المساعد الشخصي الرقمي

مشاهدة النسخة كاملة : ما هو شعور الفتاه عندما يراها الخاطب ثم يقول إنها لا تعجبني ؟



برجل
06-11-2009, 03:34 PM
بسم الله الرحمن الرحيم


السلام عليكم ورحمة الله وبركاته ..




صباح او مساء الخير .


المهم في الموضوع ..



ما شعور الفتاة التي يتقدم عريس لخطبتها


ثم يراها وبعد يومين تتصل أم العريس لتخبر أم الفتاة بأن




ابنها لم يوافق على الزواج من ابنتها وإن الزواج قسمة ونصيب ..




ارجو ان تعطيني رأيك بكل صراحه .. ولو مثلا مرّ عليك الموقف ده فى الحقيقة ايه هيكون رد فعلك؟



تخيلى الموقف واعطينى اجابة بكل صراحة



منتظر الاجابة ..................................................

Mohamed Hashem
06-11-2009, 04:02 PM
بص يا برجل ولا تفرق
المفروض ان اللى بيروح يخطب .. ينظر للفتاة ونفس الشئ يحدث للفتاة
وكتير بيحصل رفض .. هو ما يعجبهاش مش بس العكس
الواحد او الواحده طبعا بيزعل شويه وخصوصا لو كان حاطط عينه او عينيها عليه قبل كده
وساعات بتوسع ونقعد قى غرفتنا لوحدنا ونبص فى المرايا ..... وكل ده غلط
لان وجهك وجسمك خلق الله ، والله لا يخلق شئ قبيح .. كل ما فى الامر .. ان "كل فوله وليها كيال"
المفروض ان الموضوع يتاخد بدون حساسيه .. لان دا زواج مش .. لعبه من حقك ومن حقك - بكسر الكاف - ان تختار ما يعجبك فى - وفى ضوء الضوابط الشرعية طبعا - شريك حياتك بحرية ....... حتقعد تبص فى خلقته اللى فاضل من عمرك
مر الموقف دا على شقيقتى .. جاء واحد زمان لخطبتها ومشى ولم يعود .. بصراحه هى زعلت برغم انه كان لايمثل لها اى شئ
اما عن نفسى فأنا زوجتى كانت زميلتى فى الجامعة فلما وجدتها بتكتب المحاضرات هايل وبتعمل سندوتشات ممتازة قررت أرتبط بها فللاسف لم يمر على تجربة جواز الصالونات ..........
اللهم وفقكم جميعا الى ما يحب ويرضى
تحياتى

The[H]KinG
06-11-2009, 04:08 PM
كل شىء بالخناااااق ألا الجوواز بالاتفاااااااااااق
المثل ده كتير بنسمعه
وكمان عندك
الجواز قسمه ونصيب
ومش عارف بقااااااااااااااا
اللى يجاوبك صح
البنااااااااااااااااااااااااااااااااااات

برجل
06-11-2009, 04:33 PM
عندكو حق اهم حاجة الحب لان لو مفيش حب الزواج هيكون قايم على مشاكل كتير وربنا يوفقنا ونلاقى شريك او شريكة حياتنا المناسبين

الورده البيضاء
06-11-2009, 05:11 PM
يخرابى
دة هيبقى حتة موقف الواحدة مش هتبقى قادرة تواجة حد ولا تشوف حد
احراج جامد جدا طبعا للبنت
دة كان حد طعنها خنجر فى ضهرها
دى حاجة جامدة اوى وصعبة جدا جدا بالنسبة للبنت
وبصراحة حكاية ان لازم يكون فى بينهم حب دى
مش من رايى خالص
مع احترامى لجميع الاراء
انا شايفة انة اهم حاجة هى التفاهم والارتياح النفسى والتوافق فى التفكيروقدرتهم على النقاش مع بعض
التفاهم دة اهم من الحب
ياما قصص حب فشلت لكن لو اتنين متفاهمين مش هيختلفو
والتفاهم ذات نفسة هيولد بينهم حب كبير جدا اقوى من اى قصة حب عادية
بشكرك جدا يابرجل على الموضوع

alaa eid
06-11-2009, 08:01 PM
اولا الموقف هايكون بجد محرج جداااااااااااااا جدااااااااااااااااااااااااا
ثانيا حكاية الحب ديه انا مش معاك خاااااااااالص في كده لان في كتير زي ماقالت ايمي قصص حب وفشلت
التفاهم اهم حاجة في الموضوع وكمان الارتياح النفسي
موضوع رااااااااااائع تسلم ايدك

esraa
06-11-2009, 09:20 PM
اولا .... بحييك على الموضوع



ثانيا ...



