المساعد الشخصي الرقمي

مشاهدة النسخة كاملة : الجواز كان ازاى من زمان ودلوقتى ( تعالوا نشوف ) خطير بجد مش هتندموا



جوليت الحب
04-16-2009, 02:54 AM
أحببت ان اعمل موضوع عن كيفية وطرق الزواج والتعارف قديما وحديثا

والهدف من الموضوع ان نتعرف براى حضراتكم لما جاء بالموضوع
دعونا نبدا


( خالة بهانة الخاطبة )
ست بسيطة جدا شغلها كله يعتمد على الكلام المتزوق ؛ وما فيش مانع انها تكون بتربى طيور على سبيل التربح او بيع الاقمشة
امال ايه ما هى شغلة الخاطبة دى مش كل شوية يعنى حسب التساهيل
زمان وفى فترة من الفترات كانت الخاطبة هى حلقة الوصل بين اهل البنت واهل الشاب او الشابة عامة
وكان شغلها الشاغل وهدفها الاكيد
توفيق راسين فى الحلال
تروح لام البنت او البنت نفسها وتقولها عندى ليكى عريس انما ايه لقطة ادب واخلاق ومن عيلة والمهم موظف درجة رابعة
هيهنيكى ويسعدك
عموما هاتى صورتك وخلى الباقى عليا
ومن ناحية تانية تاخذ ودن العريس ( عريس الغفلة )
وتقوله شوف يابنى عندى ليك بنت انما ايه حسب ونسب بيضا وشقرا وست بيت درجة اولى ومربياها على ايدى
عاوزة منك صورة وسيب الباقى عليا.


اما عن الخطاب التانيين فمن الممكن ان يذهب احدهم لها ويقول لها: يا خالة بهانة عاوز عروسة تكون كذا وكذا
وطبعا من حصيلة صور ام بهانة تُخرج له الصور وتقوله نقى يا ابنى وما عليا الا انى اروح لاهلها وربنا يقدم اللى فيه الخير
وحين يتم المُراد طبعا مش هتتنسى ام بهانة بحتتين قُماش هدية من العروسة او امها
وكمان كبشة فلوس من العريس
( زواج الصالونات )
وفى حقبة زمنية معينة كانت ولا تزال بعض الشعوب يفضلون الزواج التقليدى
تذهب الام أو الأخت لعُرس واحدة جارتهم او معرفة وتقعد تبص للبنتوتات الامامير وتنقى وتسال دى بنت مين واصلها ايه وفصلها ايه
وتجيب كل ما استطاعت تجميعه من معلومات وتضعه امام ابنها او اخوها وتقوله ها اروح اجس النبض؟
وفى حالات واردة ان تذهب الام لزيارة او كذا زيارة لعدة منازل لتسال هل لديكم بنات للزواج او لا
وطبعا كانت ولا زالت متواجدة الى الان فى بعض الدول
اما الان ( عصر السرعة )
فقد ترك (البعض) تلك الامور الرجعية
وبات التعارف بين الولد والبنت امرا واردا جدا
فيتم التعارف خارج نطاق البيت ويختبرون بعضهم البعض اخلاقيا واجتماعيا وخلافه
ومن ثم ياتى دور الاهل
فيتقدم الشاب لاهل البنت عادى جدا وإما ان يتم القبول او العكس وطبعا ده قليل جدا لان البنت بتقول عاوزاه يا بابا
اختار لبنتك وما تختارش لابنك
نادرا جدا ما يحدث ان يخطب الاب لابنته وقد حدث زمن سيدنا موسى عليه السلام ان خُطب وتزوج من ابنة راع غنم
وقد نرى احيانا بعض المُسلسلات التى ياتى بها دور الاب ويقول
شوف يابنى المثل بيقول اخطب لبنتك وما تخطبش لابنك وانا لو لفيت الدنيا مش هلاقى عريس او راجل لبنتى زيك
ها قلت ايه
وطبعا يا عينى العريس بيتكسف ويوافق طبعا.
فايهما تُفضل اخى الشاب وايهما تختارين اختى الشابة
عُموما
اتمنى يكون الموضوع قد اعجب حضراتكم
وارجو ان اتعرف بآرائكم

