المساعد الشخصي الرقمي

مشاهدة النسخة كاملة : عايز واحد او واحده تحل الداهيه دي



الشبح
10-04-2008, 07:07 PM
نفسي اعرف المربع الفاضي ده جاء منين؟؟؟؟؟؟؟؟؟؟


دمااااااغي وجعتني



هتلاقو مساحه كل لون في الصورتين متساوين في عدد المربعات


واتبدلت الاماكن وبقدره قادر ظهر المربع الفاضي ده


فين العباقره

والله بقالي شهر بحاول ومفيش فايده


http://www10.0zz0.com/2008/10/04/17/288812084.jpeg (http://www.0zz0.com)

Rania Ismail
10-04-2008, 09:05 PM
ههههههههههههههههههههههههههههههههههههههههه
موعدكش انى ممكن احلها لانى شوفتها قبل كده وقلبت الموضوع سورى

witch evil
10-05-2008, 04:01 AM
موعدكش انى ححلها بس تعاله نفكر بصوت عالى

الاول عندنا لونين كاملين ومظبوطين اللى هما الاورنج والاخضر الفاتح
اما الاحمر والاخضر الغامق فيهم مربعات نقصه

احسب المربعات الكامله فى الاتنين
والمربعات النقصه شوفها بطريقه الحذف والاضافه لحد متكون مربعات كمله
حتلاقى ان فى مربع زياده

دى الفكره اللى ممكن نفكر عليها حاول كده وانا بحاول معاك

الشبح
10-05-2008, 01:21 PM
مشكووره لرأيك
انا فكرت في كده فعلا
بس شيء معقد جدا ان مصممها ينفذها بهذه الفكره
تحتاج دقه واجزاء من الملليميتر

دمااااااااااااااااغي

Mimi
10-06-2008, 12:58 AM
لو جينا نبص تاني للمثلثين

هنلاقي كل جزء ملون منقول نفسه تحت ما عدا جزئين بمعنى

الجزء الاصفر والاخضر الفاتح منقولين بنفس الوضع

اما الجزء الاخضر الغامق والاحمر اختلفو في وضعهم ، المساحة نفسها بس الوضع غير فاهمني ياميدو؟

يعني المرة الاولى كان المثلث الاخضر فوق والمرة التاني باه تحت ، والمثلث الاحمر كان في الاول تحت بعدين في الرسمة التانيه باه فوق

طيب دا هيفرق في ايه ؟ دا المساحات متساوية ؟!!

لا هيفرق لان الميل هيختلف ، مثلآ ميل المثلث الاحمر لما يبقى فوق غير لما يبقى تحت ونفس الموضوع على الاخضر

لو نيجي نعملها بعمليه حسابية توضح اكتر هنلاقي

ميل المثلث الأخضر = 2 | 5 = 4, 0 ( أربعه من عشرة )

ميل المثلث الأحمر = 3 | 8 = 375 , 0 ( مش عارفه اقول ازاي يعني ماشي؟ )

المهم ان في اختلاف في الميل الاولاني والتاني وبالتالي دا هيعمل فروقات في عدد المربعات بالحد اللي يسمحلك تفرغ مربع كامل كدا

Mimi
10-06-2008, 01:03 AM
بص في كمان حاجة عشان تلاحظ ان الميل اتغير

بص كويس على المربعات اللي مرسوم عليها وتر المثلث ( اللي هو الميل يعني )

مش هتلاقيها زي اللي فوق خالص في جزء صغر وجزء كبير بشكل بسيط عايز دقة ملاحظة

Künstler
10-06-2008, 01:09 AM
انارايي ان الاختلاف في تركيب الاشكال في حد ذاته هو اللي عمل فراغ مربع كامل لانه يتوسط الشكل يعني لوبدلنا الاشكال بشكل تاني داخل اطار الشكل الكبير ممكن يفضى مربعين

