المساعد الشخصي الرقمي

مشاهدة النسخة كاملة : اسئله ملهاش حل



MoStAfA MaHeMoD
06-07-2009, 04:22 PM
ليه لما نيجى نمشى فى المطر لظروف إستثنائية بنروح رافعين أكتافنا لفوق ؟
هاتعمل إيه يعنى

ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت
أو راديو السيارة ؟
ليه لما بتكون بطارية الريموت شبه فاضية ، بنضغط على الزراير جامد ؟

ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟

ليه بنقول هدية مجانية ..؟ مش المفروض إن الهدية تكون مجانية

ليه لما نكون جوه المنزل والسماء بتمطر بنسأل هو الجو بيمطر بره ؟ هى عمرها
مطرت جوه

ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا
نتأكد ؟

ليه الخدمة بتكون سريعة لما المطعم يكون مزدحم أكتر من لما يكون نص نص ؟

ليه لما الواحد بيركن السيارة فى موقف فاضى اللى جاى وراك بيركن جنبك ؟
ليه دايما لما حد بيجري يلحق الأتوبيس تلاقيه مبتسم أو بيضحك ؟
ليه بنفتكر إن لما ندوس على زرار الأسانسير كتير هاييجى بسرعة ؟

أو مثلا ليه لو واحد جه بعديك وأنت مستنى الأسانسير بيدوس على زرار الأسانسير
ولا كأنك موجود ؟

ليه وإحنا بنأكل الطفل الصغير فى فمه بالملعقة .. بنفتح فمنا ؟

ليه دايما عندنا إستعداد تام إننا نصدق أى حد بيكلمنا فى ودانا .. بيوشوشنا ؟

ليه لما بنتصل بالتليفون .. دايما النمر الغلط مابتكونش مشغولة ؟

ليه لما بنصحى من النوم دايما بنحس إن كمية النوم ناقصها عشر دقايق ؟

هههههههه

Soma
06-07-2009, 06:04 PM
هههههههههههههههههه
تحفة جداااااااااااا
ميرسى كتيييييييييييييييير
ملحوظة ( الموضوع شبه متكرر ):p

samar
06-07-2009, 08:44 PM
بجد اسئلة كلنا بنعملها وبتبقى حاجة تلقائية جدا ومحدش كتير بياخد بالوا منها غير لما حد تانى يقولوه انت عملت كدة ليه
متهيألى لما بنأكل الطفل بنفتح فمنا علشان يقلدنا
ولما بنصحى من النوم بتحس انك تعبان فلو الى بصحيك سابك ولو 10 دقايق هترتاح
ولما بتركن السيارة جنب سيارة تانية ده لان الانسان بطبعته مش بيحب الوحدة وبيخاف جداااااا يبقى لوحدوه وبيحب المشاركة وانه كمان بيركن زيك
علشان لو انت راكن غلط وجه حد يقوله يقوله مهو فى ناس عاملة كده برضوه

محمد الفرارجي
06-08-2009, 08:20 PM
والله ظريف
انتوا بتجيبوا حاجات
اصلا الواحد ما بيحطهاش في دماغه

انتوا بتجيبوا الكلام دده منين؟

esraa
06-09-2009, 08:31 PM
الله الله




بجد فعلا متتحلش



بس ربنا يسهل و اعرفها




ميرسى اوى على الموضوع .........

Mohamed Hashem
06-09-2009, 09:02 PM
حلوة قوى قوى
فعلا ... ليه بنعمل كده ؟
ههههههههههههه
تسلم ايدك موضوع جميل

MoStAfA MaHeMoD
08-01-2009, 03:17 PM
[quote=محمد الفرارجي;134714]
والله ظريف

انتوا بتجيبوا حاجات
اصلا الواحد ما بيحطهاش في دماغه



انتوا بتجيبوا الكلام دده منين؟




رايك غير مسموح بيه يا كابتن

Marwa Mahmoud
08-01-2009, 06:15 PM
هههههههههههههههههههه

موضوع لذيذ جداا شكرا ليك

S2AH
08-01-2009, 08:12 PM
تسلم ايدك
بجد جامدة

AEF
08-01-2009, 08:27 PM
جامد اوى التوبيك هى اسئله فعلا تحير بس هى فطرة وتعود فى الانسان مش اكتر وكلنا كدة بس تعرف ايه الغريب برضه
ان اللى بيطرح الاسئله دى بيعمل اللى فيها وبيسأل برضه
هههههههه جامد ياديشه

روميو الحب
08-01-2009, 11:28 PM
احيه بجد اسئله تحفه جدا وعندك حق والله ملهاش حل

تسلم ايدك والله على الاسئله الجميله دى

جوليت الحب
08-04-2009, 01:37 AM
ههههههههههههههه بجد موضوع هاااااايل فعلا معاك حق فى كل كلمة قولتها وصعب اجابتها بشكرك على الاسئلة الجامدة دى ملهاش اجابة لا بجد برافو