المساعد الشخصي الرقمي

مشاهدة النسخة كاملة : هل تعرف اسما لهذا الاحساس ؟؟؟؟



mr.lonly
05-08-2009, 10:18 PM
عارفين الشعور ده

عارفين لما تفتكر حاجه كده
تحس انها بتشدك لذكريات
انت مش عارف ايه الذكريات دى
بتشدك لحاجه كده
بحاجه انت مش عارفهاا
و ممكن تدخلك فى شعور كده غريب
حزن مع الم مع فرحه
الشعور ده








عارفين الشعور ده

عارف لما تسمع اغنيه كده
تلاقى نفسك بتبتسم من غير سبب
بس جواك حزين اوووى
و تلاقى شعور بدأ يدخل جواك
انت مش فاهمه
و تحاول تفهم ايه ده
وفى الاخر متفهمش






طيب عارف لما تروح تقف على البحر كده
وتاخد نفس عمييييق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
و مش عارف تتخلص منها

عارفين الشعور ده







طيب عارفين

لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ما ننام
و تقوم من على السرير
و محدش يعرف حاجه

عارفين الشعور ده







عارفين الشعور ده

عارفين لما تكونوا اصحاب متجمعين فى يوم كده
و كلكوا مهيسين و بتدحكوا
و اللى يشوفكوا من بعيد لبعيد
يقول الناس دى رايقه
وحياتها تمام اوى
و انتوا اصلا بتدحكوا بدل ما تعيطوا
و محدش حاسس بحاجه
و محدش فاهم حاجه
لا و ايه
محدش هيقدر اصل
انه لا يفهم ولا يحس اللى جواكوا








طيب عارفين

لما تكون الساعه 2 بالليل
و البيت كله نايم
بتبقى عايز تصرخ بأعلى صوتك
كفاااااااااااااااايه ......حراااااااااااااااااااااام
كفايه بقى...ما خلاص..
حرام عليكوا اوى كده
بس كفايه ايه..معرفش
كفايه و خلاص







طيب عارفين الشعور ده

لما تكون راجع من يوم سبيشيل اوووووووووى بالنسبه ليك
و ترجع..متحكيش لحد من اللى فى البيت على اللى حصل
و يمكن متحكيش لحد خالص
و يمكن اصلا محدش يسالك
ولا يقولك تعالى يا حبيبى
عملت ايه
احكيلى ابسطنى معاك
تبقى عايز حد جنبك اووووى يفرح معاك كده
بس متلاقيش
و تروح قبل ما تنام تراجع اليوم ده كده
لقطات بسيطه
و فى ااخر يوم اجمل من رائع
و انت جاى تنام...تقعد تعيط
مع ان فى ناس كتييير يحسدوك على اليوم ده







طيب عارفين

لما تكون عايز تسمع كلمه معينه مش شخص معين
كلمه ممكن تكون كلمه من حرفين بس
مش صعب عليه يقولها
وتلاقيه ولا بيتكلم
تحس انه تمثال
ما تتكلم بقى
طيب ما هو انا شايفاك بتقولها مليون مره
شايفها فى عينيك
حاسسها اوى
عايز تسمعها بقى
قوووووول

اتكلم
و لما يتكلم
تحس انه بيشفق عليك
!!!...بتشفق على
طيب لما انت كده
بتحسسنى بيها ليه من الاول اصلا
بتعيشنى فى الشعور ده
ليه من الاول..و لو للحظات
لما ده مش حقيقه







لما تبقى عايز تسمع صوت حد معين اووى
واحشك اوى
عايز تسمع صوته
تطمن عليه
و تفضل مستنى
و مستنى..... ومستنى
و فى الاخر ميتصلش
لا و بعدين يتصل حد تانى
تقول اخيرا اهو
و ترد بلهفة
و تسمع صوت حد تانى
مش ده اللى كنت مستنيه







طيب عارف الشعور ده


لما تبقى قاعد وسط صحابك
وكل الناس اللى بتحبهم
و بيضحكم و انت كمان بتضحك
و الصوت عالي
بس انت مش معاهم
روحك في مكان تاني
نفسك تصرخ وتقول
تعبت








طيب عارف الشعور ده
,,

لما تكون عارف راحتك فين
ومتأكد انك هتستريح لما تعمل كده
بس انت مش قادر تعمل كده
مع ان كده سهل خالص
عشان كده معناهها
البكاء







طيب عارف الشعور ده
,,

ان الانسان يبقى
مش عارف هو عاوز ايه
و لا عارف هو فيه ايه اساسا
و لا عارف ليه كده بيحصل







و الشعور اللى بتحسه دة كلو مش بيتوصف بكلمات اصلا
بيبقى عميق اوووى
بيبقى جاى من جواك
و مش عارف اصلا هو اتولد ازاى جواك

هل تعرف اسما لهذا الاحساس ؟؟؟؟

ميرا مار
05-08-2009, 10:27 PM
عارف انت بقى لما تكون عايز ترد بحاجة كدا جامدة قوى


وماتلاقيش كلام يعبر او حتى يستحق يتكتب


بعد كلامك الجميل دا؟؟؟؟



انت بجد عبرت عن كتير جوايا وكنت مفكرة نفسى انى لوحدى كدا



امممممم

وخصوصا

لما تبقى قاعد وسط صحابك
وكل الناس اللى بتحبهم
و بيضحكم و انت كمان بتضحك
و الصوت عالي
بس انت مش معاهم
روحك في مكان تاني
نفسك تصرخ وتقول
تعبت