Mimi
10-06-2008, 01:22 AM
مهما بدلنا المربعات ياكونستلر هتبقى المربعات اللي جوا كاملة يعني مش هتعمل اي مشكلة

بيبقى علينا نبص على المربعات اللي متجزئة واللي هيا بدورها موجودة على الميل او على الوتر

وللسبب اللي فوق بيننا ان الميل اتغير في الحالتين

وعشان نلاحظ دا نبص على المربعات البيضة اللي جنب خط الوتر هنلاحظ ان الاجزاء بتتغير

الشبح
10-06-2008, 01:26 AM
والله انا فاهم كل كلامك يا جودي كويس وده اللي انا وصلتله من البدايه

بس المشكله في دقه التصميم ودماغه وكمان كنت عايز اشوف افكار جديده

وحلول وعلاقات رياضيه او حسابيه بس برده في لغز

وعلى فكره اللي انتي وصلتيله مش خطأ بس اكيد في حاجه تانيه

اكرر شكري ليكي يا جودي على مجهودك معانا في البتاع ده اللي مش باين له تفسير ده

وياااااااااااااااااارب نلاقيه واو نحاول نجمعه او نستنتجه من عده اراء للساده الاعضاء

Mohamed Saad Yassin
10-06-2008, 02:41 AM
لو جينا نبص تاني للمثلثين

هنلاقي كل جزء ملون منقول نفسه تحت ما عدا جزئين بمعنى

الجزء الاصفر والاخضر الفاتح منقولين بنفس الوضع

اما الجزء الاخضر الغامق والاحمر اختلفو في وضعهم ، المساحة نفسها بس الوضع غير فاهمني ياميدو؟

يعني المرة الاولى كان المثلث الاخضر فوق والمرة التاني باه تحت ، والمثلث الاحمر كان في الاول تحت بعدين في الرسمة التانيه باه فوق

طيب دا هيفرق في ايه ؟ دا المساحات متساوية ؟!!

لا هيفرق لان الميل هيختلف ، مثلآ ميل المثلث الاحمر لما يبقى فوق غير لما يبقى تحت ونفس الموضوع على الاخضر

لو نيجي نعملها بعمليه حسابية توضح اكتر هنلاقي

ميل المثلث الأخضر = 2 | 5 = 4, 0 ( أربعه من عشرة )

ميل المثلث الأحمر = 3 | 8 = 375 , 0 ( مش عارفه اقول ازاي يعني ماشي؟ )

المهم ان في اختلاف في الميل الاولاني والتاني وبالتالي دا هيعمل فروقات في عدد المربعات بالحد اللي يسمحلك تفرغ مربع كامل كدا

يا سيدتى الفاضلة ليس للميل اى علاقة هنا لان الميل هو عبارة نسبة بين قاعدة و ارتفاع فى المثلث بتاعنا (القائم الزاوية)
فاذا تساوى كل من القاعدتين(عدد المربعات التى تمثل القاعدة)
و اذا تساوى الارتفاعين مع توازيهما فى كل من المثلثين
اذن يتساوى الميلين
فانا لا اعتقد ان الميل لة علاقة بذلك

انا باحاول التفكير فيها و بصلح البرنتر مخصوص لانى لا استطيع النظر كتير للكمبيوتر
فسأقوم بطباعتها و التفكير معكم لمحاولة ايجاد حل لها
و الله الموفق

tiger
10-06-2008, 02:47 AM
أنا مع أختلاف الأشكال الهندسيه هى الى عملت المربع الفاضى وأعزرنى دة أخر تفكيرى وشكرا على الحاجات الصعبه دى0

gogo
10-06-2008, 02:47 AM
الفراغ جه انك بدلت المثلثين الاخضر والاحمر فلازم يبقى فى فراغ

gogo
10-06-2008, 02:50 AM
لو ركزت فيها كويس واخدت بالك من تبديل المثلثين لازم يبقى فى فراغ علشان تكون نفس المثلث ولكن باختلاف وضع المثلثات

