المساعد الشخصي الرقمي

مشاهدة النسخة كاملة : ياترى انت برج ايــــــــــــــــــــــــه



Mahro
10-03-2008, 11:37 PM
أبراج على طريقة ماهروووووووووووووووووو

دى حاجه كده على ما قسم ليكو من الضحك بس ياريت حد يعبرنا برأيه بس بالله عليكم الى يقراءها يكتب هو برج ايه ولسه فى تانى وتانى ........


برج الحمل :[ 21 (أذار- مارس- شوال) – 20 (نيسان- أبريل- ذو القعدة( [

+ إيه اللي جرالك ما كنت كويس، شكلك كدة واقع في مشكلة جامدة متقلقش المشكلة هتتنيل أكتر، إجمد وماتبقاش خرع
- يمكن خطيبك يسيبك، مش هيقولك السبب، بس السبب إنه بيحب عليكي، قوليلو إنك راضية، لو راح منك مش هتلاقي عرسان تاني

برج الثور :[ 21 ( نيسان- أبريل- ذو القعدة ) - 20 ( أيار- مايو- ذو الحجة( [

+ واحد قريبك من بعيد هيقابلك صدفة هيعرفك ومش هتعرفه هيعزمك عالغدا، روح معاه طبيخ مراته طبيخ مالأخر
- شغل البيت كتر ومش ملاحقة عليه، هاتي شغالة تساعدك بس جوزك هيحبها ويتجوزها عليكي ويشغلك عندها

برج الجوزاء :) 21 ] أيار- مايو - ذو الحجة) – 21 (حزيران - يونيو- محرم) [

+ واحد صاحبك وعزيز عليك عايز يتجوز، بس مش عارف يطلب إيد العروسة الشمال وللا اليمين، وهيطلب مساعدتك
- الشتا عامل عمايله معاكي لا كريمات نافعة ولا زبدة كاكاو نافعة ولا أي حاجة نافعة، إشربي ليمون متلج

برج السرطان :[ 22(حزيران- يونيو- محرم) - 22( تموز-يوليو-صفر( [

+ لسة الموضوع إياه محيرك، نصيحة مني سيبك منه ده موضوع مايستهلش، ماهو لو كان فيه خير مكانش رماه الطير
- جارتك بتعاكس جوزك وانتي مش دريانة، وحماتك مستحلفالك عشان مجبتلهاش الطلب اللي طلبته منك الإسبوع اللي فات

برج الأسد: [23(تموز- يوليو- صفر) – 22 (آب- أغسطس- ربيع1) [

+ هتخلص شغلك وتروح على بيتكو جرى في مفاجأة مستانياك في البيت مراتك عملالك محشي ورق عنب
- كل اللي فات كوم واللي جاي كوم تاني، لو مبتعرفيش تطبخي إتعلمي عشان هيجيلك ضيوف في البيت قريب

برج العذراء: [ 23 (آب- أغسطس- ربيع1) – 22 (أيلول- سبتمبر- ربيع2( [

+ يا أخي إنطق بقى دالحجر نطق، هتفضل ساكت لحد ماتروح منك، أنا حذرتك وماليش دعوة
- طبيخ كل يوم مش هينفع، إعملي حاجة جديدة، جربي تعملي نيو لوك للقطة بتاعتك مثلا

برج الميزان: [ 23(أيلول- سبتمبر- ربيع2) - 22(تشرين1- أكتوبر- جمادى1( [

+ هتضرب خناقة جامدة مع أبوك لأنه هيقفشك وإنت بتسموك، ماهو لو كان رباك عدل مكانش حصل كدة
- أهلك هيكتشفو العلاقة اللي بينك وبين إبن الجيران، إلحقي ولعي في الجوابات بتاعته وبلاش تستنيه قدام الحضانة عشان الميس بتاعته هتشوفك

برج العقرب: [ 23(تشرين1- أكتوبر- جمادى1) – 21 (تشرين2- نوفمبر- جمادى2 ) [

+ حاول متصرفش فلوس كتير لأنك هتتزنق فيها قريب وبطل تبعت إس إم إس على قنوات الفيديو كليب
- خلصتي كل فلوسك على واحد مايستاهلش، إسمعي كلامي وسيبك منه، في كتاب طبيخ نزل السوق بيقولو عليه حلو

برج القوس: [ 22(تشرين2-نوفمبر-جمادى2) - 20(كانون1-ديسمبر-رجب( [
+ حذرتك قبل كدة من الجري ورا البنات ومسمعتش الكلام المرة دي لو مسمعتش الكلام هتاخد علقة حلوة
- لو جالك فارس أحلامك أول حاجة تطلبيها تكون العصمة في إيدك عشان هيطلع ندل

