إذا كان عمرك أقل من 35 عام .. تعالى اضحك معايا

[Mohamed Hashem]

من أجمل أيام عمرنا .. أيام الدراسة



ولاسيما المرحلة الابتدائية حيث الطفولة البريئة
(مش زى اطفال اليومين دول ههههه)


وبالتحديد سنة أولى إبتدائى ..



وهذه السنة بالذات لها ذكريات كثيرة وكلها محببة الى نفسى .. فهى اول مرة ارتدى فيها مريلة..




(ماكنش فى حاجه اسمها يونيفورم بطل ضحك انت وهى هههه)


وهى اول مرة افارق فيها يد أمى



(متعها الله بالصحة والعافية قولوا آمين)



وهى أول مرة أمتلك اشياء عديدة لم استعملها قبلا.. مثل القلم الرصاص والبراية والممحاه الخ



هذه الأيام .. تسقط دائما فى ذاكرتنا .. من طول الفترة الزمنية



فاذا سالتك ثانوية عامة سنة كام ممكن ترد بسرعة



لكن لو سالتك سنة اولى ابتدائى كانت سنة كام...



قد تحتاج لنصف دقيقة لتحسبها



(وربع ساعه فى حالتى انا هههههه )




وتسقط معها الذكريات ورغم ذلك اقل شئ يذكرك بها ..



تتذكر كل شئ تماما كما كانت بالامس حتى أسماء معلمينا



تذكرتها نعم .. أبله عنايات



(أكيد رحمها الله .... وبلاش تريقة ما كناش بنقول يا ميس)




هذا ما حدث معى أمس عندما تلقيت ايميل من زميل عمل



وبه صفحات من كتاب القراءة فى الصف الاول الابتدائى




انا قلت تتفرجوا معايا



هذه الصور من كتاب القراءة



وزارة التربية والتعليم المصرية عام 1976





http://www6.0zz0.com/2009/06/12/04/155941610.jpg




فاكرين امل وعمر .. اهو هما دول



ومش عارف ليه بسبس سابت البيت كله ورايحه تلعب فى الغسيل هههههه




http://www10.0zz0.com/2009/06/12/04/728302036.jpg




وكان أمهات كتير بتربى طيور فى البيت ودا طبعا قبل أنفلونزا الطيور والخنازير الخ بدليل ان ماما سايبه عمر يأكلهم ههههه




http://www2.0zz0.com/2009/06/12/04/233988649.jpg




دا لا شعر ولا زجل ولا تعرف تقول عليه ايه ههههه




http://www9.0zz0.com/2009/06/12/04/150284278.jpg




وبابا كمان علشان ما يزعلش




http://www6.0zz0.com/2009/06/12/04/837044083.jpg




والدرس كله على بعضه كلمتين .. عيد .. سعيد
شوف الدنيا كانت سهله ازاى زمان
وواضح ان الحكومه كانت بتشجع تنظيم الاسرة من 35 سنة




http://www5.0zz0.com/2009/06/12/04/376676465.jpg




كنا لا نخجل من ذكر اصولنا الريفية



ودا قبل ما عوضين يبيع ارضه طبعا



الغريب حقا هو عنوان الدرس ... البطه اللى طلعت فوق الشجرة ... ازاى .. مش عارف .. يعنى كانوا قالوا عصفورة .. على الاقل بتطير
ماعلينا



اكيد فيلم ابى فوق الشجرة كان علشان بابا طلع يجيبها هههههههه





ارجو ان الموضوع يكون عجبكم



تحياتى

[الورده البيضاء]

هههههههههههههههه
جميل جدا يابشمهندس تسلم ايدك
انا دلوقتى عرفت اصل كلمة امل وعمر
كانت بتتقال كتير وانا مش عارفة ادة
هههههههههه
كنت فكراها فيلم ولا حاجة زى عمر وسلمى
طلعت تربية وتعليم
هههههههههههههههههههههه
ميرسى جدا عالموضوع جميل اوى وبجد ضحكت على بسبس وامولة الغلبانة قال يعنى اما تقول لالا يابسبس هيسيب الغسيل
ههههههههههههههه

[Mohamed Hashem]

