المساعد الشخصي الرقمي

مشاهدة النسخة كاملة : @@@@اقنعة @@@ الناس بقيت فعلا اقنعة (مناقشة مهمة جدا)



جوليت الحب
04-25-2009, 01:03 PM
فى زمننا ده

بقى فيه ناس كتيره لابسه أقنعه

حوضح معنى كلامى
يعنى ممكن يلبس mask
انه يِظهر انه طيب او حنين او متدين او مؤدب
و فى امثله كتيره فى كل مكان
فى الكليه ,المدرسه ,الاهل ,الصحاب والنت


بيلبس ماسك عشان يخفي عيب موجود فيه
عشان الناس متبعدش عنه
بسبب حقيقته

طبعا كلنا قابلنا ناس كتيراتصدمنا فيهم
ووقعت الاقنعه دى بعد وقت
وعرفنا حقيقتهم

طيب عايزه اسأل
يا ترى
انت قابلت قبل كده حد ووقع قناعه ؟
طيب نوع القناع ايه ؟
و انت قدرت تسامحه على كده ؟
اصله كان بيخفى عنك حاجه و انت عرفتها
تعتبره كده خدعك و لا عادى تكمل معاه ؟
و عرفت بعد مده اد ايه ؟

عايزه اقول حاجه اخيره
محدش يدخل يقولى توبيك جميل والكلام دة
عشان ده توبيك اسئله و مناقشه
اوكى ؟
اتفقنا ؟

مستنياكم

جوليت الحب
04-25-2009, 01:48 PM
بجد يا جماعة محتاجة رايكوا اووووووووووووى فى الموضوع دة لانة فعلا بقى بيحصل كتير اوى
وانا مستنية ردود الموجودين يا ريت

جوليت الحب
04-25-2009, 06:42 PM
http://www2.0zz0.com/2009/04/25/16/528646014.jpg

جوليت الحب
04-26-2009, 09:46 PM
يلا بقى مستنية رددكوا على الموضوع دا لانها مناقشة مهمة وكلكوا يشاركنى فى المناقشة دى

جوليت الحب
04-27-2009, 12:08 AM
يلا بقى يا جماعة مستنية المناقشة المهمة دى بجدفى فعلا ناس بتلبس ماسك ودى حقيقة للاسف موجودة وبقيت كتيراوى كمان محتاجة اعرف رايكوا اية فى الى بيحصل دلوقتى والاجابة على اسئلتى الموجودة فى التوبيك http://www9.0zz0.com/2009/04/26/22/245781155.jpg

pretty angel
04-27-2009, 12:18 AM
اولا اسمحيلى اقولك ان التوبيك حلو فعلا

ويلا نبدأ المناقشه

اكيد طبعا قابلت ناس وقع منهم القناع بل والاقنعه
لان فى ناس بتكون لابسه اكتر من قناع

وبجد شوفت اقنعه كتير وفى منها اللى وقع بعد مده تعد طويله وفى منها اللى وقع فى وقت قصير وبسهوله

بس الحمد لله كنت بقدر اتعامل مع القناع وصاحبه

بالطريقه اللى تناسب كل قناع

اما بقى انى اقدر اسامحه ديه ...
فالاكيد انى مش حاعرف اتعامل معاه بعد كده بالرغم من انى حكون تقريبا فهمته وعرفت هو ايه
بس الثقه حتكون اتعدمت واساس التعامل وجود الثقه

معلش بقى طولت عليكى

جوليت الحب
04-27-2009, 06:57 PM
شكرا يا بريتى لردك للموضوع ومناقشتك لية بجد
ويا ريت يا جماعة محتاجة ردود على الموضوع دا واشوف مشاركتكوا اية :

yousef
05-04-2009, 04:38 PM
انا موافق جدا علي الكلام الجامد ده وللاسف هقول انه لازم الواحد يخلي باله كويس ومينخدعش بالمظاهر او هوه كمان يعمله ماسك جميل علشان ميكونش ضحيه

جوليت الحب
06-23-2009, 06:51 PM
انا معاك يايوسف بجد اهم حاجة بجد ان الانسان نفسة ميكونش لابس قناع
يلا مستنية رد ناس كتير اوى على التوبيك دا ومناقشتة بجد لانه موضوع دلوقتى بقى موجود كتيييييييييير اوى فى حياتنا وفى دنيتنا دلوقتى

محمد الفرارجي
06-23-2009, 07:29 PM
والله موضوع مهم فعلا

وبيبقى صدمة

بصي أنا هشارك عشان بجد الموضوع عجبني

الأقنعة كتير بس بتتدرج من أول (أنا لا أكذب ولكني أتجمل) شخصية أحمد زكي في الفيلم وده انسان تقريبا غير سوي بالمنطق العادي وده الأعلى.
نيجي للغلبان بقى وهوه الأقل في الأقنعة غللي بيحاول يتمنظر مثلا وده فعلا غلبان.

عموما أصحاب الأقنعة ناس مش سويين وغشاشين بافعل وضعفاء في نفس الوقت لأنه مش قد المواجهة الواقعية.

