المساعد الشخصي الرقمي

مشاهدة النسخة كاملة : مشروع اقتراح بس محدش يزعل منى خاصة البنات


KAREEM
05-17-2009, 04:06 PM
ا
يوا مش عايز حد يزعل منى لان الموضوع كله عبارة عن تخيل وحلم وهذار مش اكتر
الموضوع ياسادة انى شايف ان البنات اللى بتخش قسم جغرافيا عشان تخش مساحة ليـــــه؟؟؟؟
الشغلانة دى مش تتاعتكوا وبهدلة عشانكو وكلها فى الشمس والقرف
انا مش بقول كدا عشان خايف عليكوا وبس لا دا عشان كمان بفكر لابعد من كدا ازاااااى؟؟؟؟
حاقوللكوا ازاى ...
دلوقتى البنات اللى بتخش جغرافيا دى وبتجيب تقديرات وبتخش مساحة مش بتقلل من فرصة الولاد
ياعينى فى دخول المساحة صح ولا لأ ؟؟؟؟؟
طب انا عندى فكرة البنات يتنازلوا ويخشوا شعبة عامة يعنى مثلا كل بنت تتفق مع ولد انها تسيب له الفرصة دى
ويخش هو مساحة ويسافر يشتغل بره وياخد هو الفرصة دى يعمل القرشين التمام ويرجع يتجوزها
كل الكلام دا على عقد واتفاق على ورق عشان محدش يرجع فى كلامه
وبكدا نبقى حلينا مشكلتين فى وقت واحد ( ضربنا عصفورين بحجر ) زى مابيقولو
قضينا ع البطالة وقللنا من نسبة العنوسة
زى ما قلتلكوا مش عايز البنات تزعل منى بس عايز اعرف رأيكوا فى ( مش عايز اقول اقتراح ) التخيل دا
وسيبكوا بقى من البهدلة واشتغلى مدرسة مالها لمدرسة 100 100 ومحدش يقدر يقول حاجة
داعغير شغل GIS لسه شغل كمبيوتر وكدا يعنى كله فى مكاتب وراحة
انا قلبى عليكوا والله ولا ايه {ايكوا
مستنى تعليقاتكوا ومتأكد ان الموضوع حيعمل ضجة فى المنتدى لانى اول مرة اقوله لحد
والله فكرة ومستنى رددكوا يارجالة وطبعا مستنى رددكوا يابنات
Mohamed Hashem
05-17-2009, 04:51 PM
ههههههههههههههههه ضحكتنى والله يا كريم ..فكرتنى بمسرحية .. محمد صبحى .. تخاريف
بص خلى الرد الاول يبقى من راجل علشان نمتص شويه من غضب البنات ههههههههه

بص ياسيدى ... حنكمل تفكير بطريقتك ... اقتراحك نتايجه مش مضمونه .. وما تزعلش لو قلت لك ان نسبة نجاحه يمكن 1فى المليون
لان البنات لو ما جابتش تقدير دا مش معناه ان الولاد هما اللى ح يجيبوا تقديرات ... التقديرات مش بتتوزع لو البنت ما اخدتش يبقى ولد حياخد
ولو البنات فضلت مستنيه الولاد يسافروا ويشتغلوا ويكسبوا ويحوشوا ويرجعوا ... يبقى هى دى العنوسه بعينها ....ههههههه كل دا اسمه اقدار ونصيب ودى تصاريف القدر ملناش دخل فيها غير التوكل وحسن العمل .. زى ما ديننا الحنيف أمر ...
ودلوقتى بقى تعالى نتكلم جد وبصراحه ...وما تزعلش منى ... انا شايف بين سطورك نظرة للمرأة لا تتفق وتعاليم ديننا ... حاول تغيرها ...
عموما البطالة والعنوسه مشاكل حلها مش فى الشغل بره مصر ... ممكن نقلب النقاش على العنوان ده .. يبقى الموضوع الهزار ده مدخل لنتناقش عن : كل واحد يدخل يقول رأيه نقضى إزاى على البطالة والعنوسة ؟ ........ ههههه دا لو عايز موضوعك يكمل و هههههههههه المشرفين البنات ما يقفلوش الموضوع ههههههههههه ويلغوا عضويتك ..... وهههههههههههه مش بعيد يعملوا بكره قسم اسمه للبنات فقط ويخشوا يعملوا مواضيع ههههههه عنصرية كده زى موضوعك ده ........
واخيرا .... تحياتى - مع انحناءة - لجميع فتيات المنتدى .... نصف مجتمعنا ...... الحلو
وشكرا للجميع وبالتوفيق
Horiaa Swedan
05-17-2009, 04:54 PM
هههههههههههههههههههههههههههههههه

حلوه الفكره اخى كريم

بس للعلم فى ناس مقدرتها العقليه متقدرش على دراسات الشعبه العامه

وبتحب الدراسه العملى وعشان كده دخلت مساحه

مش استخصار تقدير ولا عشان لقب المساحه

وبعدين كل اللى يجيبه ربنا كويس مساحه او عام كله كويس المهم التميز فى المجال اللى حتدخله
KAREEM
05-18-2009, 12:09 AM
ههههههههههههههههه ضحكتنى والله يا كريم ..فكرتنى بمسرحية .. محمد صبحى .. تخاريف
بص خلى الرد الاول يبقى من راجل علشان نمتص شويه من غضب البنات ههههههههه

بص ياسيدى ... حنكمل تفكير بطريقتك ... اقتراحك نتايجه مش مضمونه .. وما تزعلش لو قلت لك ان نسبة نجاحه يمكن 1فى المليون
لان البنات لو ما جابتش تقدير دا مش معناه ان الولاد هما اللى ح يجيبوا تقديرات ... التقديرات مش بتتوزع لو البنت ما اخدتش يبقى ولد حياخد
ولو البنات فضلت مستنيه الولاد يسافروا ويشتغلوا ويكسبوا ويحوشوا ويرجعوا ... يبقى هى دى العنوسه بعينها ....ههههههه كل دا اسمه اقدار ونصيب ودى تصاريف القدر ملناش دخل فيها غير التوكل وحسن العمل .. زى ما ديننا الحنيف أمر ...
ودلوقتى بقى تعالى نتكلم جد وبصراحه ...وما تزعلش منى ... انا شايف بين سطورك نظرة للمرأة لا تتفق وتعاليم ديننا ... حاول تغيرها ...
عموما البطالة والعنوسه مشاكل حلها مش فى الشغل بره مصر ... ممكن نقلب النقاش على العنوان ده .. يبقى الموضوع الهزار ده مدخل لنتناقش عن : كل واحد يدخل يقول رأيه نقضى إزاى على البطالة والعنوسة ؟ ........ ههههه دا لو عايز موضوعك يكمل و هههههههههه المشرفين البنات ما يقفلوش الموضوع ههههههههههه ويلغوا عضويتك ..... وهههههههههههه مش بعيد يعملوا بكره قسم اسمه للبنات فقط ويخشوا يعملوا مواضيع ههههههه عنصرية كده زى موضوعك ده ........
واخيرا .... تحياتى - مع انحناءة - لجميع فتيات المنتدى .... نصف مجتمعنا ...... الحلو
وشكرا للجميع وبالتوفيق
شكرا على ردك أخى الكريم بس فى حاجة
انا نظرتى مش كدا للمرأة ولا حاجة وعارف ان الاسلام عطاها كل حقوقها بس انا من وجهة نظرى
المتواضعة المرأة مكانها الطبيعى والافضل ليها البيت فى وسط عيالها تربيهم أحسن تربية من
اللى كانت بتتعلمه فى المدارس والكليات وأظن ان دا رأى بنات كتير انها تكون ست بيت ناجحة
ومربية فاضلة لأولادها وزوجة عظيمة لرجل عظيم (وراء كل عظيم امرأة ) ولا ايه
وانا عن نفسى لو اتجوزت حتكون مبتشتغلش ليه أنا أبهدل مراتى فى المواصلات والتحرش
اللى موجود فى كل حتة ولأى حد دلوقتى ليه انا اعرض زوجتى لكل دا ولا ايه يابنات
متخفش انا ممكن أكسب البنات فى صفى ومن خلال قراتى لموضيع ومشاركات البنات
هنا فى المنتدى لاحظت عليهم العقل والرزانة والتدين
بس متزعلش منى ردك أستفزنى هههههههههههههه ايه كل دى ههههههههههههه
ياراجل انت كنت بتجرى وبتنهج ولا ايه ؟؟؟؟؟؟؟؟؟؟؟؟؟
عموما الموضوع لسه شغال ومستنى ارائكم جميعا ومتنسوش كله هذار فى خيال !!!!!
KAREEM
05-18-2009, 12:18 AM
هههههههههههههههههههههههههههههههه

