المساعد الشخصي الرقمي

مشاهدة النسخة كاملة : ارجو مسااااااااااااااااعدتي قبل يوم السبت ضروررررري



alaa eid
06-03-2009, 09:47 PM
السلام عليكم ورحمة الله وبركاته
ارجو من اي عضو او مشرف او اي دكتور في المنتدي ان يقوم بقراءة الخريطة لسيناء قراءة كاملة لان هاتيجي في الامتحان بتاعي وبصراحة هي اسهل خريطة في رسمها فعايزة قراءة عنها قراءة صحيحة
وجزاكم الله كل خير واهي الخريطة بس ياريت قبل يوم السبت لان السبت عليا الامتحان



http://www2.0zz0.com/2009/06/03/19/959136282.jpg (http://mesa7a.com/forum/%5Burl=http://www.0zz0.com%5D%5Bimg%5Dhttp://www2.0zz0.com/2009/06/03/19/959136282.jpg%5B/img%5D%5B/url%5D)









وجزاكم الله كل خير

Wild_Angel
06-03-2009, 10:14 PM
لولو انا مش فاهمه انتى عايزه ترجمه ولا ايه
ولا عايزه قراءة مثلا ده طريق دى كحافظه ده وادى
وضحى شويه عشان اللى يدخل يساعدك
وكمان حروح ادورلك فى جوجل خريطه بالعربى زيها واحاول اساعدك شويه

alaa eid
06-04-2009, 12:23 AM
بصوا يا جماعة انا عندي حاجة اسمها قراءة الخريطة وقراءة الخريطة
1- القراءة المباشرة
2- قراءة مابين السطور (تفسير)
3- قراءة ماتثيره الخريطة من تساؤلات (نتائج)
كده فهمتوا ولا ؟؟؟؟؟

محمد الفرارجي
06-04-2009, 12:56 AM
بصراحة يا لو لو انا كمان مش فاهم

طيب انتي تقصدي مثلا انه هيجي يقول لك حللي لي نتيجة وجود الجبال هنا ايه
أو مثلا وجود الظواهر الطبيعية مثلا؟

أو ممكن يكون قصدك ان الخريطة هينطلب منك فيها الأثار المترتبة على الموقع والموضع والظواهر الطبيعية والبشرية مثلا؟

alaa eid
06-04-2009, 12:59 AM
السؤال بيقول امامك اطلس او اي كتبا للجغرافيا وانتقي اي خريطة وطبق مفهومك لقراءة الخريطة التي اخترتها؟؟؟؟ظ

Mohamed Hashem
06-04-2009, 01:04 AM
لولو بصراحه مفهمتش انا قريت ومفهمتش برضه زى وايلد مطلوب ايه بالتحديد .. لو فهمت ممكن اخلصها لك بسرعة باذن الرحمن
بس حددى ايه المطلوب .. قراءة ما بين السطور دى مش ماشية خالص .. دى خريطة مش كلام وما تثيرة من تساؤلات ممكن يتعمل فيها رسالة دكتوراه .. وضحى لو ممكن لانى ممكن لما اشوفها اتكلم عن سيدنا موسى ويهود مصر ومدينة طور سيناء وممكن اتكلم عن سيناء ارض الفيروز و الثروة المعدنية فى مصر وممكن اشوف اسرائيل اتكلم عن الصراع العربى الاسرائيلى ..الخ
اما بالنسبة لقراءة الخريطة فدى ببساطة خريطة طرق شبه جزيرة سيناء اللون الاحمر هى الطرق المرصوفة الرئيسية واللون الرمادى (او البيج مش شايف) دى طرق اسفلت برضه بس ثانوية
لو عاوز اسماء المدن اللى عليها بالعربى ماشى سهلة
اتمنى لك التوفيق

arssa2
06-04-2009, 01:05 AM
أعتقد أن قراءة الخريطة يقصد بها مفتاح الخريطة من معالم على الطبيعة
كحدود الأراضى / والتفاصيل الداله على ذلك ألخ ...

محمد الفرارجي
06-04-2009, 01:09 AM
طيب باختصار عشان ما اطولش عليكي وهقولك اللي فاكرة
أولاً: توصفي الحريطة كأنك بترسميها بالكلام
1- الموقع الفلكي.
2- الموقع الجغرافي.

ثانيا: الظواهر الطبيعية:
1- الجبال.
2- الهضاب.
3-التلال.
4-السهول.
5-الأودية.
6- المسطحات المائية سواء ملحة او عذبة.