عموما الأقنعة كتير جدا وطرق التعامل معاها مخت

محمد الفرارجي
06-23-2009, 07:32 PM
سوري الابتوب مدوخني هكمل

- قناع تتجاهليه لأن البعد عنه غنيمه زي اللي لابسه عشان يتقدم لك مثلا.
- قناع ممكن تعالجيه لحد ما يشيله من تلقاء نفسه زي الصاحب والصديق اللي لابسه لغيرك طبعا.
- قناع تسيبيه على حاله وتقولي ربنا يكفينا شره وتدعي له من بعيد لبعيد زي قناع رئيسك أو مديرك في العمل.
- قناع لا تقدري تغيره ولا تقدري تبعدي عنه ده المصيبة الكبرى لما تحبي وتتعلقي بشخص وبعدين يبقى بقناع هوه مش عارف يتخلص منه لأنه بقى جزء من شخصيته وحياته وانتي لاقادره تبعدي عنه ولا قادره تغيريه
ده بقى تدعي له وتسوقي عليه الكبير بتاعه يمكن يتغير
وعموما آسف للتطويل

موضوع كويس
شكرا ليكي

جوليت الحب
06-23-2009, 07:34 PM
شكرا يا محمد على مشاركتك للموضوع دا بجد وانا بحترم رايك طبعا شكرا ليك

جوليت الحب
07-02-2009, 04:07 PM
يلا يا جماعة مستنية الرد على التوبيك دا وتقولوا الكلام دا صح ولا وقبلت حد كدا ولا ياريت الى يقرا التوبيك دا يشاركنا رايه بالله عليكوا

شخص مجهول
07-03-2009, 05:55 AM
يااااااااااااااااااااااااااااااااااااااااااااااااا ااااااااااااااااااااااااااااااااااااااااااااااه
قبلت كتير اللى لبسين اقنعة و اللى لبسين شخصيات كانى كنت مسرح بيجربوا عليه كل حاجة نسوا ان المسرح ده قلب مش خشب
بس استحملت كل ثانية والله بيقع قدامى قناع ولمين؟................. لاكتر الناس اللى كنت بفتكر ان انا عندهم غالى زى ماهم كانوا عندى غاليين وعدى عليا اقنعة كتير من اول قناع الحب لحد قناع الطيبة والاحترام
بس عمرى مابسامح اللى لبسوا الاقنعة لان ده قلبى مش مسرح ليهم

تقبلى مرورى وفعلا موضوع يتحق المناقشةا

جوليت الحب
07-03-2009, 05:38 PM
شكرا ليك اوى بجد على ردك ومناقشتك للموضوع بس فعلا صعب اوى بجد لما نقابل ناس ياما كدا لابسة اقنعة بجد بس متزعلش متعفش الخير فين ؟ بشكرك جدا وطبعا طبعا لازم اقبل مرورك واحترم رايك كمان بس انا عاوزة اعرف اسمك اية ؟؟؟؟؟؟؟؟ بدل شخص مجهول ..... لان مفيش حد مجهول دلوقتى لازم تعرف نفسك وتثبت نفسك لكل واحد تعرفة ؟ ياريت ترد على سؤالى دا؟

شخص مجهول
07-04-2009, 01:43 AM
للاسف انا مش قادر اتخلى عن ان انا شخص مجهول لانى فعلا حاسس ان دى حالتى دلوقتى
بس طلبك طبعا عزيز جدااااااااااااااااااااااااا وهقولك وامرى لله
محمد

شخص مجهول
07-04-2009, 03:14 AM
ياريت لوتقدرى تمسحى مشاركتى اللى فيها اسمى بعد ما تقريه يكون افضل عشان محدش يعرف
وشكرا ليكى جدا على موضوعاتك الجميلة جدا.....وياريت تزورى وتشرفى موضيعى

مروة على
07-17-2009, 11:04 PM
الموضوع هايل بجد وانا بقى كل اللى عرفتهم كانو لبسين اقنعة منهم اقرب الناس ليا يعنى ممكن يكون منهم قريبى بس القناع اتشال بعد حولى 12 سنة كنت بحبهم وهما كانو وهمنى انهم بيحبونى بس الحمد لله القناع اتشال وادينا بنتعلم والحمد لله بس انا مقتنعة ان فى ناس كتير اوى كويسين بس اختيارنا هو اللى غلط وشكرا على التوبيك الجميل ده

جوليت الحب
07-17-2009, 11:17 PM
شكرا ليكى يا رورى على ردك للتوبيك وكويس اوى مناقشتك ليه وانه فعلا حقيقة وانا طبعا مقتنعة برايك فى ناس كويسين بس لالسف اختيارنا هو الى بيبقى غلط ونورتى بجد التوبيك كله يا جميله بجد

