المساعد الشخصي الرقمي

مشاهدة النسخة كاملة : مسك باقلم



zoro313
10-07-2008, 12:06 AM
" حلمت إني شاعر وعالم كبير ..

بشجُب وأندِّد وأصحِّي الضمير ..

وأحارب وأعاتب وأعارض وأثور ..

وكلمة كاتبها في حالة تجلِّي ..

بتشنق وتقتل حياة ديكتاتور "

ولما صحيت ..

بعيني رأيت ..

أماني سعيدة وورقة وقلم

ونادى القلم ..

فقمت وجريت

مسكته ورسمت حروف كلمتين

وقبل أما أكمل كلام غنوتي ..

سمعت الجرس ..

فتحت لاقيتهم ..

حكومة وحرس

خدوني ورموني ..

ما بين سين وجيم

وبسمع شتايم ..

وصوت الكفوف ..

تصقَّف تشوف ..

تعاين قفايا

وأشوف اللي يبكي وبصعب عليه

سألت المحقق وإيه تهمتي ؟

وجالي الجواب :
" عليك تهمتين ..

وأول قضية بتشمل جرايم ..

وأول قضية إنك بتحلم

في يوم خمسة منُّه ..

حِلمت ببنت جميلة وبهية ..

جريمتك زنا

في يوم ستة منه ..

حلمت بوقوعك ..

ويعني انتحار

وحلمك بجنِّي ..

في يوم سبعة منه ..

قضية دجل

ووليلة إمبارح ..

حلمت بفلوس ..

لأنك حرامي

وحتى النهاردة ..

حلمك كشاعر وعالم كبير ..

يندد ويشجب يصحي الضمير ..

جريمة إنقلاب ..

وده وحده يكفي عشان يعدموك

وتاني قضية ..



مسكت القلم " .

محمد حليم

samomran
10-07-2008, 12:15 AM
ولالالالالالا يا حليم انت يا واد شاعر و احنا مش عرفين ولا ايه الكلام لو كده انا مش عارف انى اعرف نذار القبانى يعنى

zoro313
10-07-2008, 12:20 AM
انت يابنى تعرف شاعر من الشعراء الجاهلين يعنى طالع بماده
ههههههههههههههه

samomran
10-07-2008, 01:02 PM
ههههههههههههههههههههههههههههههههههه
حلوة منك يا واد بس برضه حلوة العصيده دى

FTIHA
10-07-2008, 04:48 PM
هو انت تنقل الشعر وخلاص طب فين موهبتك

عصام
10-07-2008, 04:49 PM
ايه ده ياحليم انت طلعت شاعر واحنا مش عارفين

samomran
10-07-2008, 06:06 PM
تخيل يا عصام انه كده و احنا مش عارفين

zoro313
10-09-2008, 08:45 PM
ايون انت فاكر ايه

Hassan Mohamed
10-10-2008, 03:05 AM
شاعر وعالم ايه الجمال ده يا خويا ههههههههههه

zoro313
10-10-2008, 05:09 PM
اخنا اى حاجه فى اى حته يعنى

samomran
10-10-2008, 06:36 PM
ياااااااااااااااااااااااااه ده حتى حسن معجب بالشعر اوعى يا حسن تكون انت كمان شاعر

Mahro
10-10-2008, 07:35 PM
بأمانه فنان واسف على التأخير فى الرد ولو بتحب اللون ده انا معااااااااااااااااااك

يا شعبى يا بيبى يا حطك فى جيبى
احبك مفرفش محشش مطنش وناسى الهموم
لاعايز تحارب او تعمل تجارب ولا ناوى تكون

كفاية كده دلوقتى

اسامه البنا
11-14-2008, 08:57 AM
هايل يا حليم

zoro313
11-14-2008, 11:33 PM
شكرا يا اسامة

white_heart
11-15-2008, 03:30 AM
تحفة يا حليم
واحلم زى ما انت عاوز
بس لو الحكومة كبست ولا اعر فك
ولا عمرى دخلت المنتدى دة اصلا

zoro313
11-15-2008, 07:04 PM
هههههههههههههههههههههه