ثانيا: الظواهر البشرية.
1- توزيعات السكان ان وجد
2- المباني والامتدادات العمرانية
3- الطرق البرية والسكك الحديدية.
السدود والقناطر والكباري.

وهكذا هذا بالنسبة للظاهرات الطبيعية والبشرية الموجودة على الخريطة.

ثالثا: علاقة التأثير والتأثر بين الظواهر بصفة عامة
1- علاقة المسطحات المائية بالمناخ .
2- علاقة المسطحات المائية بالنشاط الاقتصادي.
3- علاقة الجبال والمرتفعات بالمناخ.
4- علاقة المرتفعات بالنواحي الاقتصادية سواء تعدين او سياحة.
5- علاقة السهول بالزراعة والاستقرار.
6- علاقة المجاري العذبة بالاقتصاد والزراعة والاستقرار.
7 علاقة الطرق بالتمدد العمراني والصناعي.
8- مواقع المدن والمناطق الصناعية مثلا بالنسبة للمناطق السكنية كناحية بيئية.
9- موقع الخريطة من نطاق المناخ العالمي مثلا كأن تكون في نطاق الاشعاع الشمسي الكثيف فبالتالي تكون مهيأة لبناء مزارع استخراج الكهرباء من الشمس.


وهكذا ويا رب اكون فدتك بحاجة وربنا يوفقك

Mohamed Hashem
06-04-2009, 01:14 AM
والله كلام محمد معقول جدا
بس انا مشفتش اسئلة كده .. ربنا يعينك

محمد الفرارجي
06-04-2009, 01:17 AM
ربنا يخليك يا كبييييير

كان عندنا مادة الخرايط العالمية للدكتور محمد رمضان في دبلومة عين شمس

المقصود هنا والله اعلم

الطالب يتعود على قراءة الخريطة وتحليلها مش قرائتها وبس

عشان يقدر يعمل ربط بين الظواهر الموجودة على الخريطة والاحداث المستقبلية

Mohamed Hashem
06-04-2009, 01:20 AM
الله ينور عليك انك لسه فاكر هههههههه
ومشكور طبعا لمساعدتك زميلتنا العزيزة
يارب يفى هذا بالغرض

alaa eid
06-04-2009, 09:32 AM
ميرسي خاااااااااااااااااالص لانة يعتبر زي ما قاله البشمهندس محمد الفرارجي بالضبط
شكرا انا هاضيفها علي اللي انا جبته
وهاحط اللي انا عندي علشان معلومة لكل اللي حابب يعرف ازاي
بس شكرا كتيييييييييير يا بشمهندس محمد
شكرا لحضرتك بشمهندس محمد هاشم علي اهتماما حضرتك

Mohamed Hashem
06-04-2009, 09:38 AM
الحمد لله الذى بنعمته تتم الصالحات
بارك الله فيكم جميعا

alaa eid
06-04-2009, 09:49 AM
اولا : القراءة المباشرة :
1- المساحة
2- العاصمة
3- عدد السكان
4- معدل النمو السكاني
5-العملة
6- العنوان
7- مقياس الرسم
8- الالوان
9- شبه جزيرة سيناء يمثل شكلها علي شكل مثلث قاعدته العريش في الشمال والتيه في الوسط والطور في الجنوب


ثانيا : قراءة ما بين السطور :
1- الموقع الفلكي : تقع عند خط طول 25-37 شرقا
وعند دائرة عرض 29.5-33.5 من الشمال

2- الموقع الجغرافي : يحدها من الشمال البحر المتوسط
يحدها من الجنوب البحر الاحمر
يحدها من الشرق البحر الاحمر
يحدها من الشرق الاردن وفلسطين والبحر الاحمر

3- أهمية الموقع الجغرافي : تعتبر بوابة مصر الشرقية وتعتبر همزة الوصل بين اسيا وافريقيا

4- أهم المراكز العمراينة : في شمال سيناء : رفح - العريش - بيرالعبد - الحسنة - الشيخ زويد - نخل
في جنوب سيناء : العين السخنة - الطور - دهب - شرم الشيخ - رأس سدر - طابا - ابو زنيمة - ابو ردوس

5- اهم المراكز الجمركية : نويبع

6- أهم المركز السياحية : دهب - الطور - العريش

7- أهم البحيرات الموجودة بحيرة البردويل

8- أهم المحميات : محمية الزرانيق - محمية رأس محمد


قراءة ما تثيره الخريطة من تساؤلات :

