المساعد الشخصي الرقمي

مشاهدة النسخة كاملة : فضفض هنا (مضايق من حد ومش قادر ...............)



جوليت الحب
04-25-2009, 09:31 PM
بسم الله الرحمن الرحيم

.................................


احيانا بتحس انك مخنوق من حد قريب منك ومتضايق منه ااااااوي لان كل مره بيضايقك اكتر




من الاول ومش قادرتتكلم وتقوله كفايه يمكن بيحس ان ماغلطش بحقك وان ده اسلوبه



وانك بتبالغ في زعلك وردة فعلك مالهاش داعي بجد حاجه تنرفزوتجنن عايزك تمشي بمزاجه وعلى كيفه




والاصعب انك تفضل ساكت عشان خاطرالعشره والقرابه والصحوبيه وتحمل يااااااااااااااااااااقلبي



العذاب الدائم وعدم الاحترام .




( التوبيك ده عشان الي متضايق من حد اطلق العنان وعاتب الي نفسك تعتبه من غيرماتخاف من اي حاجه)


وهل فيه حد انت مخنوق منه ومش قادرتقول اوقولت وارتحت؟؟؟؟؟؟؟؟؟؟ ( وانا مستنية ردودكوا على التوبيك دا ) يا ريت نتكلم بصراحة

جوليت الحب
04-26-2009, 01:14 PM
يلا يا جماعة مستنية رددكوا للموضوع يلا مستنية كلة يفضفض هنا
مستناكم

اسامه البنا
04-26-2009, 03:44 PM
باشكرك علي الموضوع الجيد ده

وابتمني من كل الاعضاء انهم يشاركوا فيه

ويفضفضوا هنا بمشاكلهم

جوليت الحب
04-26-2009, 09:43 PM
ميرسى ليك بجد والحمد لله ان الموضوع عجبك
وانا كمان اتمنى انا كلة يدخل يفضفض ويقول مضايق من اية ومش قادر يقول وهنا يقدر يفتح قلبة ويقول فى اية ..............

sweet girl
04-26-2009, 10:12 PM
فى الاول بشكرك على الموضوع الجميل اوى ده وبجد انا فعلا كنت محتاجه له اوى احيانا كتير بنبقى مخنوقين ومش قادرين حتى نقول اللى جوانا او نشكى وساعات نسكت عشان منحسش ان احنا تقال على حد انا بقى متضايقه ومخنوقه من صحاب عمرى اللى حبيتهم زى نفسى ومشكلتى انى لسه بحبهم يعنى انا هتكلم عن اللى بجد بعدها عنى وجعنى اوى احنا كنا صحاب اوى واخوات وكل حاجه كنت مرتبطه بيها اوى واسرارى كلها معاها تقريبا حياتى كلها كانت معاها لحد 3 ثانوى ومره واحده وبدون مقدمات لقيتها بعدت عنى وقاطعتنى من غير اى اسباب ومن غير ما تقول ولما سالتها عن الاسباب مكنش عندها اى اسباب تقولها وجيت على كرامتى كتير واتصلت بيها وروحت لها البيت ومع ذلك برضه بقينا بعاد عن بعض حتى من غير ما اعرف السبب انا عايزه اقولك ان بعد ما سابتنى كرهت الدنيا اوى وكرهت انى اصاحب او احب اى حد وفات على الموضوع ده سنه وكل صحابنا التانين قالولى انسيها وهى الخسرانه والكلام اللى انتى طبعا عارفاه ببس انا مشكلتى الحقيقيه انى مش عارفه اعمل زى ما قالو لانى لسه بحبها ومرتبطه بيها تفتكرى مين اللى غلطان انا عشان حبتها وصاحبتها بجد ولا هو ده حال الدنيا عارفه انا لما دخلت الكليه بقيت مش عايزه اصاحب حد يعنى مخلياها مجرد زماله والبنات قالولى كتير احنا بنقرب منك وانتى بتبعدى بس انا بجد مش عارفه اصاحب حد ولا اعمل صحاب **وانا بشكرك اوى انك خلتينى افضفض واتكلم ومعلش لو كنت دوشتكم

