المساعد الشخصي الرقمي

مشاهدة النسخة كاملة : مسابقة افضل نكته



Rania Ismail
04-26-2009, 01:21 PM
السلام عليكم

وبعد غياب طويل رجعنا تانى ومع اول مسابقات قسم الضحك والفرفشة


اولا كل اللى حابب يشارك فى المسابقة حيشارك بنكته واحده بس مينفعش باكتر من نكتة
وبعد كده حنعمل تصفيات لكل النكت وحيكون فى تصويت طبعا من الجماهير العريقة وانتو برضو اللى حتحددو مين اللى حيكسب باحلى نكته
والمسابقة ديه حتبقى معانا كل شهر

واللى حيكسب حيلقب بفاكهة المنتدى
ياترى بقى مين اللى حيشارك فى المسابقة

Nhla147
04-26-2009, 01:52 PM
اسمحيلى يا رونى انى اكون من المشتركين فى المسابقة

والنتكة بتاعتى بتقول.....

واحد ومراته سكنوا فى شقة جديدة
لقوا فيها حاجات غريبة اووووى بتحصل
الكراسى بتتحرك لوحدها والحاجات بتتشال من مكنها وحاجات غريبة خالص
راح الراجل للبواب وقاله على اللى بيحصل فى الشقة
البواب قاله اصلى الشقة دى مليانه عفاريت
قاله عفاريت!!!لا انا ارجع شقتى اللى فى حلوان احسن

راح جاب عربيات عشان يحمل العفش
لقى العفش بيتشال لوحده واتحط فى العربية
وجاى يركب العربية لقى العفاريت واقفة ادام العربية بتصقف وتقول
هانروح حلوان هنروح حلوان

يارب تعجبكم

أختــــــــــــ نهله ـــــــــلة

Soma
04-26-2009, 02:00 PM
وانا كمان النكتة بتاعتى بتقول
واحد مراته بتقوله صلح البوتاجاز قالها ليه شيفانى كريازى قالتلته طيب صلح الغسالة قالها ليه شيفانى زانوسى
قالتله طيب صلح التلاجة قالها شايفانى توشيبا مرة روح البيت لقى كل حاجة متصلحة وقالها صلحتى الحاجات دى كلها ازاى
قالتله جيبت بتاع الصيانه يصلحهم وبتاع الصيانه شرط عليا لو صلحهم يا اعمله تورته يا اديله بوسه قالها طبعا عاملتيله التورته
قالتله ليه شايفنى جروبى ههههههههههههههههه

roma
04-26-2009, 02:25 PM
انا عندى نتكته بتقول
تلات مسطيل قاعدين فى اوضه لها بابين قالو لواحد فيهم قوم هاتلينا كبريت طلع من باب دخل من الباب التانى لقا اتنين قاعدين قالهم معكومش كبريت
قالولو اقعد احنا بعتنا واحد يجيب كبريت
ههههههههههههههه
يارب تعجبكم

Ahmed Hosny
04-26-2009, 02:28 PM
:pاقولكم نكتة حلوة :cool:
مرة واحد عاكس وحدة سودا تفت عليه قالها
وكمان بتفورى

مي القاضي
04-30-2009, 01:56 AM
ههههههههههههههههههههههههه
النكت جميله جدا وكلهم احلي من بعض

abdoitthad
04-30-2009, 05:20 AM
مرة واحد مسئول بيفتتح حمام سباحة (للصعايده) فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه.

Rania Ismail
05-02-2009, 09:50 PM
كلهم حلوين قوى بس عاوزين مشاركات اكتر وعاوزين مشتركين اكتر علشان المنافسه تكون عاليه

KAREEM
05-14-2009, 10:12 PM
انا كنت عامل مشاركة مش عارف اتحذفت ولا ايه مش مشكلة عموما شكرا انا كنت تعبت فيها اوى عقبال مكتبتها شكرا

برجل
08-16-2009, 12:34 AM
نكت اكثر من رائعة بس عجبتنى اووووووووووووووى بتاعة العفاريت

raul
09-06-2009, 12:48 AM
واحد غبى معدى على صوان وبيسأل هو فى ايه؟
فرد رجل وقال :ده اربعين واحد ميت
فقال الغبى نهار اسود 40 واحد ماتوا مره واحده
فقال الرجل:لأ ده واحد من اربعين يوم
فقال الغبى : ينهار اسود ولسه بتدفنوه النهارده
فقال الرجل : لأ دول دفنوه من اربعين يوم
فقال الغبى : ياه ولسه قاعدين لحد النهارده