المساعد الشخصي الرقمي

مشاهدة النسخة كاملة : مقالة عن (المكتب الفني)



سلمي جمال
04-24-2009, 02:41 PM
.: (بسم الله الرحمن الرحيم) :.

مادة المكتب الفني


مادة المكتب الفني: هو اقتراح مني لان تكون في قسم الجغرافيا شعبة المساحة و الخرائط و ذلك لأنها في غاية الاهمية حيث انها تهتم بالجانب العملي اكثر من الجانب العلمي .

قسم الجغرافيا شعبة المساحة و الخرائط يهتم كثيرا بعمل الموقع و الاجهزة و لكنة لا يهتم بالمكتب الفني حيث ان بعد الانتهاء من الدراسة و التخرج يعمل طلاب الشعبة في مجال المساحة و يجيدوا العمل في الموقع بل انهم افضل من خريجي هندسة مدني ولكنهم يجهلون كلي العمل المكتبي ( المكتب الفني ) .
و معظم الطلاب بل و اكلهم بلا استثناء يعملون في المجال يا في داخل البلد او في الخارج و لكن ما حال الطالبات
, الموقع لا يجوز لعمل بنات به فلابد ان يكونوا ولاد و ذلك ليس تقصير من البنات ولكن عمل الموقع يستلزم مجهود شاق و ساعات عمل كثيرة و سفر و تنقل من مكان لاخر و هذا صعب بالنسبة للبنات.

فكل ما اتمناه ان يكون مادة مثل مادة العملي و لكن للمكتب الفني .

مادة المكتب الفني: تكون عبارة عن مادة في الفرقة الرابعة و يكون محتواها اعطاء مشاريع حقيقية يقوموا بتنفيذها و ذلك عن طريق اعطاء الطلبة البرامج التي تستخدم في المكتب الفني و تدريبهم عليها جيدا و تنفيذها .

البرامج هي: Autocad - Microsurvey - Arcmap - Autodesk land - Geomedia - Map Info - Surfer .
الي جانب التدريب علي العمل اليدوي و ليس الخرائط و لكن طريقة الحسابات المستخدمة و الاهتمام بالحاسب الالي و الاهتمام الاكبر بدورة ICDL مما لها اهمية كبيرة في التعامل مع الحاسب الالي من الناحية العملية .

بهذا نجعل لطالبات قسم الجغرافيا شعبة المساحة و الخرائط لهن كيان في مجال المساحة

طريقة العمل في المكتب الفني :


تنزيل البيانات من الاجهزة المساحية و التي تعتمد علي عدة برامج منها comms - prolink و ذلك لجهاز total station و برنامج Mapsource لجهاز GPS .


تحويل البيانات حتي نستطيع قرأتها علي Autocad اما من برنامج microsurvey or Excel و هذا يستلزم كيفية التعامل مع Microsoft office Excel جيدا.


العمل علي برنامج Auto cad و به يتم توصيل النقط عن طريق الرموز و الاحداثيات بالمساعدة بالكروكي المأخوذ اما من صور القمر الصناعي او الصور الجوية او من برنامج مثل Google Earth او الذي رسمة المهندس الموجود بالموقع .


تقسيم الارض الي قطع محددة مع العناية بمعرفة الطرق المارة بهذة القطعة و عرض الطرق .


تسوية الارض عن طريق مناسيب محددة و ذلك ببرنامج Micro survey .


رسم القطاعات من برنامج Autodesk land or Micro survey .


معرفة اخراج اللوحة و عمل layout لها .


رسم الخرائط و توقيع البيانات عليها و شفها و ذلك من البرامج الاتية Arcmap - Map Info - Autodeskmap



المستلزمات التي يجب توافرها في المكتب الفني :


جهاز الكمبيوتر (سرعة عالية - ذاكرة كبيرة ).
البرامج المساحية.
ألة حسابية .
انترنت .


الاشياء التي تؤهل للعمل بالمكتب الفني :


خريجي قسم جغرافيا شعبة المساحة و الخرائط.
لديك القدرة علي التعامل مع الحاسب الالي.
لديك معرفة كبيرة علي التعامل علي البرامج المساحية .
معرفة استخدام الاجهزة المساحية .
لديك القدرة للعمل لساعات كثيرة في اليوم الواحد .


طبيعة العمل في المكتب الفني :

العمل طوال الاسبوع ما عدا الجمعة و في بعض الاحيان يكون يومين اجازة في الاسبوع .
العمل 6 - 8 ساعات يومي.
يتراوح الراتب الشهري من 400 الي 1000 جنية .


