65473 نقل جيزة

[Mohamed Hashem]

بسم الله الحمن الرحيم


السلام عليكم ورحمه الله وبركاته


إخوتى الأعضاء الكرام



والله مش عارف افتح الموضوع ازاى وادخل له منين بس الامر لله حادخل فى الموضوع على طول




هناك فرق كبير بين اقتباس الموضوع والنقل بحذافيره




مهما كان الموضوع مغرى .. وممكن يحقق لى جاذبيه ومشاركات فلابد من ذكر انه منقول




انا بقول الكلام دا لاننا على اعتاب او بدأنا بالفعل فى تطوير جوانب كتيره فى المنتدى
وزى ما انتو ملاحظين .. والناس اللى سبقتنى هنا – فانا حديث العهد – كلهم بيجتهدوا فى التطوير والتحسين والتجديد والابتكار وما الى ذلك




وكل ذلك يغذى المنتدى بالمزيد والمزيد من النجوم اللامعه التى تزيدنا بريقا بل وقوة .. الامر الذى يعنى المزيد والمزيد من المواضيع القويه .. يعنى ضيوف اكتر وزوار اكتر و هكذا
ويستتبع ذلك المزيد من التدقيق والاعتبارات التى تتناسب وطبيعة المرحلة





والملاحظ – ومن غير زعل – ان المواضيع المنقوله لا يذكر بجانبها ذلك ولا ضير ان تذكر فلا يقللن ذلك من شأنك





وأفضل لى الف مرة أن اظل قارئا جيدا على أن أكون كاتبا ناقلا



انا خلاص رخصت ملاكى .. احم احم سورى ..
اقصد .... خلصت كلامى ..


ياترى انت موافقنى ولا حتفضل ..
نقل جيزة

[Marwa Mahmoud]

سباق بالخيرات دائما يا بشمهندس

سبحان الله انا كنت لسه هعمل موضوع اليوم اتكلم فيه عن الموضوع ده

لانى لحظت فى الفترة الاخيرة تكرر المواضيع المنقولة

وأصبح الهدف من المواضيع كلها واحد لا يوجد جديد

أين إبداعات الاعضاء ؟؟؟ لا يوجد إلا القليل جداا

اتمنى إننا نبدأ من اليوم إننا نرسم شخصية مستقلة لينا

تميزنا عن غيرنا وأتمنى ان جميع الأعضاء يشركوا معانا

أنى بجد بدأت أشعر بالملل من تكرر المواضيع

بشكرك جداا يا بشمهندس على المبادرة الجميلة دى

متميز دائما و جزاك الله كل خير

[Mohamed Hashem]

شكرا جزيلا للأخت المشرفه
مروة

[Mohamed Hashem]

ياخسارة ..
ياريتهم ردوا ..

[abdoitthad]

مشكور على الموضوع


وان شاء الله سترى ابداعات اكثر من المنقول

[Mohamed Saad Yassin]

الله ينور يا باشمهندس
موضوع جميل جدا
بارك الله فيك
و ياريت نتعلم من اخطأنا

[ALY ELSAYED]

شكرا ليك يا استاذ محمد علي مدي جهدك في تطوير المنتدي
بس لازم الفت نظرك ان في موضيع لازم تتنقل لان وجدها اكيد حتفيد
المشكله في تكرار الموضوع ومش معني كلامي ان بنقل كل موضيعي
وفي نفس الوقت مقدرش انكر اني بشارك ببعض مواضيع منقوله
بس ان شاء الله نطور من نفسينا
شكرا ليك يابشمهندس محمد

[Mohamed Hashem]

شكرا ليك يا استاذ محمد علي مدي جهدك في تطوير المنتدي




بس لازم الفت نظرك ان في موضيع لازم تتنقل لان وجدها اكيد حتفيد
المشكله في تكرار الموضوع ومش معني كلامي ان بنقل كل موضيعي
وفي نفس الوقت مقدرش انكر اني بشارك ببعض مواضيع منقوله
بس ان شاء الله نطور من نفسينا


