المساعد الشخصي الرقمي

مشاهدة النسخة كاملة : المكان ده ايه



samomran
10-06-2008, 12:15 PM
ممكن كل واحد يقول مكان كانت معاه ذكرى مضحكه شويه و يشرح الموقف

انا حبدء بامام سينما امير لما جه واحد مجنون عايز ياخد منى فلوس و مسك فى رقبتى و جرنى وراه و رمانى فى نصف الشارع امام العربيات اما جاد


و انا حسمع منكم المكان و الموقف

Mahro
10-06-2008, 02:17 PM
يا حرااااااااام اتعلمى بقى متخديش حاجه مش بتاعتك تانى ربنا سترها المره دى محدش عارف كان ممكن الراجل ده يرميكى فييييييييييين هههههههه
المكان : الاكاديميه العربية _ ميامى
الموقف: كنا انا وصحابى بناخد كورس فى مهارات الأتصال والتفاوض وادارة المؤتمرات وحاجات كده واتعرفنا على ولد كده شعره طويلوعنيه خضره ومقطقط ففى مره واحنا قاعدين دخلت بنت مش قادر اوصفلكم فواحد من صحابى قاله عارف البنت دى قاله مالها قاله صاحبى انا اخدت رقم موبايلها امبارح وهنخرج النهارده بعد الكورس قاله الولد انت بقى عارف البنت دى مين قاله صاحبى مين قاله الولد دى اختى . طبعا انا مش عاوز اقولكم احنا لما سمعنا كده حصلنا ايه ولا واحد فينا بقى عارف يقف على رجليه من الضحك .

احمد حسن
10-06-2008, 04:05 PM
الحمد لله samomran انها جت على اد كدة ربنا ستر

احمد حسن
10-06-2008, 04:08 PM
والموضوع انتهى على ايه يحودة
دى فيها ضرب نار
بس فــــــــى حاجة مهمة
هما خرجوا بعد الكورس ولا ايه اللى حصل ؟؟؟
هههههههههههههههههههه

Mahro
10-06-2008, 04:14 PM
ابدا الواد طلع كووووووووووول وعرفنا عليها هيا وصحباتها وكمان خرجنا كلنا بقى

ولا يا احمد انته فاكر لما لاقيتك انت وسعيد عندنا فى الشارع جين لمصطفى وروحنا البحر كلنا فاكر انا سيبتكم وروحت فيييييييييييييييييييين خليها بينى وبينك بقى ياااااااااااااااه كانت ايام

احمد حسن
10-06-2008, 04:39 PM
اه طبعا
هى دى حاجة تتنسى بس انا لو قولت انت ممكن تزعل ولا ايه ههههههههههههههههههه
بس اليوم ده انااتعلمت كتيييييير منك دنت طلعت معلم
يوم مجيتلك انا و سعيد ( surveyor2007 ) ومصطفى صبرى وكنا هنروح لعاشق الرومانسية ( مصطفى جمال )بس هو كان مسافر
ياللا الله يرحمهم جميعا
هههههههههههههههههههه

sarah
10-06-2008, 04:51 PM
المكان كان فى بيت العيلة الله يرحموا اتهد و بقا عمارة , المهم شقة تيتا وجدوا الله يرحمهم كان فى الارضى وكنا نزلين من عند عمو كلنا واقفين قدام باب الشقة بتاعت تيتا ومفيش حد جوة وكمان الباب ازاز الدنيا مضلمة ,
وبعدين انا عرفة ان عماتى وكلهم بيعتقدوا فى الارواح والعفاريت و كنا اليوم ده بيتكلموا فى الحاجات دى واللى ماتوا وكده يعنى ,
روحت فقعت صويته وقلت مين اللى جوة بيتحرك . قبل ما حد يبص كله جرى ,هههههههههههههههه كل ما افتكر شكلهم بضحك.

samomran
10-06-2008, 05:35 PM
هههههههههههههههههههههههههههههه و الله موقف ولا احلى منه

احمد حسن
10-06-2008, 05:38 PM
اللهم احفظنا
دستور يمباركيين
هههههههههههههههههههههههه

samomran
10-06-2008, 06:59 PM
الله عليك ربنا يجعل كلامنا خفيف عليهم

احمد حسن
10-06-2008, 07:03 PM
هههههههههههههههههه
ان شــاءالله كله الاالعفاريت

م/ احمد فاخر
10-06-2008, 07:06 PM
وليه السيرة الوحشة دى

samomran
10-06-2008, 07:06 PM
اه اصل كلام فى رسك اللى بيخاف من العفريت يطلع له فى اى حته لو حتى فى البنطلون