احب اقول رايى فى هذا الموضوع


<<< ... ان الشرع _ الحمد لله_ حلل انك تشوف خطبتك قبل الزواج

و دا حيكون احسن للطرفين طبعا .. على اساس انهم مثلا يتكلموا مع بعضهم البعض عشان كل واحد منهم يشوف اذا كان هى دى الشخصيه اللى هى او هو مرتاح لها ام لا .


و كمان الحب مش اساس السعادة الزوجيه ...



لان اساس السعادة الزوجيه هو ..." الاحترام المتبادل بين الزوجين ..."



لانه اساس باقي العلاقات من احترام ... حب ... مودة ... تفاهم ... سكينه ...و هكذا




و لابد اننا نقتنع بان كل شئ قسمه و نصيب



و اكيد ان ربنا مقدر لنا الخير حيث كان ....



و يا رب اكون قد وفقت فى توصيل رايى ....

TiToO
06-11-2009, 09:41 PM
مش جايز هو ميعجبهاش

برجل
06-11-2009, 11:22 PM
وجهه نظر محترمة وصح عندكو حق

مصطفى جابر
06-11-2009, 11:42 PM
اولا يا استاذ برجل
انت
ليه اسمك برجل ثانيا
البنت دى لو فاهمه فى دين ربنا وعندها ايمان بالنصيب ولا هيفرق معاها

عارف؟
هتقول الحمد لله يارب انك انقذتنى منه مكنش فيه خير وهتحمد ربنا
المشكله بس فى الايمان بربنا
بس
شكرا

مصطفى جابر
06-11-2009, 11:46 PM
نسيت اعرفكم بنفسى
مصطفى جابر
رئيس قسم الجغرافيا المنتظر

برجل
06-11-2009, 11:53 PM
والله انا لغاية دلوقتى مش عارف اخترت الاسم ده ليه ثانيا انتا عندك حق فعلا الدين اهم حاجة

roma
06-11-2009, 11:59 PM
بصراحه حاجه جامده
بس ان شاء الله مايحصلش كده

المشاكس
06-14-2009, 04:06 PM
معلش انا ممكن رايى يزعل بنات كتير

انا شايف ان الموضوع دا عادى

طب اشمعنا احنا الواحد ممكن يتقدم لاكتر من بنت ويترفض (على فكره انا لسا ما اتقدمتش)

وممكن نترفض ونتقدم تانى يعنى عادى

وبيبقى وضعنا احنا اكيد اصعب قدام الناس كلها واهله واهلها لكن البنت اللى عريسها حيرفضها اكيد مش حيقول للدنيا كلها وهيا مكالمه تليفون وخلاص

وعلى فكره مش معقول واحد يتقدم وبعد كده هوا اللى يرفض العروسه

وفى الاخر الجواز دا قسمه ونصيب



تقبلو مرورى

farida
06-14-2009, 05:22 PM
السلام عليكم

ديه طبعا قسمة ونصيب بس المفروض من قبل ما يقول اه او لا

يصلي استخارة الاول مرو واتنين وتلاتة ان شاء الله يبقوا عشرة

واللي فيه الخير حيقدمه ربنا ومش لازم تكون عجبته شكلا ويروح موافق

ممكن بعد الصلاة يغير رايه 180 درجة والعكس

والكلام ده ينطبق كمان علي البنت والمفروض متزعلش وتكون عارفة ان ده قسمة ونصيب

وكل واحد حياخد نصيبه ومحدش حياخد نصيبها غيرها

معلش طولت عليكوا شوية

موضوع جميل يا برجل

ALY ELSAYED
06-14-2009, 05:27 PM
موضوع واقعي وبيتكرر كتير اشكرك يا برجل عليه
بس الاكيد انه هيكون محرج شويه للطرفين في حاله رفض من اي طرف
لكن حيزول اثره بسرعه عشان مفيش اي علاقه ترابط كملت
بمعني انهم لسه متعرفوش ببعض بطريفه التفاهم
ولنصح كل الولاد وكل البنات في حاله تقدم العريس للعروسه
انهم بعد المقابله يصلون صلاه استخاره لله
والي فيه الخير حيقدمه ربنا يعني لو اترفضت البنت
تعرف لن ربنا هو الي بعده عنها وانها مش حتكون سعيده معاه
وجزاكم الله كل خير

