المساعد الشخصي الرقمي

مشاهدة النسخة كاملة : ...**كيف تكسبين قلب زوجك**...



الورده البيضاء
06-12-2009, 03:24 PM
كيف تكسبين قلب زوجك وعقلة:

1أيقظيه دائمآ قبل آذان الفجر بربع الساعة لا بعد أن يؤذن المؤذن وإعطيه
مشروب دافئ او مثلج حسب الفصل قبل نزوله وخاصة ان كان سيصوم هذا اليوم.

2- استيقظى دائمآ معه صباحآ واعدى له الحمام والفطور وساعديه فى ارتداء ملابسه خاصة الجورب وايقظى اطفالك لمشاركته طعام الفطور.

3-ودعيه دائمآ بابتسامة وحذريه من القيادة المسرعة وأكدى عليه ان يطمئنك على وصوله بمكالمة .

5-دائمآ أجعلي بيتك نظيف و اغتسلى وتزينى قبل حضوره وكذلك قومى بتنظيف اطفالك والبسيهم ملابس نظيفة فى استقباله.

6- ساعديه فى خلع ملابسه وانتى تسأليه كيف كان يومه ؟ وتخبريه كم اشتقتى
له.

7. من آن لأخر اعدى صنف يحبه على المائدة واجعليها مفاجأة .

8. لا تنامى ابدآ قبل نومه هو ومن وقت لأخر اسأليه ان كان يحتاج شيئآ ولكن بصورة ليس مبالغ فيها .

9. دائمآ استقبلى أهله ومعارفه فى حدود مايسمح الشرع ولا تتبرمى من
زياراتهم .

10. إذا قام اى طفل من اهله باتلاف او اللعب فى اى شئ لا تتحرجى من توجيهه بادب ولا داعى للنظر لزوجك ليقوم هو بهذة المهمة .

11. إذا لاحظتى تقصيره فى السؤال عن احد اقربائه بادرى انت بالسؤال عنه
بالنيابة عنه .

12. لا تخبريه باى تصرف غير لائق من طرفهم قومى انت بالتصرف بادب بالطبع
الا إذا تجاوزوا الحدود فيجب اخباره بهدوء ودون تحميله المسئولية .

13. حاولى ان تنخرطى فى عائلته اعرضى المساعدة معهم فى اعمال المنزل ولكن
دون اهدار لكرامتك ايضآ قدمى لهم الهدايا من آن لأخر ولا تنتظرى رد الهدية
فغالبآ لن يفعلوا .

14. لا تصعدى الخلافات بينك وبينهم ولا تقومى بمخاصمة احد منهم او تحرمى
على نفسك دخول منزله من اخطأ فى حقك يمكنك زيارته ولكن تعاملى كضيفة وليس
كصاحبه منزل .

15. لا تستخدمى سلاح البكاء والانهيار حتى تحثيه على الانتقام من اى احد
من عائلته قام بتصرف غير لائق معك فلن تنطلى عليه هذة الحيلة دائمآ حتى وان
لم يشعرك بذلك كما انه تصرف ليس فيه من الاسلام من شئ .

16. لا تصعدى الخلافات بينك وبينه ابدآ الى الحد الذى يقوم معه بالشكوى
منك لأى شخص .

17. الرجل دائمآ مستغرق فى عمله وهو عالمه لذا حاولى اطلاعه يوميآ على
مايجرى حوله اسردى عليه ما يهمه من الاخبار المحلية والعالمية وأيضآ شاركيه
المعلومة الدينية التى اثريت نفسك بها اليوم .

18. لا تنهرى اطفالك امامه ولا تشتكى من تصرفاتهم الا اذا اردتى ان ينهرهم
وحاولى ان يكون ذلك فى اضيق الحدود .

19. لا تتحدثى عن مشاكلك اليومية معه فقط ان كنتى متضايقة من شئ لايخصه
بوحى له به .

20. اذا قام اى شخص من طرفك بتصرف غير لائق بادرى بالاعتذار له دون اهدار
لكرامتك او كرامة المخطئ .