حلوه الفكره اخى كريم

بس للعلم فى ناس مقدرتها العقليه متقدرش على دراسات الشعبه العامه

وبتحب الدراسه العملى وعشان كده دخلت مساحه

مش استخصار تقدير ولا عشان لقب المساحه

وبعدين كل اللى يجيبه ربنا كويس مساحه او عام كله كويس المهم التميز فى المجال اللى حتدخله

أنا فرحان اوى بمشاركتك كأول بنت تبدى اعجابها بالفكرة حتى لو بالهذار عادى
بس عشان نثبت للاخ الكريم العضو اللى كتب التعليق اللى قبلك ونعرفه ان مصر لسه فيها بنات عاقلة
مش ههههههههههههههههههههههههههههههه
Mohamed Hashem
05-18-2009, 02:33 AM
عموما الموضوع لسه شغال ومستنى ارائكم جميعا ومتنسوش كله هذار فى خيال !!!!!
عفوا أخى إذا كنت ضايقتك ... بس أنا متخيل الموضوع كله هزار زى ما انت قلت .... زعلت ليه بقى ؟
وعموما دى كانت وجهة نظرى وطبيعى يكون فى إختلاف فى وجهات النظر ... المهم إن الإختلاف فى الرأى لا يفسد للود قضيه ...
فإذا سمحت لا تدع الإختلاف يفسد الود ... وما تزعلش إن الفكره عجبتنى وأضحكتنى ... والدليل إنى وضعت ردى وإلا كنت قرأت وغادرت ...
على العموم ... الموضوع مفهوش أى تحدى ... لكسب الآراء ... انت عرضت الموضوع وأنا علقت عليه وبس
شكرا على تعليقك وأتمنى لك التوفيق فى حياتك
KAREEM
05-18-2009, 01:37 PM
عفوا أخى إذا كنت ضايقتك ... بس أنا متخيل الموضوع كله هزار زى ما انت قلت .... زعلت ليه بقى ؟
وعموما دى كانت وجهة نظرى وطبيعى يكون فى إختلاف فى وجهات النظر ... المهم إن الإختلاف فى الرأى لا يفسد للود قضيه ...
فإذا سمحت لا تدع الإختلاف يفسد الود ... وما تزعلش إن الفكره عجبتنى وأضحكتنى ... والدليل إنى وضعت ردى وإلا كنت قرأت وغادرت ...
على العموم ... الموضوع مفهوش أى تحدى ... لكسب الآراء ... انت عرضت الموضوع وأنا علقت عليه وبس
شكرا على تعليقك وأتمنى لك التوفيق فى حياتك


لا والله انا ما اتضايقتش ولا حاجة بس اللى استفزنى هههههههههه وههههههههههه وهههههههههه
كتير انت فاهم بس عادى احنا اخوان واخوات كلنا وزى ما حضرتك قلت الاختلاف فى الرأى لا يفسد للود قضية صح ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
shekoooo
05-18-2009, 01:47 PM
أنامش هقول ههههههههههه بس ممكن دى تكون وجهة نظرك وتحترم طبعا بس للاسف مستفذة .ولله انا مش فاهم البنات تعبنكو فأيه هو مش منحقهم الترقى فى المناصب زيهم زيكو ولا أيه.
KAREEM
05-18-2009, 03:14 PM
انا طبعا احترم وجهة نظرك جدا بس متنساش ان دا هذار وروق كدا ياعم
حضرتك ولد ولا بنت شكلك بنت ومتعصبة للاسماعيلى اوى متزعليش منى بهذر معاكى
اكرر احترامى لوجهة نظرك
Horiaa Swedan
05-18-2009, 08:55 PM
تؤ تؤ تؤ

يا جماعه احنا بنرفهه عن نفسنا وبنهزر شويا

قلبتوا الموضوع جد ليه

كلنا اخوات واصحاب وبعدين الاختلاف فى الرأى لا يفسد من الود قضيته

عادى جدا
KAREEM
05-18-2009, 10:09 PM
اتصدقى أنا بقى لى كتير بفكر فى تؤ تؤ تؤ دى ومش عارف اكتبها
شوفى سبحان الله عرفتها منك وبالصدفة هى كدا معظم العلماء
اكتشفوا لحاجت دى بالصدفة البحتة جدا زى نيوتين مثلا احم احم
متشكر لمرورك وحاعتبر مشاركتك تأييد للفكرة او على الاقل كهذار
هههههههههههههههههههههههههههههههههههههههههههههههه
KAREEM
05-20-2009, 07:00 PM
مستنى ياجماعة ارائكم وتعليقاتكوا ومش عايزين الموضوع يقفل على كدا
ممكن يتحول لحلم حقيقى ونقدم طلب لرئيس الجمهورية ولا بلاش عنده حالة وقاة
نوصله لرئيس الحى بس حى ايه اه حى على الصلاة انا رايح اصلى المغرب
سلام مؤقت وزى ما قلت لكوا مستنى رددكم عشان دى شرف لموضوعى وليا


مستنى رأيك يا اسراء ومستنى رأيك يامروى ؟؟؟؟؟؟؟؟
أخصائي مساحه
05-20-2009, 07:18 PM
عاررف رجعتني لسنه تانيه حلم المساحه بس صدقني أن البنات فرصيهم في الشغل هتكووون أكتر من الولاد في المساحه والمساحه مش مواقع وخلالاص بعنب أنا لحل الاعمال المكتبيه أكتر من الموقع لولا أفيد صحيا بدل البهدله وضربت الشمس ثانيا الاجهزه المساحيه مش مختاجه غير سوقين جهاز ( أسف ) بسب التكنولوجيا الجباره الموجوده فيها ممكن تشتغل من غير محد واقف على الجهاز وفيه كتيرر من اللي مش درسين مساحه ومقروش فيها حتى كتاب مساحي بيشتفلو على الاجهزه بأحتراف بس تيجي تقلهم اعملو قطاع تضاريسي لميزانيه ميعرفووش ومن هنا ده اللي يفرق مهندس المساحه الحقيقي هووو اللي فاهم يعني أ خهاز مساحي ختى لو عطل منوو ممكن يشتغل من غيروو و بعرف يشتغل برامج المساحه بأحتراف وكمان لو بصينا للمديات الفلوس يعني الاغمال المكتبيهفلوسها أكترر من شغل الموقع أنت حاول تعمل اللي عليك والباقي على رينا وكمان المراءه نص المجتمع
KAREEM
05-20-2009, 07:34 PM
مشكور جدا لمرورك اخى الكريم
بس انا حاسس ان الموضوع قلب جد كدا
انا كنت حاحطه فى قسم الضحك والفرفشة والله
ههههههههههههههه
انا حاطه هنا عشان عايز اعرف رأى البنات اللى معانا فى القسم
Youssef Mostafa
05-20-2009, 07:52 PM
موضوع حلو ياكيمو بس حقولك كلمتين مفيدين فيه

