المساعد الشخصي الرقمي

مشاهدة النسخة كاملة : ماتتكلمش .................



Mahro
10-03-2008, 01:36 PM
ماتتكلمش عن حالى

ماتسألنيش فى يوم مالى

ماسيبتش حاجة تشفعلك

تهوّن فى الفراق حالى

ماتغلبنيش بأيامك

ودمع بكيته قدامك

اكيد فيه غيرى يسمعلك

حاجات عايز تقولهالى

ماتتكلمش عن حالى

انا اتحملت علشانك

مسحت بإيدى احزانك

ماحستنيش سنين جانبك

باحايل برجك العالى

يا جرح بيكوى ويعلم

بأى ضمير بتتلكم

وتانى عايزنى ارجعلك

واسلم مهما يجرالى

ماتغلبنيش بأيامك

ودمع بكيته قدامك

اكيد فيه غيرى يسمعلك

حاجات عايز تقولهالى

ماتتكلمش عن حالى

ماتتكلمش وحياتك

وتحلف تانى بحياتك

حياتك حاجة مش ملكك

عشان قلبك وهبهالى

حلفت كتير بعلو الصوت

ما ح يفرق مابينّا الموت

مافكرتش فى يوم تسأل

يمينك قد إيه غالى

ماتتكلمش عن حالى

semsema
10-03-2008, 02:30 PM
ايه الكلام اللى بيوجع دا:(
بس جامد اوى
اكتب من الكلام دا كتير
يمكن يداوى جرح فى يوم من الايام:(

Mimi
10-03-2008, 02:38 PM
أحيانآ بيقى دوا الجرح في الكتابه

اكيد اللي كتب الكلام دا بيترجم جزء كبير من حزنه وجرحه على قد ما يقدر

عشان يهون على نفسه ، الظاهر انه جرحه كبير ومش قادر يتحمله

Hassan Mohamed
10-03-2008, 02:55 PM
تكاد عينيا تبكي

Mahro
10-03-2008, 06:03 PM
الموضوع مش كده خالص صدقونى دى انا كتبتها لواحد صاحبى هدية عشان موضوع كده هى بتبقى حالة والهام كده حتى انا فيا حاجه عجيبة انا ممكن اسمع لحن اغنية يعجبنى اغير كلماتها على كيفى انا يعنى حاجه بستمتع بيها مش اكتر وبجد انا متشكر جداً على الردود الجميلة دى .

اسامه البنا
11-14-2008, 07:48 PM
بحب اسلوبك اوي يا ماهرو

white_heart
11-15-2008, 04:01 AM
جميل يا مهرو تابع

Mahro
11-18-2008, 05:52 PM
ربنا يخليك يا سمسم وشكرا ليكى white_heart


بجد نورتونى

Mahro
08-20-2010, 01:25 PM
بحبها اوى الكلمات دى

يار بتكون عجبتكم كلكم