1- ما هي اسباب اقبال السياح علي العريش ودهب وطابا وشرم الشيخ ؟

2- ما النتائج التي ترتبت علي اطالتها علي البحر المتوسط ؟

3- ما هو مناخ سيناء ؟

4- ماهي اهم الموارد القتصادية ففي سيناء ؟

ماهي علاقة الجبال والمرتفعات بالمناخ ؟

Mohamed Hashem
06-04-2009, 09:54 AM
الحمد لله انك وجدت غايتك انا سعيد
ربنا يوفقك

Marwa Mahmoud
06-04-2009, 09:56 AM
طب كنتى قولتيلى يا لولو كنت قرأتهالك

بس خلاص بقى الناس العسل اللى هنا ساعدوكى

بس لما تيجى تقرأى فى الامتحان اقرئيها بصوت واطى

لحسن حد يسمعك هههههههههههههه

alaa eid
06-04-2009, 10:04 AM
الحمد لله انك وجدت غايتك انا سعيد
ربنا يوفقك





الحمد لله
بجد بشكر حضررررررتك كتييييييييييييييير
وبشكر كل من قام بمساعدتي

alaa eid
06-04-2009, 10:05 AM
طب كنتى قولتيلى يا لولو كنت قرأتهالك

بس خلاص بقى الناس العسل اللى هنا ساعدوكى

بس لما تيجى تقرأى فى الامتحان اقرئيها بصوت واطى

لحسن حد يسمعك هههههههههههههه




متقلقيش هامسك مايك واقراها
هههههههههههههههههههههه
شكرا يا مرمر

Wild_Angel
06-04-2009, 12:52 PM
ربنا يكرمك يا لولو وبالنجاح والتوفيق
تصدقى انى بجد استفدت جدا من الموضوع ده والله
لانى فى الكليه مكنش عندنا موضوع قراءة الخريطه ده بس طلع الموضوع ساهل الحمد لله
وشكرا لباشمهندس محمد الفرارجى أنه وضحلنا الموضوع

محمد الفرارجي
06-04-2009, 03:28 PM
أشكركم

أشكركم

أشكركم

انا مش عارف اقول لكوا ايه

كلكوا زي اولادي واحفادي

دا العادي بتاعاعنا يعني ولا مؤاخذة


يا جدعان انا عامل زي ما بأكون بأربط على انفار من على القهوة

ما تيلا ياض انت وهوه وهيه عشان نكمل المشروع بقى

محدش كده بعت وقال بالروح بالدم نفديك يا مشروع

والا حد بعت قال نموت نموت ويحيا المشروع والا الحاجات بتاع ثورة تسعتاشر دي؟


عموما ربنا يوفقكوا وشكرا جدا لكل اللي عقب ورد

والشكر الكبير

للكبير

سلام عليكم

وتحت امركم

KAREEM
06-04-2009, 05:22 PM
بجد أنا طول ما بقرأ الموضوع
فرحان جدا بروح التعاون الموجودة بين أعضاء المنتدى
والروح العاية دى
لا وكمان وصلنا نتيجة كويسة فى الاخر
وانا عن نفسى والله استفدت جدا
واعتقد ان كل اللى قرا الموضوع استفاد
وبكرر أحلى حاجة الروح العالية والتعاون الموجودين دول
وربنا يوفق الجميع يارب
آآآآآآآآآآآآآآمين

alaa eid
06-05-2009, 04:43 AM
شكرا بجد لكل من ساهم في الموضوع
جزاكم الله كل خير
وجعله في ميزان حسناتكم

Marwa Mahmoud
06-06-2009, 06:35 PM
الحمد لله يا لو لو

أظنك قرأتى الخريطة النهاردة لما قولتى يا بس

محمد الفرارجي
06-06-2009, 06:48 PM
ها يا جميل عملت ايه النهارده

طمنيني

alaa eid
06-06-2009, 08:52 PM
ها يا جميل عملت ايه النهارده

طمنيني




اسكتو اسكتو
الامتحان كان غبييييييييييييييييي غبييييييييييييييييييي
ربنا يسترها معانا
اما قراءة الخريطة الحمد لله كانت كويسة

محمد الفرارجي
06-06-2009, 08:55 PM
ربنا يسترها ان شاء الله
وموفقه بإذن الله