شم النسيم (حنعمل ايه )

[samomran]

بسم الله الرحمن الرحيم







طبعا اولا انا بتمنى لكل اخواتى هنا يوم شم نسيم جميل


طبعا شم النسيم من العادات المصريه القديمه

و طبعا عارفين ان الفسيخ و الرنجا و الملوحه من رموز هذا اليوم

و طبعا فى اللى بيروحوا البحر



انا بطلب من كل واحد فيكم بقى يوقل هو حيعمل ايه بكره من اول اليوم لحد اخره

[Ma7amed Adel]

انت عارف انا حاعمل اية ههههههههههههههه يا فرشى

[samomran]

ههههههههههههههههههه


طبعا يا مستشفى

هو انا مش عارف برضه

[free eagle]

انا من هنا بانصح كل الناس ان حرام الاحتفال باليوم دة

انا عن نفسي مش هعمل اى حاجة جديدة زيادة عن اي يوم

وطبعا مفيش فيسخ ولا رنجة ولا الحاجات دى

[samomran]

الله عليك يا يسرى


و الله يا يسرى اليوم ده حيتقضى فى الاسكتش بتاع التوزيعات تخيل

[Horiaa Swedan]

موضوع جميل لكن من الاصح نطلق عليه عيد الربيع لان شم النسيم عيد دينى وليس اجتماعى

لكن عيد الربيع عيد اجتماعى وهو نفس اليوم

ومش الرنجا والفسيخ والموالح بس لكن نسيت اهم حاجه فى يوم الربيع وهى البيض الملون


http://i151.photobucket.com/albums/s129/sadness11/a_12536121.jpg


http://i151.photobucket.com/albums/s129/sadness11/463467030.jpg

[محبة الرحمن]

انت عارف طبعا انا ممكن اشارك اقوايه وطبعا دي حتكون مشركتي

فتوي
السؤال:

قرأت ما هو مكتوب عن شم النسيم. لكن أريد أن أعرف كيف لي ألا أحتفل بشم النسيم، فالأمر عندنا لا يمثل سوى إجازة عادية وترتيب لقضاء الإجازات مع الأسرة والأخوات، وهكذا يكون الأمر في يوم شم النسيم. ويفضل الجميع أكل الأسماك المملحة كتغيير لأنها كما تعلمون ليست من الأكلات المتكررة لصعوبتها. فهل هذا حرام؟

الإجابة:

شم النسيم من الأعياد الوثنية البدعية, والأعياد من أعظم شعائر الدين, وأعيادنا توقيفية تؤخذ دون زيادة ودون نقصان. وقد قال النبي صلى الله عليه وسلم " إن لكل قوم عيدًا وهذا عيدنا أهل الإسلام". ولما قدم المدينة و رأى أهلها يلعبون في يومين فسأل عن هذين اليومين فعلم أنهما يومان كانوا يلعبون فيهما في الجاهلية فقال: "إن الله أبدلكم بهما خيرًا منهما: يوم الفطر و يوم الأضحى". و يوم الجمعة هو خير يوم طلعت علينا فيه الشمس, وما دخلت بدعة إلا و خرجت في المقابل السُنة؛ فإن الناس لما احتفلوا بشم النسيم وغيره وأظهروا الفرحة والبهجة وخرجوا إلى المتنزهات والملاهي، كان من جراء ذلك هجران ذلك في الأعياد الشرعية، فقد رصدت عدسات المصورين شوارع القاهرة الكبرى خالية من السيارات والمارة في يوم العيد, ولا يكاد يخرج الكبار من البيوت، فضلا عن ارتداء أحسن ما عندهم إظهارًا للفرحة و البهجة.
ولذلك كان الواجب أن نمر يوم شم النسيم كسائر أيام العام دون استحداث لشيء زائد في اللهو والأكل، فمن كانت عادته أكل الأسماك المملحة في غير ذلك من الأيام فلا حرج في أكلها في هذا اليوم، وإلا فلا داعي لإضفاء شيء زائد على هذا اليوم؛ بل يجب تحذير الناس من الابتداع في دين الله، و كما قال ابن مسعود رضي الله عنه: "اتبعوا ولا تبتدعوا فقد كفيتم عليكم بالأمر العتيق".

و الله أعلم.

المفتي

الشيخ سعيد عبدالعظيم


وايلد حبيبتي عملت موضوع في القسم الأسلامي

والرابط هنا أضغط عليه (http://www.mesa7a.com/forum/showthread.php?t=6471)

[alaa eid]

بصراحة عن نفسي هايكون يوم زي اي يوم لان مش بهتم بيه خاااالص وكمان هو حرام فبيمر كانه يوم عاااااااااااااادي جدا وانا مع محبة الرحمن في الفتوي
وشكرا ليك يا اسلام

[samomran]

شكرا ليكم يا جماعه

و شكرا ليكى يا وسام

انا و الله عملت الموضوع ده
و عارف انك حترد رد جميل زى ده

عشانالناس تعرف الحقيقه الغايبه عن الوعى

[ندي حجاج]

انا مع يسرى اننالا نحتفل بهذا اليوم لانة مشركة فى تأيد البدعة التى ابتدعها اليهود

[ياسمين]

طبعا انا معاكم ان المفروض ما نحتفلش بيه
بس الفكرة ان الناس ما بتصدق انه يوم اجازة عشان يخروجوا فيه بس
لكن طبعا المفروض ان احنا نقضيه عادى جدا زى اى يوم يعنى ولا رنجة ولا الكلام دة
وشكرا يا اسلام لانك فتحت لنا باب النقاش

[محبة الرحمن]

وايلد حبيبتي عملت موضوع في القسم الأسلامي

والرابط هنا أضغط عليه (http://www.mesa7a.com/forum/showthread.php?t=6471)

[Soma]

كنت ناسية خالص ان بكرة شم النسيم عرفت منكم بس دلوقتى
عشان بالنسبالى يوم عادى زى بقيت الايام مفيش حاجة حتفرق فيه

[مصطفي القاضي]

يا جماعة اليوم فعلا يوم اجازة عادية جدا
لان احنا كمسلمين لينا عيدين اتنين هما عيد الاضحي وعيد الفطر
دة غير المناسبات الاسلامية اللي بنحتفل بيها
انما موضوع عيد شم النسيم دة مااعتقدش ان لية اهمية تذكر

[الورده البيضاء]

انا فى البيت مخرجتش
يوم عادى كاى يوم تانى

[Marwa Mahmoud]

البيت أولى بينا

ههههههههههههههههه

وممكن أروح لتيتة

بشكرك يا اسلام وطبعا انا مع اخواتى ان حرام الاحتفال باليوم ده

هو زى اى يوم عادى

[nmm141]

هو يوم عادى زى اى يوم بس الناس بتعتبره انه هو ده بدايه الصيف والف شكر ليكى يا وسام على الفتوة وطبعا احنا كمسلمين ما نحتفلش الا بعيدين بس الفطر والاضحى

[Zooma]

هاكل فسيخ
:D:D:D:D:D:D:D:D:D:D:D:D:D:D:D:D:D

[samomran]

شكرا ليكم على الردود الجميله دى