Mimi
10-06-2008, 02:50 AM
فاهمة حضرتك يااستاذ محمد بس استناني اوضحلك بالصور خمسة بس ارفعهم واجي

gogo
10-06-2008, 02:52 AM
ولو حد وصل لحل تانى يقول

الشبح
10-06-2008, 03:00 AM
يا الله
هو ده الشغل

ورينا الشغل يا استاذنا

Mimi
10-06-2008, 03:18 AM
http://www4.0zz0.com/2008/10/06/01/712123589.jpg

بص ياأستاذ محمد المربعات اللي متظللة ازرق فوق مساحتها غير المربعات اللي متظللة تحت بالاخضر الفاتح

يعني مش هما دول بس المختلفين بس اللي قدرت احدده

بكدا بيكون في اختلاف في ميل المثلث الكبير

Hassan Mohamed
10-06-2008, 03:24 AM
الكل يركن علي جنب بقا انا جيت ادوني فرصة بقا افكر فيها

Hassan Mohamed
10-06-2008, 03:29 AM
انا جيت بالصلاة علي النبي كده

ياريت كله يفتح مخو بقا

مش اي حد يقولك العلبة دي فيها ايه

تقوم تقوله

العلبة فيها فيل

وهيا فاضية اساسا مفيهاش حاجة

انا شايف ان دي زوبعة في فنجان

يعني عدد المربعات في كل الاشكال الخاصة بالالوان متتطابقة

العملية وما فيها انو قلب الطاولة علي اليمين

نزل غلط يعني

Mimi
10-06-2008, 03:32 AM
هههههههههههههههههههههههههههههههههههههههههههههههههه ههههههههههههههههههه

Mimi
10-06-2008, 03:35 AM
ياولاد وربنا الوتر مش مستقيم

Hassan Mohamed
10-06-2008, 03:40 AM
يا بنتي انا جيبتلك من الاخر المشكلة في الفيل مش في الوتر

Mimi
10-06-2008, 03:42 AM
فعلآ هذا صحيح

هو الفيل دفع رباعي فور باي فور

Mohamed Saad Yassin
10-06-2008, 03:55 AM
http://www4.0zz0.com/2008/10/06/01/712123589.jpg

بص ياأستاذ محمد المربعات اللي متظللة ازرق فوق مساحتها غير المربعات اللي متظللة تحت بالاخضر الفاتح

يعني مش هما دول بس المختلفين بس اللي قدرت احدده

بكدا بيكون في اختلاف في ميل المثلث الكبير

علشان تكونى معايا
لاحظى ان المثلثين الكبيرين مرسومين على نفس شبكة المربعات
و ان نفس طول القاعدة متساوى فى المثلثين و كذلك الارتفاع
و قد يكون دة عن طريق ظل الرسم مش اكثر لانهم على نفس شبكة المربعات
http://www9.0zz0.com/2008/10/06/01/818263862.jpg
ولكن بالنظر الى الى المثلثين الكبيرين
باعتبار ان المربع الواحد 1سم * 1 سم
اى مساحتة 1سم2
فيهما
الشكل 1
مساحتة = 0.5* 2 * 5 = 5 سم2
الشكل 2
مساحتة = 0.5* 3 * 8 = 12 سم2
الشكل 3
مساحتة = 8 * 1 = 8 سم2
الشكل 4
مساحتة = 7 * 1 = 7 سم2 المجموع = 5 + 12 + 8 + 7 = 32 سم2

اذن من المفروض ان تتساوى مساحة المثلثين = 32 سم2

و لكن

مساحة المثلث الأعلى =0.5* 5 * 13 = 32.5 سم2

مساحة المثلث الاسفل =( 0.5 * 5 * 13 ) - 1 = 31.5 سم2

فمن الملاحظ عدم تساوى ال 3 مساحات
مساحة الاشكال متفرقة و مجتمعة
مساحة المثلث الاعلى
مساحة المثلث الاسفل


