المساعد الشخصي الرقمي

مشاهدة النسخة كاملة : رسالة لكل راغبى السفر للسعودية



MOHAMAD ELSAADANY
06-03-2009, 09:55 PM
خبر هام لكل راغبى السفر إلى السعوديه[/u]


أخوانى نظرا للتدهور الشديد فى النواحى الأقتصاديه فى مصر يتسابق ملايين الشباب للسفر للدول العربيه
وخصوصا السعوديه لكى يفتحوا لهم أبواب رزق جديده وللهروب من الوضع المأساوى فى مصر

ولذلك قامت الشركات السعوديه بتقليل رواتب المصريين الراغبين فى القدوم حديثا فى كل المجالات نظرا لهذا السبب ولأسباب أخرى
وليس الشركات فقط بل المصريين إيضا قللوا من أنفسهم وقيمتهم الحقيقيه التى يستحقونها

ولذلك فكرت فى عمل بحث صغير جدا فى حدود وقت فراغى وأتمنى من كل شخص يقرأ هذا الموضوع أن ينشره لكل صديق أو قريب أو يتم نشر الموضوع فى كافة المنتديات حتى يصل لأكبر قدر من راغبى السفر للسعوديه . أيضا أرجوا من لديه مثال واقعى يكشف ما سيتم سرده بعد ذلك من أوضاع أن يكمل معنا الموضوع بوضعه وأرساله لكل راغبى السفر للسعوديه

دعونى أولا أوضح بعض النقاط

1- أقل مبلغ مطلوب شهريا لمستوى معيشى متوسط لفرد واحد

الأكل - فى أضيق الأحوال 20 ريال يوميا (فطار – غداء – عشاء)
المياه - فى أضيق الأحوال 20 ريال شهريا ( 4 قاروره)
سجاير - فى أضيق الأحوال 3 ريال يوميا (العلبه تقريبا 5 ريال)
أخرى - فى أضيق الأحوال 200 ريال شهريا (علاج – موبايل - خروج – ملبس – ألخ......)

أذا المجموع الكلى تقريبا 900 ريال شهريا لشخص مدخن وتقريبا 800 ريال لشخص غير مدخن

مع العلم أنه يمكن أن تكون هناك مصاريف أخرى يمكن حدوثها ولكنى لم أذكرها لأختلافها من شخص لأخر
أيضا هذه المصاريف لشخص عادى مش(أكيل- فييس) يعنى

2- السكن والأنتقالات

لو الشركه موفراهم مفيش مشكله أما أذا كان الأجابه بلا فأليك هذه المعلومات

السكن

لو الشركه هتوفرالسكن و بدون أثاث

أذا ستحتاج (سرير – دولاب - غساله – ثلاجه – بوتجاز – مكوه – حاجات المطبخ – وخلافه )
لو هتشترى عفش جديد هيكون فى حدود 4000- 6000 ريال
أما لو مستعمل هيكون فى حدود 2500- 3500 ريال
كل ده بدون تكييف وهيكون فى حدود 1500 ريال أذا كان غير موجود لكل غرفه بالطبع

اما لو الشركه مش هتوفرالسكن

فهيكون أيجار سكن عازب غرفه وصاله ومطبخ فى حدود 10000 ريال فى السنه
لو السكن مشترك هيكون فى حدود 500 ريال شهريا

وهذه معلومات فى حالة طلبك بدل سكن مناسب

الأنتقالات

فى المملكه مفيش مواصلات عامه ألا باص صغير يأتى من حين لأخر على إستحياء ولا يمكن الإعتماد عليه
ولذلك ستركب تاكسى وأقل مبلغ ستدفعه 20 ريال للمشوار الواحد
ولذلك يمكنك حساب ما تحتاج من بدل الإنتقالات

بعد سرد ما سبق وبدون إطاله

أذا كان السكن مؤثث ومكيف والإنتقالات على الشركه فيمكن للفرد أن يحتاج إلى 1100- 1300 ريال شهريا
أما أذا كان العكس فسيحتاج الفرد إلى 1800 – 2200 ريال شهريا
ولذلك بعد بحث طويل مع كل الأفراد والأصدقاء أستطيع أن أضع تصور عقلانى للرواتب التى من المفترض إلا يأتى أحد من مصر أقل منها وأناشد أخوانى قدر المستطاع نشر هذه المعلومات نظراُ لأهميتها القصوى

ملحوظه :-

1- كل الرواتب التى سأسردها لحديثى التخرج أو لخبره سنتان على الأكثر
2- الرواتب المذكوره بدون بدل سكن أو إنتقال
3- الرواتب المذكوره بدون تأمين صحى