لما 50 بنت تدخل مساحة و50 ولد

ال50 بنت قول فى منهم 25 بس حيشتغلوا او قول كمان 10 بس والباقى حيعد فى البيت يبقى كدة فى فرص عمل للشباب فى مجال المساحة
لكن لما المساحة تبقى كلها رجالة مش حتلاقى فرص عمل فاضية وطبعا فى الاول وفى الاخر كلها ارزاق بتاعة ربنا
يعنى الموضوع فيه ميزة وعيب بردو
KAREEM
05-20-2009, 08:14 PM
عندك حق طبعا يا يوسف كلها ارزاق يابرنس
بس داهذار والله هذااااااااااااار
شاكر جدا لتعليقك ومرورك الكريم على الموضوع
Youssef Mostafa
05-20-2009, 10:52 PM
منا عارف يانجم ان دة هزار وانت تقدر تقول كدة بجد دى البناتhttp://www.justforfunboard.com/gfx/smileys/aufsmaul.gif انت مش انا ها وانا ااجى اعملك كدة http://www.justforfunboard.com/gfx/smileys/eiaeia.gif
KAREEM
05-20-2009, 11:33 PM
ههههههههههههههههههههههههه
KAREEM
05-20-2009, 11:34 PM
هههههههههههههههههههههههههه
الورده البيضاء
05-21-2009, 12:09 AM
السلام عليكم ورحمة الله وبركاتة
انا حاقولك حاجة واحدة بس ياكريم
خاف على نفسك
الكلام دة ممكن يوديك فى داهية البنات مش حيسيبوك فى حالك
ههههههههههههه
حتتدمر
هههههههه
وبعدين يااستاذ كريم احيانا البنت بتبقى احسن من الولد فى اعمال كتيرة جدا
وبتقدر تنجح فيها اكتر منة كمان
والموضوع دة بالتحديد بتختلف فية الاراء كتير اوى
ولكن احنا ننسى كل حاجة ونفكر ان دينا سمح للمراء حقها فى كدة والدين فوق كل شىء طبعا
وربنا معاك وتخرج من الموضوع دة سليم
هههههههههه
rody
05-21-2009, 08:34 PM
السلامو عليكم ورحم الله وبركاته
علي فكرة دى تعتبر انانيه منكو
عايز تشتغل وتسافر ذاكر وهات تقدير كويس واكيد هتشتغل وتسفر بيه
وياريت مش اى حاجه كده تعلقوها علي البنات
زى ماانت عايز تشتغل هيا كمان عايزة تشتغل
ومدام هي اللى عايزه تشتغل وانسانه محترمه وعارفه هيا بتعمل ايه كويس
هتعرف توفق بين الشغل والبيت
Soma
05-21-2009, 09:23 PM
عندك حق يا رودى وانا معاكى فى الراى ده
نظرتى كل ما احاول اغيرها بيجى حد ويرجعلى نفس النظرية دى
كل مدى بتاكد انهم انانين فعلا
بصراحه موضوع مالوش اى لازمة لانك مهما قولت حنفضل برضه نفكر فى مستقبلنا وبس
حتى لو البنت اتجوزت لازم تبقى حريصه على مستقبلها اكتر من اى حاجة تانية عشان مفيش حد يستاهل
ان البنت تضحى بمستقبلها عشانه والوقت اللى عيشينه دلوقتى ده محدش يضمن حد
وكمان دى ارزاق وطالما انت حريص اوى كده على مستقبلك حاول تبقى احسن مش عايز تقعد البنات فى البيت دى انانية فعلا
انا مكنتش ناوية ارد بس انا مش بعرف اسكت لازم اقول اللى بحس بيه
KAREEM
05-21-2009, 09:56 PM
مشكور جدا لردكما بس الموضوع فعلا مش مستاهل كل دا زى ما حضرتك بتقولى ياست سوما
ولازم نعدى يعنى احنا بنهذز مع بعض عادى يعنى
اكرر شكرى ليكى على مشاركتك يارودى وشكرا لمشاركتك ياسوما
Mimi
05-21-2009, 10:21 PM
انا مش عارفه ليه ياكريم لاحظت في الردود والتعليقات اللي جت انك لما بتلاقي رد ضدك تقول ياجماعة دا هزار كلو هزار

ولما ييجي رد في صفك تقول شوفتم الرد العاقل المقنع .. يعني مش عارفه انت بعد تعليقي دا بردو والله الموضوع هزار يعني مش عارفه الناس تعلق بايه بالضبط ؟؟؟؟

مش انت طالب آراء ؟ ولا كل ما نكتب رأي لازم نضحك ونعمل ايموشنز عشان تقتنع اننا بردو مش متعصبين ولا مكشرين

عمومآ بالنسبة للموضوع أنا مش في تخصصكم بس بأيد اختيارات أي بنت لأي تخصص تحب تدرسه ولها كامل الحرية في كدا

واذا انت بتعقب فشل الشباب على البنات ..شدو حيلكو في المذاكرة شوية يعني اذا مشديتوش حيلكو في المذاكرة هتشتغلو ازاي بعد كدا ؟

وشكرآ ..
Marwa Mahmoud
05-21-2009, 10:30 PM
موضوع غريب شويه كل واحد بياخد نصيبة

وكل واحد بيحدد طريقة والمجال اللى هو عاوزة

لو جينا نتكلم على الشغل وفرص العمل زى مبتقول يبقى

كدة مش هنلاقى لا مدرسة ولا دكتورة ولا مهندسة ولا اى حد

مهو احنا بقى هنوفرهلكوا لا طبعا مفروض البنت تحقق نفسها فى المجال اللى هيا بتحبة

مهما كان صعب او غيره وبعد كدة اللى يحصل يحصل تتجوز بقى الشباب ميلقوش شغل مش مشكلتنا

وعلى العموم كل واحد بياخد نصيبة فى الاول والاخر سورى لو كان كلامى قاسى شويه
KAREEM
05-21-2009, 10:32 PM
لا دا انا بهذر والله بهذر
هههههههههههههههه
متشكر جدا لتعليقك انك عندك حق طبعا
بس انا فعلا مش عايز الموضوع يزعل حد
بس لو جينا للجد انا بضايق للبنت الدكرورة
فاهمة الكلام دا ممكن يزعل ناس منى كتير
بس هو فى بنت كدا مفكرة نفسها دكر وعمالة عايزة
تخش فى اى مجال مش بتاعها واصلا بتاع الرجالة
وبعدين الموضع برضو لسه هذار وفرفشة
وقلت انى كنت حاحطه فى قسم الضحك والفرفشة والله
ههههههههههههههههههه
بكرر شكرى لردك الجميل والله
واضح انك شخصية عاقلة ودخلتى انجليزى
جدعة اهو الانجليزى دا لايق عالبنات هو والفرنساوى
لغات راقية
تاخدى كام عيل كدا فى اى شقة وتخديلك على كل عيل
40 جنيه واضربى فى 10 عيال يبقى 100 100
ولا ايه ؟؟؟؟؟؟؟؟؟؟؟؟؟؟؟؟؟؟
KAREEM
05-21-2009, 10:34 PM
بالعكس مش قاسى ولا حاجة يامرمر بس بصى ع الرد اللى فوقيه وانتى تعرفى
Mimi
05-21-2009, 10:38 PM
لوووووووووووول

انت بردو عايزنا نبقى كلنا مدرسين

عمومآ انا بدرس هندسة معمارية

بس بحترم كل بنت تحدت نفسها ودخلت اي مجال هيا بتحبه بعيدآ عن هو لمين أصلا مفيش حاجة بتاعت حد

وهو دا أسلوب حياة الدول المتحضرة في نجاح المجتمع وليس نصف المجتمع فقط

وبرجع اتأسف عن أي كلام قلته دايقك
KAREEM
05-21-2009, 10:41 PM
لا والله مفيش حاجة بس صورة مين دى اللى فى التعليق حاسس انه