21. اذا قام باى فعله ضايقك لا تعاتبيه فى الحال انتظرى يوم او يومان ثم
عاتبيه بهدوء ولا تركزى على انه اخطأ ولكن ركزى على ان هذا لاتصرف آلمك .

22. احضرى له هدية كل فترة وارسلى له كروت على عنوانه من آن لأخر ورسائل
يوميآ على هاتفه النقال .

23. لا تجعلى يومآ يمضى دون اخباره انك تحبيه .

24. احرصى على ارتداء اخر صيحة من الموضة وما يراه خارج المنزل بعد
الظيهرة وفى المساء ارتدى الملابس المناسبة لذلك لا تجعليه يراك ابدآ برداء واحد
خلال اليوم .

25. قومى بتغيير الاثاث كل فترة كذلك تسريحة شعرك وطريقة وضعك للماكياج .

26. استأذنيه قبل فعل اى شئ ان كان خروج او تغيير شئ فى المنزل او مشتروات
او اتباع نظام غذائى .
27. من آن لأخر ذكريه بذكرى سعيدة مرت بكم وكيف كانت ذكرياتكم سويآ فى شهر
العسل .

28. اقرأى عليه خطاباته التى كان يرسلها لك ايام الخطوبة .

29. لا ترهقيه يكثرة طلباتك التى لا تناسب دخله واذا اردتى حثه على تحسين
اوضاعكم لا تقولى له فلانة زوجها يشترى لها كذا فقط ناقشيه بهدوء وركزى
على احتياجكم لتحسين دخله .

30. لا تحاولى ابدآ اشعاره بانك كان من الممكن ان تتزوجى افضل منه بالله
عليك الرجل زوجك ويعلم مقدارك جيدآ وان كان ممكن ان تتزوجى افضل منه ام يجب
ان تحمدى الله انه قبل وتزوجك .

31. حاولى تجديد نفسك وتطويرها دائمآ وحسنى معلوماتك العامة والدينية
دائمآ .

32. اجعلى له اسمآ للدلع تناديه به فى اوقات صفائكم بجانب الاسم الذى
تناديه به فى الاوقات العادية .

33. اذا تأخر عن ميعاد الغذاء اتصلى به فى العمل وذكريه بان يأكل .

34. حثيه دائمآ على مقابله اصدقائه بصفة دورية فهذا سيشعره بالحرية .

35. تجنبى اختلاق الاعذار الواهية لابقائة بجانبك وعدم زيارته لعائلته
واصدقائه فصدقينى هو يفهمك ولكن لن يشعرك بذلك كما ان ذلك ليس من خلق المسلمة
الحقة .

36. حضرى له دائمآ ملابسه التى سيرتديها صباحآ وانتقى له اكثر من جورب
فانت لا تعلمى ايهم يرتاح فى ارتدائه اكثر .

37. لا توقظيه بحدة اهمسى فى اذنه بهدوء وابتسمى فى وجهه .

38. دائمآ كونى مرحة معه وان كنت ثقيلة الظل تجنبى الاستظراف فقط عوضى ذلك
بالابتسام الدائم .

39. اذا اردتى طلب شئ منه لابد ان تسبقه لو سمحت واطلبيه بدلال ورقة .

40. دائمآ مارسى معه كل انواع الاتيكيت المتعارف عليها من طريقة مشى وجلوس
وكلام اشعريه انك ملكة او اميرة .

41. دائمآ اخبريه عن طرائف الاطفال التى حدثت خلال اليوم .

42. لا تنامى بجانبه ابدآ وتعطيه ظهرك حتى ولو كنتى على خلاف معه الا اذا كن الامر خطيرآ

43. لا تتركى المنزل ابدآ فى حالة الخلاف ولا تتركى غرفتك وابدأى بالصلح انت حتى ولو لم تكونى مخطئة فكلمة اسف ثقيلة جدآ على لسان الرجال .

44. اشعريه دائمآ بانه افضل رجل فى العالم واشعرى انت ايضآ بذلك .