السيد جابر
07-17-2009, 11:40 PM
فى الاول احب احيكى على الموضوع الجامد ده

اما انا بقى عندى راى مختلف تماما
بس فى سؤال الاول
هو ليه احنا بنتخدع فى الناس؟

الحقيقه ان مفيش حد بيخدع حد غصب عنه
لان المخدوع هو الى خدع نفسه لما حط ثقته او احلامه فى انسان زيه

ونسى ان الاصل فى الانسان هو الطمع وحب المصلحه الشخصيه دون اى اعتبار لاى مصالح اخرى الامن رحم ربى وهم نادرا ما نجدهم فى هذا الزمان

الشىء الثانى اننا دايما مستعجلين ومتسرعين فى الحكم على الناس لاننا ما بنصدق حد يسمعنا ومن غير من نتاكد منه

مش لازم يكون زميل فى الجامعه او العمل عشان نثق فيه للدرجه الى تخليه يخدعنا

مروة على
07-17-2009, 11:53 PM
انا معاك فى الرأى يا استاذ سيد بس انا شخصيا ما بصدق الاقى حد اتكلم معاه ويسمعنى وللأسف بيطلع اختيارى غلط بس بأكتشف كده بعد وقت بس ادينا بنتعلم من اخطأنا وشكرا واسفة لو كنت اتدخلت

جوليت الحب
07-22-2009, 05:12 PM
يلا يا جماعة انا مستتنية الردود على الموضوع دا وبجد محتاجة لمانقشة لان الموضوع مهم وبيتكرر كل يوم فى حياتنا الى موجودة دلوقتى وبقت ظاهرة حقيقية بجد حصلت لكل واحد فينا ولسة هتحصل لاجيال جايه كمان فعلا الموضوع مهم وانا مستنية مناقشته

AHMED FTIHA
07-22-2009, 05:24 PM
بما انك اولتى ان دة توبك مناقشه خلاص بقى استحملينى
هو فى البدايه الموضوع دة جااااااااااااااااامد اوى وفعلا اكيد كل واحد منا صادف حد وصاحبه وفى الاول بنلاقيه طيب وكويس واخلاقه زى الفل وتمام وبيتعامل كويس اوى وبعد كدة فى مواقف هى اللى بتبينه على حقيقته كويس
وانا صادفت واحد صاحبى كدة وفى صحابى حزرونى منه بس انا استنيت لما القناع بتاعة يقع منه فى موقف معايا وفعلا اكتشفته على حقيقته
بس ابعد عنه خالص ولا اعامله عادى ؟؟؟؟؟؟
هو دة النقاش اللى عايز حوار فيه
وممكن نلاقى اقنعة كتيييير فى كل حته واحنا لسه مكتشفنهاش يعنى ممكن تعمل حجات علشان تبين نفسها علشان عندها نقص
معلش طولت شويه

جوليت الحب
07-22-2009, 05:29 PM
لا مش طولت ولا حاجة وانا بشكرك على مشاركتك الجميلة دى وطبعا اكيد كل واحد قابل كدا ولسة كتير كمان هنلاقى لان فى كل حتة دلوقتى بقى فى ماك او قناع الواحد بيدارى وراءة وشكرا يااحمد انك رديت على التوبيك وناقشتنى فيه كمان

S2AH
07-22-2009, 06:03 PM
تسلم ايدك يا جوليت عارفة هو دلوقتى نادر لو لقيتى حد مش لابس قناع الا من رحم ربى يعنى ربنا يستر بس المهم ان احنا منبقاش كدة لان دة اسمة نفاق يارب يعافينا
اكيد طبعا قابلت ناس كدة بس انا من النوع اللى مبعرفش شخصية اللى قدامى على طول يعنى شايفة ان كل الناس طيبة وبتعامل مع اى حد على اساس انة كدة وفالاخر بتصدم
اخر شخصية اتعاملت معاها بالطريقة دى دكتور عندى فالكلية وبصراحة و فالاول بيبن للطلبة انة كويس ومتدين وكدة وتلاقى ممكن يحكى على اسرار ناس احنا مالناش اى صلة بيهم والمفروض انة ميتكلمش عليهم اصلا بجد دى اكتر شخصية اتصدمت فيها بس
اسامحة دى بقى مليش دعوة بيها المهم ربنا اللى يسامحة والدفعة كانت بتتعامل معاة بحذر فظيع
اكتر قناع بيضياقنى بجد انك تلاقى شخصية ملتزمة وبيتكلم فالدين وخلاص هترتاحيلة وممكن تعملى بكلامة وتلاقية بيعمل عكس اللى بيقولو خالص يعنى يكرهك فكل حاجة قالها انا دلوقتى مش اى حد اللى بسمعلة فامور الدين لان بردة لازم الواحد يتعلم

جوليت الحب
07-22-2009, 06:58 PM
شكرا بجد على الكلام دا والمناقشة الجميلة دى بس يارب بقى الواحد مش يتخدع فى حد ودا من النادر جدا لان معظم الناس دلوقتى فعلا لابسة ماسك واقنعة كتيرة بس الواحد فى الاخر يقول الحمد لله وربنا بيعوضنا بناس احسن بعد كدا