شكرا ليك يابشمهندس محمد


ماشى انقل .. بس انقل الفكره بس واكتب بطريقتك واسلوبك وشخصيتك وحور الموضوع ليتناسب مع اعمارنا واتجاه منتدانا ورابطتنا الغالية .. مش تنقل النص كوبى بيست
ماشى انقل .. بس ما تنساش تكتب انه منقول وياسلام لو كتبت اسم صاحب المقال
ولما تنقل .... ماتنساش تغير اللهجة والالفاظ اللبنانى أو الخليجى
ولما تنقل .. انقل ما يناسب منتدانا ومجتمعنا
ولما تنقل .. ما تزعلش لما يرد واحد برأى مخالف ..
ولما تنقل .. موضوع علمى اكتب اسم صاحبه .. مش عاوزين نعرف نقلته من انهى منتدى
ولما تنقل .. انقل حاجه هادفه .. و كلام منطقى ..
ولما تنقل .. ولما تنقل .. ولما تنقل ..
عاوزين ابداع شوية من دماغك انت .. شخصيتك انت .. عارف لو كتبت افكارك انت حتبقى احلى وتدخل قلوبنا .. لاننا زيك .. ولما تجيب موضوع منقول .. حيبقى غريب علينا كلنا .. وعلى فكره التكرار نتيجة طبيعية للنقل .. صعب 40 فرد يقعدوا يكتبوا يطلع منهم 4 افكار مكررة
احنا عندنا ميزة .. اكيد انتو عارفينها .. اننا زملاء جامعة.. بنقابل بعض كأشخاص حقيقيين .. قولى منتدى جواه 200 عضو يعرفوا بعض معرفة شخصية وممكن يتقابلوا فى السنة 9 شهور دراسة ؟؟؟
عارف .. دا يدينا طعم تانى .. مش يخلينا زى الباقيين
انا عارف ان كلامى دبش .. بس مش باقول كده اثبط الهمم .. بالعكس .. انا عاوز الهمم تعلى .. ونغرق فى الواقعية .. فتترسم لينا صورة أجمل وأكثر إشراقا ..
ملحوظة : الكلام ده للجميع مش لشخص حضرتك فقط ومش انا بس الى بطور المنتدى .. دا جيش وانا فرد فيه

[Mohamed Hashem]

مشكور على الموضوع




وان شاء الله سترى ابداعات اكثر من المنقول





الله ينور يا باشمهندس

موضوع جميل جدا
بارك الله فيك

و ياريت نتعلم من اخطأنا

هو ده الكلام السليم
هى دى الروح اللى عاوزينها
شكرا جزيلا يا عبدة
شكرا جزيلا يا استاذ محمد سعد

[Mohamed Hashem]

29 مشاهدات
- 4 ردود
----------------
25 (؟؟؟؟؟؟؟؟؟)

نو كومنت

[alaa eid]

موضوع بجد جميييييييل جدا
بشكر حضرتك جدااااااااااا جداااااااا
وبأذن الله هأبدأ انفذ كلام حضرتك
جزاك الله كل خير
دايما حضرتك مواضيعك بتعجبني جدا

[إسلام محمد]

جزاك الله خير

كلام فعلا مشاهد وملاحظ

وانا بفضل الله ( قلة فقط من مواضيعى منقولة )

لانى ضد فكرة النقل لانه فعلا يسبب تكرار واضح جدا فى الموااضيع وهذا قد يؤدى الى الملل

وجزاك الله خير على هذه الفكرة الرائعة

[إسلام محمد]

وعلى فكرة عجبتنى انا رخصت ملاكى ( ماشية مع الموضوع )

عايزين بدل النقل تبقى ملاكى

[Mohamed Hashem]

شكرا لولو
شكرا اسلام

خلينا نشوف مممممممم
40 مشاهدات
-6 ردود
----------------
34 ....