صباح الخير يا ايمى .. وصباح النور .. وصباح الأمل .. وصباح اللى بتغنى
مبسوط جدا ان الموضوع عجبك وضحكتى
وعلى رأيك تفاءل للحياة ..
وشكرا ليكى

[abdoitthad]

ايام زمان احلى ايام

شكرا لك

[Mohamed Hashem]

تسلم عبده والاتحاد سيد البلد يا سيدى
ههههههههه

[olivia nader]

موضوع اكتر من رائع بجد جميل جدا
بس انا مكنش عندي امل و عمر
كان علي ايامي ماجد و بسمه
و كان اول درس انا ماجد انا احب ابي و امي
مش قادره انساه
و كمان كان عندنا نشيد اسمه ابي و امي
و فكراه كويس لانه كان صعب عليه اوي كلماته اني احفظه
و اخدت ايامها تهزيق جامد و بهدله
من ماما و من الميس
مع اني كنت شاطره و من الاوائل
بس بابا اضطر يجيبلي سبوره كبيره
و طباشير ملون عشان اعرف احفظه
و كان كل حرف لون عشان منساش
هههههههههههههههههه
و كانت عندي ميس ثريا
كانوا بيدخلوا الفصل و ميطلعوش منه لاخر اليوم
كانوا بيدونا كل المواد
هههههههههههه
بس كانت كل حاجه لزيزه اوي
و فاكره اول يوم مدرسه
لما بابا و صلني و سابني و مشي اعدت اعيط
مع اني كنت متعوده من ايام الحضانه بس يومها اتجنيت
و قبلها كنت فرحانه بحاجات المدرسه الجديده
بجد رجعتلي ايام جميله
ميرسي ليك جدااااااااااااااا
علي الموضوع الروعه ده

[Mohamed Hashem]

اوليفيا
هههههههه
بجد سعيد جدا جدا انى قدرت افكرك بذكرياتك البريئة دى
جميل قوى ان الواحد يرجع بذكرياته لايام زى دى
بس انتى برضه لسه صغننه .. يادوب رجعتى 12 سنة بس
انا - اثناء كتابة الموضوع - رجعت اكتر من 30 سنة
فضلت ارجع لورا .. ارجع لورا .. لما خبطت واحد هههههههههههه
يلا صباح الفل

[Mohamed Hashem]

ايه يا شباب انتو نمتو تانى ولا ايه ؟؟؟؟؟؟؟؟

[ميرا مار]

هههههههههههههههههههههه

والله يا بشمهندس

موضوع فعلا يفرفش:o

وذكريات حلوة قوى قوى..يا بختكوا والله

انا بقى مش فاكرة اى اى اى حااااااااااااااااااااجة

غير ان اول مدرسة ليا كان اسمها مها:o على اسمى:rolleyes:

وان مدير المدرسة اول ماشافنى قاللى انتى هتطلعى مهندسة قد الدنيا:eek:

قلت هوا انا هاتخن قوى كدا:mad::confused:

بس ولسة باشوفه لغاية دلوقتى وفاكرنى اسمه استاذ محمد اسماعيل:o

ياااه والله فعلا ايام جميلة قوى
باشكرك جداااااااااااااااااااااااااااااااااااااااااااااااا اااااااااا

[Mohamed Hashem]

اهلا ميرا
وطلعتى مهندسة ايه ياترى ؟

[sweet girl]

ههههههههههههههههههههههههه


تسلم ايديك الموضوع فعلا هااااااااااااااايل


رجعنا لاجمل زكريات واجمل ايام فى عمرنا


فعلا فكرتنى بحاجات جميله اوى كنت قربت انساها


مرسيييييييييييييييييييييييي كتييييييييييييييييييييير

[Mohamed Hashem]

قربتى تنسى ايه يا سويتى
انتى عندك كام سنة ؟ دا حتى شكلك فى الصورة كده لسه صغنونه
هههههههههههههههههههههههه

[Ahmed Mohamed]

بجد يا بشمهندس الموضوع جميل جدا جدا
والصراحة كانت ايام متتنساش ابدا لانها كانت احلي ايام حياتي

خاصة اولي ابتدائي دي وبساطة الاولاد الصغيرة في التعامل مع الحياة
لاننا مكناش نعرف اي حاجة في الدنيا دي لسة يعني كنا 6 سنين دي ولا حاجة عشان يبقي عندك خبرة

