المساعد الشخصي الرقمي

مشاهدة النسخة كاملة : مستقبل مجال المساحة



MEDO1020
04-10-2009, 07:47 AM
السلام عليكم

احب في البداية اشكركم علي المنتدي والمجهود المبذول فيه هنا

انا بقراء ف اعلانات في الجرائد عن ان مطلوب مساح او فني مساحة او خريج اداب مساحة انا فعلا حسيت ان المجال دة مطلوب جدااا

انا طالب ف تجارة ومتعثر دراسيا وفكرت اني احول اداب مساحة ولما سئلت قالوا لي تخش جغرافيا وتجيب تقدير ومنها تدخل المساحة

فسوالي الان

هل مجال المساحة فعلا مجدي؟؟

انا مش عاوز اخش مجال غير لما اكون عارف انا رايح فين وجي منين وسعري فية كام فاية سعر المساحة؟؟

واية المطلوب عشان ازود سعري؟؟


نصائحكم اية ليا

اتمني الافادة وشكرا لكم

AYMAN GAMAL
04-10-2009, 09:24 AM
السلام عليكم و رحمه الله و بركاته

فعلا زي ما انت قولت و سالت قسم المساحه لازم اللي يخشه يجيب فيه تقدير عام جيد عالاقل عشان تتخصص فيه

بالنسبه لسعرك فيه فدي ارزاق على ربنا بس احب اقولك انه كويس جدا

نصيحتي ليك متخشش المجال ده الا لما تكون غاويه و عندك خلفيه كبيرة عنه عشان تدخله وانت متحمس ليه

عشان التخصص في الكليه بقسم المساحه يتطلب منك سنتين تجيب فيهم تقديرات في الفرقه الاولى و التانيه و خاصه في مواد المساحه

ربنا يوفقك

Ma7amed Adel
04-10-2009, 11:18 AM
خش واجتهد واترك الباقى على الله
وهو لن يخزلك

MEDO1020
04-12-2009, 12:51 PM
اخواني الكرام شكرا لكم بس برضو الواحد

يحب يعرف هو رايح فين وجي منين وسعره اية وزي ماكتبت في الموضوع

وعموما منتظر مشاركة الاعضاء بشكل فعال اكثر

Mohamed Hashem
04-30-2009, 09:09 PM
ميدو
علم المساحة كبير وواسع ومحتاج خلفيات قوية عن باقى العلوم وخاصة الفيزياء والرياضيات
شغل المساحة فى مصر نوعين فقط للأسف أرضى وبحرى
شغل المساحة الأرضية أكتر من البحرية ... قليلا ولكن أكثر
المجهود البدنى فى المساحة الأرضية أعلى من البحرى ولكن مخاطر العمل بالبحر أعلى بكثييييييييير
وبالتالى الدخل قد يكون فى البحرى أعلى منه فى الارضى دا غير إن منافسة مهندسين مدنى أعلى فى الارضى بالطبع
وعلى خلاف ذلك فى البحرى كأن هذا التخصص متفصل على آداب مساحة وأنا شخصيا أعرف رؤساء أقسام المساحة بأكبر الشركات كلهم والحمد لله بلا فخر خريجو آداب مساحة فى شركة فوجرو وسب سى وإيكوس وماريدايف ومصر مارين وغيرهم
بالنسبة للمرتب هناك مرتب عادى وهناك بدلات سفر ودى حدث ولا حرج متفاوته غلى حد كبير جدا جدا بسبب الخبرة قدرتك على التفاوض على مرتبك من أول يوم إحتياجك للعمل فى ظل البطالة الطاحنة التى يعانى منها شبابنا من سنوات والأزمة الإقتصادية العالمية بس دى حاجه طارئة
يارب أكون غطيت معظم أسئلتك متنيا لك التوفيق فى حياتك

MEDO1020
05-09-2009, 08:12 PM
اخي الكريم شكرا لك علي ردك

ياريت تكتب لي رقم موبيلك او امكن عشان عاوز اكلمك

Mohamed Hashem
05-09-2009, 09:06 PM
انا تحت أمرك
لو ممكن على صفحات المنتدى يكون أفضل
على الأقل الباقيين يستفادوا
وإذا كان فى حاجه خاصه ... عموما ماشى على الايميل
أنا مش رافض فكره الموبايل
بس أنا والله فى السعودية الآن ورقمى سعودى يعنى حيكلفك دولى
وعلى أى حال أجازتى الجاية ان شاء الله شهر سبعة القادم
وتمنياتى بالتوفيق