المساعد الشخصي الرقمي

مشاهدة النسخة كاملة : اية هى الرجولة .........



الورده البيضاء
06-18-2009, 09:49 PM
اخواني وأخواتى الاعزاااء
أعضاء احلى منتدى شفته فى حياتى
بيتى التانى
كل واحد فينا
بيتمنى انه يتميز بصفه معينه
وتكون تتميز لسمو وحلاوة وشرف معين هو نفسه فيه

ومن الصفات دى
الشهامة، الجدية ، المسئولية، الاستقلالية...
كلها مشاهد وصور للوحة واحدة بس

مش لوحه عليها اسم الموناليزا ولا بوستر لتامر حسنى ولا واحد معجب بنفسه
لكن عليها كلمه صعبه جدا وخطيره جدا "الرجولة".

أولا خلو بالكم من حاجه خطيره جدااااااااااا
الرجوله مش للولاد بس بس
لالالالالالالالالالالالالالالالالالالا
للولاد والبنات كمان
انا مش بغلط فى البنات ولا حاجة
لالالالا يا جماعه

الرجوله لما ربنا قال عليها فى كتابه قال
بسم الله الرحمن الرحيم

(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلاً)
صدق الله العظيم
ربنا هنا قال ولاد بس؟؟؟
ولا بنات بس
ولا حدد أصلا
لا طبعا
ربنا بيكلم خلقه كلهم
مش نصهم{الولاد بس يعنى}
ربنا مش بيخص حد بكلمة رجال
ده مصطلح نال شرفه كل لم يخن أو ينافق أو يتملق، منحه لمن صدق العهد مهما كان جنسه من جميع خلق الله
سواء كان ذكور او اناث

الرجوله

يعنى ايه رجوله؟؟؟؟
القوة والشجاعة
ولا الكرم والاستضافة وإقامة الولائم
ولا العلاقات بالبنات
ولا التفاهم والبروز في المواقف الحرجة والأزمات لبذل المساعدة

الرجل حكيم فى الكلام بس
ولا الفعل بس
ولا الكلام والفعل؟؟؟؟
هل كل ذكر رجل
ام كل رجل ذكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أعتقد الرجوله مش كلمه وخلاص بنقولها
ولا لبس وبنلبسه وخلاص
ولا كل اللى بيقول انا راجل هو فعلا راجل

انتو شايفينها ازاى يا شباب؟؟؟؟؟
والبنات كمان
ايه وجهة نظركم فى الرجوله؟؟؟؟؟؟


اتمنى الموضوع ينال اعجابكم ونعرف معنى الرجوله بجد
قولولى
منتظرة آرائكم....

eslam mamdouh
06-19-2009, 03:04 PM
اولا شكرا جدا على موضوعك الجميل


وبجد المشكله الكبرى ان البعض لا يستطيع ان يفرق بين الرجوله والذكوره



البعض يعتقد وبيقول انا

راجل ليا حق اعمل كل الى انا عاوزه وحر فى تصرفاتى



انا الرجال انا كلمتى اللى تمشى ( سواء كان كلامه ده صح او حتى خطا)


انا الرجال انا اعمل كذا وكذا وكذا بغض النظر عما يقوله صح او خطا

لكن الرجوله بحق وبمعناها الحقيقى اكبر بكثير واعلى من مجرد كلام او مجرد شعور


لان الرجوله دائما بالافعال التى تدل عليها


وطبعا كتير منا بيقول ( البنت دى بميت راجل ) لان افعالها بجد تدل على كده



الرجوله ( ادب - اخلاق -- شهامه - قدره على تحمل المسئوليه - قدر على البذل والعطاء- قدره على احترام مشاعر الاخريين - قدره على اثبات الذات ......................الصدق مع النفس والاحساس الدائم بحقيقه الذات وحقيقه الاخريين


الرجوله على حق معانى كثيره جدا وادراكها وحده مسئوليه لكل من يبتغيها


شكرا جد\ا مره اخرى على الموضوع المميز

الورده البيضاء
06-19-2009, 03:24 PM
اولا شكرا جدا على موضوعك الجميل


وبجد المشكله الكبرى ان البعض لا يستطيع ان يفرق بين الرجوله والذكوره



البعض يعتقد وبيقول انا

راجل ليا حق اعمل كل الى انا عاوزه وحر فى تصرفاتى



انا الرجال انا كلمتى اللى تمشى ( سواء كان كلامه ده صح او حتى خطا)