45. اذا نهرك امام الناس لا تردى اطلاقآ وبعد ان ينتهى اكلمى حديثك معه كالعادة بدون اى تغيير من ناحيتك عاتبيه لاحقآ كما اوردنا فى رقم 21 .

46. اذا انفعل عليك بمفردكم فابتسمى فى وجهه وان ظل غاضبآ داعبيه وان
استمر اصمتى وحاذرى من ترك الغرفة وهو لازال يوجه لك الكلام .

47. رتبى له مواعيده دائمآ وبرامج زياراته .

48. كونى صديقة له بحسن استماعك لاحداث يومه دون تبرم ان صدر منه ما
يضايقك ان تبرمت لن يحكى لك ثانية ابدآ .

49. اذا لاحظتى ان تقصيره فى حقك زاد عن حده ارسلى له رسالة توضح كم اشتقت
له وان لم يستجيب اخبريه ان حالتك النفسية ساءت لبعده عنك .

50. حاولى سنويآ ان تجعليه يذهب فى اجازة مع عائلته او اصدقائه ليريح
اعصابه وليتجدد الحب بينكما هذا بجانب اجازته السنويه معكم .

51. لا تشعرى اطفالك انكم مكرسون لراحته ولا تجبريهم على الهدوء وعدم
اللعب فى وجوده فقط افهميهم انه يتعب كثيرآ فى عمله ويجب ان نوفر له جو من الهدوء ومن جانبك حاولى الا تثيريهم فى وجوده حتى لا يضايقه بكائهم وفى حال
نومه ابقى معهم فى غرفتهم والعبى معهم ولا تحدثوا ضوضاء بجانبه .

52. كما تقومين بمساعده طفلك على النوم افعلى تمامآ مع زوجك اعطيه دائمآ كوب لبن دافئ او مشروبه المفضل قبل النوم

53. لا تتوقعى منه ان يعاملك برومانسية حالمة فغالبآ لن يفعل فقط حاولى ان
تتأقلمى على طباعه فمن الصعب تغييرها .

54. لا تتوقعى معاملة مماثلة لمعاملتك تلك ولا تتوقفى عن ذلك فى حال ما اذا لم يتحسن زوجك فستأخذين الاجر على ذلك كما انه بمرور الوقت سيتغير للاحسن فقط الصبر .

55. لا تتكلمى ولا تتناقشى ابدآ معه فى موضوع تعدد الزوجات ولا تشعريه انك تخافين من هذا ان كنت كذلك .

56. واخيرآ لا تشعريه بانه محور حياتك الوحيد ولا تشعريه انك تهملين
اطفالك من اجله ولا تفعلى ذلك بالفعل اتقى الله فى معاملته ومعاملتهم .
.

57. لا تخنقيه بالغيرة وثقى فيه دائمآ مع الحذر ولا تحاولى تقصى اخباره من اصدقائه او معارفه .

اتمنى انة ينول اعجابكم

منقول
والسلام عليكم ورحمة الله وبركاتة

Mohamed Hashem
06-12-2009, 03:57 PM
لا لا لا
مفيش ست تعرف تعمل كده
لا لا لا
دا كده بقى معلش كلام والسلام
دا انا لو مراتى عملت كده
حاقعد فى البيت ومش رايح الشغل اساسا
ههههههههههههههههههههههههههههههه

Mohamed Hashem
06-12-2009, 03:58 PM
حاولى سنويآ ان تجعليه يذهب فى اجازة مع عائلته او اصدقائه ليريح
اعصابه وليتجدد الحب بينكما هذا بجانب اجازته السنويه معكم .

ههههههههههههههههههه صباح الخير يا سيدات .. مين بتعمل كده

Mohamed Hashem
06-12-2009, 03:59 PM
ولا دى كمان


لا تتوقعى معاملة مماثلة لمعاملتك تلك ولا تتوقفى عن ذلك فى حال ما اذا لم يتحسن زوجك فستأخذين الاجر على ذلك كما انه بمرور الوقت سيتغير للاحسن فقط الصبر .