Mahro
10-06-2008, 07:07 PM
ههههههههههههههههه عاوز تقول ايه بس الله يخرب بيتك هو احنا اترمينا فى الجيش من شويه بس يالا خلاص بقى كانت اياااااااااااااااام (بس ايه رأيك ) انا يومها روحت البيت الساعه 1 بالليل ههههههههههههههههههههههه

حته صويته (ههههههه) عارفها دى يا ساره من الى بتخلى الركب تخبط على الجيران

م/ احمد فاخر
10-06-2008, 07:07 PM
وليه السيرة الوحشة دى

احمد حسن
10-06-2008, 07:12 PM
هههههههههههههههههه
لا بلاش البنطلون
انا بقى مرة كنت واقف مستنى سعيد ( surveyor 2007 ) فى يوم من الايام على على ناصية شارع من شوارع اسكندرية اللى احنا عارفينها ( واخد بالك يحودة انت وسعيد ) وفجأة واحد جالى وقاللى
انت بقى عاملى زعيم العصابة بتاع المنطقة ومسك فيا ومرضيش يسيبنى ولسة كان هيدينى اللى فى النصيب
سابنى
اعتقد لانى صعبت عليه او لان هو ملقاش منى مقاومة
او ممكن استجاب للكلمات اللى كنت برددها وانا بقول
والله انامستنى سعيد معرفش حد هنا

sarah
10-06-2008, 07:13 PM
ههههههههههههههههههه,
مكنتش اعرف انكوا كده , خلاص نخلى حسن يشوفلنا مشرف يفتحلنا قسم لعفريت العلبة

samomran
10-06-2008, 07:16 PM
و الله فكره انا بدعو حسن انه يناقش فكره فتح قسم للعفاريت و الظواهر الخارقه للطبيعه

Mahro
10-06-2008, 07:20 PM
ههههههههههههههه دى فين يالا يا احمد دى فى ابو سليمان صح اكيد انا متربى هناك وعارف بس كنت قولى انت هتنسى ولا ايه انا مكسر كلية حقوق 4 مرات انا وحسين فكره يالا على فكره بيسلم عليك اوى اوى ده حتى ظابط الا من كل ميشوفنا كان يقول ربنا يستر تضحك بقى كلهم كانوا بسبب التحفه الى اسمه محمد على فاكره. وعلى فكره احمد محمود كمان خطوبته كانت فى العيد فاكر يالا الأيام دى كنا عصابه مش طلبه .

Surveyor 2007
10-06-2008, 07:24 PM
منك لله يا احمد فضحتني قدام الاجانب الجداد من المساحه

Mahro
10-06-2008, 07:28 PM
ولا يهمك يا سعده قولى يالا لسه بتضحك كده من غير سبب ولا الغربه ربتك هههههههه

Surveyor 2007
10-06-2008, 07:29 PM
موقفي اللي فكره دلوقتي كان في ايام المشروع بتاعه التخرج
وكنا لسه مسافرين وبعدين الواحد لما يغير مكان نومه مش بينام وفجاه لقيت واحد في الاوضه معايا في المشروع والدنيا ضلمه ومش شايف حد خالص الا غير واحد واقف في الاوضه ومش عارف مين
اكتشفت في الاخر انه واحد صحبي( بدون ذكر اسماء طبعا ) ولسه الموضوع ده معاه لحد دلوقتي مع مسافر السعوديه برده

احمد حسن
10-06-2008, 07:40 PM
حودة
والنبى سلملى على حسين اوى
ومحمد على كتير
وعلى احمد محمود وقوللوا الف مبروك فاكر يحودة احمد مشوفتوش من حوالى 6 سنين واول مشوفنا بعض افتكرنى على طول لما كنا عالبحر ادام 45 البوريفاج
وعمرو ايه نظامو ا
اصلى عارف بتوع المندرة جدعان اوى
ومتنساش صاحبك اللى قابلناه فى البحر وكان رايح الجزيرة معانا (المندراوى ده )
يااااااااااااه فكرتنى بأيام الشباب

احمد حسن
10-06-2008, 07:44 PM
ههههههههههههههه
عارفه يسعيد بس مشكلتى انى وناانايم محستش حتى لو طلعلى ايه
بس عرفت لما صحيت عشان هو عملك مشكلة كبيرة (((اتخضيت )))