لا بجد رجعتني لاحلي ذكريات عمري

[roma]

فعلا احلى ايام الابتدائى
انا الناس الا كانو معايا فى اولى ابتدائى مش قادره انساهم
وكانت احلى صحبه واحلى حياه
ليتها ما ضاعت وسط السنين

[AHMED FTIHA]

يمكن الانسان ينسى مواقف كتير من بعيد او قريب
بس ايام ابتدائى ديما بنكون فاكرين معظم مواقفها ولاول مرة نشوف شكل الفصل والمدرسة و الطابور والمدير وغيرها من المواقف

[NOHA SHABAN]

موضوع جميل يا بشمهندس جزاك الله خيرا

[Mohamed Hashem]

بجد يا بشمهندس الموضوع جميل جدا جدا

والصراحة كانت ايام متتنساش ابدا لانها كانت احلي ايام حياتي


خاصة اولي ابتدائي دي وبساطة الاولاد الصغيرة في التعامل مع الحياة
لاننا مكناش نعرف اي حاجة في الدنيا دي لسة يعني كنا 6 سنين دي ولا حاجة عشان يبقي عندك خبرة



لا بجد رجعتني لاحلي ذكريات عمري


ولسه كل ما تتقدم فى العمر تفتكر الايام دى اكتر

[Mohamed Hashem]

فعلا احلى ايام الابتدائى
انا الناس الا كانو معايا فى اولى ابتدائى مش قادره انساهم
وكانت احلى صحبه واحلى حياه
ليتها ما ضاعت وسط السنين

لا هى مش بتضيع
بس تذكرها احساس حلو ولذيذ وفى نفس الوقت مؤلم

[Mohamed Hashem]

يمكن الانسان ينسى مواقف كتير من بعيد او قريب
بس ايام ابتدائى ديما بنكون فاكرين معظم مواقفها ولاول مرة نشوف شكل الفصل والمدرسة و الطابور والمدير وغيرها من المواقف


فعلا عندك حق

[Mohamed Hashem]

موضوع جميل يا بشمهندس جزاك الله خيرا



بارك الله فيكى

[sweet girl]

قربتى تنسى ايه يا سويتى
انتى عندك كام سنة ؟ دا حتى شكلك فى الصورة كده لسه صغنونه
هههههههههههههههههههههههه


احم ..احم .. احم

هو السؤال ده اجبارى ولا اختيارى يا بشمهندس ؟؟؟



هههههههههههههههههههههههههه



هو تقريبا كده يا بشمهندس انه من كتر الحاجات الرخمه واللى مش حلوه فى حياتنا خلاص قربت

انسى الحاجه الحلوه والله انا نادر اوى لما اقعد مع نفسى واسترجع الزكريات الجميله اللى مريت بيها

وبسترجعها كمان لما احس انى مخنوقه جدا بصراحه بحس انى ارتحت شويه .. مرسى ليك يا بشمهندس

على تعليقك وعلى الوضوع الجامد موت مع انى مكنتش باخد الدروس ديه بس اهى فكرتنى بدروسى

تصدق انا بعد ما قريت الموضوع ده قومت جبت كتبى وكراساتى بتاعه ابتدائى اللى انا شيلاها وقعدت

استرجع ..مرسيييييييييييييييي كتييييييييييييييييييير ليك

[Wild_Angel]

موضوع جميل جدا جدا يا باشمهندس
انا بقى افتكرت حاجات من ايام الحضانه
واول ما روحت المدرسه كنت اول ما اروح البيت اغير هدومى واقعد اكتب الواجب !!
كانت المدرسه بتكتبلى فى الكراسه : حماكِ الله وبارك الله فيكِ
انا فاكره كل المدرسين والمدرسات اللى درسولى
اتمنى انهم يكونوا بخير ويجعل كل حرف علموهولنا فى ميزان حسناتهم

[Rania Ismail]

