المساعد الشخصي الرقمي

مشاهدة النسخة كاملة : ((قصه شاب محدش بيرن عليه)) هههههههه ملهاش حل بجد



AHMED MoSTaFa
05-17-2009, 10:39 AM
((قصه شاب محدش بيرن عليه))

انا بقالي 3 سنين جايب موبايل ... يعني بقالي 3 سنين جايب خط ... وبرده
بقالي 3 سنين عمال انزل فى نغمــات .... نزلت كل نغمات الدنيـا لموبايلي
.... دا على اساس أنه لما يرن النغمـه دي تشتغل ...

و من هنا بقى ظهرت المشكله .... إنه يرن .... الموبايل مابيرنش خالص ...
انا قلت يمكن العيب من الجهاز .... غيرت الجهاز ..طب من الخط....غيرت الخط
.... طب ممكن من النغمــه .... غيرت النغمــه

عملت كل المحاولات عشان أسمع نغمـة موبايلي بترن من غير ما اشغلهــا انا ... بس مفيــش فايده.. كل محاولاتي كانت نتيجتها بالفشــل..

و في اليوم الموعود (إللي كنت مستنيه من زمان) .... قمت من النــوم ... ببص في الموبايل لقيــت ميسد كول ....

مش معقول....انا جالي ميسد كوول ... لأ لا يمكـن ....

فكرت افتحها على طول ولا أروح أخد شاور الأول عشان أبقى مستعد ... دخلت
حلقت دقنى و خدت شاور و عملت شعرى سبايك و حطيت بارفان و لبست احلى طقم
عندى و لسه همسك الموبايل فى ايدى و..... وكانت الصدمه ....

أخــويا دخل عليا و قال لي : الجهاز بتاعي باظ وانا حطيت الخط بتاعي في جهازك مؤقتــا ......

تحطمــت كل احلامي ... نعم تحطمــت كل امالي التي كنت اعقدها في رؤية هذه الميسد .....

وبعد شهرين من تاريخ الميسد كنت ماشي في الشـارع رايح الدرس ... وفجأه
حسيــت بهزه في جيبي ( فيبريشن بقى ) ..... و سمعــت نغمــة موبايلي ....

انا طبعا مصدقتــش ان دا موبايلــي .... بس مكنش في حد بيـرد جنبي على
موبايلـه ..... يا نهار ابيض .... دا موبايلي اللي بيرن و إفتكرت ان دي
نغمتــي .....

كان وقت جميل اوي وانا اول مره أسمع نغمتي فيها من غير ما اشغلها ... يا
حلاوتــك يا نغمتــي ..... وقمــت مدخل ايدي في جيبـي و مطلــع الموبايل
..... و فتــحت المكالمه .....ونقول الووو

لقيــت واحد بيقولي : إيه يا بنتي انتــي فين انا مستنيـكــي قدام السينما بقالي ساعه .....

خسئت

ساعتها تـــأكدت ان النمــره غلط ... بس انا ما رديتش عشــان ميعرفش إن
النمره غلط و يحرمنــي من أجمل لحظـــات حياتي ... بس هو قفل ..... قفل
لما انا مردتش عليـه .....

و بعد الحدث ده رجعت البيــت و ما روحتش الدرس و إتعقــدت بصراحــه ....... و جــالي إكتــئاب .......

الإكتــئاب زاد.. زاد زاد جــدا لحــد ما مبقيــت أقعــد في الأوضة لوحدي و باصص للحيطــه وفي إيدي الموبايل و ما بكلمــش حد ...

كانوا بيخشــوا عليــا يكلمــوني بس ما كنتش برد عليــهم ..... يجيبولي أكل ماكلــش ....

حاولوا كتير معايا عشــان يخرجونــي من حالة الإكتــئاب إللي انا فيهــا
لحد ما بابا جه وكلمنــي وقالي: الموبايل مش كل حاجه يا بنــي ... على
أيــامنا ما كنش فيه موبايلات ولا كلام من ده ..وكنا عايشيــن يا حبيبي ...

و قعد ناس كتير و دكاتره كتــير ييجوا يكلمـوني ... بس ما كنش فيه فايده ....

فقدوا الأمل في علاجـــي ..و بقيت انا مجنــون العيله .... كانوا مسمينــي مجنون الموبايل ....



بعد فتره بدأت أتحســن و اقتنع بكلامهم و جيت في يوم وقمــت و نسيت حكاية
الموبايل دي خالص .... وانا فاكر ســاعتها لما فتحــت التلفزيـون لقيــت
إعلان لموبايل... حاولت اقلب القناه عشان ما افكرش.. لقيــت إعلان عصام
الحضرى بتاع فودافون....

حاولت أقلب القناه عشان ما افكرش في المــوبايل ....لقيـــت إعلان نغمات فيديو تون...