Mahro
10-06-2008, 07:54 PM
تلاقيه فرعون بتاع بليه هههههههههههههههههههههههههه

Mahro
10-06-2008, 07:55 PM
يوصل السلام يا ابو حميييييييييييييد

samomran
10-06-2008, 11:28 PM
طب حطونا فى الصوره معاكم طيب مش كده انا زى الا.... فى الزفه

sarah
10-06-2008, 11:49 PM
lممكن احكى موقف تانى ولا واحد بس للى احكيه؟

Mahro
10-07-2008, 12:20 AM
احكى تان وتانى احنا كلنا مطنشين هههههههه اقصد سامعين طبعاً

samomran
10-07-2008, 12:23 AM
احكى من هنا لبكره
و انا مستنى منك الموقف التانى

sarah
10-07-2008, 12:53 AM
بصوا بقى انا كنت فى الاقصر وفى زيارة الوجه القبلى ( مقابر النبلاء ) كان المرشد بيتكلم عن لعنة الفراعنة والالوان مواد سامة وحصل اكتر من موقف للى حاول يكتشف المقابر للامراء ,
المهم انا كنت بقول كلام اساطير وحواديد وكده يعنى ,
وبعدين نبهناوحذرنا المرشد ان محدش يلمس الجدران والالوان وكده ما علينا , كانت اول مقبرة انزلها مش فاكرة كانت بتاعت ملك مين بس للى فكراه
(تنزل امتار طويلة تحت الارض ومفيش سلالم دى عبارة عن منزيلايه خشب بجدار خشب واضاءة خفيفة , وانا عمال الكلام بتاع المرشد شغال فى دماغى وعماله بلمس الحروف اصلى بحب اللمس الحاجات المنحوته ,وبقول ( يوارونى فراعنة ازاى ).
ووكان المكان زحمه موت كنت بنزل براحة من كتر الزحمه, ناس طالعة وناس نازلة وانا وسط اخواتى واليوم عسل ,
وانا طالعة وبكرر الجملة دى ( يورونى بقى فراعنة ازاى) بصيت لقيت الطرحة اتشدت بصيت ورايا ملقيش مخلوق ابص قدامى ولا نفر فين الناس فين اخواتى فين ؟فين؟
المهم المس الجدار اشوف ايه اللى شد الطرحة يا خواتى ده الجدار ناعم وكله حنية والمس الجدار مفيش حاجة ممكن تشد .
قلت بس صدقت يامرشد دى اول كلمه قلتها , اصل اللى يخوف الطرحة لما تتشد بتتنسل بيحصل فيها علامة لا يا خويا كأن واحد شالى الدبوس براحة ونبهنى متعمليش كدة تانى .
انا قلت يا فكيك , اخدت الجيبة فى سنانى وقلت الفت بجلدى . وبدل ما أطلع فى 1\4 ساعة همه دقايق جرى فى جرى .
بس وربنا مسبتهمش فى حالهم , هههههههههههه

samomran
10-07-2008, 12:56 AM
هههههههههههههههههههههههههههههههههههههههههههههههههه ههههههههههه
عشان تحرمى انك ما تسمعيش لحد

samomran
10-07-2008, 01:04 PM
و الله تستاهلى عشان تحرمى مش تسمعى لكلام غيرك

احمد حسن
10-07-2008, 05:43 PM
موقف جميل بس لعنة الفراحنة حلت فجأة ولا بعد مدخلتى زيادة جوة

samomran
10-07-2008, 06:10 PM
هههههههههههههههههههههههههههههه تقريبا بعد ما دخلت زياده جو

احمد حسن
10-07-2008, 06:43 PM
ههههههههههههههههههه
الحمد لله يا sarah انك طلعتى بخير

sarah
10-08-2008, 01:43 AM
فى موقف تانى هوة محرج بالنسبالى اكتر من انو مضحك ,
كانت عندنا عربية شاهين , وانا كنت نازلة اخر واحده ,يعنى كان كله ركب ( بابا -ماما - اختى الكبيرة -والتانية - واخويا لصغير)
حتقولوا عادى ,
اصل اللى حصل بابا قالى عيزين ( زقة ) :eek: :eek: :eek:ومينفعش اقول لبابا لا ,,
باسم الله ما شاء الله كانو كلهم احجام ساعتها , فكان الموضوع صعب و الانئح ان شكلى قصير ورفيع , تخيلو الموقف .
وايه فى شاررررررررررررع عموووووووووووومى.
( انا شجيع السيمة )

samomran
10-08-2008, 05:02 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه

احمد حسن
10-08-2008, 05:44 PM
تلائيقى اعدتى تقولى
اللى يحب النبى يزوء
ومحدش رضى يجى يساعدك
ههههههههههههههههههههههههههههههههه
http://www.atyab.com/uploadscenter/uploads/f9f601b82c.jpg (http://www.atyab.com/uploadscenter/)

samomran
10-08-2008, 05:57 PM
اه تقريبا كان ممكن يحصل ده

asmoaa
10-09-2008, 08:42 PM
[QUOTE=samomran;8906]ممكن كل واحد يقول مكان كانت معاه ذكرى مضحكه شويه و يشرح الموقف