surveyor0000
04-16-2009, 03:51 AM
موضوع جميل جدا يا جولييت ... و اكيد طبعا الزمن بيتغير دايما و مع تغير الزمن لازم تتغير العادات و التقاليد و اسليب كتير في الحياه زي الشوارع و البيوت و الملابس . و غيره
و تفكير الانسان اكيد كمان بيتغير بتأثره بالعصر اللي هو عايش فيه

و كل ده هيترتب عليه ان الجواز اكيد هيتغير طريقته و اسلوبه .. سواء قيب الجواز في طريقه التعارف و الخطوبه و بعد الجواز كمان في علاقه الرجل بمراته و تفاهمهم مع بعض ,

اكيد لازم الترتيب الزمني ده للاحداث من الخاطبه اللي كانت عايشه في زمن البنات فيه مابينزلوش من البيت .. و مايعرفوش اي حاجه غير انهم يستنو ابن الحلال اللي مش هاييجي غير عن طريقها لغايه بنات القرن العشرين و الواحد و عشرين .. المودرن المتعلمات اللي قبل مابيفكرو في شكل العريس او شغله بيفكرو في شخصيته و افكاره و و احيانا في ايمانه بقضيه المرأه و حريه العمل ليها و حاجات تانيه كتير

و كل ماكانت المجتمعات متحضره , كل ماكانت اساليب التعارف بين الشباب و البنات و فرص الزواج عن حب و تفاهم موجوده اكتر .. علي سبيل المثال الفرق بين الزواج في اسكندريه و القاهره و بين قري الارياف و الصعيد
المصري . اكيد الفرق معروف طبعا .

ورغم كل ده يا جولييت .. بس في ناس لغايه دلوقتي و متعلمين و مثقفين جدا .. لسه بيتجوزو جواز صالونات .. و مش بعيد تكون في خاطبه لغايه دلوقتي ,, بس بتعمل الموضوع ده جدعنه مش بمقابل مادي ..ههههههه

و شكرا علي موضوعك الجميل ده

اخوكي / محمد عزت

alaa eid
04-16-2009, 02:14 PM
حلو جدااااااااااااا بس ياريت لو الخط يكبر شوية
شكرا

جوليت الحب
04-16-2009, 06:30 PM
ميرسى ليكى يا لولو ولمحمد ميرسى بجد ان الموضوع عجبكوا
وانا مستنية كتير بقى عشان تردوا على الموضوع دة
وتقولوا رايكوا بصراحة

شهاب بودا
04-16-2009, 06:55 PM
مرسى كتيييييييييييير على الشغل

جوليت الحب
04-16-2009, 07:17 PM
ميرسى ليك اوى يا استاذ شهاب ويا رب
الموضوع يكون عجبك وبشكرك بجد

روميو الحب
04-16-2009, 09:54 PM
بجد الموضوع مفيد بس انا لو فكرت انى عايز خالة بهانة مش هلاقيها دلوقتى وانتى عارفة انا افضل انى اتجوز حبيبتى الى انا بحبها بطريقه مختلفة عن الناس كلها مش زى اى جواز تقليدى ازاى بئا هنشوفو حل للحكاية دى وياريت تفكرى معايا بردوة يمكن تلاقى طريقة حلوة

sandra_sa
04-16-2009, 10:09 PM
الموضوع لذيذ بس افضل طرقة للجواز هى الطريقة التقليدية هو ان حد يجبلك عريس او واحد يشوفك فيعجب بيكى لكن الحب والكلام دة ما بينفعش الايام دية حتى الى انتى بتحبية ممكن بعد ما تجوز ىتكتشفى انة مايستاهلش ومرسى ليكى على الموضوع الجميل ده