[MoStAfA MaHeMoD]

موضوع مهم جدا و مش عيب اننا نقول على الحقيقه ده مش عيب ده كويس جدا اننا دورنا وجبنا حاجه تفيد اللي مشفهاش قبل كده

[The[H]KinG]

شكرا يا بشمهندس
على الموضوع الجامد
الله ينور عليك

[Ahmed Mohamed]

الله ينور عليك يا بشمهندس محمد والله الواحد فعلا في الاول كان بيعتمد علي نقل المواضيع

وهذه حقيقة ولا استطيع نكرانها

فلابد علينا ان نغير من اسلوبنا هذا ونعمل علي ادخال كل ما هو جديد لمنتدانا الغالي

معا لتطوير المنتدي ده شعاري صراحة والله شاهد علي كلامي

جزاك الله كل خير يا بشمهندس علي المبادرة الجميلة من حضرتك دي

[Mohamed Hashem]

شكرا للجميع طبعا

مممممم

61 مشاهدات
- 9 ردود
-----------
52 ؟؟؟؟؟؟ يااااااه للدرجة دى

فين الفرارجى ... قلبت الملاكى تاكسى ولا ايه ؟

[محمد الفرارجي]

ههههههههههههههههههههههههههههههههههههههههههه
الفرارجي موجود
وتحت أمرك
يا كبير يا إللي عايز المصلحة العامة لينا كلنا
انت عارف رأيي في الموضوع ده
ويمكن انت فاكر موضوع الملاكي والنقل

المشكلة إن هنا في ناس نقل بمقطورة

اللي يفهم يفهم وإللي يزعل يزعل وغللي يتقمص يتقمص

كل واحد على راسه بطحة يشوفها ويداويها

ما اعتقدش ان واحد زي الباشمهندس محمد

على الدرجة دي من:
1-السلم الإداري والوظيفي.
2-المرتب الكبير ما شاء الله.
3-الثقافة والاستيعاب.
4-الاحترام والأدب.
5-الجدعنة الاسكندراني اللي على حق وبن بلد قوي
6- عمر ما عادش يسمح بإنه يتمنظر.
وغيره وغيره

ما اعتقدش واحد عنده كل النعم دي ويكتب موضوع يتفذلك وألا يتمنظر على ناس سوري من دور ولاده.

طب ليه؟

كلمة والله قالها حكمة

المنتدى هوه السلاح اللي في إيدينا اللي بنحارب بيه عشان نوصل للنقابة وعشان نوصل لتشغيل الخريجين.
طيب المنتدى بصراحة مش شايفينة سلاح قوي نقدر نحارب بيه طب نعمل ايه؟

1- ننصحكم بالتغيير
2- نوجهكم لأخطاءكم.
3- نقول لكم على حل الأخطاء.
4- نحالو نوجهكم لبداية الطريق الصح ونسيبكم مع نفسكم عشان تبان شخصياتكم.

إنما لما أحس إن الناس مفكراني داخل عشان أبقى مشرف؟
ههههههههههههههههههههههههههههههههههههههههههههه

أنا والله لا يهمني الاشراف ولا غيره وبأدعي ربنا يعين المشرفين وبصراحة مش عايزها

أعتقد إن المهندس محمد لما يحط موضوع بالطريقة دي وعشان أنا قريب منه حبتين.

للعلم أنا ما شفتهوش في حياتي وبداية تعرفي بيه من المنتدى والحمد لله ربنا يديم الود

بس بجد

الراجل ده لو ساب المنتدى
حقيقي
والله بجد
هتخسروا كتير قوي

عموما نعتبرها حملة بجد
حملة تخلي المستوى الأكاديمي والعلمي للمنتدى يكون أرقى من كده
اللي هيدخل دراسات عليا منكم ان شاء الله صدقوني هيعرف قيمة الكلام اللي بنقوله لأن سهل قوي رسالتك تترفض عشان سعادتك ناقل من غير ما تقول


موضوع النقل

خد أي موضوع أي عنوان والصقة في جوجل شوف النتيجة

ووالله متأكد من إللي بأقوله
عموما

الموضوع بجد بقى يزهق

وحاولوا ما تزعلوش الراجل ده

أعتقد إنه شغال لله عشانكوا مش عشان نفسه

وللحديث بقية

وشكرا جدا يا كبير على توارد الأفكار

تسلم ايدك
وألف مبروك عالتوقيع الجدديد

بأموت مالضحك انا حقيقي ممكن أكون اليومين دول مخفف شغل بس جاي التقيل بعد كده وما يلزمنيش حاجة خالص من الاشراف ولا غيره لأنه

[Youssef Mostafa]