برج الجدي: [ 20(كانون1- ديسمبر- رجب) - 19(كانون2 - يناير- شعبان( [

+ مش معنى إن المدير مبسوط منك إنك تتمرع وتطلب إيد بنته، هتترفض وقفاك هيقمر عيش
- إيه معنى الحب طلاما مفيش حبيب، إتلهي وركزي في حاجة مفيدة

برج الدلو: [20(كانون2-يناير-شعبان) - 18(شباط-فبراير-رمضان ) [

+ الأسبوع ده كله هتقضيه خناقات مع الناس، إعمل حسابك في فلوس عشان العلاج
- جوزك هيحب عليكي وبكل بجاحة هيقولك على كل حاجة، شدي حيلك

برج الحوت :) 19 ]شباط- فبراير- رمضان) – 20 (أذار-مارس-شوال( [

+ اليوم مش يومك نكد من الصبح لبليل، إجتنب أي حاجة فيها ضحك لأن النتايج عكسية اتمنى انها تعجبكم
- خلى بالعك العدل خطيبك بيتسرمح كتير وبتاع حوارات لما يجى خلى أمك تشبشبه ومتعشهوش وأن كنتى بعد كده هيسرح بيكى وأنتى هتصدقيه...................

يارب تعجبكم بس ياريت تكتب رد مع البرج بتاعك

Mahro
10-04-2008, 12:38 AM
محدش عنده الجرئة يعنى يقولنا هوه برج ايه ؟

Mimi
10-04-2008, 12:41 AM
اليوم مش يومك نكد من الصبح لبليل، إجتنب أي حاجة فيها ضحك لأن النتايج عكسية اتمنى انها تعجبكم
- خلى بالعك العدل خطيبك بيتسرمح كتير وبتاع حوارات لما يجى خلى أمك تشبشبه ومتعشهوش وأن كنتى بعد كده هيسرح بيكى وأنتى هتصدقيه...................

ربنا يبشرك بالخير يامحرووو ههههههههههههههههههههههههههههههههههههه

Rania Ismail
10-04-2008, 12:46 AM
جودى انتى برجك زى برجى انا الحوت

shimo
10-04-2008, 12:51 AM
:eek::eek::eek: وانا كمان حوووووووووت
تلاته حوت مرة واحدة مشاء الله
:) بس محرووو بصراحه انا لما قريت تفائلت هههههههههههههههههههههههههههههههههههه
مرسيتو اوى اوى اوى ليك

Mimi
10-04-2008, 12:59 AM
3 حوووووووووت واااااااااااااااو

اوعى القررررررررررررررش

shimo
10-04-2008, 01:02 AM
:cool: احنا حووووووووت يا جودى لا بيهمنا قروش ولا سمك :p:p

بس مشكله البرج دا انه طيب وحساس وتحسى انه اممممممممممممممممم ساذج :rolleyes: ولا ايه ؟
يعنى حاجه كدا يعنى

Wild_Angel
10-04-2008, 01:05 AM
برج القوس: [ 22(تشرين2-نوفمبر-جمادى2) - 20(كانون1-ديسمبر-رجب( [
+ حذرتك قبل كدة من الجري ورا البنات ومسمعتش الكلام المرة دي لو مسمعتش الكلام هتاخد علقة حلوة
- لو جالك فارس أحلامك أول حاجة تطلبيها تكون العصمة في إيدك عشان هيطلع ندل

Wild_Angel
10-04-2008, 01:07 AM
لالالالا لسه بدرى ولا فارس ولا خيال ميرسى محرو على الموضوع

انا بحببببببب الحوت جدا عشان اختى حوت وبحس انهم كلهم دم خفيف ورقه ومرح

Hassan Mohamed
10-04-2008, 01:09 AM
انا اسد هل من اسد هووون

Wild_Angel
10-04-2008, 01:13 AM
برج الأسد: [23(تموز- يوليو- صفر) – 22 (آب- أغسطس- ربيع1) [

+ هتخلص شغلك وتروح على بيتكو جرى في مفاجأة مستانياك في البيت مراتك عملالك محشي ورق عنب
- كل اللي فات كوم واللي جاي كوم تاني، لو مبتعرفيش تطبخي إتعلمي عشان هيجيلك ضيوف في البيت قريب

shimo
10-04-2008, 01:14 AM
لالالالا لسه بدرى ولا فارس ولا خيال ميرسى محرو على الموضوع

انا بحببببببب الحوت جدا عشان اختى حوت وبحس انهم كلهم دم خفيف ورقه ومرح


وانا كمان بحبك :D:D
اما على الدم الخفيف فقولى انتى بقئ دمنا خفيف ولا لاء ؟؟؟؟؟؟؟:p