جوليت الحب
04-16-2009, 10:58 PM
ميرسى ليك يا روميو على ردك دة
وعلى فكرة بجد الكلام دة بيحصل لحد دلوقتى

Marwa Mahmoud
04-16-2009, 11:28 PM
بشكرك جداا يا قمر على الموضوع الجميل ده

تسلم ايدك

جوليت الحب
04-16-2009, 11:45 PM
ميرسى يا ميرو بجد انتى
رافعة من معنوياتى
يا خراشى قمر والله
ميرسى ليكى بجد

الورده البيضاء
04-18-2009, 11:35 PM
ميرسى ليكى ياقمر على الموضوع الجميل دة وفعلا قد اية هو مهم
ولكن انا عن نفسى افضل جواز العقل عن جوزات القلب لان المعظم على راى سندرا مش بتلاقية يستاهل الحب دة وترجعى تندمى فى الاخر وصعب اوى اما تلاقى حد بيحب بجد ويخاف عليكى وبالتالى افضل طريقة هى طريقة التفكير بعقلك مش بقلبك العقل اولا ولو لقيتى العقل موافق نحاول ندى القلب ستارت

surveyor0000
04-19-2009, 05:16 AM
ميرسى ليكى ياقمر على الموضوع الجميل دة وفعلا قد اية هو مهم
ولكن انا عن نفسى افضل جواز العقل عن جوزات القلب لان المعظم على راى سندرا مش بتلاقية يستاهل الحب دة وترجعى تندمى فى الاخر وصعب اوى اما تلاقى حد بيحب بجد ويخاف عليكى وبالتالى افضل طريقة هى طريقة التفكير بعقلك مش بقلبك العقل اولا ولو لقيتى العقل موافق نحاول ندى القلب ستارت


انتي شايفه ان العلاقه بين القلب و العقل بالسهوله دي ؟؟

انا ليا رأي ... ان القلب يحرك العقل لكن العقل مش ممكن يدي سترات للقلب ابدا

لان قلبك لو حب هيلغي عقلك , مش بمعني انك حتبقي من غير عقل بس هيخلليكي تفتكري الحاجه الكويسه او المواقف الحلوه او الكلمات الرقيقه بس لان قلبك عايزه يعمل كده .. لكن العقل ماعتقدش انه يأثر ابدا علي قلب الانسان . بس القلب مابيعرفش يختار

انا شايف ان الانسان يختار بقلبه

و بعد كده يحكم عقله

الورده البيضاء
04-20-2009, 03:33 PM
انتي شايفه ان العلاقه بين القلب و العقل بالسهوله دي ؟؟

انا ليا رأي ... ان القلب يحرك العقل لكن العقل مش ممكن يدي سترات للقلب ابدا

لان قلبك لو حب هيلغي عقلك , مش بمعني انك حتبقي من غير عقل بس هيخلليكي تفتكري الحاجه الكويسه او المواقف الحلوه او الكلمات الرقيقه بس لان قلبك عايزه يعمل كده .. لكن العقل ماعتقدش انه يأثر ابدا علي قلب الانسان . بس القلب مابيعرفش يختار

انا شايف ان الانسان يختار بقلبه

و بعد كده يحكم عقله

انا احترم وجهة نظرك يامحمد ولكن احيان كتير القلب بيخطا انة يختار صح وبتبقى صدمة كبيرة اوىومن وجهة نظرى ان القلب لو حب مش هيعرف يحكم عقلة فى التفكير الصح لانة مش هيشوف اى حاجة غلط فى الشخص اللى بيحبة وبالتالى القلب هيعمى العقل مش معنى اللى انا بقولة اننا نختار شخص بالعقل بس ولكن مش شرط الحب زى مابتعتقد كل الناس دلوقتى لا ممكن يكون تفاهم او تقارب العملية الفكرية بينهم