ليه ان شاء الله ....... عقلتو كده مرة واحده

Mohamed Hashem
06-12-2009, 04:01 PM
لا تتوقعى منه ان يعاملك برومانسية حالمة فغالبآ لن يفعل فقط حاولى ان تتأقلمى على طباعه فمن الصعب تغييرها .


لا كده باظت خالص ووسعت ..
دا نص النكد من الجمله الازلية : انت ما بتحبنيش زى الاول ؟

Mohamed Hashem
06-12-2009, 04:04 PM
احضرى له هدية كل فترة وارسلى له كروت على عنوانه من آن لأخر ورسائل
يوميآ على هاتفه النقال .


مش عاوز حتجيبهم على حسابى

الورده البيضاء
06-12-2009, 04:20 PM
ههههههههههههههههههههههه
اولا احب اشكر حضرتك جدا جدا عالمرور يابشمهندس
وصدقنى الواحدة ممكن تعمل اكتر من كدة وهو فى واحدة بتبقى عايزة تعيش فى نكد ولا زعل؟
لا طبعا
وصدقنى فى اللى ممكن يعمل كدة واكتر من كدة كمان
ميرسى لمرور حضرتك دايما منورنى

ميرا مار
06-12-2009, 05:01 PM
شكرا حبيبتى

فى انتظار المزيد

الورده البيضاء
06-12-2009, 05:15 PM
شكرا حبيبتى

فى انتظار المزيد


شكرا ليكى انتى ياميرا على مرورك الجميل

محمد الفرارجي
06-12-2009, 05:37 PM
هههههههههههههههههههههههههههههههههههههههههههههههههه ههههههههههه

مع الاعتذار لميرامار

شكرا حبيبتي

عايزن تنفيذ


هههههههههههههههههههههههههههههههههههههههههههههههههه ههه

الورده البيضاء
06-12-2009, 05:44 PM
ههههههههههههههههههههههه
حضرتك عايز تنفيذ ازاى
مهو بالفعل فى بنات بتعمل كدا بعد ماتتجوز
فى اكتر من كدة تنفيذ؟
الف شكر على مرور حضرتك
وبقولها لالف مرة لو الشخص او الزوج يعنى بيعامل زوجنة بما يرضى الله هى هتعاملة اكتر منة وافضل منة كمان

ياسمين
06-12-2009, 07:02 PM
الله ينور يا جميل
كلام رائع فعلا لو اتنفذ

ممكن الزوجة تنفذ الكلام دة كله
بس برضة بتشجيع من الزوج

شكرا لكى يا امل

alaa eid
06-12-2009, 07:24 PM
ان شاء الله في تنفيذ علي فكرة يا ايمي حاجات جميييييييييييييييلة جدا جدا وياريت كلنا نتعلم منهاتسلمي حبيبتي موضوع هايل

yousef
06-12-2009, 09:43 PM
ههههههههههههههههههه

ربنا يهديكم
بس بجد مع احترامي لراي ناس كتير انا شايف ان الحب اللي بجد لسه موجود والحاجات ديه سهله جدا ووالله بتتعمل
والجيل بتاعنا ده مقدر وفاهم كويس يعني ايه حب صادق بجد اه في حالات خارجه بس مش كتير