بصراحه بصراحه احب احييك يا باش مهندس طبعا على الموضوع الجميل ده
واحلى ما فى الموضوع الصور بتاعت الكتاب والدورس الجميله السهله مش اللى احنا بناخدو دلوقتى ولا الامتحانات ربنا ما يوريك يجيلك الاختيار وتلاقى الاجابات كلها صح تبقى قاعد بتشد فى شعرك مش عارف انهو واحده اللى ممكن تختارها
وبجد منور قسم الضحك والفرفشه
وتسلم على الموضوع العسل ده ومنتظرين منك المزيد

[memo&mema]

برافووووووووووووووووووووووووووووووووووووووووو جامدة عايزين منهاىتانى:p

[emu]

ههههههههههههههههههههههههههههههههههه
بجد موضوع جمييييييييييييل جدا يابشمهندس
فكرني بأيام زمان
مش زمان اوي يعني انا لسه مكبرتش اوي يعني
ههههههههههههههههههه
شكرا لحضرتك يا بشمهندس

[Mohamed Hashem]

احم ..احم .. احم

هو السؤال ده اجبارى ولا اختيارى يا بشمهندس ؟؟؟



هههههههههههههههههههههههههه



هو تقريبا كده يا بشمهندس انه من كتر الحاجات الرخمه واللى مش حلوه فى حياتنا خلاص قربت

انسى الحاجه الحلوه والله انا نادر اوى لما اقعد مع نفسى واسترجع الزكريات الجميله اللى مريت بيها

وبسترجعها كمان لما احس انى مخنوقه جدا بصراحه بحس انى ارتحت شويه .. مرسى ليك يا بشمهندس

على تعليقك وعلى الوضوع الجامد موت مع انى مكنتش باخد الدروس ديه بس اهى فكرتنى بدروسى

تصدق انا بعد ما قريت الموضوع ده قومت جبت كتبى وكراساتى بتاعه ابتدائى اللى انا شيلاها وقعدت

استرجع ..مرسيييييييييييييييي كتييييييييييييييييييير ليك


ماشى يا ست الكل ... ههههههههه هربتى من السؤال ... وطالما هربتى عرفت خلاص كام سنة
هههههههههههههه

[Mohamed Hashem]

موضوع جميل جدا جدا يا باشمهندس


انا بقى افتكرت حاجات من ايام الحضانه
واول ما روحت المدرسه كنت اول ما اروح البيت اغير هدومى واقعد اكتب الواجب !!
كانت المدرسه بتكتبلى فى الكراسه : حماكِ الله وبارك الله فيكِ
انا فاكره كل المدرسين والمدرسات اللى درسولى

اتمنى انهم يكونوا بخير ويجعل كل حرف علموهولنا فى ميزان حسناتهم



شكرا ليكى طبعا
بس واضح ان ربنا استجاب من مدرستك فى دعائها .. لأن فعلا ربنا بارك فيكى
والله ينور عليكى انك فكرتينا .. ندعو لأستاذتنا ... اصحاب الفضل بعد الله تعالى علينا
بارك الله فيكى

[Mohamed Hashem]

بصراحه بصراحه احب احييك يا باش مهندس طبعا على الموضوع الجميل ده

واحلى ما فى الموضوع الصور بتاعت الكتاب والدورس الجميله السهله مش اللى احنا بناخدو دلوقتى ولا الامتحانات ربنا ما يوريك يجيلك الاختيار وتلاقى الاجابات كلها صح تبقى قاعد بتشد فى شعرك مش عارف انهو واحده اللى ممكن تختارها
وبجد منور قسم الضحك والفرفشه

وتسلم على الموضوع العسل ده ومنتظرين منك المزيد



ههههههههههههههههههههه
دا انتى ردك يتعمل موضوع لوحده هههههههههههه
شكرا جدا ليكى
وانتو اللى منورين موضوعى

[Mohamed Hashem]

برافووووووووووووووووووووووووووووووووووووووووو جامدة عايزين منهاىتانى:p



هههههههههههههههه
ماشى المرة الجاية اجيب لك صفحتين من كتاب الحساب
هههههههههههه

[Mohamed Hashem]

ههههههههههههههههههههههههههههههههههه

بجد موضوع جمييييييييييييل جدا يابشمهندس
فكرني بأيام زمان
مش زمان اوي يعني انا لسه مكبرتش اوي يعني
ههههههههههههههههههه