ولا بلاش






قولى انتى؟؟؟؟؟؟؟؟؟؟؟؟؟؟؟؟؟؟
Soma
05-21-2009, 10:41 PM
وايه البنت اللى فاكرة نفسها دكر دى ده مش اسلوب كلام شخص معتبر الموضوع هزار ومش كلام يتقال اصلا
وكمان دى حرية شخصية مش من حقك تقول المفروض ندخل ايه ومش المفروض ندخل ايه
KAREEM
05-21-2009, 10:44 PM
انا اسف جدا مكنش قصدى ومكنش المفروض فعلا اقول كدا
بكرر اسفى مرة تانية ليكى ولأى حد الكلمة ضايقته
اخر مرة احط مواضيع من النوع دا
انا حاعيط
والله بهذر ياجماعة
والله بهذر
والله بهذر
طب والله بهذر
اقسم برب العزة
وعزة جلالة الله
والله العظيم 3
حرمت حررررمت
انا اللى جيبته دا كله لنفسى !!!!!!!!
Marwa Mahmoud
05-21-2009, 10:53 PM
ههههههههههههههههههههههههههههههه

خلاص والله مسدأينك عفا الله عما سلف

وعلى العموم انا معايا مناديل

هههههههههههههههههههههه
KAREEM
05-21-2009, 10:55 PM
ههههههههههههههههههههههههههههههه
KAREEM
05-21-2009, 10:57 PM
دا انا ناسى انك مشرفة القسم العام واجمدة هنا فى المنتدى يعنى ممكن تقلشينى فى أى لحظة الواحد يتعدل أحسن ويلم نفسه بالذوق كدا بدل ميلاقى نفسه مرمى بره المنتدى ويبقى فرجة ولا ايه ؟؟؟؟؟؟؟؟؟؟؟؟؟ هههههههههههههههههههههه
KAREEM
05-21-2009, 10:59 PM
على فكرة مرمر انا بقعد على المنتدى كتير وعايز ابقى مشرف ممكن اعمل ايه ساعدينى ؟؟؟؟؟؟
Marwa Mahmoud
05-21-2009, 10:59 PM
ههههههههههههههههههههههه

ايه يا عم انا لا بقلش ولا حاجة انا زي زيك والله

احنا كلنا اخوات هنا ومحدش بزعل من حد

وانت منورنا
Marwa Mahmoud
05-21-2009, 11:01 PM
على فكرة مرمر انا بقعد على المنتدى كتير وعايز ابقى مشرف ممكن اعمل ايه ساعدينى ؟؟؟؟؟؟


كل الى تعملة انك متعملش موضوع زى دة تانى

ههههههههههههههههههههههههههههه

:d:d:d
KAREEM
05-21-2009, 11:02 PM
لا بجد والله
KAREEM
05-21-2009, 11:04 PM
سوما انتى لسه زعلانة خلاص بقى
انا عارف انك بتتفرجى ع الموضوع دلوقتى
ومستنية سيرتك تيجى
ههههههههه
طبعا مقدرش اكن لكى الا كل الاحترامو التقدير
واكرر اعتذار عن كلمة دكرور
ودكرور دا اقليم يقع فى السودان جنب العراق كدا
عند محطة البنزين
Soma
05-21-2009, 11:12 PM
مستنية سيرتى لا طبعا ولا فى دماغى اصلا
الصفحة مفتوحة وبشوف حاجات تانية على النت اللى خلانى اخد بالى من ردك ده
الرسالة اللى بتجيلى على الميل غير كده ماكنتش حاخد بالى اصلا
وياريت تاخد بالك من كلامك بعد كده
وعموما خلاص مفيش حاجة
rody
05-21-2009, 11:19 PM
ياريت يا جماعه ما نقفش لبعض علي الوحده
واديكو شوفتو اللى بيجى علينا بنعمل فيه ايه
يلا كفايه عليك كده النهارده يا كريم
وعفى الله عما سلف
Mohamed Hashem
05-22-2009, 01:20 AM
هههههههههههههههههههههههههههههههههههه
اعذرونى يا جماعه عاوز اضحك بنفس بقى لحسن كيمو زعل منى لما ضحكت واتريق عليا عشان انا راجل عجوز وقال لى انت بتنهج ولا ايه
شفت يا كيمو ... مش قلت لك من الاول ... أدى رد البنات العاقلة ... الانصاف يا عزيزى ... الانصاف اللى ربنا خلق الكون عليه .. راجل وست
وبالنسبه للبنات ... اولا مفيش زعل كلنا بنهزر - صح يا كيمو ؟؟ :rolleyes:- ثانيا أنا أول واحد رديت عليه - من معسكر الرجال - وأظن دا يرضيكو لو واحده اخدت الموضوع جد
وتحياتى لميمى على قوة ملاحظتك وسرعة البديهه ... وتحياتى لمرمر ... ديبلوماسية لأقص حد
كريم .. اوعى تزعل .. انت قايل ان الموضوع هزار 2435 مرة فى الموضوع هنا :D
alaa eid
05-22-2009, 09:00 AM
اولا يا كيمو الموضوع بصراحة هيضايق كل بنت في قسم مساحة وانا اصلا مشفي جغرافيا خااااااالص لان في تاريخ بس مع البنات اللي في الجغرافيا بس كل واحدة بتحب قسم هاتنجز فيه اكتر مهما كان القسم وعلي فكرة البنات في كل حاجة سوري متفوقين علي الولاد والعيب مش فينا العيب فيكوا انتوا لانكوا دايما بتاخدوا الدراسة تسليه مش زينا لو لحظت علي مدار السنين كلها هتلاقي البنات والحمد لله متفوقين وفموضوع القسم كل واحد مكتوب ليه هايدخل ايه ومش هايدخل
وشكرا يا باشا علي الموضوع
الورده البيضاء
05-22-2009, 10:15 AM
على فكرة بقى ياكريم انت بتقول ان فى بنات مش بيهما تشتغل فى اى مجال حتى ولو بتاع رجالة وعاملة نفسها دكر وكدة
احب اقولك ان فى بنات كتير اوى بتلاقيها ارجل من اى راجل فى المععاملة وقوة التحمل والمسئولية وفى رجالة كتير فافى متقدرش عالشغل دة وبنات جدعة تقدر علية
فمش كل البنات يعنى زى مانت متصور الرقة والرومانسية وخلاص
لا فى بنات جدعة كتير
وفى ولاد بتوع مامى وبابى كتير اوى برضو
والبنت تقدر تشتغل فى اى مجال فعلا
مش كلام وبس
ووانا باذن الله حاشتغل فى المساحة
سواء لو ربنا كرمنى بشعبة مساحة
او دخلت شععبة عامة وبرضو حاخد دورة تدريبية فى المساحة وحاشتغل بيها باذن الله
وميرسى اوى عالموضوع
Marwa Mahmoud
05-22-2009, 12:10 PM
هههههههههههههههههههههه