على فكرة دة مجرد تفكير بصوت عالى

::سيف::
10-06-2008, 06:49 AM
علفكرة دي فعلاً حقيقة ازاي محدش يسأل

لأن بالنظر فعلاً مفيش اي اختلاف في مساحة كل لون

ولو حد عايز يتأكد ان كلامي صح يطبعها علي البرنت و يعمل خطويتين

أول خطوة انة يتأكد فعلاً ان مساحة المربعات كلها متساوية بالمللي

تاني حاجة يقص كل لون ويطابقة علي نفس اللون في المثلث الأخر

وفعلاً لو الخطوتين دول اتعملوا بدقة وطلع في مربع فاضي فعلاً

يبقي السؤال ملوش إجابة

Mohamed Saad Yassin
10-06-2008, 10:46 PM
علفكرة دي فعلاً حقيقة ازاي محدش يسأل

لأن بالنظر فعلاً مفيش اي اختلاف في مساحة كل لون

ولو حد عايز يتأكد ان كلامي صح يطبعها علي البرنت و يعمل خطويتين

أول خطوة انة يتأكد فعلاً ان مساحة المربعات كلها متساوية بالمللي

تاني حاجة يقص كل لون ويطابقة علي نفس اللون في المثلث الأخر

وفعلاً لو الخطوتين دول اتعملوا بدقة وطلع في مربع فاضي فعلاً

يبقي السؤال ملوش إجابة

على ما اعتقد مفيش سؤال ملوش اجابة

ميرا مار
10-06-2008, 11:33 PM
اوعدك
انى هاجيبها

Mimi
10-07-2008, 02:18 PM
بس انا مصرة ان دا أصلا مش مثلث

دا شكل رباعي والله

الوتر بتاع المثلث ( المزيف ) مش مستقيم

قصدي المثلث الكامل دا كله الكبير مش 3 أضلاع ، دا 4 أضلاع يعني شكل رباعي

اختلف فيه ميل الضلعين اللي عنينا انخدعت فيهم وتعبرته ضلع واحد واتغير في الرسمة التانية

والفرق بينه وبين الاولاني سمح بعمل المربع الفاضي دا

وعموما هستنى واشوف الاجابة ، بس هفضل اقول انه الوتر مش مستقيم وان دا شكل رباعي للسما

Künstler
10-09-2008, 12:08 AM
لاحظى ان المثلثين الكبيرين مرسومين على نفس شبكة المربعات
و ان نفس طول القاعدة متساوى فى المثلثين و كذلك الارتفاع
و قد يكون دة عن طريق ظل الرسم مش اكثر لانهم على نفس شبكة المربعات
http://www9.0zz0.com/2008/10/06/01/818263862.jpg
ولكن بالنظر الى الى المثلثين الكبيرين
باعتبار ان المربع الواحد 1سم * 1 سم
اى مساحتة 1سم2
فيهما
الشكل 1
مساحتة = 0.5* 2 * 5 = 5 سم2
الشكل 2
مساحتة = 0.5* 3 * 8 = 12 سم2
الشكل 3
مساحتة = 8 * 1 = 8 سم2
الشكل 4
مساحتة = 7 * 1 = 7 سم2 المجموع = 5 + 12 + 8 + 7 = 32 سم2

اذن من المفروض ان تتساوى مساحة المثلثين = 32 سم2

و لكن

مساحة المثلث الأعلى =0.5* 5 * 13 = 32.5 سم2

مساحة المثلث الاسفل =( 0.5 * 5 * 13 ) - 1 = 31.5 سم2

فمن الملاحظ عدم تساوى ال 3 مساحات
مساحة الاشكال متفرقة و مجتمعة
مساحة المثلث الاعلى
مساحة المثلث الاسفل







