المساعد الشخصي الرقمي

مشاهدة النسخة كاملة : ۞♥♥♥وداعــاً الفـرقـة الــثــانــيــة♥♥♥۞



e4e
06-13-2009, 10:40 PM
السلام عليكم ورحمة الله وبركاته
أنتهى اليوم بحمد الله العام الدراسى 2008/2009
أتمنى ان نكون قد وفقنا جميعاً فى الامتحانات وكان مسك الختام بمادة الأساليب الكمية والتى خلت تقريباً من "التركات" ذى أخونا عمرو ما بيقول :D
أحب أن أشكر الجميع على روح التعاون العالية التى سادت بين الجميع فى أسرة الفرقة الثانية. وعلى ما قدموه من مواضيع أو حتى مشاركة بكلمة شكر.
وأحقاقأً للحق أوجه شكر خاص للأخ عمرو الذى لم يبخل بمجهود أو جهد نفعاً لأخوانه. تقبل الله منه ومنا وجزاه الله خيراً.
أتمنى أن تسود نفس روح التعاون بيننا فى العام القادم سواء كان شعبة خرائط أو شعبة عامة.
وأرجو أن يستفيد الطلاب الجدد الوافدون الى الفرقة الثانية مما تعاونا جميعاً فى تقديمه ليكون بمثابة مرجع لهم يمكنهم الاستفادة منه بأذن الله وأنشاء الله يضيفوا ما ينفعهم ويعود بالنفع على من سيأتى الى الفرقة الثانية بعدهم...
تقبل الله منا جميعاً. وففقنا الى ما يحبه ويرضاه وأن يهدينا الى ما فيه الخير لنا سواء كان فى الشعبة العامة أو المساحة أو أى سبيل آخر يقدره لنا الله بمشيئته.

نتمنى لجميع طلاب أنتساب أن تنتهى المادة المتبقية لهم على خير أنشاء الله.
كما أتمنى أن تكونوا قد تقبلتم مجهودى المتواضع فى القسم. أسأل الله أن يتقبل منى ومنكم.
أخوكم\ أسلام محمد جابر
الفرقة الثانية أنتظام سابقاً بأذن الله ;)

esraa
06-13-2009, 10:45 PM
جزاك الله كل خير يا اسلام ...



و و فقنا الله لما يحبه و يرضاه .....



و اوجه الشكر معك لعمرو و كل من ساهم فى منتدانا فى الدراسه




و ربنا يتقبل منا و منكم



و ان شاء الله تعاونا مع بعض سيستمر ايا كان التخصص _ باذن الله




و بالتوفيق ان شاء الله .........

KAREEM
06-14-2009, 12:53 AM
ربنا يبارك لك بجد يا اسلام
سواء انت ولا عمرو وأى حد ساهم ولو بكلمة
ربنا يكرم الجميع وبالتوفيق يارب
وكلنا ان شاء الله بالنجاح والتفوق يارب
واللى عايز يخش مساحة يخش
واللى عايز عامة يخش ان شاء الله
وربنا يجمعنا على خير يارب فى الفرقة التالتة
بنفس الروح الحلوة دى
( تعاون وحب و اخلاص .......الخ )
كل اللى بيقدر يعمل حاجة بيعملها ومش مستنى حاجة من حد
ودى كانت أكتر حاجة عجبانى
انتوا بجد والله بحس انى هنا فى وسط اسرتى ربنا يعلم
ويارب الحاجات اللى نتجت عننا
تفيد الناس اللى جاية بعدينا
وتكون بمثابة أرشيف ليهم و لينا برضو برضو على فكرة

أسأل الله العظيم الذى جمعنا فى هذا المنتدى
أن يجمعنا جميا بإذن الله فى جنة الخلد
قولوا آآمين
وبحييك يا سٌلم ع الموضوع الهايل دا
وشكرا ليكم جميعا

Horiaa Swedan
06-14-2009, 01:28 AM
انتهى العام بجد انا سعيده جدا كان حلمى المنتدى يكبر اكبر

كان نفسى منتدى فرقتى يكبر ولما حسيت انى لازم اعمل حاجه

اتحول المنتدى من منتدى الفرقه التانيه الحاوى لموضوعين الى كل هذا التفاعل والحب

افادنا واستفادنا

بكينا وفرحنا

تحيرنا وابدعنا سويا

واهم ما فى الامر خرجنا بصحبه طيبه

اتمنى ان اراكم جميعا بخير وحب وسلام السنه المقبله

ادعوا من الله واتمنى ان تدعوا لى ان لا اعود الى الفرقه الثانيه او اشيل مواد معايا لانها بجد حتكون صدمه ساحقه لى

وانا ادعو الله ان يوفكم

كم انا حزين حيث يمر العمر سريعا فابلامس كنت طفله تقدم اوراقها لتلتحق بالكليه

اليوم شابه تفاعلت مع الحياه انقل اقضى فى الكليه السنه الثانيه تاركه اياها الى الثالثه