جوليت الحب
04-26-2009, 10:27 PM
الاول دلوقتى بشكرك على صرحتك ودخولك للموضوع دا وتفضفضنى دا الكلام العادى الى هيتقال الاول
اما انا هكلمك بنت واخت ليكى وصاحبة كمان وخلينا نتكلم بصراحة زى مانتى اتكلمتى بصراحة وانا حسيت بكلامك اوى حاسة بكل كلمة قوليتها بجد بصى يا .......... يا ريت اعرف اسمك الحقيقى على فكرة بيحصل كدا فى الزمن دا ان الصحاب بيبعدوا ويتغيروا من غير اسباب نتكلم بصراحة اكتر من كدا انا طبعا مش عارفة التفاصيل بس انتى بتقولى انك ارتبطى بيها اوى لغاية 3 ثانوى اسالى نفسك انك مش عملت حاجة تضيقها ولالا ومن كلامك دا حاسة انك طيوبة اوى بس العيب فيها هى على فكرة لانها لو كانت حبتك بجد زى مانتى حبيتيها مكنتش تقدر تبعد عنك ابدا بس هى الى خسرتك بنى ادمه زيك بجد اقولك على حاجة مش عارفة صح ولالا ممكن تكون الثانوى الى غير الموضوع يعنى ممكن هنا تدخل حتى الغيرة انتى طيب جبتى مجموع اعلى ؟ يعنى دخلتى الكلية احسن منها ؟ من هنا ممكن يكون فى اسباب بجد هى لو كانت بتفكر كدا تبقى مش صحبة بجد بس نصيحة منى ليكى روحى تانى واتكلمى معاها وعتبيها دا لو مش زى مانا بقولك علية دا ؟؟؟؟ اما لو كان افتراضى صح تبقى انا الى كسبانة ولازم تبصى حوليكى اكتر من كدا ناس جمبك وحوليكىة وبيحبكوى وعاوزين يقربوا منك لية تحرميهم من دا وتحرمى نفسك من الصحاب عشان حاجة عدت وفاتت انتى غلط هنا ابداى عيشى حياتك من تانى وفوقى لنفسك وبصى ادامك وخليكى الاحسن دايما وادى للناس الى حوليكى فرصة وانتى كمان ادى لنفسك فرصة انك تتكلمى معاهم وتحتاجى ليهم وانا اولهم لو حبيتى بجد ؟ بس فكرى شوية فى نفسك وراجعى نفسك كتير وتحاولى نتفذى نصحتى دى عشان متعبيش بجد ومش عاوزة اشوفك كدا تانى ويا رب مكنش طولت عليكى وتقتنعى بكلامى وردى يكون واصل للقلبك قبل عقلك شكرا ليكى

جوليت الحب
04-26-2009, 10:28 PM
نسيت اقولك حاجة صح ياريت تردى علية وتتطمنينى عليكى يا ريت

sweet girl
04-26-2009, 10:50 PM
انا اسفه والله انا لسه شايفه رسايلك وانا هكتب لك هنا عشان مشاركاتى لسه ما وصلتش 100 عشان ابعت لك رسايل وانا اسمى الحقيقى هند وانا والله ارتحت لكلامك اوى لانى بجد كان قلبى موجوع ومحتاجه لكلامك ده اوى وانا طبعا عايزه نبقى صحاب وهتبسط بكده اوى *بس بالنسبه لردك عليا انا عايزه اقولك ان الثانوى مالوش اى علاقه باللى حصل وانا كملت ف مجال وهى ف مجال مختلف وشكرا لاهتمامك وردك عليا

جوليت الحب
04-26-2009, 10:57 PM
اهتمام اية بس انتى اختى فى الله قبل المنتدى اما لما اتكلمنا مع بعض وحسيت بكلامك اكتر وحاسة بالتجربة الى انتى عيشها انا معاكى بجد فكرى فى كلامى شوفى حياتك وناس غير الناس لانهم فعلا بيحبكوا ومتظلميش نفسك اكتر من كدا وادى لنفسك فرصة تبصى على الى حوليكى يا ريت يا هند توعدينى بكدا وعشان ترتاحى اكتر واكتر روحى لغاية عندها وعتبيها ولاوميها عشان ترتاحى وهى تحس شوية بالى انتى حاسه دا وبعدين تبدا من تانى والمهم تختارى صح يلا ومستنية وعدك دا وانتى مش لوحدك احنا كلنا جمبك وانا اولهم زى ما قولتلك سلام

sweet girl
04-26-2009, 11:22 PM
اوعدك انى هعمل اللى قولتى لى عليه بس ادينى شويه وقت وان والله بجد كان نفسى اكلمك على الايميل بس الياهو مش شغال عندى بس يا ريت تبعتى لى رقم موبايلك عشان اكلمك بكره لانى بجد ارتحت لك اوى