الرواتب الواقعيه والمفروض أن لا تقل عن ذلك



المهندسين بمختلف مجالاتهم من 5500 – 7000 ريال سعودى
المساحين بمختلف مجالاتهم من 4000 – 5000 ريال سعودى
الصيادله بمختلف مجالاتهم من 4500 – 6000 ريال سعودى
الأطباء بمختلف مجالاتهم من 5500 – 7000 ريال سعودى
المدرسين بمختلف مجالاتهم من 3000 – 4000 ريال سعودى
العماله بمختلف مجالاتهم من 2500 – 4000 ريال سعودى
المحاسبين والسكرتاريه والمناديب بمختلف مجالاتهم من 3000 – 4000 ريال سعودى



رواتب مضحكه من كثرة البكاء عليها وهى حقيقيه والأمثله كثيره



محاسبين على 1200 ريال
مهندسين على 1800 ريال
أطباء على 2500 ريال
مدرسين على 1500 ريال
سائقين على 1100 ريال
عماله على 700 ريال


الأشياء اللازم توفيرها فى أى عقد لأى مهنه

1- لابد أن يحتوى العقد على شهر أجازه كل سنه مدفوع الأجر وشامل تذاكر الطيران ذهاب وإياب
2- لابد من توفير التأمين الصحى لك وللأسره
3- توجدة خدعه أسمها تقسيم قيمة الراتب إلى أساسى صغير جدا وبدلات ثم تفاجئ بخصم البدلات بعد القدوم لأى سبب
4- بعض الشركات تطلب دفع تذكرة القدوم وتوعد بدفع القيمه عند المجئ ولا تدفع بالطبع فيمكنك طلب التذكره وأنت فى مصر وبسهوله يتم إرسالها لك فى حالة جديتهم فى الطلب
5-مرفوض تماما السفر البرى من وإلى المملكه

معلومات للعلم فقط وليس الحصره على المصريين

1- المهندس الهندى حديث التخرج يرفض القدوم أقل من 6000 ريال وتوفير كل شىء مشروح سابقا
2-المحاسبين الأردنين والفليسطينين والهنود لايأتو أقل من 3000 ريال وتوفير كل شىء مشروح سابقا
3-رواتب السورى واللبنانى والهندى والفلسطينى أكبر من المصرى والسبب فى المصرى نفسه لأنه أكثر كفاءه وعلم وتعليم منهم جميعا ولكن ينقصه البحث والحصول على المعلومات قبل إتخاذ القرارولذلك أرجوا أن يستفيد كل من يقرأ هذا الملف ويرسله لأكبر عدد ممكن من المصريين فى كل مكان

AYMAN GAMAL
06-03-2009, 10:00 PM
رسالتك وصلت طبعا و بحييك على خوفك على زملاءك

تحياتي ليك

شكرا جزيلا

Mohamed Hashem
06-03-2009, 10:06 PM
كتر خيرك يا محمد
والله الحال بقى يحزن ومش عارف حنوصل لفين
عموما جزاك الله خيرا على وقتك ومجهودك
وثوابك عند الله لمساعدتك إخوانك المقدمين على السفر

KAREEM
06-03-2009, 10:13 PM
جزاك الله عنا كل الخير
لسه بسأل أخويا من يومين على السعودية
هو أصلا مقيم فى الخليج بالتحيد قطر
حذرنى وبس
دلوقتى عرفت ليه
أكرمك الله وجعله فى ميزان حسانتك

Wild_Angel
06-03-2009, 10:18 PM
جزاك الله خيرا
والله نصائحك ربنا يجعلها فى ميزان حسناتك
واهم شئ ان النصيحه مرفقه بالدلائل

محمد الفرارجي
06-03-2009, 11:11 PM
بص شوف الطنطاوية بيعملوا ايه؟
يا ابو حميد

ربنا يبارك لك عالمجهود الرائع
بس تعالى نحسبها شوية

فيه فرق بين الواقع والخيال

دلوقتي واحد ضاربه السلك ومعدوم وعايز يعتمد على نفسه
عايز شقة وعايز عفش عشام يتجوز

وبعد الجواز البقية تأتي

انت معاك حق في كل اللي بتقوله وانت محترم في تفكيرك واحييك جدا لأن ده اللي بافكر فيه فعلا
بس تعالى قل لي بقىواحد مش لاقي شغل هنا واتعرض عليه سفر

هيرفض ليه؟
ايه البديل المحترم اللي قدامه عشان يرفض

هيقعد ويستنى دوره يجي له؟

انا معاك في انهم بيقللوا نفسهم بس مفيش في ايديهم حاجة

يا محمد يا خويا ربنا يكفيك شر الحوجة
وربنا يكفيك شر الديون
وربنا يكفيك شر القاعدة ومرارة التدوير على شغل


يا محمد صدقني انا معاك قلبا وقالبا في تفكريك بس حقيقي الواقع مرير ومؤلم وصادم

ومعظم الناس اللي راحوا واتمرمطوا هناك قعدوا سنة تعبوا ورجعوا معاهم خبرة واسم فس السي في
ومنهم صديق شخصي

سافر السعودية على ألف وستمية وتاني سنة رجع السعودية على تلاتة ونص

يعني الموازين بتختلف

ومش شرط عام

واللي ممكن يكون غايب عنك

المساحين في الوقت الحالي مطلوبين جدا في السعودية عشان اعمال الاحلال والتجديد في شبكة المياه والصرف الصحي.