ومهما كانت مساحه او عام الحمد الله هو يعلم الخير كله

وفقنا الله جميعا وحقق لنا مبتغانا

اختكم فى الله

لا اقول وداعا ولكنى اقول الى اللقاء

تقبلوا مرورى

ALY ELSAYED
06-14-2009, 01:51 AM
كل سنه وانتم طيبين
وعقبال التخرج ان شاء الله
وان شاء الله القسم كله ناجح

برجل
06-14-2009, 11:50 AM
الحمد لله الذى وفقنا للخير وربنا يوفقنا فى النتيجة كلنا (ان الله لا يضيع اجر من احسن عملا )

marwa
06-14-2009, 12:40 PM
السلام عليكم

عندك حق ياريموندا ان العمر بيجرى بسرعة وخصوصا الايام الحلوة بس الحمدلله ان ايام الامتحانات عددت بحلوها وبمرها وبخيرها وبشرها واتمنى للجميع النجاح والتوفيق وكلنا ننجح ونتقل للفرقة الثالثة ومن غير اى حاجة معنا يارب ونتجمع كلنا تانى ومع بعض نتعاون واشكركم كلكم على مجهودكم الرائع جدا وهو بصراحة اكتر من رائع وربنا معنا جميعا فى النتيجة ان شاء الله وربنا مايزعلش حد ابدا قولوا يارب وشكرا وياريت تتقبلوا مرورى

Youssef Mostafa
06-14-2009, 01:02 PM
كفاية ياجماعة احسن انا حعيط بقى:D

ان شاااااااء الله تتنقلوا للفرقة التالتة على خير وربنا يوفقكو فى سنتكو الجديدة

وربنا يوفقنا احنا كمان وننتقل للفرقة التانية ان شاء الله

TE7A
06-16-2009, 12:08 AM
الحمد لله انها عدت علي خير

:p

olivia nader
06-16-2009, 04:28 AM
شكرا لكل اللي قدموا حاجات نساعد بيها بعض
و اسهموا في مساعدتنا بالمزاكره
و لكل اللي شكروا و دعوا ان ربنا يوفقنا
و يارب ان شاء الله كلنا ننتقل للفرقه التالته نضيف
ياااااااااا رب
بجد انا بدعي كل يوم لينا كلنا ربنا ميزعل حد تعب ابدا
و ادعولي معاكو بالله عليكم يا جماعه
انا خايفه جدا
و ان شاء الله نفضل كده علي طول
شعبه مساحه او عامه
كلنا حنفضل اخوات في دفعه واحده و قسم واحد
و نقدر نحقق تفاعل اكتر مع بعض
و
بس مش لاقيه كلام تاني
غير اني اتمني اشفكوا كلكوا في المنتدي
علي طول في الصيف في كل الاقسام
ان شاء الله
معلش اسمحولي بقي
ايه يا يوسف احنا هنا اسره مع بعضينا
ايه اللي دخلك بينا :p;):p;):p;)
:D:D:D
مدايق ليه و عيط يلا وريني دمعتين

:D:D:D:D:D:D:D:D

Youssef Mostafa
06-16-2009, 09:47 PM
لا اصلى بصراحة اتاثرت اوى بجو الاخوة دة هههههههههههههههههههههههه ياجماعة هم 3 شهور يعنى جمدوا قلبكو كدة عاااااااااااااادى

حسبى من الدنيا رضاك
06-16-2009, 11:14 PM
السلام عليكم ورحمة الله وبركاته
ا
زيكم عاملين ايه أخواتى وبجد انا سعيدة جدا انى اتعرفت عليكم على المنتدى
واتمنى اننا نفضل مع بعض دايما بنفس روح الإخاء اللى ما بيننا ةإن شاء الله ربنا يوفقنا جميعا
ويارب كل اللى عايز يدخل مساحة ربنا يوفقه واللى عايز شعبة عامة ربنا يوفقه
وربنا يوفقنا لما يحبه لنا ويرضى

وبجد شرف ليه انى اتعرفت على كلا من ...ريموندا..... كريم ....عمرو....إسلام ....أوليفيا.....
وطبعا حبيبة قلبى إسراء

واتمنى من الله عز وجل ان يجمعنا على خير العام القادم ةوان يظلنا بظله يوم لا ظل الاظله


اللهم إنك تعلم سرائرنا وعلانيتنا فاقبل معذرتنا وتعلم حاجاتنا فاعطنا
سؤالنا وتعلم ما فى أنفسنا فأغفر لنا ذنوبنااللهم إنا نسألك إيمانا يباشرقلوبنا
ويقينا صادقا حتى نعلم أنه لن يصيبنا ألاماكتبته علينا والرضا بما قسمته لنا ياذا الجلال والإكرام
واخر دعوانا ان الحمد لله رب العالمين:)

Mohamed Gaber
06-17-2009, 01:30 AM
الحمد لله ويارب ننجح بقي و نروح تالتة يا رب

Youssef Mostafa
06-17-2009, 04:55 AM
يارب يابشمهندس محمد
بقولك ايه متكبرلى الصورة الرمزية ها ها ؟:d

kaka
08-21-2009, 07:16 PM
hhiiiiiiiiiiiiii