Mohamed Hashem
06-13-2009, 05:29 AM
يا حبايبى
حاتكلم بجد والله .. انا هزرت خلاص
اللى نقصده انا وفرارجى (بما أننا متزوجون) ان الاعتدال ضرورى فى المطلوب من الزوجين فى المعاملة ... بمعنى ان حضرتك اطلب من نفسك - او من زوجتك - المعقول علشان تقدر تنفذه مش علشان تبقى مثالى وخلاص لان ببساطه الزواج علاقة قائمة على اساس التبادل .. فى أخذ فى عطاء .. كل ما هنالك انك بتحاول تكون امام الله عادل فتجعل عطاءك أكثر من الأخذ فبالطبع الطرف الآخر يشعر بكده ويحاول يرد لك عطاءك بالمزيد من العطاء ... وهنا .... تظهر التضحيات ويبان الحب والتفانى ..
مش العكس .. عمرك ما تفضل تعطى لواحد لانك بيحبه وهو مش مراعى .. صدقنى لو بتحب واحد وهو لم يبادلك نفس المعاملة الرقيقة المهذبه مش حتلاقى حاجه جواك تطلع له برغم انك بتحبه دا حتى لو صاحبك .. مش زوجتك
أما لو اقنعت نفسك بأنك لازم تكون مثالى وتعطى دائما فصدقنى بييجى وقت وتبقى مش قادر لاسباب كتير .. الدنيا مليانه مشاكل وهموم وانت دلوقتى مفيش وراك غير المذاكرة بعد كده حتشوف انك حتى لو اختليت بنفسك شويه حتفكر فى مستقبل اولادك وازاى تجعله اجمل والكلام دا مش علشان انا تعبان فى حياتى او متشائم او عندى مشكله هههههه (الحمد لله الحب موجود ، تقوى الله على قد ما نقدر واعتقد ان الحمد لله ربنا موفق الواحد فى حياته ، الزوجه الصالحة موجودة ولا ازكى على الله احدا) لا دى سنه الحياه اللى خلقها ربنا جوايا كأب علشان الارض تعمر
فانا لم اعترض على جملة الا لانها مبالغ فيها ..
انا اللى اقصده الكلام المثالى جميل .. واتمنى أمل تكتب لنا موضوع مثلا تعرفك إزاى تتكيف مع الشخص اذا كان فى طباعه شئ مخالف لطبعك .. او ازاى تؤثر فى زوجتك أو زوجك بتقريب وجهات النظر
الاختلاف طبيعى يا شباب .. وعلى رأى اليسا خد بالك عليا .. دى مش معاملة تعاملنى بيها ههههههههههههههه
اتذكر انى قرأت لسناء البيسى مقالة واقعية جدا عن المرأة استفدت منها كتير للاسف فشلت الاقيها هنا على النت
والآن : ايمى
وجميع البنانيت والشباب الامور
احتراماتى ... تحياتى ... دعواتى لكم بالسعاده

الورده البيضاء
06-13-2009, 02:39 PM
تصفيق حاد لكلام البشمهندس هاشم
طاخ طاخ طاخ
الف شكر يابشمهندس على المعلومات المفيدة جدا اللى حضرتك طرحتها علينا من واقع خبرة حضرتك
الف شكر
جزاك الله كل خير
والف شكر على مرور حضرتك ويوسف ولولو وياسمينة
واحب اقولك يايوسف الحب مش كل حاجة المهم الازواج تبقى متفاهمة مع بعضها ويكونو بيحترمو بعض
لانة بتيجىفترة بين الازواج بيتمحى الحب عندهم بين المشاكل والاولاد وغيرة
فمش بيبقى باقى بينهم غير الود والتفاهم
والحب كتير جدا بيبقى اقوى بعد الزواج دة لو الزواج مبنى على العقل[/CENTER]

yousef
06-14-2009, 01:08 AM
اله له اله ديه العمليه وسعت قوي علي رأي عادل امام\


ايه الكلام الكبير ده انا حسيت ان اللي بتتكلم ديه عندها 40 سنه

بس كلام مظبوط جدا جدا

وبرضه كلام البشمهندس محمد سليم 100% وانا برضه متفق معاه وكلامه بصراحه جميل جدا ومفيد من واقع تجاربه ومعايشته للوضع

الورده البيضاء
06-16-2009, 03:23 PM
ميرسى جدا لمرورك يايوسف
ويارب تكون عمت الاستفادة للكل