الإعلان دا أثر فيــه اوي...هو انا حتــى طايل نغمــه عاديه عشان يجبلي
فيديو توووون .... الإكتئــاب رجعلي تاني ..... و قمــت قايم وجايب ورقه
وقلم وكتبت :بابا ماما سامحـوني أنا كنت عايز أخف بس انا قررت خلاص انى
انتحــر

و جيـــت ارمي نفسي من البلكونــه .... بس سمعت الموبايل بتاعي بيرن ....

اممممم دي نغمــة الرسايل أنا عارفها تين تين تين ..... فرحت اوي .....

فتحت الرساله لقيت رساله .....


"عزيزي العميل دلوقتي ممكن تشترك في خدمة الإنتــظار عشان إللي بيتــصلوا بيـــك وانت مشغـــول............."



لأ لأ ...... انتــم كده عايزين تموتوني

ااااااااااااااااااااااااااااه بوووووووووووووووووووم


(دا وهو بيقع م البلكونة)

esraa
05-17-2009, 10:55 AM
ههههههههههههههه

هههههههه


و الله الموضوع تحفة اوى يا ديزيل



بس المشكلة فين اصحابه و فين الناس اللى يعرفهم ........




عامة الموضوع جميييييييييييييل جداااااااا

AHMED MoSTaFa
05-17-2009, 11:02 AM
هو الواد كأيب اساسا يعنى كويس انه انتحر


ديزيل


اسمى احمد
وبعدين الديزل كده

esraa
05-17-2009, 11:04 AM
هو الواد كأيب اساسا يعنى كويس انه انتحر




اسمى احمد
وبعدين الديزل كده





اوكى كويس انى عرفت اسمك ...



ميرسى ليك ....



يا أحمد ...

Marwa Mahmoud
05-17-2009, 11:19 AM
هههههههههههههههههههههههههه

ههههههههههههههههههههههه

أحلى حاجة عملها انه خلص نفسة بدرى بدرى

تسلم يا أحمد بجد جميلة جدااااااااااااا

محبة الرحمن
05-17-2009, 11:29 AM
جميلة اوي بس هو جاب التلفون والخط وما أعطي رقم التلفون لحد

عشان كده هو ما أحد بيرن عليه طب

واكيد هما كانوا فترة امتحانات ومش فاضين

والله مشكلته دي مشكلة بس يجي يأخذ من عندي

علي العموم البقاء لله وحده عزائي لأهل بيته

يعني اموت كافرة عشان رنة موبيل

Wild_Angel
05-17-2009, 02:52 PM
:):):):cool::)
والله جامد تعليقك يا محبه
موضوعك حلو يا احمد
بيناقش قضيه برضه وهى جنان الموبايلات

AHMED MoSTaFa
05-17-2009, 05:59 PM
شكرا على مرورك Wild_Angel (http://mesa7a.com/forum/member.php?u=83) ومحبه ومرمر وعلى ردودكم الطيبه ده

بس نرجع ونقول هو كان فى ايده الحل انه كان على الاقل اخوه كان ممكن يساعده فى المشكله دى

ميرا مار
05-17-2009, 06:24 PM
يااااااااااااااااااه



الحمد لله ان الحكاية خلصت

كنت بدات ازهق..

















ههههههههههههههه

طب كان ينضم للمنتدى واخواته اللى هنا يرنولله

ياللا ماطرح ماراح بقى يرنو له..

ميرسى يا احمد

alaa eid
05-17-2009, 07:45 PM
هههههههههههههههههههههههههههههههه
مش كان يقولنا بدل ما ينتحر
ياخسارة عليه راح في عز شبابه ههههههههههه
موضوع بجد راااااااااااائع

Sara Gamal
05-17-2009, 08:21 PM
هههههههههههههههههههههههههه لذلذه تسلم ايدك

قوله يجى ياخد موبيلى مش بيبطل لما جابلى وش

free eagle
05-17-2009, 09:35 PM
جميلة جدا جدا

تسلم ايدك
بس اكيد هو مكنش مدى الرقم بتاعه لحد
ههههههههههههههههههههه

pretty angel
05-17-2009, 09:54 PM
ههههههههه
ده اساسا حد مش طبيعى
كل ده عشان موبايله مش بيرن

يلا اهو ريح وارتاح
هههههههههههههههههه

شكراااا احمد على الموضوع بجد لذيذ وجديد

magdysa3ed
06-24-2009, 12:24 AM
هههههههههههههههههههههههه
قصه جميله جدا

Marwa Magdy
06-24-2009, 01:17 AM
هههههههههههههههههههههههههههههههههه
ريح نفسه وريحنا معاه من القصه دى
ههههههههههههههههههههه


شكرا يا احمد على الحكايه الجميله دى
تسلم ايدك

ALY ELSAYED
06-24-2009, 01:59 AM
ههههههههههههههههه
دي حكايه عجيبه
ههههههههه
ربنا يجزيك خير ضحكتنا والله

sweet girl
06-25-2009, 01:04 PM
هههههههههههههههههههههههههه

جااااااااااااامده والله اهو ريح واستريح الله يرحمه بقى

تسلم ايديك

محمد عبد الرحمن
06-25-2009, 01:18 PM
ههههههههههههههههههههه والله قصة فى قمة الروعة