انا الرجال انا اعمل كذا وكذا وكذا بغض النظر عما يقوله صح او خطا

لكن الرجوله بحق وبمعناها الحقيقى اكبر بكثير واعلى من مجرد كلام او مجرد شعور


لان الرجوله دائما بالافعال التى تدل عليها


وطبعا كتير منا بيقول ( البنت دى بميت راجل ) لان افعالها بجد تدل على كده



الرجوله ( ادب - اخلاق -- شهامه - قدره على تحمل المسئوليه - قدر على البذل والعطاء- قدره على احترام مشاعر الاخريين - قدره على اثبات الذات ......................الصدق مع النفس والاحساس الدائم بحقيقه الذات وحقيقه الاخريين


الرجوله على حق معانى كثيره جدا وادراكها وحده مسئوليه لكل من يبتغيها


شكرا جد\ا مره اخرى على الموضوع المميز


انا اللى بشكر حضرتك جدا جدا على مرورك وفعلا مرورك زاد الموضوع قيمة
والف شكر على ردك وعندك حق فى كل كلمة قولتها ميرسى جدا

samomran
06-19-2009, 03:29 PM
بسم الله
و الصلاه و السلام على خير خلق الله

محمد و على اله و صحبه و من والاه


اولا موضوع جميل جدااااااااااااااااااااااااا


و فى رايى المتواضع الفرق بين الذكوره و الرجوله


الرجوله هى تحمل الاعباء و المسؤليه تحمل كامل مهما كانت نتائج تلك المسؤليه

و مهما كانت مصاعبها و مخاطرها

و هى ايض تحمل مسئليه من هم فى دائره المجتمع من حوله
عائله /اصدقاء/صديق/حبيب



اما الذكرو فهى النوع نفسه

و هى العامل الاساسى فى الستكمال النوع وحمايته من الانقراض


اما المفهو الخاطئ بينهم و هو ان انا راجل و كلمتى اللى تمشى دى احنا فتحنا عنينا فى مجتمعنا الشرقى

لقيناها موجوده بينا و هى خطأ كبير ممكن يؤدى الى كوارث بعد ذلك


لكن الدين وضح الفرق بينهم


و السلام عليكم و رحمه الله و بركاته



تقبلوا مرورى

الورده البيضاء
06-19-2009, 03:35 PM
بسم الله
و الصلاه و السلام على خير خلق الله

محمد و على اله و صحبه و من والاه


اولا موضوع جميل جدااااااااااااااااااااااااا


و فى رايى المتواضع الفرق بين الذكوره و الرجوله


الرجوله هى تحمل الاعباء و المسؤليه تحمل كامل مهما كانت نتائج تلك المسؤليه

و مهما كانت مصاعبها و مخاطرها

و هى ايض تحمل مسئليه من هم فى دائره المجتمع من حوله
عائله /اصدقاء/صديق/حبيب



اما الذكرو فهى النوع نفسه

و هى العامل الاساسى فى الستكمال النوع وحمايته من الانقراض


اما المفهو الخاطئ بينهم و هو ان انا راجل و كلمتى اللى تمشى دى احنا فتحنا عنينا فى مجتمعنا الشرقى

لقيناها موجوده بينا و هى خطأ كبير ممكن يؤدى الى كوارث بعد ذلك


لكن الدين وضح الفرق بينهم


و السلام عليكم و رحمه الله و بركاته



تقبلوا مرورى


الف شكر على مرورك يااسلام
والف شكر على ردك
بارك الله فيك

Mahro
06-19-2009, 05:31 PM
موضوع هايل وجرىء

خاصة انه من بنت

احيكى امل ولكى كل احترامى

الورده البيضاء
06-19-2009, 06:39 PM
موضوع هايل وجرىء

خاصة انه من بنت

احيكى امل ولكى كل احترامى


مي
رسى جدا على مرورك ياماهرو
فين رايك اية هى الرجولة من وجهت نظرك؟
الف شكر عالمرور

emu
06-19-2009, 06:47 PM
اولا مشكوووووره جدا يا ايمي علي التوبيك الجميل ده....

انا فعلا تفكيري وقف قصاده ومش عارفه اوصف وجهه نظري عن الرجوله ومش عارفه لو وصفتها هتوصل ولا ايه؟؟؟؟
انا رأيي ان الرجوله قيم ومعاني اكبر من انها تتوصف او اننا نحصرها في وصف معين
الرجوله شرف وعزه وكرامه
الرجوله مينفعش تتوصف بكلام لانها مش مجرد كلام
الرجولة مواقف و تصرفات عهد ووعد وتصديق
الرجوله اننا نكون قد الكلام اللي بنقوله وقد المواقف اللي بنتحط فيها في حياتنا
الرجوله حب الراجل لحبيبته والوفاء لها مهما حصل
الرجوله اننا ننام مرتاحين الضمير تجاه اي حاجه واي حد
الرجوله ان الانسان ميستكبرش لو نزلت دمعته قصاد اي حد
الرجوله ان الانسان ميستكبرش يمد ايده للي اقل منه ويساعده
الرجوله اننا نغفر ونسامح نسمع ونتناقش
الرجوله هي نصر المظلوم علي الظالم..