برجل
07-18-2009, 03:50 AM
انا شايف من وجهة نظرى ان لازم يكون فى تبادل للاراء قبل مايتقدم ويخطبها ولازم يكون عارف عنها كل حاجة عشان متحصلش مشاكل اثناء الخطوبة

AYMAN GAMAL
07-18-2009, 05:02 PM
كل شئ بيبقى قسمه و نصيب

و في الموقف ده المفروض ميبقاش فيه زعل خالص لان ربنا اللي بيجمع بين الطرفين حسب معاد مكتوب عنده

الايمان بالله هوه اللي بيقوي في اللحظة اللي زي دي

شكرا جزيلا ليك

eslam mamdouh
07-18-2009, 05:04 PM
بدايه اهلا بيك يا اخ منقله:D

بص يا سيدى الفاضل

لو فى راجل ساب واحده لان شكلها مش عاجبه ونسى ان الانسان مكون من مشاعر واحاسيس واخلاق و منظومه متكامله

يبقى الرجل ده احسن انه مشى الحمد لله

وربنا ريحها منه

لكن


الاساسا فى الزواج هو الاتفاق والحديث ومحاوله فهم كل طرف للاخر( ده يا صدجيقى من خلال فتره الخطوبه.....مش من خلال الخروجات السيئه من ورا الاهل والانحلال الاخلاقى اللى احنا بنشوفه دلوقتى


اغلب قصص الحب والكلام اللى انت بتسمعه ده قبل الجواز فشله

لانها غريزه بيحاول الانسان انه يشبعا بغض النظر عن السلوك السوى والخلاقيات )

ثانيا يا صديقى

الجواز اسمه ونصيب

لو قعد الطرفيين مع بعض وواحد فيهم
قال انا مش قابل التانى

عادى جدا

الشخص ده مش نصيبى

وان شاء الله الاقى حد احسن منه

وهو يلاقى حد احسن منى


انا فى رايى ده كلام العقل

بدون العواطف واحاسيس المراهقه

شكرا ليك على موضوعك يا اخ ديفيدر( مقسم):D

برجل
07-19-2009, 02:55 AM
بس بينى وبينكوا الموقف هيكون صعب اوى الواقع غير الخيال ولو حصل الموقف ده فى الحقيقة هيبقى حاجة محرجة لان للاسف فى العرف الاجتماعى لبلدنا ان لما بنت تتخطب وتتساب ده بتكون فضيحة ربنا يسطر ومحدش فينا يتعرض للموقف ده

Soma
07-19-2009, 07:39 AM
ميرسى كتييييييير على الموضوع الجامد ده هو ممكن يكون فى احراج فعلا ومش عارفة ليه مع ان ده قسمة ونصيب واللى ربنا يريده خلاص اكيد حيحصل ولو ربنا مش يريده مش حيحصل مهما كانت الظروف فالاحسن نسيبها على ربنا وكل واحد حيشوف نصيبه واهم حاجة برضه التفاهم والراحة النفسية ولازم صلاة الاستخارة وبجد صلاة الاستخارة جميلة فعلا وربنا بيوفقنى جدا لما اصلى صلاة استخارة عشان اى حاجة اكون محتارة فيها

semsema
07-19-2009, 11:41 AM
الموضوع فعلا جميل وحيوي جدا
انا رأى ان الموضوع بسيط
عادى وبتحصل كتير
ومش المفروض ان حد يزعل
هو الموقف بيبقى محرج شوية
بس لازم نعرف ان اللى رفض دا
رفض اكيد لانه مش شايف ان الارتباط بين الشخصين
هيكون ناجح ودا من وجهة نظرة
والاختلاف فى الرأى لا يفسد للود قضية

برجل
07-20-2009, 01:43 AM
بيتهيالى ان المثل الى بيقول خدى الى بيحبك ومتخديش الى انتى بتحبيه ده افضل رد على المشكلة ده

المشاكس
07-25-2009, 09:00 PM
فى الحقيقة هيكون موقف صعب اوى ولازم البنات تاخد بلها والشباب كمان

حكايه حب
07-29-2009, 06:02 AM
الموقف طبعا محرج و انا مبحبش الجواز بالطريقه ديه لاننا عايشين فى مجتمع البنت بتخرج وتروح وتيجى فممكن ده يحصل من غير ميكون فى احراج ليها وشكرا

مرمر
08-02-2009, 04:10 AM
بشكرك على الموضوع الممتاز ده والفتاة لازم تصبر وتحمد ربنا وتستنى نصيبها لان محدش يعرف الخير فين

ومرة تانية بشكرك على موضوعاتك الجميلة ده