المساعد الشخصي الرقمي

مشاهدة النسخة كاملة : نكت عن الازواج



Rania Ismail
10-02-2008, 01:24 PM
انا قولت انصح نصيحة لوجه الله كل اللى عاوزين يتجوزو يفكرو كويس قبل ما ياخدو القرار ده واليكم البيان التالى
نكت عن الازواج :


عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب...قالها يعني لا بتقدم ولا بتأخر

واحد بيقول لصاحبه :امبار ح خليت مراتي تركع علي رجليها....قله صحبه ليه؟...قاله كانت بتقولي اطلع من تحت السرير

مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل

واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم

مرة واحدة بتقول لجوزها: تعالى ودينى المستشفى .. ماما هناك وعندها حالة تسمم ... راح قايلها : لازم عضت لسانها بالغلط

مرة ولد صغير راح لامة قالها ماما ..ماما انا شفت الواد اللى فوقينا بيبوس البت اللى تحتينا قالتلة ملكش دعوة يا حبيبى دول بيحبو بعض وهيتجوز قالها الولد يعنى افهم من كدة ان اى اتنين بيبوسو بعض يبقو هيتجوزو بعض قالتلة اه يا حبيبى الولد قالها طب بابا هيتجوز الشغالة امتى؟؟

واحد قابل صاحبه وقاله الحق مراتك بتخونك فى الغابة فراح جوزها جرى بسرعه ولما رجع صحبه سأله عمل ايه فرد عليه وقاله يا أخى الناس دى بتهول اوى شجرتين ويقولوا غابة !!!!!!!!!!!

رقد الرجل على فراشة يغالب الغيبوبةوكلما افاق وجد زوجتة بجوارة وتنظر الية بحنان فامسك بيدها قائلا: لما اترفدت وقفتى معايا، ولما شركتى فلست كنتى جنبى، ولما بيتنا اتحرق كنتى جنبى ، ودلوقتى انتى برضة جنبى ، مش عارف لية انا حاسس انك نحس

مره كل ستات الارض اتجمعو واتفقو علي حاجه هي ان مفيش ولا واحده فيهم هتعمل اي حاجه في شغل البيت لمده اسبوع ، فات الاسبوع وعملو اجتماع تاني قالت الست الفرنسيه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأ هو بيعمل شغل البيت قالت الست الهنديه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه تالت يوم بدأ يخرجنا بره البيت وناكل بره علشان مش نبهدل البيت قالت الست المصريه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأت اشوف شويه بعيني الشمال

يا رب تكون عجبتكم واتمنى انى اكون ضيفه خفيفه عليكم

tiger
10-02-2008, 01:37 PM
نكت جميله يا رانيا شكررااا على البسمه0

Rania Ismail
10-02-2008, 01:39 PM
انا فى الخدمة انتو تؤمرو بس
وشكرا لمرورك

Rania Ismail
10-04-2008, 10:31 AM
واحدة الدولاب عندها بيعمل صوت لما القطر بيعدى من جنبهم جابت نجار صلحو مرة و اتنين و تالت مرة قالتلو ولاهى مانتا ماشى الا لما القطر يعدى و اشوفو هيتهز ولا لا شوية و جوزها جة و النجار من الخضة استخبة فى الدولاب .... لما جوزها شافو قالو انت بتعمل اية هنا قالو النجار لو حلفتلك باية مش هتصدق انى مستنى القطر

مرة واحد بيسال مراته انتى بتحبينى اد ايه قالتله اد ما انت بتحبنى قالها وليه كده انا عملتلك حاجه لاسمح الله

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى جوازكوا الخمسة و عشرين توديها الصين، أومال فى عيد جوازكوا الخمسين هتعمل ايه؟" فقالوا "هروح اخدها"

tiger
10-04-2008, 10:46 AM
حلووووه يا رانيا تسلمى على النكت 0

Rania Ismail
10-04-2008, 10:59 AM
العفو يا اشرف

احمد حسن
10-06-2008, 03:53 PM
نكت جميلة

Mahro
10-06-2008, 04:08 PM
ههههههههههههههههههه موضوع جاااااااااااااااااااااااااااااااااااااامد

mohamed-gohar
10-06-2008, 04:09 PM
كتيررررررررررررررر حلوة

AYMAN GAMAL
10-06-2008, 09:59 PM
شكرا يا رانيا عجبتني اوي النكت

Rania Ismail
10-06-2008, 10:30 PM
العفو يا جماعه انتو تؤمرو و مشكووورين لمروركم

محمد منصور
12-17-2008, 01:49 AM
الله ينور عليكى......

Youssef Mostafa
12-17-2008, 02:04 AM
نكت جامدة مووووووووت تسلم ايديكى يارانيا

white_heart
01-14-2009, 01:18 AM
تسلم ايديكى يا كبيرة

بجد نكت تحفة


بس انتى كدة حتوقفى حالنا


هههههههههههههههههههههه