صحيح يا ريت تنضم معانا في مشروع تشغيل الخريجين من خلال الرابطة
عايزين ناس زي حضرتك فاهمه وعندها حس بغيرها

وكمان يا سيدي المشروع لو اتنفذ صح ان شاء الله صدقني هنعلي قيمة المساح جدا

بس شاركنا ومش هتندم

سلام عليكم
ولك كل الحب والتقدير


اخوك محمد
نفيا- طنطا

MOHAMAD ELSAADANY
06-04-2009, 09:59 PM
انا بحييك يا استاذ محمد على الكلام الرائع ده بس زى ما بيقولو كل شى له مميزات وعيوب

انا حبيت بس اعرض الصوره السليمه علشان كتير من الشباب بتبقى وخداهم الحماسه بعد التخرج وبيبقو فاكرين ان الغربه دى والسفر ده بالساهل

انا حبيت بس اعرفهم الصوره علشان اللى يسافر منهم بيكون فى خياله صوره معينه ولما يروح هناك بيلاقى صوره تانيه خالص

المهم ان احنا لازم نعرف الناس كلها ان السفر ده مش بالساهل يعنى احسبها صح تعيشها صح
]وربنايوفق الجميع الى ما يحبه ويرضاه[/SIZE]
والسلام عليكم ورحمة الله وبركاتة

MOHAMAD ELSAADANY
06-04-2009, 10:08 PM
على فكره يا استاذ محمد احنا طلعنا جيران وبلديات جامد جدا لانى ساكن جنبك على طول فى مساكن البترول وليا اصحاب كتير فى نفيا

وبالنسبه لمشروع توظيف الشباب الخريجين فانا تحت امرك فى اى حاجه تطلبها منى بجد انا بحب عمل الخير ومساعده الناس

يعنى لو حضرتك عوزت اى حاجه ممكن تطلبنى وده رقمى / 0120092259على
فكره انا لسه فى الليسانس اداب مساحه يعنى هبقى خريج كمان 10 ايام

يعنى مشروع التوظيف ده يهمنى شخصيا قبل اى حد
وا
والله الموفق

Marwa Mahmoud
06-04-2009, 10:40 PM
جزاك الله كل خير

شكرا ليك

محمد الفرارجي
06-04-2009, 11:12 PM
حبيب قلبي يا ابو حميد

سلم لي عالشيخ محمد لبيب

انا طبعا يشرفني الرد على موضوعك وربنا يجعله في ميزان حسناتك
المهم محتاج لك معانا ان شاء الله
المشروع هينزل عالمنتدى يوم عشرين ستة
وما تقلقش هسبقة بحملة اعلانات هغرق بيها المنتدى ان شاء الله

وربنا يبارك لك يا حبيب قلبي
سلام عليكم

محمد الفرارجي
06-04-2009, 11:15 PM
معلش يا حمادة هرد عليك تاني
سلم لي عالواد حسام خيرة وعلى احمد العجيزي
انا مش هعرف اتصل بيك دلوقتي
انا في موزمبيق والله مع الشركة بنعمل شغل
وراجع عالعيد ان شاء الله
واكيد نتقابل ان شاء الله
ويا ريت ما اتحرمش من مشاركتك معانا ان شاء الله

MOHAMAD ELSAADANY
06-05-2009, 01:04 AM
حبيب قلبي يا ابو حميد

سلم لي عالشيخ محمد لبيب

انا طبعا يشرفني الرد على موضوعك وربنا يجعله في ميزان حسناتك
المهم محتاج لك معانا ان شاء الله
المشروع هينزل عالمنتدى يوم عشرين ستة
وما تقلقش هسبقة بحملة اعلانات هغرق بيها المنتدى ان شاء الله

وربنا يبارك لك يا حبيب قلبي
سلام عليكم




الله يسلمك ويبارك فيك

MOHAMAD ELSAADANY
06-08-2009, 04:40 PM
شكرا على الردود

MOHAMAD ELSAADANY
06-09-2009, 01:11 PM
???????????????????????

MOHAMAD ELSAADANY
06-09-2009, 06:12 PM
؟؟؟؟؟؟؟؟؟؟؟؟؟؟؟؟؟؟

MOHAMAD ELSAADANY
06-10-2009, 11:09 AM
؟؟؟؟؟؟؟؟؟؟؟

ALEXBOY88
07-11-2009, 06:30 PM
الموضوع دة مهم ولازم يتثيت مهممممممم جداااااااااااا

ALEXBOY88
07-11-2009, 06:35 PM
انا عملت تقيييم ممتاز

يلا كونوا معنا