اتمني ان يكون المقال استوفى جميع النقاط المهمة و ان ينال اعجابكم


سلمي جمال
مشرفة قسم ادم و حوا
خريجة قسم جغرافيا شعبة المساحة و الخرائط 2008

Youssef Mostafa
04-24-2009, 05:01 PM
بجد يعنى ياسلمى دة موضوع مهم جدا وقيم اوى

ولو اتنفذ فعلا حيرتقى بشعبة المساحة جداااا

Mahro
04-24-2009, 05:33 PM
هايا سلمى هايل

زايد كلامك للى ماسمعوش زايد

لكى خالص تحياتى

سلمي جمال
04-24-2009, 06:16 PM
بجد يا يوسف انت و ماهرو فرحتوني اوي ان الموضوع عجبكم

dalia ahmed attia
04-24-2009, 06:25 PM
ادة اية النشاط دة
معلومات حلوة يا سلمى وتفيد الى لسة متخرجوش علشان ياخدوا بلهم ويبداو ياخدوا البرامج الى تساعدهم فى مجال العمل

سلمي جمال
04-24-2009, 06:28 PM
مرسي لكي يا ديدو باشا

يا رب فعلا يكون فيها استفادة

شهاب بودا
04-24-2009, 06:33 PM
ربنا يخليك يا باشا على الموضوع

سلمي جمال
04-24-2009, 06:35 PM
ربنا يخليك يا شهاب
ردك دة فوق راسي يا باشا

اتمني ان يكون عجبك بجدددددددد

محمد عمرو عبد الحليم
04-24-2009, 08:51 PM
بجد رائع رائع يا سلمى
جزاكى الله كل خير

Hend Elhabet
04-24-2009, 09:08 PM
الله الموضوع بجد حلو اوىىىىى
وكمان مهم جدا

خالد أبوسعده
04-24-2009, 09:31 PM
مقال جميل اوى يا سلمى و الله و مهم جدااااااااااا

ونتمنى انه ياخد صداه عند لمسولين عن الموضوع دا

eslam mamdouh
04-24-2009, 09:36 PM
موضوع رائع جدا


فى انتظار المزيد

محمود ابوالمجد
04-24-2009, 10:07 PM
الله ينور يا سلمي طول عمرك كبيييييييييييييرة يا سلمي باشا بجد مقال متميز وان شاء الله تسمحيلي اكتب انا بقي التكلمه ليه بالعمل الحقلي ان شاء الله

سلمي جمال
04-24-2009, 10:36 PM
مرسي لردودك كلكم بجد

و طبعا يا محمود موفقة علي تكملة الموضوع بمقال عن العمل الحقلي

محمود ابوالمجد
04-24-2009, 10:47 PM
شكرا يا سلمي وان شاء الله اجهزه قريب يا باشا
ومرة تانية بشكرك علي المقال المتميز الي مش جديد عليكي ده عشان هو ده الي احنا متعودينه منك التميز والحاجات الحلوة دي

سلمي جمال
04-24-2009, 10:50 PM
ربنا يخليك يا محمود باشا

Hassan Mohamed
04-24-2009, 10:53 PM
رائع جدا يا سلمي والله معلومات جميلة جدا وبالتوفيق ان شاء الله

سلمي جمال
04-24-2009, 10:58 PM
شكرا جدا يا حسن
مستنين مقالك بئة

Horiaa Swedan
04-24-2009, 11:21 PM
موضوع جميل واقتراح رائع جدا وفكر بناء

لكن كان عندى نقد بسيط اتمنى تقبله

فى كتابه المقال لابد من البعد كل البعد عن تحويل المقال اللى فقرات منفصل كما فى الفقره الاولى والتانيه فلابد ان يكون موضوع متكامل .

يشتمل على لغه عربيه صحيحه استخدام الكلمات العاميه مثل لعمل بنات به فلابد ان يكونوا ولاد / يا في داخل البلد ..... اتمنى صياغه تلك الجمله مره اخرى

المقاله فن يعرض موضوع او يناقش مشكله قائمه بالفعل لا ان يقترح موضوع جديد.