دى بقى باحسها كتير قوى


شكرا يا لونلى ..جميل قوى انك تحس انك مش لوحدك

مي القاضي
05-17-2009, 03:08 PM
لا للاسف مش عارفه احط اسم للشعور ده بس اعرف احسه وكل انسان جواه نفس الشعور بس برده مش عارف اسمه ممكن يكون تركيبه من الوحده من الوحده واثارها

esraa
05-17-2009, 05:07 PM
انا مش عارفة اقولك ايه


بجد انت دخلت جوايا اوى


و عبرت تقريبا عن اللى جوايا اوى



لما تكون عايز تسمع كلمه معينه مش شخص معين
كلمه ممكن تكون كلمه من حرفين بس
مش صعب عليه يقولها
وتلاقيه ولا بيتكلم
تحس انه تمثال
ما تتكلم بقى
طيب ما هو انا شايفاك بتقولها مليون مره
شايفها فى عينيك
حاسسها اوى
عايز تسمعها بقى



بس اقدر اقولك ان فى ساعات حاجات كتييييييييييييير اوى بنحسها


بس للاسف مبنادرش نعبر عنها ...

alaa eid
05-17-2009, 07:25 PM
بصراحة يا لونلي الموضوع كأنه بيوةصف احساسي كتييييييير
بجد بشكرك علي الموضوع الرائع ده
جزاك الله كل خير

محمد الفرارجي
05-27-2009, 01:18 AM
يا نهار اسوح عالكلام!!!!!!!!!!!!!

نعم
ايه؟
طب عروستي



والله العظيم لخبطتني

بقيت زي اللمبي بالظبط



يا عم حدد انت عايز تقول ايييييييييييييييييييييييييييه؟

Mimi
05-27-2009, 03:34 AM
مش لازم تدورله على اسم

موضوع رائع جدآ

وانا بؤمن بأن لكل انسان فينا انسان تاني جواه محدش يعرفه غيره

ومتهيألي هو أكتر واحد يقدر يفهم شعورك عن اي حد تاني

شكرآ ..

Soma
05-27-2009, 03:48 AM
احساس كده متعرفش هو ايه حزن فرح تحس انها كوكتيل احاسيس مع بعضها
هو احساس مالوش اسم بس انا حسيته اوىىىىىىىىىىىى
عارف انت كانك وصفت كل حاجة جوايا بكلمات بسيطة وجميلة
مش عارفه اعبرلك عن اعجابى بالموضوع الرائع والهايل ده ازاى
بجد ميرسى كتييييييييييييييييير جداااااااااااااااااااا ليك

sweet girl
05-31-2009, 09:13 PM
بجد الموضوع جميل اووووووووووووووووووى كلماتك معبره اوى انا


حسه انى انا اللى كنت بتكلم بس عارف انا كنت فاكره ان انا بس


اللى حسه بكده وان انا بس اللى موجوعه !انا مش عارفه اعلق


على شعور من اللى قلتهم لانى كلهم حسه بيهم


ممممممممممممم انا حسه انى اتلغبطت اكتر ههههههههههههههه


ومش عارفه احدد الشعور ده ايه بالظبط ؟ شكرا ليك


ههههههههههههه انا اسفه اوى من انشغالى بالكلام مااخدتش بالى مين اللى حاطط الموضوع وكمان بكتب وانا بسمع خيط ضعيف يعنى العمليه ادمرت بس شكرا ليك

Ahmed Mohamed
05-31-2009, 09:26 PM
انت عارف بقي الشعور ده

لما فعلا يكون جواك كل الكلام ده اللي بيعبر عنك بس مش عارف تقولوه لحد

بجد بجد يا مستر لونلي موضوعك ده رائع رائع يعني جاب احاسيس كل الناس

mr.lonly
06-11-2009, 12:54 AM
شكرا يا جماعة علي الاراء اللي الحقيقة مكنتش متوقعها لاني زي كتير منكم ما قال كنت فاكر الاحاسيس دى عندى وبس
شكرا ليكو جميعا بس برضه الكل نسي يقولي

هل تعرف اسما لهذا الاحساس ؟؟؟؟

Soma
06-11-2009, 01:39 AM
المشكلة انه مالوش اسم واحد ممكن تقول كولكشن احاسيس مع بعض

ALY ELSAYED
06-11-2009, 01:45 AM
احساس جميل انك تحس بنفسك وباحساس الي حواليك
والاجمل انك تعرفهم باحساسهم
بجد موضوعك هااااايل جدا
الاحساس ده اعتقد انا الحيره
بشكرك جدا لونلي واتمني اشوف موضيع دايما

mr.lonly
12-07-2009, 12:47 AM
شكرا يا سوما والظاهر انه فعلا احساس بس
مش مهم اسمه

وشكرا يا علي وبجد ردودك بتعجبني جدا جدا
وممكن الاسم اللي انت اقترحته بس الحيرة لا بييجي الاحساس دة بنحس بالحيرة

shorouk elzoghbi
12-07-2009, 11:22 PM
i feel i have to do this thing but i cant do cuz someone or something is telling me n0o0o0o0o0o0o0o but its good for me but i cant do it cuz its impossible but i need to do it its ahrd feeling

bs el moudou3 dah begd gamed awi ya lonly w 7assny belra7a

Ma7amed Adel
12-07-2009, 11:36 PM
مش عارف اقوالك ايه انت بجد عبرت عن حاجات كتيره موجوده فينا وبنشعر بيها شكرا ليك جداااااااااااااااااااااااا واسعدنى جدااااااااااااااا الرد على هذا الموضوع القيم والرائع

firehawek
12-08-2009, 06:55 AM
طب قولى انت لما تقرا الكلام دة وشويه تفتكر حاجة تبكى عليها وتقرا كمان شويه تكون عايز تضحك وتقرا كمان شويه ومش فاهم اللى مكتوب وتقرا كمان شويه ومش لاقى رد تقدر ترد بيه عالموضوع سورى يا برنس طولت ورخمت بس ارد عليك بايه