد لو فية زكريات وحشة او حصلتلة حاجة مؤلمة بيفكر يمحيها زاكرتة تماما عشان ميفكرش فيها خالص