صعبان عليا بس انت اللى جبت دة كله لنفسك

يلا استحمل بقى
rody
05-22-2009, 12:56 PM
السلامو عليكم ورحمه الله وبركاته
ماتزعلش يا كريم احنا كنا بنهزر معاك
وما تخليش حد يوقع بنا
وفي الاول والاخر لا البنات تقدر تعيش من غير لولاد
ولا لولاد تقدر تعيش من غير لبنات
وميرسى اوى علي الموضوع الجميل ده
KAREEM
05-22-2009, 01:43 PM
مشكور ليكو جدا ياجماعة جدا على رددكوا وعلى اهتمامكوا بالموضوع
وانا عن نفسى اقتنعت بكلامكوا جدا وكل شىء قسمة ونصيب ومقدر
ومكنش المفروض اعمل الموضوع عالوحش دا !!!!!!!!!!!!!!!!!!!!!!!!!
وحاعمل موضوع جديد بعنوان :
المساحة للبنات فقط ومحدش يزعل منى من االصبيان
ههههههههههههههههههه
حلو كدا ؟؟؟؟؟؟؟
من الاول كدا للرجالة انابهذر عشان مصلحش من ناحية
الاقى الناحية التانية باظت ههههههههههههه
مشكورجدا ياهاشم على ردك ياابو الشباب طبعا وضحكتك كلها حيوية
شكرا لرودى ولولو وامل وطبعا مرمر دى مشرفة هههه
Mohamed Hashem
05-22-2009, 01:56 PM
لا لا يا كريم موضوعك مش وحش ولاحاجه .....
بالعكس موضوعك زيك كان خفيف الدم وكلنا بنهزر وضحكنا من القلب
KAREEM
05-22-2009, 03:10 PM
مجرد وجودك فى الموضوع دا شرف ليا ودليل انى بعرف اكتب حاجة تلفت انتباه حضرتك
الا صحيح هو اللى شغالين معاك فى المساحة نسبة الولاد كام والبنات كام عايو اعرف بس
KAREEM
05-22-2009, 05:04 PM
اتصلى بيا وقوليلى خش ذاكر بقى عافك حتعملى كدا
alaa eid
05-22-2009, 05:11 PM
المووضوع مش وحش ولا حاجة علي فكرة عجبني انه فتح مجال للحوار وكل واحد قال رأيه وياريت ما تضايقش من ردي
ميرسي يا كريم
KAREEM
05-22-2009, 05:22 PM
لا والله متضايقتش ولا حاجة عادى خالص
بس انا اتحط عليا حطة سودة بس مندمتش
ع الموضوع لانه فعلا فتح حوار كبير وجميل
وسمعت كلام كدا ممكن يودينى فى داهية
وممكن يكون اشاعة بس حاقوله وأمرى الى الله
وربنا يستر علينا الليلادى
سمعت ان الدكاترة حياخدوا 10 % بس بنات
والباقى ولاد فى المساحة ووالله مش انا
مش انا اللى قايل الكلام دا ومش موافق عليه طبعا يعنى لو
يعنى ممكن يخيلهم مثلا 20 %
ايه
مش حلوين
طب 35 %
50 %
100 %
حلو كدا ههههههههه
انا خايف ياماما الحقينى
ههههههههههههههه
مستنى تكديب للخبر دا لانه فعلا ميصحش
ومش عدل خالص طبعا
لان البنات بيذاكروا عن الولاد ودايما تلاقيهم
قاعدين أودام اول 3 صفوف دول بتوعهم
ويا ويله اللى يقرب من الصفوف دى
ههههههههههههههه
alaa eid
05-22-2009, 05:24 PM
لا والله متضايقتش ولا حاجة عادى خالص
بس انا اتحط عليا حطة سودة بس مندمتش
ع الموضوع لانه فعلا فتح حوار كبير وجميل
وسمعت كلام كدا ممكن يودينى فى داهية
وممكن يكون اشاعة بس حاقوله وأمرى الى الله
وربنا يستر علينا الليلادى
سمعت ان الدكاترة حياخدوا 10 % بس بنات
والباقى ولاد فى المساحة ووالله مش انا
مش انا اللى قايل الكلام دا ومش موافق عليه طبعا يعنى لو
يعنى ممكن يخيلهم مثلا 20 %
ايه
مش حلوين
طب 35 %
50 %
100 %
حلو كدا ههههههههه
انا خايف ياماما الحقينى
ههههههههههههههه
مستنى تكديب للخبر دا لانه فعلا ميصحش
ومش عدل خالص طبعا
لان البنات بيذاكروا عن الولاد ودايما تلاقيهم
قاعدين أودام اول 3 صفوف دول بتوعهم
ويا ويله اللى يقرب من الصفوف دى
ههههههههههههههه



















هههههههههههههههههههههههههههههههههههههههههههههههههه ه
ربنا يسترها عليك يا كريم
Mohamed Hashem
05-23-2009, 01:18 AM
مجرد وجودك فى الموضوع دا شرف ليا ودليل انى بعرف اكتب حاجة تلفت انتباه حضرتك
الا صحيح هو اللى شغالين معاك فى المساحة نسبة الولاد كام والبنات كام عايو اعرف بس

ميرسى كتييييييييييييييير ليك
انا فعلا بقيت احب اعاكسك واجرى وراك فى كل مواضيعك انت فعلا دمك شربات
وبعدين ليه بقى السؤال المحرج ده .. مش قفلنا الموضوع حتزعل البنات تانى كده
أنا يا سيدى تقدر تقول رئيس مجموعة : معايا مهندس الكترونيات للصيانة و اتنين مهندسين مدنى وواحد مساحة شبرا و6 مساحة آداب وكلهم رجاله معندناش بنات خالص نظرا لطبيعة العمل فى البحر طبعا
الورده البيضاء
05-23-2009, 01:28 AM
لا والله متضايقتش ولا حاجة عادى خالص
بس انا اتحط عليا حطة سودة بس مندمتش
ع الموضوع لانه فعلا فتح حوار كبير وجميل
وسمعت كلام كدا ممكن يودينى فى داهية
وممكن يكون اشاعة بس حاقوله وأمرى الى الله
وربنا يستر علينا الليلادى
سمعت ان الدكاترة حياخدوا 10 % بس بنات
والباقى ولاد فى المساحة ووالله مش انا
مش انا اللى قايل الكلام دا ومش موافق عليه طبعا يعنى لو
يعنى ممكن يخيلهم مثلا 20 %
ايه
مش حلوين
طب 35 %
50 %
100 %
حلو كدا ههههههههه
انا خايف ياماما الحقينى
ههههههههههههههه
مستنى تكديب للخبر دا لانه فعلا ميصحش
ومش عدل خالص طبعا
لان البنات بيذاكروا عن الولاد ودايما تلاقيهم
قاعدين أودام اول 3 صفوف دول بتوعهم
ويا ويله اللى يقرب من الصفوف دى
ههههههههههههههه

لا طبعا استحالة دة يبقى حقيقة اكيد اشاعة
يعنى اية 10%بس بنات
ازاااااااااااااااى
لاطبعا اية دة دول يبقو بيهزرو لو عملوها كدة
ياترى مين اللى قالك كدة عشان تترحم علية بكرة؟
KAREEM
05-23-2009, 01:33 AM
ههههههههههههههههههه
والله هو واحد عضو فى المنتدى معانا
بس مقدرش اقول اسمه لانه هو نفسه
مرضاش يخش يقول الكلام دا فى الموضوع
قال لى قوله انت وهو مش واثق فى
وانا عن نفسى مش راضى عنه وحاسس انه ظلم
KAREEM
05-23-2009, 01:43 AM
بينى وبينك خايف
بس مش على نفسى
على العيال حيعملوا ايه من بعدى
ههههههههههههه
العيال صحابى يعنى :rolleyes:
rody
05-23-2009, 06:40 PM
العيااااااااال
طب مش تقول كنا نيجى نبارك
يلا ربنا يخلهملك
يتربو ف عزك
برجل
05-26-2009, 10:51 PM
انتا عندك حق البنات يعقدوا فى البيت ويدونا فرصة نشتغل بقى حرام ياعالم
olivia nader
05-28-2009, 01:22 AM
المفروض يا كريم الموضوع ده يتحط في القسم العام
مش هنا لو انت فعلا بتاخد الاراء العامه بتاعه كله
لكن لو قصدك دفعتنا بس معتقدش اني اايدك
لان ليه يعني انت بتضرب عصفورين فعلا
بس الاتنين للولاد
و في بنات كتير بتنجح اكتر من الولاد
و بتهيالي يعني مش كل البنات حيموتوا كده علي الجواز
:D:D:D:D:D
و مش كلهم حيعنسوا برضه
لازم كل شخص ياخد فرصته
اومال كنا بنتعلم ليه
عشان نجوز و نعد في البيت
ههههههههه
hoda oshy
06-01-2009, 03:31 PM
السلام عليكم جميعا
انا الي عايزة اقوله في الموضوع ده انك يا كريم بكل بساطة عايز كب حاجة تبقي على نظام سي السيد واحنا ليه بناخد من الغرب الحاجات الوحشة وبنفرح بيها والحاجات اللي فيها مصلحتنا ندخل الدين ونقول لا ده حرام مع اننا لما بتوصلنا حاجة حرام نقول لا هو ده التقدم و هو ده الموضه يعني انت دلوقتي بتقول بلاش البنات تدخل مساحة عشان البهدلة لعلمك الخاص ان البنات اكثر تحمل عن الولاد في كل حاجة و في امثلة كتير من ايام الرسول وكده و عايزاك تفتكر الصفا والمروة ده كان سببه ايه انا معاك ان البنات بتغلبهم صفة العاطفة في معظم مواقفهم للن البنات تستحق اي مركز في اي حتة ادام هي متفوقة فيه وكمان عايزة اقولك المراة الجاهلة حتعرف ازاي تتطورات الجيل عاملة ازاي و هى في البيت مش معنى كلامي ان كل ست لازم تشتغل لا على حسب المقدره و بعدان انا عايزة اقولك حاجة انت لو تستحق انك تدخل مساحة اكيييييييييييييييييييييييييد ربنا عارف و حتدخل ولو البنات مدخلتش مساحة معنى كلامك ان كل الولاد شاطرين و بيعرفوا قيمة اللي حيدخلوا وحيحصل فوضى و اللي يستحق واللي ميستحقش حيدخل مع ان في بنات كتير احسن منهم في الدرجة العلمية بس هو ده تعليقي شكرا
Marwa Mahmoud
06-02-2009, 08:54 PM
الله ينور ر بنا معاك يا كريم