Mimi
10-04-2008, 01:15 AM
انتي دمك خفيف اوي ياشيمو وانا بحببببببببببببببك اوووووي

shimo
10-04-2008, 01:22 AM
وانا بموووووووووووووووووووت فيكى يا جودى وانتى عارفه دا كويس:p:p
هى عشرة يوم دى عشرة سنه على المسجات ههههههههههههههههههههه
بجد واللهى بحبك اوى وانتى دمك زى العسل
حووووووووت بقئ مسك الختام :D

http://www.arb-msn.com/up/uploads/e2f12bccec.gif

احمد حسن
10-04-2008, 09:24 AM
انا ميزان يحودة ظبطنى ماشى

onon
10-04-2008, 08:29 PM
انا حسب تاريخ الميلاد انا برج الحمل وده مش اختياري ده اجباري ومشاء الله مكتوب كلام لا تعليق عليه لاني مليش علاقه بيه
بس اليوم الحقيقي الي حتولد فيه ان شاء الله وهو حيكون باختياري يوم لسه معرفش امتي عشان احدد تاريخه



http://www9.0zz0.com/2008/10/04/18/792387118.gif

احمد حسن
10-05-2008, 09:56 AM
حودة بيقولى فى حظك اليوم انى مواليد شهر عشرة مناعارف
هههههههه
ايه الجديد الجدود فى الموضوع

samomran
10-05-2008, 02:55 PM
و الله انا برج الاسد و انا فعلا بحب المحشى ورق العنب بس خد بالك الاسد مافيش اشرس منه و اذا رايت الاسد يكشر عن انيابه فلا تعتقد انه يبتسم

Mahro
10-06-2008, 01:57 PM
انا بقى برج
+ مش معنى إن المدير مبسوط منك إنك تتمرع وتطلب إيد بنته، هتترفض وقفاك هيقمر عيش
- إيه معنى الحب طلاما مفيش حبيب، إتلهي وركزي في حاجة مفيدة

Mahro
10-06-2008, 02:02 PM
(onon ) كلام غامض جداً ومحتاج تفسير على رأى بوحه احنا نقصين لبخه فى الكلام _ انسان مبالغ فيييييييييييه

ههههههههههههههه

mohamed-gohar
10-06-2008, 03:32 PM
انا برج ايفل

احمد حسن
10-06-2008, 03:46 PM
برج إيفل
ههههههههههههههههههه
جميلة

shimo
10-06-2008, 05:13 PM
وبرج ايفل دا بقئ من شهر كام لشهر كام
ولا يمكن اااااااااااااااااااه
يمكن دخلو شهور جديدة زى ما خلو الاسبوع بقئ اتمون

هيقولى دلوقتى انتى معندكيش خلفيه ولا ايه :rolleyes:

حفيد سيف الله المسلول
10-06-2008, 05:15 PM
انا برج مش اعرفه اصلى مش بعرفهم انا مواليد 14/4/1988 بس اللى اعرفه انى فى الابراج الصينيه برج التنين

Mahro
10-06-2008, 07:24 PM
يااااااااااااااااااااااااااااااااااااااااااااامى هههههههههههههههههههه

tiger
10-06-2008, 09:23 PM
الحمد لله لا أسد ولا حوت أنا عقرب ومش عارف هو حلو ولا أيه بس كذا واحد يقولى ده برج حلو والمشكله
أن أنا وأخويا الكبير نفس البرج0

AYMAN GAMAL
10-06-2008, 09:26 PM
انت و اخوك عقرب يا اشرف؟؟؟؟؟؟؟؟

ربنا يعينا عليك

حبيبي يا اشرف

tiger
10-06-2008, 11:57 PM
حبيبى يا أيمن ده راجل قانون ربنا يبعده عنا 0

Rania Ismail
10-07-2008, 09:09 AM
شيمو وجودى انا بحبكم برشا برشا ودمكم زى العسل

احمد حسن
10-07-2008, 10:12 AM
انا برج الميزان
16 اكتوبر

Surveyor 2007
10-07-2008, 10:42 AM
كل سنه وانت يا صاحبي والسنه الجايه
تتحقق كلام الجوزاء
+ واحد صاحبك وعزيز عليك عايز يتجوز، بس مش عارف يطلب إيد العروسة الشمال وللا اليمين، وهيطلب مساعدتك
علشان انا برج الجوزاء

احمد حسن
10-08-2008, 05:50 PM
عيد سعيد ياسعيد
هاهاها

Surveyor 2007
10-08-2008, 06:53 PM
وانت احمد وانا سعيد

Mahro
10-09-2008, 07:03 PM
ههههههههههه اطلب اديها الناعمة عشان الخشنه كدكده هتوصلك

Mahro
09-05-2010, 01:28 PM
حلوه اللعبة دى يا جماعه