روميو الحب
04-27-2009, 09:47 PM
سورى يا جوليت اتاخرت على الرد على الموضوع بتاعك

بجد الله عليكى وموضوعك جامد جامد

وفى ناس كتير اوى بيبقى عندها المشكلة دى

انا برد عليكى علشان اقولك انى مش عندى المشكلة دى الحمد لله وبجد لو فى حد انا بحبوة وزعلت منوة سواء كان اخويا او قريبى او حد قريب منى اوى حبيبى حتى انا لازم اقول للحد دة على الى مزعلنى منوة ودة بيريحك جدا بجد دة رئى فى لما تكون مخنوق من حد تعمل اية

وبجد موضوعك حلو اوى

sweet girl
04-27-2009, 09:51 PM
ازيك فى الاول وعامله ايه ؟مفيش مشاكل خالص وانا مش زعلانه طبعا اللى يريحك بس انا كنت محتاجه اكلمك النهارده لكن مفيش مشاكل وانا من الزقازيق بس عايشه فى العريش وفى سنه اولى فى كليه العلوم الزراعيه اللى فى العريش يعنى مش هتعرفى تكلمينى فى الكليه؟ممممممممممممم بس مفيش حاجه تانيه

جوليت الحب
04-27-2009, 09:52 PM
بشكرك اوى يا روميو على مرورك للموضوع وانا بجد مبسوطة انك الحمد لله مفيش مشاكل دايما كدا وو فى انا عارفة انك هتعرف تقف كويس وتعاتب وتتكلم
وتتاخر لية اتاخر برحتك انت عارف انك اخ غالى علية مش كدا ؟ ولا اية بشكرك تانى بجد

ميرا مار
04-27-2009, 10:06 PM
ميرسى يا جولييت

اتمنى موضوعك يريح ناس كتير من اى عتاب جواهم لحد

جوليت الحب
04-27-2009, 10:11 PM
شكرا لمرورك يا
شكرا ليكى واتمنى ان كلوا يدخل يتكلم بصراحة عشان الصراحة بتريح اوى واتمنى دا بجد ميرا مار

جوليت الحب
06-18-2009, 04:18 PM
يا جماعة الاول طبعا اجازة سعيدة على كل واحد بجد ولو فى اية حاجة مضيقاكوا او زعلانين من حد ياريت تكلمونى وتتفضفضو بكل حاجة جواكوا وان شاء الله كل واحد يستريح هنا انا مستنية رددكوا على التوبيك دا واى حاجة نفسك تقولها ياريت تكون هنا ومن غير اى احراج كلنا هنا اخوات وصحاب وعايلة واحدة بجد هنسمع ونقدم اى حاجة فى ايدينا

جوليت الحب
07-06-2009, 04:24 PM
على فكرة انا اهو داخلة الموضوع وفعلا بفضفض انى بجد تعبانة اوى حاسة انى لوحدى ومش لاقية حد جمبى حد لو لية صاحب كتير وبيحبونى وانا بحبهم بس لالسف بقيت معاهم ومش بحس بوجدهم معايا وانا اهو بجد مخنوقة ومش عارفة اعمل اية مع انهم مش مقصرين معايا بس حاسة انى عاوزة ابعد عن الدنيا كلها نفسى اخرج من الى انا فية دا بس مش عارفة حد يقولى اعمل ايه ؟؟؟؟؟؟؟؟؟؟؟؟؟

جوليت الحب
07-06-2009, 05:17 PM
ليه مفيش حد رد عليه عليه مع انى محتاجة لحد يرد على سؤالى بليز محتاجة رد ضرورى لو حد عارف الحل ايه فى الحالة د ى

AEF
07-07-2009, 01:03 AM
شكوى الى الاخ جوليت الحب والاخت روميو الحب
بصراحة مش عارفة اقولكم ايه بعد ما فارقنى ومش عايز يكلمنى وكل مايبصلى يروح بعيد
كل دة علشان زعأتلة بس مش عارفة اعمل ايه بع ركس حبيبى
دنا على طول بجبلة اغلى عضم من السوبر ماركتات الغاليه واحلى بلوبيف من الغالى
وسلسله فضة كمان اعمل ايه علشان ركس يرجعلى يا جماعة ممكن يكون نفسة فى عضم اغلى
محتاجة نصيحتكم شو اسوى مع ركس