دة كلام سليم مية مالمية يابشمهندس

الله ينور عالموضوع عشان كله يتعلم بما فيهم انا

ياريت بقى تنزل موضوع طريقة كدة عشان كله يتعلم ازاى يبدع ويخلق افكار جديدة من دماغه

[farida]

كلامك كله صح يا بشمهندس

و فعلا كتير بيعملوا الغلط ده

جزاك الله كل خير

[MOHAMAD ELSAADANY]

كلامك جميل وفى الصميم يا بشمهندس
فعلا الملاكى افضل بكتير من النقل ههههه
جزك الله خيرا عن الموضوع الفعال ده
تسلم ايدك

[Mohamed Hashem]

شكرا لجميع الردود طبعا واحد واحد

مممممم

91 مشاهدات
-12 ردود (والفرارجى ما يتحسبش طبعا )
----------------------------
79 اوباااااااا

[محمد الفرارجي]

تخيل بقى؟

طب صحيح ما سألتش نفسك سؤال؟

ليه الناس اللي كانت بتجاملك في مواضيعك حتى في ترحيبهم بسندباد ما دخلوش ويجاملوك هنا كمان؟

عارف ليه؟

ههههههههههههههههههه

عموما الناس هتعرف ان شاء الله

ولو ما بقاش فيه تغيير الأفضل اننا نتغير احنا وخلاص

[Soma]

عندك حق والله يا بشمهندس
جزاك الله كل خير
ان شاء الله نقلب النقل ملاكى :p

[Mohamed Hashem]

عارف عشان محدش عاوز يبص فى دى
|
|
|
v


http://www6.0zz0.com/2009/06/14/19/175779848.jpg

[محمد الفرارجي]

فعلا الصورة أفضل من مليون كلمة
ويا رب يبصوا فيها عشان يبقوا
أفضل وأفضل

ربنا يوفقهم

[mohammed wahba]

تسلم ايديك يا بشمهندس محمد اثارة موضوع النقل والاقتباس بالشكل دة بيجسد لينا مشكله كبيرة بنعيشها فى مجتمعاتنا العربيه وهيا تعذر الابداع وتعثرة ودة بيدفع ناس كتير للنقل الجذرى بدون تفكير فى التغيير وكأن مجرد فهمه للمنقول هو ابداع فى حد ذاته للاسف مفهوم منقوص بيخلينا نقف نتفرج على العالم كله حوالينا بيجرى بمعدلات كبيرة واحنا يدوب بننقل هوة دة ايقاعنا وهي دى حيلتنا فى تناول الامور للاسف يا بشمهندس دى مشكله منظومه مش افراد وبس ولو استعنا بشكل نسبه وتناسب شويه احنا ايه اضافاتنا غير المنقوله فى اى مجال اى كان سياسى او اجتماعى او او او هتلاقيها نسبه ضعيفه جدا وبرضه للاسف بقولك ان نسبتنا هتفضل ضعيفه لفترة غير محدودة للاسف يا بشمهندس اشكرك يا هندسه على اسهاماتك المميزة

[KAREEM]

الله ينور يا باش مهندس
الموضوع دا فعلا كان من الحاجات اللى مضايقانى جدا
بالنسبة لى انا الحمد لله
مواضيعى مش كتير
واللى عملته الحمد لله كلها أفكارى
وكان أودامى مواضيع كتيييييييير فى منتديات تانية
ممكن أنقلها بس محبتش الموضوع بصراحة
بس اوعدك لو عرفت أنقل حنقل
طبعا بهذر
انا لو لقيت حاجة تستاهل النقل وحتفيد الاعضاء
ححاول انقلها بشخصيتى أنا وشخصية المنتدى زى ما حضرتك قلت بالظبط

فى الاخر احب أقول كلامك مهم جدا
وياريت كل الاعضاء تعمل بيه

[Mohamed Hashem]

اشكرك يا كريم جدا على ردك بقى لى مده مش شايفك انت فين
انت واحشنى بجد

[هبه ابراهيم]

ياااااااااااه
انت لمست الوتر الحساس
محتوى المنتديات العربية
كله تقريبا واحد
بسبب ان كل واحد بينقل من اللى جنبه
شكرا على الموضوع الجديد كليا