شكرا لحضرتك يا بشمهندس



ههههههههه ربنا يديكى طولة العمر وتحكى لأحفادك تسلمى

[alaa eid]

بجد موضوع زي العسل يا بشمهندس بس بصراحة انا كان عندي برده ماجد وبسمة كانت ايام زي العسل والله واحلي ما فيها البراءة :p
بشكر حضرتك جدا جدا جدا علي الموضوع الرائع ده

[Mohamed Hashem]

نورتى الموضوع يا آلاء

[Soma]

بجد موضوع زى العسل وجميييييييييييييييل جدا
بس انا حتى لو سالتنى الثانوية العامة كانت سنة كام حاقولك مش فاكرة حاسة ان بقالى سنين كتيرة سايبة الثانوى
لكن الابتدائى مش حفتكر برضه سنة كام بس فاكرة ايام جميلة جدا قضيتها مع اصحابى وفاكرة اول يوم فى المدرسة كل العيال اعده تعيط وانا اقول مالهم دول بيعيطوا ليه وانا عادى بابا ودانى المدرسة وسابنى ومفيش اى مشكلة ماكنتش عارفة ليه العيال بتعيط بس روحت مع المٌدرسة وقفتنا فى الطابور وكانت عجبانى اوى وواحشنى اوى نشيد المدرسة مع الموسيقى كان نشيد (يا احلى اسم فى الوجود يامصر ) كنت بحب الطابور اوى ولما نطلع نطلع فى صفوف ونظام جدا ومع الموسيقى كانت جميلة وفاكرة اسم المُدرسة كان اسمها ميس عواطف كانت عنيفة شوية :p بس كانت طيبة وانا بحبها وكان ليا اصحاب كتير اوى و لغاية دلوقتى برضه ليا اصحاب كتيرة
ياااااااااااااااه افتكرت حاجات كتيرة حلوة كانت فى الايام دى
ميرسى كتييييييييييييييييييير ليك

[ALY ELSAYED]

ههههههههههههه
موضوع جميل جدا
وفعلا دي ايام جميله
مع اني نسيها خالص وعتقدش اني حبقا فاكر ايه المنهج
هههههههههههههههه
بس افتكر مره وانا في اولي ابتدائي
وراجع من المدرسه ولما وصلت تحت البيت
لعبت شويه واتخبط في حديده في دماغي
وطبعا دكاغي ورمت ابويا لما شفني ايه الي عملك كده
قلتله اتخبط في الحديده الي تحت
وطبعا لان ابويا صعب شويه مصدقش
والا ان حد ضربني وراح رايح المدرسه واتعارك مع المدير
وكان سعتها عندي ميس سماء وميس ليلي المسئولين عن الفصل بتاعنا (1/1)
وخده جرعه حلوه من المدير شخط زعيق وطلعه الفصل يعيطو
وفيييييييييييييين لما بابا اقتنع اني اتخبط في الحديده
خلاتو يجبلي هديتين محترمين ورحت صلحت الميسات بتاعتي
ومقدرش انساهم ابدا هما وميس كريمه حبيبه فلبي وميس رضا
ومدرستي كان اسمها فاطمه الزهراء
ومديرها كان اسمه حمدي عيسي سلامه
وجزاكم الله كل خير

[Soma]

فاكر اسم المدير ماشاء الله عليك

[Mohamed Hashem]

بجد موضوع زى العسل وجميييييييييييييييل جدا

بس انا حتى لو سالتنى الثانوية العامة كانت سنة كام حاقولك مش فاكرة حاسة ان بقالى سنين كتيرة سايبة الثانوى
لكن الابتدائى مش حفتكر برضه سنة كام بس فاكرة ايام جميلة جدا قضيتها مع اصحابى وفاكرة اول يوم فى المدرسة كل العيال اعده تعيط وانا اقول مالهم دول بيعيطوا ليه وانا عادى بابا ودانى المدرسة وسابنى ومفيش اى مشكلة ماكنتش عارفة ليه العيال بتعيط بس روحت مع المٌدرسة وقفتنا فى الطابور وكانت عجبانى اوى وواحشنى اوى نشيد المدرسة مع الموسيقى كان نشيد (يا احلى اسم فى الوجود يامصر ) كنت بحب الطابور اوى ولما نطلع نطلع فى صفوف ونظام جدا ومع الموسيقى كانت جميلة وفاكرة اسم المُدرسة كان اسمها ميس عواطف كانت عنيفة شوية :p بس كانت طيبة وانا بحبها وكان ليا اصحاب كتير اوى و لغاية دلوقتى برضه ليا اصحاب كتيرة
ياااااااااااااااه افتكرت حاجات كتيرة حلوة كانت فى الايام دى