انا فكرت بطريقة استاذ محمد وعملت حساب سريع كده وباستنتج ذي ما قولت سابقا ان مجرد التغيير في اماكن الاشكال داخل الشكل الكبير هو اللي اوجد الفراغ ده

والدليل اللي باعتقد انه ممكن يكون منطقي والله اعلم انه نفترض ان في حجره 3 امتار * 3 امتار بداخلها مثلا عدد محدد من قطع الاساس و ليكن 10 قطع موضوعين بشكل مربع مثل الحجرة وتبقى في منتصفها مساحة متر* متر
لو اعدت ترتيب قطع الاثاث بشكل اخر لنفس الحجرة سوف يتبقى مثلا مساحة متر ونصف *متر
فمن اين اتى النصف متر ...؟؟؟؟ من التغيير

Künstler
10-09-2008, 12:12 AM
اجابتي في الصفحة 25

ogy
10-16-2008, 12:26 PM
شوفو انا من رائى
نحسبها كاننا فى ابتدائى
عد المربعات بتاعه قاعده اللون الأحمر
هتلاقيها 8
وكمان قاعده اللون الأخضر هتلاقيها 5
وكمان قاعده اللون الأورنج هتلاقيها 2
مش 3
لانها لو كانت 3 كده اكتملت المساحه ومافيش مربع فاضى

وبالنسبه للقاعده اللى فوق عدد المربعات 13
اما القاعده اللى تحت عدد المربعات 12
ودا لان فى الصوره اللى فوق كان الأورنج والأخضر بيكملو بعض
لكن فى الصوره اللى تحت بيكملو بعض لكن فى مربعين بس

بلاش كل دا

سيبك من الأحمر والأزرق
بص عالأورنج والأخضر
هتلاقيهم زى بعض بالضبط لكن فى مربع ناقص
اولا القاعده للأخضر 5
لكن لو قلبت الأورنج زى الأخضر هتلاقى ان فى مربع ناقص فى الأورنج


انتو فاهمين حاجه
لا اظن
انا نفسى مش فاهمه
يلا ربنا معاكم
بقولكم ايه لو حد فهم حاجه من اللى انا بقوله يبقى يبفهمنى

الفارس
10-20-2008, 04:56 PM
المرعات الللى على الوتر اتحزف منها مساحة صغيرة اوووى كونت المربع الفاضى

الشبح
10-30-2008, 08:25 PM
يعجبني فيكم دماغكم العليا

وربنا دماغكم هتوجعكم

هههههه

ogy
11-13-2008, 02:43 PM
انت ما تعرفش هى جت منين

Mimi
11-13-2008, 03:20 PM
ياميدو على فكرة خلاص في ناس كتير اوي قايله هنا الفكرة

الاسلوب بيتغير بس هيا نفسها الفكرة

الملخص :

ان الشكل دا مش مثلث وانه مضلع رباعي بس احنا مخدوعين في الوتر بتاعه

في الشكل الاول المضلع مفتوح لفوق وفي الشكل التاني مفتوح لتحت خلاص انتهى الموضوع

دا اكيد هيغير في مساحة كلا الشكلين كل اللي فكرو هنا فكرو صح

ogy
11-13-2008, 03:36 PM
هو دا اللام يا جودى من غير لك

Ealy
11-13-2008, 09:32 PM
السلام عليكم

هو الغز مش فى المساحات و لا حاجه هى فرق ترتيب و بس
نفس الاشكال و نفس المساحات فى الشكلين

magdysa3ed
11-14-2008, 12:30 AM
بصوا يا جماعه كل اللى انا اقدر اقوله ربنا يوفقكم وتلحوها واللى يحلها يقولى

ogy
11-14-2008, 04:36 PM
يابنى اتحلت منزمان
بس هو الشبح مش مقتنع

waleedzt
11-15-2008, 05:50 AM
السلام عليكم

مع احترامى لجميع الاخوه والاخوات هذه الاشكال ليس لها علاقه بالميل ولا كما يقول البعض ان هناك اختلاف فى المساحات ولكنها صوره هندسيه تركيبيه لها علاقه بالمساحه والمحيط وسوف اقوم بشرح ذلك لكم فى الخطوات الاتيه