جوليت الحب
07-08-2009, 12:02 AM
شكوى الى الاخ جوليت الحب والاخت روميو الحب
بصراحة مش عارفة اقولكم ايه بعد ما فارقنى ومش عايز يكلمنى وكل مايبصلى يروح بعيد
كل دة علشان زعأتلة بس مش عارفة اعمل ايه بع ركس حبيبى
دنا على طول بجبلة اغلى عضم من السوبر ماركتات الغاليه واحلى بلوبيف من الغالى
وسلسله فضة كمان اعمل ايه علشان ركس يرجعلى يا جماعة ممكن يكون نفسة فى عضم اغلى
محتاجة نصيحتكم شو اسوى مع ركس
الاول طبعا اانا عاوزة اعرف ان كلامك دا بجد ولا هزار وبعدين اشف لو فى حل فى ايدى اوك مفيش اوك بردوا بليز محتاجة رد ؟

الورده البيضاء
07-08-2009, 01:08 AM
على فكرة انا اهو داخلة الموضوع وفعلا بفضفض انى بجد تعبانة اوى حاسة انى لوحدى ومش لاقية حد جمبى حد لو لية صاحب كتير وبيحبونى وانا بحبهم بس لالسف بقيت معاهم ومش بحس بوجدهم معايا وانا اهو بجد مخنوقة ومش عارفة اعمل اية مع انهم مش مقصرين معايا بس حاسة انى عاوزة ابعد عن الدنيا كلها نفسى اخرج من الى انا فية دا بس مش عارفة حد يقولى اعمل ايه ؟؟؟؟؟؟؟؟؟؟؟؟؟

على فكرة ياجوليت نفس المشكلة عندى وانا منتظرة اخواتنا فى المنتدى

sweet girl
07-08-2009, 01:26 AM
ايمى وجولى حبايبى طبعا انا عارفه الاحساس اللى انتو حسين بيه اد ايه وحش اوى ويضايق بجد انا كان

نفسى ادخل اكتب لكم الحل بس اسف معنديش حل لانى انا كمان حسه بيه وحسه انى لوحدى والدنيا ضيقه

عليا اوى انا بصراحه كنت كل شويه افتح التوبيك مستنيه اعرف الاراء يمكن اوصل معاكو لحل يريحنى ويبعد عنى

الاحساس الرخم ده وان شاء الله نلاقى حل يريحنا كلنا

جوليت الحب
07-08-2009, 01:43 AM
ايمى وجولى حبايبى طبعا انا عارفه الاحساس اللى انتو حسين بيه اد ايه وحش اوى ويضايق بجد انا كان

نفسى ادخل اكتب لكم الحل بس اسف معنديش حل لانى انا كمان حسه بيه وحسه انى لوحدى والدنيا ضيقه

عليا اوى انا بصراحه كنت كل شويه افتح التوبيك مستنيه اعرف الاراء يمكن اوصل معاكو لحل يريحنى ويبعد عنى

الاحساس الرخم ده وان شاء الله نلاقى حل يريحنا كلنابجد انا تعبانة اوى من الى انا فيه انا مش عارفة حاجة بجد

ومش لاقيه حل للى انا فيه ومش عارفة نفسى خرج من الحاله دى بس مش عارفة

الورده البيضاء
07-08-2009, 08:27 AM
عارفين بقى اية هو الحل؟
الحل اننا نشغل نفسنا فى اى حاجة تنسينا همومنا ومشاكلنا
لان الوحدة اللى احنا حاسين بيها دى اكيد ليها سبب
وللاسف سببى انا مميت قاتل تعرفوا
انا نفسى افقد الذاكرة وانسى كل حاجة مرت فى حياتى بالمها بمشاكلها بحلوها بمرها بكل حاجة فيها
بس لازم نحاول اننا نتغلب علي كل دة باى طريقة
اية رايكم كل واحدة تحاول تشغل نفسها فى حاجة جديدة فى حياتها
نحاول نغير من حياتنا شوية نعمل اى تجديد ونشوف اية اللى هيحصل
اينعم انا مش عارفة دلوقتى اية نوع التجديد بس نفكر سوا فى فكرة
هاااااااااا؟
اية رايكم؟