ميرسى كتييييييييييييييييييير ليك




انا اللى ميرسى كتير ليكى انتى
حسيت بلذه الايام دى تانى وانتى بتفتكرى معانا ذكرياتك
نورتى الموضوع والدنيا كلها

[Mohamed Hashem]

ههههههههههههه

موضوع جميل جدا
وفعلا دي ايام جميله
مع اني نسيها خالص وعتقدش اني حبقا فاكر ايه المنهج
هههههههههههههههه
بس افتكر مره وانا في اولي ابتدائي
وراجع من المدرسه ولما وصلت تحت البيت
لعبت شويه واتخبط في حديده في دماغي
وطبعا دكاغي ورمت ابويا لما شفني ايه الي عملك كده
قلتله اتخبط في الحديده الي تحت
وطبعا لان ابويا صعب شويه مصدقش
والا ان حد ضربني وراح رايح المدرسه واتعارك مع المدير
وكان سعتها عندي ميس سماء وميس ليلي المسئولين عن الفصل بتاعنا (1/1)
وخده جرعه حلوه من المدير شخط زعيق وطلعه الفصل يعيطو
وفيييييييييييييين لما بابا اقتنع اني اتخبط في الحديده
خلاتو يجبلي هديتين محترمين ورحت صلحت الميسات بتاعتي
ومقدرش انساهم ابدا هما وميس كريمه حبيبه فلبي وميس رضا
ومدرستي كان اسمها فاطمه الزهراء
ومديرها كان اسمه حمدي عيسي سلامه

وجزاكم الله كل خير




يااااااااه ذكريات جميلة جدا ... ربنا يسعدك ويوفقك .. حقيقى سعيد جدا بانك شاركتنا معاك فى ذكريات الطفولة الحلوة دى ... بس ايه الشقاوة دى كلها هههههههههههههه

[الدلوعة]

على فكرة الموضوع بجد تحفه تسلم ايدك وشكرا انك ضحكتنا وفكرتنا كمان بايام كانت جميلة وبريئة احنا مفتقدنها مع انى معرفش مين امل وعمر ولا اعرف البطة ايامنا كانو مهتميين بالقطط بس قطتى الصغيرة اسمها كان غريب جدا

[Mohamed Hashem]

على فكرة الموضوع بجد تحفه تسلم ايدك وشكرا انك ضحكتنا وفكرتنا كمان بايام كانت جميلة وبريئة احنا مفتقدنها مع انى معرفش مين امل وعمر ولا اعرف البطة ايامنا كانو مهتميين بالقطط بس قطتى الصغيرة اسمها كان غريب جدا


هههههههههههههههههههه
تسلمى شكرا جدا على مرورك
امل وعمر دول الشخصيتين اللى لازم يدور حولها كل الموضوعات فى كتاب القراءة زى ماجد وبسمة كده
الظريف ان البط على ايامنا كان بيطلع الشجر ... هههههههه ولما لقوا انها واسعة غيروا البطة بالقطة وكله فى سياق تطوير التعليم بمصر هههه
نورتى الموضوع

[محمد الفرارجي]

هههههههههههههههههههههههههههههههههههههههه

يا سوادي

الموضوع ده ازاي ما شفتوش

لالالالالالالالالالا

انت هتخليني ارجع عن اللي في دماغي وألا إيه؟


ماشي يا كبير

ههههههههههههههههههههههههه


عثثثثثثثثثثثثل

بس فكرتني بايام غم

ى والله

المريلة الصفرا

ومقرحة مش مغسولة طبعا

والوش كذلك واي حد نتخانق عادي خالص

والواد شعبان اللي أول ما شفته ضربته

ومحمد كاكا

ههههههههههههههههههه

هوه اسمه كده


والبت نهى

والبت حنان اللي عملتها على روحها

يا سوادي

فكرتني بذكريات كاكا خالص

ههههههههههههههههههههههههه


بس تسلم ايدك

دا موضوع عايز صفح نكتب فيها

تخيل اني فعلا لما حد بيقول لي على اي سنة دراسية كانت سنة كام باجاوبة بسرعة جدا لدر جة انه بيستغرب