انا حبدء بامام سينما امير لما جه واحد مجنون عايز ياخد منى فلوس و مسك فى رقبتى و جرنى وراه و رمانى فى نصف الشارع امام العربيات اما جاد



طيب الحمد لله جت سليمه

Mahro
10-09-2008, 11:16 PM
المكان : حقوق انجليزى طبعا عارفين الحته زى الفل
الموقف : كنا فى سنه تانية وانا كالعاده مكنتش بروح الكليه الا فى المناسبات او سواء كان فى مشوار وحبينا نركن فى الكليه شويه المهم كنا نعرف مجموعة بنات كده واحده كانت فيهم غنية جدا (ن) المهم كانو بيحبو يجوا يقعدوا معانا اوى واليوم ده اتصلو بينا وجبينا الكليه المهم قعدنا معاهم وكنا 3 احمد حسن يعرفهم كويس هما دنجوانات بجد انا مليش دماغ فكنت قاعد عادى خالص جايب سندوتش وحاجه سقعه وشوية بطاطس ومديهم الطارشه انا كنت اساسا بشك فى البنت (ن) دى وكنت بقول لحسين صاحبى ان البنت دى فيها حاجه غلط (شبه مجنونه)وفعلا بدأت اشوف عليها علامات الغضب وهى بتتكلم مع حسين وشويه وراحت قعدت بعيد شويه وندهت على البنات قمت انا قولت لحسين جاى معايا ولا امشى لوحدى قالى طب تعالى نسلم على باقى الناس دول ملهمش ذنب قولتله ماشى ورحنا انا طبعا عمرى ما بسلم على بنت بالأيد نهائى بدأ المعلم يسلم وجه عندها وراحت راقعه بالصوت وقعدت تقوله انت عاوز ايه منى انت جاى ورايا ليه حرام عليك حرام عليك سبنى فى حالى انا قولتله الله يخرب بيتك انا مش قولتلك انها مجنونه راحت مسكانى من ايديا وقعدت تقول حتى انته كمان حرام عليك حرام عليك طبعا انا ببص حوليا لاقيت ناس كتييييييييييير عملين حوالينا دايره والى داخل يقولك انتوا عاوزين منها ايه ومعندكش اخوات بلاستيك والكلام الى بالك فيه ده المهم اتخانقنا وخلصت بأننا نزلنا ضيوف فى مكتب الأمن كالعاده هههههههه مرت الأيام وكنا بنتمشى انا وحسين وصاحبنا وكان معاه اخته الكبيره فى تربية واحنا ماشين ببص لاقيت صاحبتنا (ن) دى قاعده ولما شافتنا قامت وقفت وتضحك قمنا انا وحسين سيبنا صاحبنا واخته الكبيره وطلعنا نجرى وهما يقولوا فى ايه فى ايه واحنا نقول هنتصل بيكم وحسين وهو بيجرى قعد يقولها يا مجونه يا بنت المجنونه وهو بيجرى وبيبص وراه وقع فى حجر بنت فى وسط شويه بنات قاعدين الى تضحك والى تصوت طبعا اخدته وروحنا وقعدنا بتاع شهر مننزلش المجمع . بس حتتة يوم زباله هههههههه

sarah
10-09-2008, 11:20 PM
هههههههههههه
ربنا يسترها مع الشباب من النوعية دى
ربنا يحفظنا.

احمد حسن
10-10-2008, 01:44 AM
ايه يحودة
الموقف العسل ده
هو حد يعرف يكلمكم سواء انت ولاحسين ولامحمد على
اكيد كل واحد اعد يقول فى حاجة ياانسة
الحمد لله ربنا ستر ومبقتش ضلمة

Hassan Mohamed
10-10-2008, 02:06 AM
هههههههههههه انا توهت جوة الموضوع يا جدعان هو ايه الحكاية بالظبط

Mahro
10-10-2008, 09:18 AM
لو توهت متسألنيش هتيجى متلاقنيش

samomran
10-10-2008, 06:43 PM
اه و الله ا حسن انا توهت جوه الموضوع و الله هى ايه الحكايه بقى

samomran
10-10-2008, 06:44 PM
اه و الله يا حسن انا توهت جوه الموضوع و الله هى ايه الحكايه بقى

samomran
04-21-2009, 10:35 PM
يلا يا جماعه نفتح الموضوع من جديد