alaa eid
07-08-2009, 08:47 AM
عندك حق يا ايمي


لان بجد لما الواحد يشغل باله بحاجات جديدة بيروح الزهق والملل


بس بجد يا امولة الموضوع جمييييييييييييييل جميييييييييل جدا


تسلمي يا جميلة

مروة على
07-23-2009, 08:19 PM
ازيكم يا احلى شباب انا بقى عايزة اوجهه كلامى لأمل وجوليت و sweet انا كنت حسة بنفس الاحساس ده وعندى نفس المشكلة خصوصا انى سبت اغز اصحابى وجيت اسكندرية وعرفت اصحاب كتير بيحبونى وبحبهم ورغم كده عندى نفس مشكلتكم بس انا قررت انى اعيش لوحدى يومين بس قولت لأصحابى محدش يتصل بيا وقعدت فى البيت رغم انى مقدرش اقعد فى البيت من غير ما اخرج بس جيت على نفسى عشان اعرف انا نقصنى ايه وانتو جربوها وشوفو هتقدرو تعيشو من غير اصحابكو؟ هتقدرو تبعدو عنهم؟ شوفو احساسكو ايه وانتو بعيد عن الناس على اسا الاحساس ده هتعرفو تحلو مشكلتكو وانا بجربها لسة النهاردة اول يوم واتمنى انى اكون قدرت اساعدكو واسفة للأطالة بجد موضوعك جميل يا جوليت

S2AH
07-23-2009, 09:52 PM
اقولكو اية الحل
ومن اعرض عن ذكرى فان لة عيشة ضنكا
بس كدة _ لان انا كنت فعلا كدة بس لما بقرب من ربنا بيفتحها عليا وبحس ان انا فرحانة اوى حتى لو مفيش حاجة تفرح
ولما ببعد ربنا ما يوريكو اية اللى بيحصلى ؟ حتى لو حصلت معايا مواقف المفروض انى افرح بيها جدا بس ببقى مضايقة اوى بس كدة ياريت تعملو وشوفو هتوصلو لاية

جوليت الحب
07-24-2009, 04:04 PM
شكرا ليكوا بجد لكل واحد دخل الموضوع وقدم نصيحة او فكرة او اى حاجة كاتبها عشان الاحساس الى حسته انا وهند وامل طبعا بشكركوا الاول وبالنسبة ليه انا الحمد لله بقيت كويسة جدا دلوقتى والاحساس دا راح نهائى بالنسبة ليا عملت فعلا انى بقيت لوحدى مش بتكلم مع صحابى بداءت اتكلم مع حد غالى واخ محترم ليا هو الوحيد الى كان جمبى وطلعت من الاحساس دا وطبعا فى الاول وفى الاخر لجاءت للملجى سبحانه وتعالى رجت نفسى من الاحساس دا قريت كتير وخرجت كمان وبقيت احسن 100 مرة ورجعت كلمت صحابى الى هما اخواتى واحنا الحمد لله احسن بكتير اووووووووووووووووى اوى كمان انا كمان ياريت اطمن على هند وامل ويارب يكونوا احسن منى 100 مرة وشكرا بجد والموضوع دا اد اية بيقربنا من بعض وبنعرف هموم ومشاكل بعض ولا اية ياجماعة انا بتمنى وبدعى من ربنا مش اشوف اى انسان مضايق او مخنوق من حياته وياريت اى حد مخنوقو مضايق مش يتكسف يقول دا الان احنا هنا اد اية بيثيتلى ان فى ناس جميلة اووووووووى موجودة فعلا بمعنى الكلمة واد اية صحاب بجد وبيحسوا بعض كمان شكرا بجد ياجماعة اسفة بقى لو كنت طولت عليكوا

حفيد سيف الله المسلول
07-24-2009, 04:21 PM
انا قريا الصفحات كلها اللى فى الموضوع وبجد احسن رد مفيش بعده تانى s2ah علشان بجد البعد عن ربنا هو اكبر مشكله وبنبقى مخنوقين جدا
وتعليقى على كلام كان فى زمان حب ان ده مش حل اللى بيحب انسان بجد وحس الوحده من بعده مستحيل ينساه الا بالموت اى كان ده لو هو حبه بجد حتى لو لقى حاجه تشغله مش هتشغله 24 ساعه فى اليوم لازم هيقف يفكر فيه ولو لدقيقه يعنى هيحنله
وعلى فكره انا لما ببعد عن ربنا بجد بتروق بمعنى بتروق من كل حاجه ( ربنا بيعاقبنى ) فاهمه يا roory انا مبسوط ان العقاب فى الدنيا بس لما عقاب الدنيا بيالمنى اوى كده يبقى عقاب الاخره ايه اتمنى ان كلنا نفكر صح واعتقد ان طريقه roory نسبتها 95 % انها تبقى كويسه ان الانسان يبقى اخد فتره يراجع حساباته ويعرف يرتب نفسه ( واسف على الاطاله )