تقبلى مرورى اختى سلمى واتمنى ان لا اكون قد ضايقتك بكلاماتى

سلمي جمال
04-25-2009, 12:01 AM
شكرا علي مرورك يا ريموندا
وشكرا علي ملاحظات بس يا رب تكوني استفدي حاجة من الموضوع

Horiaa Swedan
04-25-2009, 12:04 AM
طبعا استفدت جزاكى الله خيرا على معلوماتك القيمه

سلمي جمال
04-25-2009, 12:05 AM
شكرا لمرورك جدا

Mohamed Saad Yassin
04-25-2009, 12:31 AM
الباشمهندسة سلمى جمال
أحييكى على نشاطك المتميز
فى المنتدى
و على هذا الموضوع الجميل
و لكن ليس هذا هو المطلوب فى المسابقة
ليست المقاله او البحث بمعنى احرى
بكلام او براى معروف لدى الجميع
فموضوعك هذا ممتاز لو كانت هذه هى عناصرة الرئيسية
بمعنى أن يكون موضوعك
العمليات المساحيه فى المكتب الفنى
و يتم شرح كل جزء منها بالتفصيل كما يقام به فى المكتب
بكدة يكتمل العمل

و هذا ما نبهت به حسن عند كتابة مقالته
المساحة الى اين
و كنت قد طلبت منه توجيه الاعضاء الى شكل المقاله او البخث
و لكن حسن تكبر ان ينقد نفسه
و فضل نقل الموضوع فقط
و كان نتاجة ان الاعضاء تسير على نهجة
ارجو ان تكون قد اتضحت الصورة

Horiaa Swedan
04-25-2009, 11:09 PM
انا معاك يا استاذ محمد فعلا المقال يناقش موضوع بعينه كما سلفت بالذكر ويتمحور حول نقطه محدده وليس عرض لاقتراحات

اتمنى العوده الى موضوع اسس كتابه المقال فى قسم المواهب واتمنى ان يفيدكم

تقبلوا مرورى

سلمي جمال
04-26-2009, 04:34 PM
في اعتقادي انك رديتي قبل كدة و انا تقبلت كلامك

حسن ارجو نقل الموضوع الي قسم المساحة و عدم وضعة في المسابقة

islam
04-26-2009, 08:08 PM
موضوع ممتاز وكنت مستنية من زمان
ربنا يوفقك

AYMAN GAMAL
04-26-2009, 09:22 PM
الله ينور يا سلمى

مجهود رائع

واتمنى انه ميتنقلش و تكملي اللي ابتديتيه في الموضوع

شكرا ليكي

pretty angel
04-26-2009, 11:03 PM
موضوع فعلا ممتاز جدااااا

بجد الله ينور عليكى يا سلمى

وياريت فعلا يتم العمل على تنفيذه لانه حيفيد كتييير اوى

سلمي جمال
04-26-2009, 11:26 PM
شكرا لكم جميعا بجد

والحمد لله انه فادكم

Horiaa Swedan
04-27-2009, 12:27 AM
في اعتقادي انك رديتي قبل كدة و انا تقبلت كلامك

حسن ارجو نقل الموضوع الي قسم المساحة و عدم وضعة في المسابقة


انا متاسفه جدا يا سلمى اتمنى كلامى ميكونش ضايقك

elswefey
05-06-2009, 11:49 PM
اولا احب ان اشكرك على الموضوع الجميل ده
لكن انا عندى تعليق بسيط لو تسمحى لى
ان ما سردته انفا فى الموضوع هو حقيقى ويحدث ولكن يجب ان نفرق بين الكتب الفنى الخاص بالاعمال المساحيه والمكتب الفنى المقصود به المسئول عن جميع تفاصيل المشروع وهذا فى معظم الشركات هو المسيطر اما عما المكتب الفنى للاعمال المساحيه فهو فى معظم الاحوال من اختصاص رئيس قسم المساحه العامل فى المشروع
لان كلمة المكتب الفنى خاص بكل شىء مثل عمل مخططات التنفيذ وكذلك تحديد اسعار coasting & planning وعمل حصر لاعمال النجاره والتسليح وكذلك اشياء خاصه بالمكاتبات بين الشركات وايضا بعض الاشياء الاخرى مثلman hour & man power وهذه الاشياء لانستطيع نحن كخريجى شعبة الخرائط والمساحه العمل على هذه الاشياء لانها تتطلب مهارات خاصه وبرامج ايضا شديدة التعقيد والخصوصيه

سلمي جمال
05-07-2009, 06:55 PM
اولا شكرا اوي علي ردك علي موضوعي المتواضع

و عندك حق لاني لم افرق بين النوعين لكن انا لا اعلم عن وجود مكتب فني اخر غير المكتب الفني المتخصص بمشروعات المساحة في المكاتب الخاصة او لو كانت شركات ولكن قصدي هو من ناحية تنفيز المشروعات المساحية

و بجد بشكرك علي توضيح هذه النقطة لي