ههههههههههههههههههههههههه
sandra_sa
06-14-2009, 02:03 PM
اساسا ما ينفعش حد يتنازل لحد هو اساسا مش بمزاك اى واحدة انها تتنازل للى هى عايزة دة بيبقى حسب التقديرات
Hassnaa Mohamed
06-17-2009, 02:04 AM
اول مره احس اننا محتاجين لقاسم امين

من الاخر مفيش مجال لولد و مجال لبنت في سوق عمل محتاج الخبره والقدره علي اخراج العمل في افضل صوره وفي اقل وقت بس
sweet girl
06-17-2009, 03:03 AM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ايه يا جماعه مالكو فى ايه بصراحه انا لسه شايفه الموضوع دلوقت وبصراحه برضه شايفه ان الموضوع قلب جد

خاااااااااااالص على الرغم من ان كريم قال انه بيهزر !! انا لما شوفت الموضوع والتعليقات كنت هقلب الموضوع

ومش هرد اصلا لانى بصراحه اول مره اشوف طريقه الكلام اللى فيها الزعل ديه ؟؟؟ طب ليه الزعل انا حابه انى

اعلق على الموضوع والاراء كمااان فى الاول انا اساسا ولا فى تربيه ولا اداب ولا ليا علاقه بالمساحه اصلا طبعا يا

بنات انا معاكو فى رايكم وهو ان البنت فى ساعات كتير بتبقى احسن من الولد وديه حاجه متزعلش الولاد لان

المساله قدرات وعقليات وان البنت طبعا من حقها تشتغل فى اى مجال هى حباه او متميزه فيه والا مكناش نتعلم

من الاول وان احنا من حقنا نحقق نفسنا فى اى مجال واى مكان طالما احنا قادرين على كده .. اما بالنسبه لكريم

فالفكره طرات على مخه وقالها وده حقه طبعا واللى عجبنى انه قالها ومترددش مع انه عارف ان الفكره هتلاقى

رفض كتير فمفيش داعى لزعل اى حد من الاعضاء خاااااااالص لان احنا كلنا اخوات وده اللى اتعودنا عليه فى كل

المواضيع كريم عرض وجهه نظره وده حقه وكل واحد فينا من حقه انه يقول رايه ويعلق سواء كان مع او ضد وما

تنسوش يا احلى شباب وصبايا ( ان اختلاف الراى لا يفسد للود قضيه ) ولا ايه يا جماعه ؟؟ وبعدين متنسوش ان

انتو فى قسم الضحك والفرفشه يلا بقى عايزاكم كلكم تضحكو زى ما اتعودت عليكم وعلى روحكم الجميله

ومعلش انى طولت عليكو اوى بس كنت حابه انى اعلق
olivia nader
06-17-2009, 03:58 AM
اولا طبعا مفيش زعل ولا حاجه
الموضوع كان كله هزار × هزار و احنا استمرينا معاه في الهزار ده
و ده لاني شخصيا مقتنعه
ان مش فارقه بنت ولا ولد اهم حاجه
اللي يقدر يحقق ذاته و يثبت نفسه في المجتمع
(بعيدا عن الوسايط ;) ;))
بس كل شخص بمجهوده يقدر يثبت نفسه
و ثانيا انحنا مش في قسم الضحك و الفرفشه
و دي الحاجه الوحيده الل عيبتها علي كريم
الموضوع المفروض عشان يكون عام ميبقاش هنا
:D:D:D:D:D
sweet girl
06-17-2009, 11:30 AM
ههههههههههههههه

سورى يا اوليفيا اختلط عليا الامر وافتكرت اننا فى قسم الضحك


شكرا طبعا على ردك يا قمر وده طبعا اللى بنتمناه


ومرسى على الابتسامات الجميله اللى فى الاخر ديه
TE7A
06-19-2009, 10:43 PM
بما ان احنا خلصنا وفاضل كامشهرعلي النتيجة وكامسنة علي التخرج تفتكرو البنات حتصد في المساحة يا شباب بعد تجربتنا مع ا/محمد سعد ولو كملو حيبقي شكلهم عامل ازاي؟؟!:rolleyes:
smart_player
06-20-2009, 12:05 AM
انا معاك يا كريم ان الشغل ده صعب جدا علي البنات

بس بلنسبه لحكايه الجواز كده هيكون جواز مصلحه

انا بقول ان ممكن ناخد نسبه بنات اقل من الولاد وبكده

ندي فرصه للولاد ومن الاخر احنا ليه مانزاكرش ونجيب تقديرات اعلي من البنات

ومنحتجش للتنازل ولا اي حاجه صح ولا ايه
KAREEM
06-20-2009, 11:39 PM
الحقيقة أنا بجد بشكر كل اللى ساهموا فى الموضوع دا
سواء بالنقد أو الموافقة أو الهذار ود اللى كان المفروض
أنا عرضت وجهة نظرى والله بهذار
ممكن فى ناس دخلت مخدتهاش بهذار
أو ممكن أنا أكون عرضتها غلط
مش مشكلة
اللى أنا فرحان بيه النقاش الجميل اللى دار طول الموضوع
لغاية ما وصلنا لنتيجة كويسة
وأنا عن نفسى أقتنعت بكلام ناس كتير شاركت فى الموضوع
رغم إنى والله كنت بهذر لان على رأى سمارت بلاير دا يبقى جواز مصلحة
والحتة دى بقى هى اللى تبين ان دا هذار
وفعلا كل حاجة قسمة ونصيب سواء شغل أو جواز أو غيره ......
بس بجد أرجو من اللى يقرأ هذا الموضوع انه يقرأه لآخره ويعرف النقاش لآخرة
وبجد بشكر كل من شارك فى هذا( النقاش ) الجميل الحقيقة اللى نا عن نفسى استفدت منه
وبتأسف على التأخير فى الرد على المشاركات الأخيرة
وشكرا جزيلا لكم جميعا
moskla1100
07-23-2009, 04:33 PM
لو انت نزلت مواقع هتلاقى مفيش بنات بشتغل فى الموقع تحت كل البنات فى المكاتب الفنية و كده و ده عن تجربة انا فى مدينتى و شايف
kiky younes
07-23-2009, 08:12 PM
واضح من كلامك انك لسة فى تانية وعاوز تدخل مساحة
بس مفيش فرق بين ولد وبنت انا داخلة رابعة مساحة انشاء الله ونزلت تدريب ونزلت مواقع والعمل جميل جدا وفرصة البنات فى الشغل فى المكاتب كتيرةوياترى كلامك دة يطبق على هندسة قسم مدنى ولا لا على جغرافيا س علشان الولاد تدخل مساحة مع العلم ان فى ولاد مش بتحب مواد المساحة ازاى تدخل وتتخصص فى المساحة مقابل بنت بتحب المواد ومتفوقة فيها تدخل شعبة عامةوحكاية انا كل ولد يتفق مع بنت علشان و يدخل مساحة تجربة خسرانة بالتاكيد علشان الولاد مش هايصدقوا اول ما يشتغلوا وعلى فكرة اى ولد دخل شعبة عامة قدامة فرص كتيرة ليتعلم مساحة
1_ياخد سنتين بعد ما يخلص
2_ كورسات
والمساحة فى المواقع بتتعلم بالتدريب والممارسة واللى عاوز حاجة هايجلعها هدف فى حياتة وهايوصلها
TE7A
07-23-2009, 09:39 PM
ايه يا كريم هدي اعصابك....بس بصراحه شكلك وحش اوي..... احنا بنحب نهدي النفوس