ولسه في كلام كتير تاني بس كفايه كدا انا طولت عليكم,,,,
ومشكووووووووووره مره تانيه يا ايمي علي التوبيك ده.

الورده البيضاء
06-19-2009, 06:58 PM
انا اللى مشكورة جدا على مرورك ياقمر
انا معكى فى كل اللى قولتية ولكن لية وجهت نظر تانية فى ان الرجوله ان الانسان ميستكبرش لو نزلت دمعته قصاد اي حد
من وجهة نظرى ان الراجل يحتفظ بنفسة ثابت قدام اى الظروف ودمعتة تبقى غالية مش تنزل لاى موقف او لاى حاجة
ميرسى جدا ياحبيبتى على مرورك اسعدنى مرورك

Mahro
06-20-2009, 12:15 AM
اسف ياستى والله

بس محبتش اكتر عليكى مش اكتر

الرجوله من نظرى 3 حاجات

ايمان بالله طبعا وده بيولد ثقه بالنفس

اكتساب حب وثقه الأخرين وشعورهم بالأمان تجاهك

تحمل المسؤليه حتى ولو كان الشعور انك اقل منها لن التخلى عنها هو اوضح صوره لضياع كلمة الرجوله

عجبك كده اهو محدش فاهم حاجه

ولا انا هههههههههههههههه

بجد موضوع هاااااااااااااااااااااااااااااااااايل

الورده البيضاء
06-20-2009, 07:26 AM
اسف ياستى والله

بس محبتش اكتر عليكى مش اكتر

الرجوله من نظرى 3 حاجات

ايمان بالله طبعا وده بيولد ثقه بالنفس

اكتساب حب وثقه الأخرين وشعورهم بالأمان تجاهك

تحمل المسؤليه حتى ولو كان الشعور انك اقل منها لن التخلى عنها هو اوضح صوره لضياع كلمة الرجوله

عجبك كده اهو محدش فاهم حاجه

ولا انا هههههههههههههههه

بجد موضوع هاااااااااااااااااااااااااااااااااايل



هههههههههههههه
لا متلقش فاهمين
ميرسى جدا ليك ياماهرو الف شكر

Mohamed Hashem
06-20-2009, 07:42 AM
اكتر حاجه بتميز الراجل بجد
التواضع وعن علم - القدرة على اعترافه بالخطأ وعن شجاعه - طموح ولو الدنيا مسدودة فى وشه
صعب قوى يجتمعوا فى شخص واحد .. فى النهاية الانسان دا بينجح فى حاجات كتير قوى .. بيته وعمله .. وكل الناس
ممكن تصفه بأنه ..... راجل

ريماا
06-20-2009, 07:56 AM
تسلمي عالموضوع الحلوووووو
بالنسبه الي الرجوله
هي القوه مع الحنان
الجرأه مع الاحترام
الرجل موقف
الرجل كلمه
منها يستحق الاحترام
وكل التقدير
ومنها ممكن يسقط من نظرالجميع

الورده البيضاء
06-20-2009, 08:15 AM
اكتر حاجه بتميز الراجل بجد
التواضع وعن علم - القدرة على اعترافه بالخطأ وعن شجاعه - طموح ولو الدنيا مسدودة فى وشه
صعب قوى يجتمعوا فى شخص واحد .. فى النهاية الانسان دا بينجح فى حاجات كتير قوى .. بيته وعمله .. وكل الناس
ممكن تصفه بأنه ..... راجل



الف شكر لحضرتك يابشمهندس عالمرور
اسعدنى جدا مرور حضرتك

الورده البيضاء
06-20-2009, 08:16 AM
تسلمي عالموضوع الحلوووووو
بالنسبه الي الرجوله
هي القوه مع الحنان
الجرأه مع الاحترام
الرجل موقف
الرجل كلمه
منها يستحق الاحترام
وكل التقدير
ومنها ممكن يسقط من نظرالجميع


الف شكر على مرورك اخت ريما
ميرسى ليكى

alaa eid
06-20-2009, 01:28 PM
اولا بشكرك علي الموضوع الرائع ده

ثانيا الرجوة بالنسبة ليا ان الرجولة شئ كبير جدا وما تتوصفش بالكلام لاان لازم يكون فعل مش كلام فقط والرجولة روءة وشهامة وكرم والصبر عند الشدائد ويكون قوي و تواضعه بيخلي اللي قدامه يحترمه غصب عنه وكمان وان يكون علي اد المسئولية لان مسئوليته بتكون كبيرة جدااااااا

