المساعد الشخصي الرقمي

مشاهدة النسخة كاملة : البنت احسن من الولد



مي القاضي
04-26-2009, 07:17 PM
البنت احسن من الولد
بعد التدقيق والتدوير والتنقيب اثبتت التحريات ان البنت احسن من الولد والاسباب:

*تتكلم براحتها في التليفون وابوها او جوزها اللي هيدفع
الفاتوره

*البنت مش ملزمه تجهز نفسها ابوها او خطيبها اللي هيدفعو دم قلبهم

*مفيش حد بيبص علي بدله العريس كله بيركز في فستان العروسه

*لو واحده عملت مخالفه مرور تعيط شويه للظابط وهو يعديها ، لو راجل هياخد علي دماغه

*البنت مش ملزمه تدفع ضرايب ابوها او جوزها بيدفعوها
*لو واحده مدتش لقرايبها عديه مفيش حد هيتكلم ولا يقول ياه دا راجل تبت وبخيل

* لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس

* لو حصل زعل بين البنت وباباها مش هيطردها بره البيت بس هي يدوب تدخل الاوده وتعيط شويه وبابا يروح يصالحها، أما الولد فيدوب يلحق مكان ينام فيه جنب البواب

دلع البنات :
ياختي قميله (سنتين )
يا عسوله (5 سنين)
يا عروسه (12سنه)
يا قمر (18سنه)
يا هانم (40 سنه)
يا ست الكل (50سنه)
يا أم العيال (60سنه)

دلع الأولاد:
انت ياد ( 10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سنه)

شوفتوا بقى ان الولاد مظلومين اوى وحقهم
را يح.

مش عايز أسمع صوت بنت خااااااااااااااالص بعد كده

ههههههههههه...
.
...

اسامه البنا
05-01-2009, 02:09 PM
ههههههههههههههههههههه

بجد فعلا كده البنت احسن من الولد

esraa
05-01-2009, 02:54 PM
بجد الله ينور على الموضوع و صاحبته ....



بجد اكثر من راااااااااائع ......

KAREEM
05-21-2009, 08:07 PM
بتجيبى الحاجت دى منين يا ام العيال هههههههههههههههههههه

AHMED MoSTaFa
05-21-2009, 09:06 PM
عشان تعرفى اد ايه احنا اتهرينا فى الدنيا دى منكم ازى كنا اباء او ازواج

ولا حتى عيال فى تفرقه عنصريه وخاصا فى الاقسام بتاعه حبيبنا الحكومه

شوفتى يا ام العيال نتيجه بحثك الدقيق

Mohamed Hashem
06-10-2009, 02:46 AM
ربنا يخليكى يا مى
أخيرا حد حس بينا
ههههههههههه
تسلمى على الموضوع
لذيذ جدا ومبتكر
تقبلى تحياتى

الورده البيضاء
06-10-2009, 02:56 AM
ههههههههههههههههههههههههههههههه
انتى هتنضمى لصفهم ولا اية يامى؟
انتى نسيتى البنات بتعمل اية ولا اية
داحنا مغلوب على امرنا
داحنا غلااااااااااااااااااااابة
روحى يابت اغسلى
روحى اطبخى
واخواتك الصغيرين
ووجع دماغ وصداع طول اليوم
مانتى البنت بقى
والولد ملوش فى اى حاجة من دى
وطول اليوم انتى اللى واقفة على رجليكى فى البيت وياريتة بيعجب كمان
دة الواحدة مش بتعرف تاخد نفسها غير وهى نايمة ولو ممكن
تشتغل وهى نايمة كمان
حرام عليكووووووووووووووووووووو
ميرسى ليكى ياقمر عالموضوع
ولكن انصحك تعيدى التفكير فى موضوع البنت احسن من الولد
انا اعتقد انهم الاتنين زى بعض وربنا مش بيميز حد عن حد
زى ماالولد بيتعب فى شغل وكدة البنت برضو بتتعب
ومتنسيش انهم بيخرجو زى ماهما عايزين ووقت ماهما عايزين دى لوحدها كفايا داحنا فى سجن
اسفة على الاطالة

جيجى
07-02-2009, 08:29 PM
مودوع جميل جدا يا مى