1-تأكد تماما ان مساحات المثلثين واحده...وايضا مساحه كل شكل ملون واحده وليس كما يزعم البعض منكم
2-بفرض ان هذه المربعات تمثل 1سم وذلك لتسهيل عمليه الحساب
وبأستخدام ايجاد مساحات الشكلين نوضح كالاتى


المثلث الاول

ونجد فيه ان الجزء البرتقالى والاخضر الفاتح متداخلين بحيث يمثلون شكل واحد هو شكل المستطيل طوله هو 5سم وعرضه هو 3سم
المساحه=الطول *العرض=3*5=15سم
ولك ان تلاحظ جيدا ان هذه المنطقه هى الوحيده فى الشكل التى يمكن رسم مستطيل فيها يكون طوله هو نفس طول قاعده المثلث الاخضر الغامق


المثلث الثانى

ونجد فيه ان الجزء البرتقالى والاخضر الفاتح بالاضافه الى المربع الجديد الناتج يكونون مع بعضهم شكل المستطيل طوله هو 8سم وعرضه هو 2سم
المساحه=الطول*العرض=2*8=16سم
ولك ان تلاحظ هذه المره ان هذا المكان هو المكان الوحيد داخل الشكل الذى يمكن رسم مستطيل فيه ويكون طوله هو نفس طول قاعده المثلث الاحمر


الشكل الجديد

ويتضح انه شكل مربع مساحته هى 1سم


مساحه الشكل الجديد=مساحه المستطيل2-مساحه المستطيل1=16-15=1سم مربع


الاستنتاج
ممكن ماتكنش مقتنع بالكلام ده وحاسس انه غلط بس ده اكيد بواسطه الاحلال فى الاشكال التى هى فى النهايه شكل واحد مع تغيير الالوان وممكن تطبق ده بطريقه سهله هى انك تقوم بطباعه هذه الرسمه وقص الشكل الاول خاصه البرتقالى والاخضر الفاتح ووضعهم فى اماكن مختلفه وعلى فكره المربع ده هيظهر فى مكان اخر ممكن تحدده بنفسك
طرق اخرى

ممكن ان يتم الحساب عن طريق حساب المحيط لكل شكل او طرق اخرى ابسط من ذلك اسبكم تفكروا فيها

Mimi
11-15-2008, 10:01 AM
ليه حسبت مساحة المربع الجديد معاهم ياوليد في المثلث التاني ؟

دا انت المطلوب منك تفسر ازاي هو طلع مش تضيف مساحته من الاول على المستطيل وتقول اهو زاد ا سم

بص ياوليد انا كنت رسمت تاني الشكل اللي في المسالة ولونت المربعات اللي عملت فرق في مساحة كلا الشكلين ارجو ان تكون ثاقب النظر وتقدر تشوف الفرق دا

وانا مش معترفة زيك ان في ميل لانه اصلا مش خط مستقيم وهما في الحقيقة خطين راجع الموضوع من الاول وهتشوف المربعات الملونة عاملة فرق ازاي في المساحة بالتدقيق فيها طبعا ..جميع هذه الفروقات كونت هذا المربع الجديد

waleedzt
11-15-2008, 08:09 PM
بصى يااستاذه جودى ومن غير ماتتتعبى نفسك ممكن ترسمى الشكل ده فى ورقه رسم بيانى وهيظهر عندك المربع الجديد بدون اختلاف مساحات وكمان المربع ده ممكن يظهر فى مكان اخر