الورده البيضاء
09-22-2009, 11:41 PM
الموضوع مش عاجبكم ولا اية؟

ALY ELSAYED
09-23-2009, 03:35 AM
هههههههههههه

ياريت نلاقي حد كده يا امل

بس صعب جدا جدا

وبشكر بشمهندس محمد هاشم علي تعليقاته الجميله

جزاكي الله كل خير

Soma
09-23-2009, 04:30 AM
الله عليكى بجد نصايح ممتازة جدا جدا
جزاكى الله كل خير

الورده البيضاء
09-23-2009, 01:16 PM
هههههههههههه

ياريت نلاقي حد كده يا امل

بس صعب جدا جدا

وبشكر بشمهندس محمد هاشم علي تعليقاته الجميله

جزاكي الله كل خير


لية بس كدة ياعلى
لية صعب
والله فى ناس كويسة كتير جدا
خد بالك انك بتغلط فينا كدة هااااااااااا:D:D
ميرسى ليك عالمشاركة وفى بنات بتعمل اكتر من كدة كمان مش كدة وبس

الورده البيضاء
09-23-2009, 01:16 PM
الله عليكى بجد نصايح ممتازة جدا جدا
جزاكى الله كل خير


ميرسى ياقلبى
ربنا يخليكى ياقمر

ايات يوسف
09-26-2009, 03:33 PM
والله هنحاااااااااااااااول نعمل كده
عشان حياتنا تبقي احسن ان شاء الله
شكرا ليكي

Heba Bebo
09-26-2009, 03:50 PM
شوفي يا وردة يا بيضاء يا حبيبتي

:)

لو ولعتي اصابعك واصابع جاراتك وصحباتك

:cc_rip:

عشان تكسبي ربع جنيه منه بس

:1:

مش قلبه

مابيطمرش خالص

ربنا يديله شوية فلوس يتجوز علي زوجته

شوية صحة يفتري عليها ويضرب اطفاله

حتة عربية ذل عشان تركبها

:box:

اسكتي يا بنتي لهم ربنا

وماتصدقيش اللي يقولك هي السبب والكلام الفاضي ده

دوووووووووووووووووووووووووووول

إن قدروا ما يعفوش

الورده البيضاء
09-27-2009, 01:54 AM
والله هنحاااااااااااااااول نعمل كده
عشان حياتنا تبقي احسن ان شاء الله
شكرا ليكي



الشكر لله وحدة ياحبيبتى
وان شاء الله اتمنالك حياة سعيدة

الورده البيضاء
09-27-2009, 01:57 AM
شوفي يا وردة يا بيضاء يا حبيبتي

:)

لو ولعتي اصابعك واصابع جاراتك وصحباتك

:cc_rip:

عشان تكسبي ربع جنيه منه بس

:1:

مش قلبه

مابيطمرش خالص

ربنا يديله شوية فلوس يتجوز علي زوجته

شوية صحة يفتري عليها ويضرب اطفاله

حتة عربية ذل عشان تركبها

:box:

اسكتي يا بنتي لهم ربنا

وماتصدقيش اللي يقولك هي السبب والكلام الفاضي ده

دوووووووووووووووووووووووووووول

إن قدروا ما يعفوش

ههههههههههههههههههههههههههههههههه
لية بس كدة ياهبة
انتى عدوانية لية كدة
يابنتى زى مافى الكويس فى الوحش
واكيد انتى شوفتى الوحش حاولى تمسحى الكلام دة من دماغك وتفكرى من جديد
وربنا يكرمك باللى يستاهلك وتستاهلية يارب
ربنا يسعدك
ميرسى ليكى ياقمر

Soma
09-27-2009, 02:08 AM
ليا راى بعد اذنكوا ليه معظمكم بيظن ان البنات كلها او الولاد استحالة يكونوا سعدا فى حياتهم الزوجية
على فكرة لو الطرفين بيحبوا بعض جدا ومتفاهمين وبيقدروا بعض ده حيخليهم بجد سعدا وكل واحد فيهم حيحاول يسعد التانى بدافع حبه ليه
خلى عندكوا امل شوية ومش كل الناس زى بعضها هو ممكن بتحصل مشاكل للبعض منا فى البيوت وده اللى بيرسخ الفكرة دى عند الشباب اتمنى بجد لو الامهات والابهات يخلوا بالهم ان عندهم اولاد ممكن يتاثروا بمشاكلهم
بجد حاولوا تفكروا بطريقة متفائلة شوية وان شاء الله الكل يكون سعيد فى حياته باذن الله