هههههههههه
el_nesr
09-30-2009, 02:13 PM
الاختلاف فى الراى لايفسد للود قضيه
على فكره فى مهندسين بنات على كافئه عاليه من الخبره والتميز فى هذا المجال عن بعض الرجاله
موضوعك يا كيمو موضوعى جداً................
shekoooo
09-30-2009, 09:00 PM
لاالموضوع مش جد ولا حاجة احنا فعلا كلنا اخوات ز
dolly
10-18-2009, 10:15 PM
الصراحة انا مش شايفة فرق بين بنت وولد فى فرق بين حد بيشتغل حلو وحد لاء وبعدين زى ما انتم عايزين تخدوا فرصتكم احنا كمان من حقنا ناخد فرصتنا ولا ايييييييييييييييييييييييييييه؟؟؟
سلمى عمر
10-31-2009, 04:51 PM
فكره رائعه لكن للبنات اللى ممكن تتنازل علشان حاجه تافه زى الجواز
يعنى ايه نضحى بمستقبلنا علشانكم وعلشان الجواز يعنى اللى اتجوزوا خدوا ايه
انا من رايى ان مافيش افضل من التفكير فى المستقبل
ومعتقدش ان حد دخل جغرافيا علشان يكون شعبه عامه
dolly
10-31-2009, 08:12 PM
برافو عليكى يا سلمر رايك عجبنى جدا تصفيق حاااااااااااااد
salma elsayed
12-23-2009, 09:34 PM
على فكره انت كلامك صح الست ملهاش الا بيتها
بس مثلا انا واحده من الناس عايزة ادخل مساحه علشان بس لقب مهندسه
يعنى انا كده كده مش عايزة اشتغل
ساره احمد عبد الفتاح
02-04-2010, 08:38 PM
خلينى معاك للاخر........

يعنى انا دلوقتى حتفق مع واحد واستناه

طب نفترض انه عجبته واحده تانيه وحب يتجوزها ساعتها اعمل ايه؟؟

وبعدين افرض ان هو نفسه مدخلش مساحه ابقى ضسعت فرصتى على الفاضى؟؟؟

ومعنى كلامك انى اضيع فرصه وفرحه اهلى بيا بعد ما وعتهم انى حعوض حلم الهندسه.....

انا من اشد المعارضين للفكره دى

وبعدين طالما انته شايف ان الشعبه العامه مريحه اوى كده ادخلها
روشه هانم
02-22-2010, 04:27 PM
بصوا يا جماعه انا اصلا مش اداب انا تربيه بس جغرافيا
هو طبعا يعنى الولد لو دخل مساحه لازم يكون بمجهوده مش علشان البنت سابت له مكان فى المساحه يعنى لازه يجتهد
وكلها فى الاخر بترجع للنصيب اللى نصيبه فيه هيدخله سواؤ مساحه او شعبه عامة
شكرا يا كريم على الموضوع
Zooma
02-22-2010, 04:53 PM
ع فكرة يا كريم انا عارف انو هزار
بس ممكن نطلع من الهزار بكلام حلو برضه
مش شرط ع فكرة ان الولد لما يدخل مساحه يبقى
لازم يشتغل فيها ع فكرة ف ناس كتييييييييييييييييير دخلوا مساحه
كاسم مش كشعبه هو حببها وف الواقع تلاقى ان معظم ايلى شغال مساحه
متخرجين من شعبه جى اى اس فمش شرط انه يدخل مساحه

المهم ف الشغل وف العمل ع ارض الواقع واعرف ان انت طالما حابب مجال وحابب
دراسته هتعمل اى حاجه عشان تشتغل فيه وهتتفوق فيه وهيكون هو ده الفرق
بينك وبين الخريج من الشعبه نفسها هو داخلها واشتغل فيها بهدف اللقب والماده
وانت اشتغلت فيها بهدف الاول حبك ليها واكيد برضه الماده بس بتشتغل بحب
ع سبيل المثال كام واحد بيطلع من كليه العلوم اول دفعته كل سنه امتيازات وتقديرات
كتييييييييييير ومتعدش بس مين ايلى اخد نوبل احمد زويل ليه لانه بيحب ايلى بيدرسه

معلش لو كنت طولت عليكم
samomran
02-22-2010, 05:13 PM
بس يا سيدى

انا طبعا مش حزود كلام على اللى قاله حازم لانه قال صح

لكن انا حقولك حاجه

انا نظم معلومات و اشتغلت فى مساحه فى اكتر من موقع

و الله و الله يا بنى 90 فى المائه من اللى فى الموقع شعبه جى اى اس

بص انا حقولك على حاجه 99 فى المائه من اللى فى الشعبه دخلها عشان الاسم او المنظره تعالى نتكلم على الواقع

شعورك انك ما دخلتش الشعبه و عايز تثبت انك ما دخلتهاش ممكن نقول ظلم او نصيب

ده اللى حيخليك تتفنن فى العمل فيها و تتميز

صدقنى دلوقتى و الله و الله ما فى فرق فى العمل المهم انك تكون تعرف تشتغل و واد حلو كده و معلم فى الشغلانه دى

غير كده انسى ان فى صاحب مكتب او شركه تاخدك

و بعدين انت لو حابب تشتغل فى مجال متميز يبقى تسمع منى ان الجى اى اس هو المستقبل اللى جاى و بكره الكل يعرف الكلام ده
MUHAMED SAMY
02-22-2010, 06:44 PM
ممكن اعرف هو مين دلوقتى الاحسن نظم ولا مساحة..
KAREEM
02-24-2010, 02:42 AM
شكرا لكل اللى شاركوا فى الموضوع
سواء خدوه جد او هذار
وأحب أعلق على رد
اخوانى الكبار
حازم زوما واسلام عمران




ع فكرة يا كريم انا عارف انو هزار
بس ممكن نطلع من الهزار بكلام حلو برضه
مش شرط ع فكرة ان الولد لما يدخل مساحه يبقى
لازم يشتغل فيها ع فكرة ف ناس كتييييييييييييييييير دخلوا مساحه
كاسم مش كشعبه هو حببها وف الواقع تلاقى ان معظم ايلى شغال مساحه
متخرجين من شعبه جى اى اس فمش شرط انه يدخل مساحه