وبجد فيه كلام كتييييير بس كفاية كده وبشكرك لتاني مرة علي الموضوع الرائع ده

تسلم ايدك يا حبيبتي

الورده البيضاء
06-20-2009, 06:45 PM
ميرسى ليكى ياقمر على مرورك تسلميلى ياقمر

hany ghost
06-21-2009, 02:19 PM
يا جماعه بجد بعد الكلام اللى اتقال ده كله مش عارف اقول حاجه بس
كل اللى اقدر اقوله ان بجد الموضوع جامد جدااااااا
وان الرجوله مسؤليه وامل اد المسؤليه بجد والله الموضوع هايل
وع فكره الموضوع ده كتيير بيناقشوه ع وسائل الاعلام المختلفه بجد ميرسى يا امل وانا عارف ان موضوع زى ده مايطلعش غير من راجل اد المسؤليه ..وادها وادود يا امل دايما يارب فى تالق فى مواضيعك
حلوه تالق دى ...بجد ميرسى

KAREEM
06-21-2009, 02:33 PM
الموضوع جميل جدا يا أمل والله
بس تحسى ان مفهوم الرجولة اختلف عند كتير من الناس
يعنى :
ساعات تلاقى شاب بيقول على شاب تانى ( دا راجل أوى على فكرة )
طب ليه : لا هو راجل أوى
وتلاقى الشاب دا أصلا سلوكه مش كويس ممكن يكون مدخن وأكتر من كدا ومش أخلاق
بس هو ايه ( واد رجولة ) طب ازى ؟؟؟؟؟؟؟؟؟؟؟
أكيد وصلت يعنى مش أى حد يتقال عليه راجل من الناس يبقى هو راجل ولا ايه ؟؟؟؟؟
فى جملة سمعتها مرة منسهاش
(( فى ناس مكروهة أوى ، وتلاقيها معملتش حاجة أصلا عشان تتكره
وساعات تلاقى ناس معوجة أوى !!! ومتعرفش هما معوجين على ايه أصلا ))
أظن بنشوف الامثلة دى كتير ويوميا
وبكرر شكرى ليكى ع الموضوع الجميل دا .............

الورده البيضاء
06-21-2009, 02:45 PM
يا جماعه بجد بعد الكلام اللى اتقال ده كله مش عارف اقول حاجه بس
كل اللى اقدر اقوله ان بجد الموضوع جامد جدااااااا
وان الرجوله مسؤليه وامل اد المسؤليه بجد والله الموضوع هايل
وع فكره الموضوع ده كتيير بيناقشوه ع وسائل الاعلام المختلفه بجد ميرسى يا امل وانا عارف ان موضوع زى ده مايطلعش غير من راجل اد المسؤليه ..وادها وادود يا امل دايما يارب فى تالق فى مواضيعك
حلوه تالق دى ...بجد ميرسى


ادة انا طلعت راجل فى الاخر وانا معرفش
ميرسى ليك ياهانى الف شكر بجد
بجد انا سعيدة بكلامك
احسن حاجة ان الواحدة تطلع راجل
هههههههههههه
متشكرة بس اية هى الرجولة بالنسبة ليك؟
وميرسى لمرورك

الورده البيضاء
06-21-2009, 02:47 PM
الموضوع جميل جدا يا أمل والله
بس تحسى ان مفهوم الرجولة اختلف عند كتير من الناس
يعنى :
ساعات تلاقى شاب بيقول على شاب تانى ( دا راجل أوى على فكرة )
طب ليه : لا هو راجل أوى
وتلاقى الشاب دا أصلا سلوكه مش كويس ممكن يكون مدخن وأكتر من كدا ومش أخلاق
بس هو ايه ( واد رجولة ) طب ازى ؟؟؟؟؟؟؟؟؟؟؟
أكيد وصلت يعنى مش أى حد يتقال عليه راجل من الناس يبقى هو راجل ولا ايه ؟؟؟؟؟
فى جملة سمعتها مرة منسهاش
(( فى ناس مكروهة أوى ، وتلاقيها معملتش حاجة أصلا عشان تتكره
وساعات تلاقى ناس معوجة أوى !!! ومتعرفش هما معوجين على ايه أصلا ))
أظن بنشوف الامثلة دى كتير ويوميا
وبكرر شكرى ليكى ع الموضوع الجميل دا .............

انا اللى شاكرة مرورك
ميرسى جدا ياكريم الف شكر على مرورك

MOHAMAD ELSAADANY
06-21-2009, 11:25 PM
فعلا الرجوله مش بالكلام ولا بالسن والكبر
الرجولة بالافعال والتعاملات الانسانية الجيدة
اوكما قال رسول الله صلى الله عليه وسلم (الدين المعاملة)
بجد موضوع رائع يا ايمى
تسلم ايدك

الورده البيضاء
06-22-2009, 07:05 AM
ميرسى يابشمهندس
والف شكر على مرور حضرتك