الورده البيضاء
09-27-2009, 02:40 AM
ليا راى بعد اذنكوا ليه معظمكم بيظن ان البنات كلها او الولاد استحالة يكونوا سعدا فى حياتهم الزوجية
على فكرة لو الطرفين بيحبوا بعض جدا ومتفاهمين وبيقدروا بعض ده حيخليهم بجد سعدا وكل واحد فيهم حيحاول يسعد التانى بدافع حبه ليه
خلى عندكوا امل شوية ومش كل الناس زى بعضها هو ممكن بتحصل مشاكل للبعض منا فى البيوت وده اللى بيرسخ الفكرة دى عند الشباب اتمنى بجد لو الامهات والابهات يخلوا بالهم ان عندهم اولاد ممكن يتاثروا بمشاكلهم
بجد حاولوا تفكروا بطريقة متفائلة شوية وان شاء الله الكل يكون سعيد فى حياته باذن الله


الله عليكى ياسومة ابدعتى ياحبيبتى
تسلمى
وبعدين الامل موجود
امال انا روحت فين؟:D

Heba Bebo
09-27-2009, 06:10 AM
لالالالالالالالالالالالا
هو انا قابلت حد خالص
ده من الفزتليون
ومن الحكاوي العامة
وبعدين لو جه الوحش
هنقيد الصوابع شمع
واحطهم كلهم في راسه
هههههههههههههههه
شفتي مسالمة جدا

الورده البيضاء
09-27-2009, 02:45 PM
لالالالالالالالالالالالا
هو انا قابلت حد خالص
ده من الفزتليون
ومن الحكاوي العامة
وبعدين لو جه الوحش
هنقيد الصوابع شمع
واحطهم كلهم في راسه
هههههههههههههههه
شفتي مسالمة جدا


هههههههههههههههههههههههههههههههههههههههه
ربنا يرزقك باللى يغيرلك رايك

طالبة جامعية
10-01-2009, 01:21 AM
برافو
نصايج مفيدة اوى
يابخت زوجك بيكى

Marwa Magdy
10-01-2009, 01:29 AM
شكرا ليكى يا ايمى ع النصائح الجميله دى
الموضوع جميل اوى
و شكرا لحضرتك يا بشمهندس محمد على توضيحك

الورده البيضاء
10-01-2009, 10:20 AM
برافو
نصايج مفيدة اوى
يابخت زوجك بيكى


ميرسى ياحبيبتى
دة بس من ذوقك

الورده البيضاء
10-01-2009, 10:21 AM
شكرا ليكى يا ايمى ع النصائح الجميله دى
الموضوع جميل اوى
و شكرا لحضرتك يا بشمهندس محمد على توضيحك


ربنا يخليكى ياحبيبتى
انتى اجمل

الورده البيضاء
11-15-2009, 11:33 AM
اية يااحلى اعضاء فين مشاركاتكم الحلوة

الورده البيضاء
12-20-2009, 10:12 PM
اية يابنانيت فين ردودكم

mahmoud mohamed
02-23-2010, 02:24 PM
موضوع جميل وياما نفسى اجوز وحدة تعمل كدة .يا رب ادعيلى ويا ريت كل البنات والزوجات تعمل كدة وتستفيد من الكلام دة

الورده البيضاء
02-24-2010, 12:31 AM
موضوع جميل وياما نفسى اجوز وحدة تعمل كدة .يا رب ادعيلى ويا ريت كل البنات والزوجات تعمل كدة وتستفيد من الكلام دة


ان شاء الله ربنا يكرمك بالزوجة الصالحة
الف شكر لمرور حضرتك الكريم

الورده البيضاء
03-21-2010, 05:01 AM
السلااااااااااااااام عليكمممممم