المهم ف الشغل وف العمل ع ارض الواقع واعرف ان انت طالما حابب مجال وحابب
دراسته هتعمل اى حاجه عشان تشتغل فيه وهتتفوق فيه وهيكون هو ده الفرق
بينك وبين الخريج من الشعبه نفسها هو داخلها واشتغل فيها بهدف اللقب والماده
وانت اشتغلت فيها بهدف الاول حبك ليها واكيد برضه الماده بس بتشتغل بحب
ع سبيل المثال كام واحد بيطلع من كليه العلوم اول دفعته كل سنه امتيازات وتقديرات
كتييييييييييير ومتعدش بس مين ايلى اخد نوبل احمد زويل ليه لانه بيحب ايلى بيدرسه

معلش لو كنت طولت عليكم

مطولتش ولا حاجة ياحازم
ونظرية برضو
وانا لما دخلت شعبة عامة
فعلا حبيتها وبقيت
أحب اللى ربنا كاتبهولى
وتسلم يا حازم يا نصايحك الغالية




بس يا سيدى


انا طبعا مش حزود كلام على اللى قاله حازم لانه قال صح

لكن انا حقولك حاجه

انا نظم معلومات و اشتغلت فى مساحه فى اكتر من موقع

و الله و الله يا بنى 90 فى المائه من اللى فى الموقع شعبه جى اى اس

بص انا حقولك على حاجه 99 فى المائه من اللى فى الشعبه دخلها عشان الاسم او المنظره تعالى نتكلم على الواقع

شعورك انك ما دخلتش الشعبه و عايز تثبت انك ما دخلتهاش ممكن نقول ظلم او نصيب

ده اللى حيخليك تتفنن فى العمل فيها و تتميز

صدقنى دلوقتى و الله و الله ما فى فرق فى العمل المهم انك تكون تعرف تشتغل و واد حلو كده و معلم فى الشغلانه دى

غير كده انسى ان فى صاحب مكتب او شركه تاخدك

و بعدين انت لو حابب تشتغل فى مجال متميز يبقى تسمع منى ان الجى اى اس هو المستقبل اللى جاى و بكره الكل يعرف الكلام ده

والله عندك حق اخويا اسلام
ومعندكش فكرة انت من اكتر
الناس اللى حببتنى فى
الجى اى اس من غير
ما تاخد بالك خالص

وفعلا دا اللى انا بعمله دلوقتى
وهركز على الكورسات فى
البرامج دى الفترة اللى جاية


ومتأكد من كلامكوا
ان على أد اجتهادى
ربنا هيكرمنى
ان شاء الله

ربنا يخليكو ليا ولينا كلنا
على نصايحكو الغالية دى
دندونه
02-24-2010, 12:04 PM
شكرا لفكرتك يا كريمبس كده هيبقى فى ظلم للبنات واكيد فى بنات مش هتوافق طبعا لانهم نفسوا يدخلوا مساحه زى غيرهم واكيد فى بنات هتجيب تقديرات عاليه بعد تعبهم ده ميدخلوش يبقى كده حرام وممكن ناس تقتنع بكلامك ده بس متهيالى هيبقى عدد صغير لان شعبه مساحه للبنات والولاد
mohamed ali
02-25-2010, 02:39 PM
كيمووووو موضوع جااامد
يعم انا اعد فى المحاضره بلاقى اغلب دفعتى بنات
اما بنزل الشغل العملى فى المعلب البنات مبتعملش حاجة
تبقى واقفة فى الملعب ولبسة الطئية عشان الشمس واحنا اللى
بنتنئع فى الشمس
عـــــــــــــــــــــــــــــــا رف فى سنة تانية
فى اخلر السنة الدكتور اشرف عاشور
اتكلم على ده
مقال ان اغلب البنات فى شعبة المساحة مش حتشتغل بيها
وانا معاه
انا لو بئيت رئيس القسم (محمد على ) مش حئلك
حمنع البنات خالص
لالالالالا
ححط عدد صغير
بس منهم فى الشعبة
اخرهم 20
MUHAMED SAMY
02-25-2010, 02:56 PM
كيمووووو موضوع جااامد
يعم انا اعد فى المحاضره بلاقى اغلب دفعتى بنات
اما بنزل الشغل العملى فى المعلب البنات مبتعملش حاجة
تبقى واقفة فى الملعب ولبسة الطئية عشان الشمس واحنا اللى
بنتنئع فى الشمس
عـــــــــــــــــــــــــــــــا رف فى سنة تانية
فى اخلر السنة الدكتور اشرف عاشور
اتكلم على ده
مقال ان اغلب البنات فى شعبة المساحة مش حتشتغل بيها
وانا معاه
انا لو بئيت رئيس القسم (محمد على ) مش حئلك
حمنع البنات خالص
لالالالالا
ححط عدد صغير
بس منهم فى الشعبة
اخرهم 20


فعلا يا على عندك حق فى بنات بنسبة 200% دخلت مساحة ومش هتشتغل ..يوقلولك.احنا متفوقين وحنا ندخل الشعبة محسسنى انهم داخلين هندسة نووى
esraa marey
07-11-2010, 02:45 PM
اولا بشكرك ع عرض الموضوع 0 وانا موافقك فى حاجة ومش موافقك فى حاجة 0موافقك ف ان شغل المساحة ماينفعش للبنات وانه للولاد وان للبنات شغل الشعبة العامة اكتر 0 بس مش معناها ان البنات مايدخلوش مساحة لان ف بنات عادى يشتغلوا شغل المساحة يعنى انا ف اولى وطبعا نفسى ادخل مساحة 0ومش موافقك فى البنت مالهاش غير بيتها لان الافضل التوازن بين البيت والشغل واثبات الذات 0والصراحة انا لو مكان القسم اختار الشباب اكتلر فى شعبة المساحة عشان بس اوفر لهم فرص عمل لان طبعا الشباب اهم فى فرص العمل 0 اسفة للاطالة0
madooo
07-11-2010, 06:55 PM
انا متهيئلى انه لو القسم يحدث من اجهزته و امكانياته. يبقى ليه مثلا متبقاش شعبة المساحة مفتوحة لاى حد ومش حكر على حد.:a11:
هدى على
08-12-2010, 10:15 AM
احنا لما بنتخرج من مساحة مش بنبقى مهندسين احنا اخصائين مساحة دة الى لو بيدور على الاسم
اما المهندسين خريجى كلية هندسة مساحة فية ناس كتير دخلها كأسم والى شوفتة بعنيا انا بتوع المساحة الشباب
بيتمرمطوا خالص فى الشارع متبهدلين اوى ربنا يعنهم واساسا الشركات مبتقبلش بنات بيقعدوا يتريقوا عليهم فى
الانترفيو
momo_lovely599
08-12-2010, 03:04 PM
كده هتبقى مصلحه لينا عارفين ليه اما يدخل 150 مساحه منهم 100 بنت طبعا مفيش حد فيهم هيشتغل ويبقى عدد الرجاله صغييييييييييييييييييير والفرص تكون اكبر لان اللى مخليلنا اهميه اوى عددنا القليل وعلشان كده انا مش عايز حد يقول مفيش بنات تدخل مساحه
eng_hydrographic
08-19-2010, 01:13 AM
دى احسن حاجة سمعتها اليوم

:a41::a41::a13::a13::a34::a34::a11::a11:
هةةةةةةةةةةةةةةةةةةةةةةةةةةةةةةةةةةةةةةةةةةةةةةة
Marwa Magdy
08-19-2010, 01:22 AM
هههههههههههههههههههههههههههههههههههههههههه
كل ما اشوف موضوعك ده يا كريم اعد اضحك عليه
:a36::a36::a36::a36:
انت مشكله والله
:a28::a28::a28:
بس بينى و بينك انت معاك حق ف ان البنات مالهمش مساحه
كدا كدا مش حيقدروا ع شغل الموقع كلام ميه ميه
بس عندنا شعبه المساحه فيها شغل عملى كتيييير
عكس العامه اللى معظمها شغل نظرى و حفظ
و ف بنات وانا منهم مشبيحبوا الشغل النظرى و الحفظ ده فاكيد مساحه حتكون احسن