واناعلى فكره ممكن مااحسبش المربع فى الشكل التانى ولكن احسب مساحه مستطيلين ومربع واحد هما نفسهما قيمه مساحه الجزء الاخضر الفاتح والبرتقالى

مساحه الجزء الاخضر الفاتح والبرتقالى فى الشكل 2=مساحه مستطيل الاخضر الفاتح وجزء من البرتقالى+مساحه مربع برتقالى اضلاعه2*2 +مربع برتقالى اضلاعه1*1

وانا عاوز حضرتك تلاحظى ان الاشكال متداخله فى الشكل واحد اما الشكل التانى فتم التغيير وظهور مساحه جديده نتيجه الاحلال والتبديل فى الاشكال

وزى ماقال احد الاصدقاء اننا نتخيل اننا فى غرفه هى مساحتها واحده وبها مجموعه من الاثاث ومع تغيير وضع هذا الاثاث تظهر لنا مساحه خاليه

الشبح
02-06-2009, 07:11 PM
هااااااااااااااااااااااا

خلاص ولا لسه

انا تعبت

خالد أبوسعده
02-06-2009, 07:30 PM
بص يا سيدى

شوف الصوره دى كده

http://img19.imageshack.us/img19/9731/2888120841va9.jpg (http://imageshack.us)


عندك اسهم عليها ارقام 1و2و3

لاحظ كده و دقق عند اطراف الاسهم
بص فوق و ارجع بص تحت

المثلث الى تحت الوتر بتاعه مش مستقيم
منحنى مايل لفوق

و الدليل ان الاجزاء الى فاضله من المربعات مش واحده فى الحالتين
فوق اكبر من تحت
و بمساعده المنحنى دا اضاف مساحه جديده للمثلث الى تحت ساعدت بعمليه الاحلال و التبديل
ان يفضل عندنا مربع فاضى فى الاخر

الي مساحته اضيفت لما الوتر بتاع المثلث بقى قوس


بكدا يبقى مساحه المثلثين مش واحده
الى تحت اكبر

ترارا لاسحر ولا شعوزة

سلمي جمال
02-06-2009, 07:44 PM
والله يا خالد انا كنت عارفة بس مش عارفة اكتب الي انا فهماه ازاي
بجد برافو عليك
علي فكرة جودي بتفسر نفس الكلام بس مش عارفة توصلة زيك
بجد الله ينور عليك يا باشا

خالد أبوسعده
02-06-2009, 07:53 PM
والله يا خالد انا كنت عارفة بس مش عارفة اكتب الي انا فهماه ازاي
بجد برافو عليك
علي فكرة جودي بتفسر نفس الكلام بس مش عارفة توصلة زيك
بجد الله ينور عليك يا باشا


و عليكى يا باشا
علي فكره انا برضه لما بصيت مبقتش فاهم هم بيقولوا ايه
و استاذ محمد
دخل الحسابات فى الموضوع
و جودى كانت بتقول نفس الكلام بس مش عارفه توصلها
لانها قالت ان الشكل رباعى مش مثلث
و دا يخلى الدماغ تروح لمكان تانى غير الموضوع
و نفهم حاجة تانيه

المهم ترضوا بالحل دا

خالد أبوسعده
02-06-2009, 10:10 PM
انا عايز اعرف راى صاحب الموضوع

الشبح
03-19-2009, 12:29 AM
طبعا انا بشكرك يا خالد افندي على مجهودك ومجهود اعضاء المنتدى كلهم اللي شاركوا في الموضوع

بس انا عندي رأي صغير وهو....

ان الاجزاء الثلاثه اللي انت مشاور عليهم لو جمعتهم مستحيل يعملوا مربع كامل ولا انت ايه رأيك؟

ويارب كلنا نتفق على رأي

والمعروف ان الكل عارف ان المربع الفاضي جاء من بعض الزيادات في الشكل التاني بس هما فين المساحات دي وكمان شوف الدقه اللي اترسمت بيها