جوليت الحب
04-20-2009, 03:41 PM
اناالى بشكرك يا امل وبشكرمحمد جدا
وانا بحترم وجهة نظر كل واحد
وانا اشايفة ان الحياة مينفعش فيها قلب وبس
لا زم يكون العقل مع القلب على اد ما نقدر
وكمان نستعملها فى الحب والزواج
بشكركم جدا على ردودكوا فى الموضوع

surveyor0000
04-20-2009, 11:58 PM
شكرا ليكي يا جوليت علي موضوعك الجميل ده

رغم اني مش فاهم ايه علاقه الحب بتقارب العمليه الفكريه ... بس مااااااااشي

نعديها عشان خاطر امل

هههههههههههههههههههه

ياسمين
04-21-2009, 12:22 AM
شكرا لكى يا جميل على الموضوع
بس فعلا لحد الان لسه فى موضوع الخاطبة دة وبأجر مادى كمان
ولسه فى كتير بيرتبطوا تقليديا عشان حاليا فى الواقع زواج الحب لايدوم الا نادرا
وعموما هى على حسب كل شخص وتفكيره

الورده البيضاء
04-22-2009, 11:04 PM
شكرا ليكي يا جوليت علي موضوعك الجميل ده

رغم اني مش فاهم ايه علاقه الحب بتقارب العمليه الفكريه ... بس مااااااااشي

نعديها عشان خاطر امل

هههههههههههههههههههه

اولا ميرسى يامحمد عشان عدتها عشان خاطرى هههههههه
ولكن تصور كدة واحدة مثلا اخدة دبلوم تجارة مثلا او صنايع وواحد اخد مثلا كلية مش هقولك طب ولا هندسة
لا هقولك حقوق
هل ممكن تقنعنى اننهم هيتوافقو مع بعض عقليا لا لايمكن
لايمكن انها ممكن تقدر توصل لتفكيرة
الا باستسناء حالات خاصة ممكن تبقى ذكية شوية والظروف مساعدتهاش انها تدخل جامعة
وبكدة الحب هيفشل لانهم مش قادرين يفهمو بعض بالتالى لازم درجة التعليم او التفكير الذهنىتبقى ولو حتى قريبة مش شرط متساوية
ياريت وجهة نظرى تكون وصلتلك وفهمت انا اقصد اية

Ma7amed Adel
04-22-2009, 11:10 PM
الحاجة بهانية جيلكو عتجوزلكو عيلقوا لازم انت وهو وهى تعرفوا اى شغلانة العريس دى هههههههههه شكرا ليكى يا برنسيسة على الجواز الدلفيرى دى هههههههههههه وموضوع رائع

جوليت الحب
04-23-2009, 12:21 AM
ربنا يخليك يا محمد يا رب انت رافع من معنوياتى يا راجل والله
الف شكر يا باشا

جوليت الحب
06-23-2009, 07:46 PM
يلا مستنية باقى الموجودين عشان يقولوا رايهم اية فى الموضوع دا بجد

شهاب بودا
06-24-2009, 12:11 PM
رائع جولييت

جوليت الحب
06-26-2009, 11:39 PM
شكرا ليك كتير يا على ردك يا شهاب بجد بشكرك:)

rosy
07-17-2009, 08:47 PM
شكرا جدا علي الموضوع بس خالتي بهانه خلاص مش في الزمن ده
ده زمن السرعه هههههههههههه
راحت عليها خاتي بهانه
تسلم اديكي يا قمر

جوليت الحب
07-17-2009, 08:55 PM
شكرا جدا علي الموضوع بس خالتي بهانه خلاص مش في الزمن ده
ده زمن السرعه هههههههههههه
راحت عليها خاتي بهانه
تسلم اديكي يا قمر

شكرا ليكى يا جميله بجد ونورتى الموضوع بس فعلا فى خالتى بهانه بس باشكال مختفله موجودة فى مجتمعنا وطبعا بحترم رايك كدا