وبعدين مرحلة الابتدائي دي كانت فظيعة

والأبلة حياة

والأستاذ محمد عيسى

والأبله الزائرة الصحية اسمها ايه؟
والله مش فاكر

وطبعا احنا لحقنا جيل الجيب القصي شوية

وطبعا احنا كاطفال مصريين دايما سابقين سننا

ههههههههههههههههههههههههههههه

اساتذة في رمي الأقلام والكتب والشنط وعادي نرمي بعضنا تحت الدكك

عادي خالص

المكان
مدرسة نفيا الإعدادية المشتركة
الزمان
18 سبتمبر 1986
الحدث
دخولي المدرسة وكان يوم غم

الفصل
1/2 ..
الأبله
أبله نادي

كانت جميلة جدا

لدرجة اني كنت مقتنع مليون في المية إني هتجوزها لما أكبر

بس ما عداش شهر واكتشفت انها خانتني








جيت وبنتها الصغيرة معاها وبنتها كانت في تالتة ابتدائي


عموما فكرتني بفترة

ربنا الأعلم بيها



شكرا يا كبير

[جوليت الحب]

طبعا بشكر حضرتك بجد على الموضوع الجميل دا فعلا حلواوى فكرتنا بايام الطفولة الجميلة وانا كان علية بسمة وماجد وبشكرك حضرتك كتير اوى

[Mohamed Hashem]

هههههههههههههههههههههههههههههههههههههههه

يا سوادي

الموضوع ده ازاي ما شفتوش

لالالالالالالالالالا

انت هتخليني ارجع عن اللي في دماغي وألا إيه؟


ماشي يا كبير

ههههههههههههههههههههههههه


عثثثثثثثثثثثثل

بس فكرتني بايام غم

ى والله

المريلة الصفرا

ومقرحة مش مغسولة طبعا

والوش كذلك واي حد نتخانق عادي خالص

والواد شعبان اللي أول ما شفته ضربته

ومحمد كاكا

ههههههههههههههههههه

هوه اسمه كده


والبت نهى

والبت حنان اللي عملتها على روحها

يا سوادي

فكرتني بذكريات كاكا خالص

ههههههههههههههههههههههههه


بس تسلم ايدك

دا موضوع عايز صفح نكتب فيها

تخيل اني فعلا لما حد بيقول لي على اي سنة دراسية كانت سنة كام باجاوبة بسرعة جدا لدر جة انه بيستغرب

وبعدين مرحلة الابتدائي دي كانت فظيعة

والأبلة حياة

والأستاذ محمد عيسى

والأبله الزائرة الصحية اسمها ايه؟
والله مش فاكر

وطبعا احنا لحقنا جيل الجيب القصي شوية

وطبعا احنا كاطفال مصريين دايما سابقين سننا

ههههههههههههههههههههههههههههه

اساتذة في رمي الأقلام والكتب والشنط وعادي نرمي بعضنا تحت الدكك

عادي خالص

المكان
مدرسة نفيا الإعدادية المشتركة
الزمان
18 سبتمبر 1986
الحدث
دخولي المدرسة وكان يوم غم

الفصل
1/2 ..
الأبله
أبله نادي

كانت جميلة جدا

لدرجة اني كنت مقتنع مليون في المية إني هتجوزها لما أكبر

بس ما عداش شهر واكتشفت انها خانتني








جيت وبنتها الصغيرة معاها وبنتها كانت في تالتة ابتدائي


عموما فكرتني بفترة

ربنا الأعلم بيها



شكرا يا كبير



بجد وحشتنا يا ريس فينك ؟

[Mohamed Hashem]

طبعا بشكر حضرتك بجد على الموضوع الجميل دا فعلا حلواوى فكرتنا بايام الطفولة الجميلة وانا كان علية بسمة وماجد وبشكرك حضرتك كتير اوى




جزاكى الله كل خير
وبارك الله فيكم