المساعد الشخصي الرقمي

مشاهدة النسخة كاملة : اسف .×.× على الازعاج .×.×



ميرا مار
06-19-2009, 06:57 PM
اسف على الازعاج

http://a3malnet.org/magic-portal/uploads/ahmedpk9.jpg

فيلم دراما كوميك

تحكى قصة جميلة يجسدها الفنان الشاب احمد حلمى باسلوب جميل
ما يهمنى الان هو المفاجاة التى نعرفها جميعا بعد مرور حوالى ساعة من بدء العرض
وهى ان نصف الاحداث والمشاهد كانت فقط فى خيال البطل


وانه مريض بمرض يجعله يرى احداث غير حقيقية
الشخصيات اللى يحبها على الرغم من عدم وجودها
وان يرى باقى العالم يعامله بطريقة فظة وهذا لا يحدث
انما من نسج خياله..

وعندها بدا يسجل لنفسة فوجد ان ما راى لم يحدث
وعندما اخذ يقلب فى كاميراته الديجيتال عن صوره مع حبيبته
ولم يجد اى احد فى الصور غيره وصور اخرى فارغة

واداء احمد حلمة وهو يسال امه
ماما مفيش حد هنا ويقلب فى الصور ولا هنا
ماما:: ولا هنا مفيش يا ماما
الحقيقة ادى الدور بطريقة لا تسمح للعقل بالشرود فى هذا المشهد

الفيلم جعلنى افكر كثير.. وشرد ذهنى فى حال الدنيا

وانتبهت من شرود ذهنى

افقت على الصوت الرائع شيرين

هتعمل ايه لو نمت يوم وصحيت ...بصيت

وشوفت نفسك فى المرايا بكيت

جواك سؤال تصرخ تقول انا مين ... انا مين

انا زى ما انا ولا اتقسمت اتنين

وبعدين قول ياللى فى المرايا

فهمنى ايه الحكاية فرحان ... تعبان ... مرتاح

لما حاجات كتير ف حياتنا اتسببت فى حيرتنا

وادينا عايشين راضيين ... جايين ورايحين

هتعمل ايه لو نمت يوم وصحيت ... ولقيت

اقرب ما ليك فى الدنيا مش حواليك

هوه انت مين اللى عمل كدا فيك ... كدا فيك

مش انت ولا فى حد غمى عينيك



وتدبرت كثيرا فى كلمات الاغنية ومرة اخرى انتبه
على كلمه طبيبه النفسى
بعد ان اتم الشاب علاجة بمصحة نفسيه

يقول للطبيب:: كدا خلاص يا دكتور مش هارجع اشوف الناس اللى باحبها تانى..
رد الدكتور عليه
اهم حاجة انك عرفت مرضك وقدرت تتغلب عليه...



مشهد اخر اثر فى
فقد تعود بطلنا على كتابة رسائل للريس يشتكى سوء معاملة الناس
ويطلب مساعدة فى مشروعه
وظل يكتب كثيرا
وعندما شفى من مرضه
كتب رسالة اخيرة وذهب ليودعها صندوق البريد
ماذا.. الصندوق لا يستوعب الرسالة
عارفين طلع ايه السبب؟؟
رسائله القديمة..هو فعل بنفسه هذا..

اللى عايزة اقوله اننا كدا .. بنبعت رسايل غلط لعقولنا ونرسخها
ولما نفوق ونشوف الصورة بوضوح ..ساعات بيكون الوقت عدا

طب المفروض نعمل ايه؟؟

نفلتر عقولنا.. اه ماتستغربوش
http://4.bp.blogspot.com/_Cf4hFPUSmok/R-ibd8au5qI/AAAAAAAAA_Y/ERYf_H7uZ9E/s400/clear_my_mind_09.jpg

نفلترها نفضيها على ورق ونرجع نرتب افكارنا
واراءنا واولوياتنا واهدافنا وطموحاتنا وحتى مشاعرنا

وارجع لغرضى من الموضوع
كلمة الطبيب ..اهم حاجة انك عرفت مرضك وقدرت تغلب عليه
كام حاجة فى حياتنا تعبانا؟؟..هنعرف المرض على انه الحاجة اللى دايما تعبانا
لازم نعرف ايه بيتعبنا..اول باول ونحاول نتغلب عليه
ولو ماعرفناش يبقى حاولنا والاكيد اننا عرفنا ايه بيتعبنا
ومرة مع مره.. هنتعلم نتغلب عليه

تحية واحترام .. لكل من شارك بهذا الفيلم
ونلخص الموضوع فى جملتين

نفلتر عقولنا
ونعرفنا اوجاعنا ((امراضنا\ عيوبنا\صفاتنا غير المرغوبة))
عشان نتغلب عليها

فى النهاية

ارجو ان تكون كلماتى هذه جرس يدق فى عقول من احتاج لها

Wild_Angel
06-19-2009, 10:39 PM
ميرا بتضعى فى الدواء المر طعم البنبونايه

وصلت كل كلمه كنتى عايزه توصليها وحلو أوى موضوع الفلتر وكمان الFormate والDelete للذكريات الحزينه
بقيتى كبيرة الأطباء النفسيين فى المنتدى :):):):):)
جزاكِ الله خيراً يا ميرامار

ميرا مار
06-20-2009, 06:52 AM
جزانا واياكم يا انجل

ربنا يكرمك يا حبيبتى

اراك على خير باذن الله

yousef
06-21-2009, 12:22 AM
والله كلام جميلواحنل لازم صح نعيد ترتيب افكارنا

وعلي فكره هايله اوي طريقه الربط بين الفيلم وفكره موضوعك



تسلم ايديكي

sweet girl
06-21-2009, 09:07 PM
ميرا بجد الموضوع فوق الرااااااااااااااااااااائع من هنا لبكره فعلا تسلم ايديكى

اسلوبك جميل اووووووووووى بكلامك بتلمسى كل حاجه ممكن تكون وجعانا

او محيرانا فعلا الواحد اوقات كتير بيبقى حاسس ان فى حاجه غريبه بتحصل

او انه تايهه وفعلا زى ما قولتى بيبقى محتاج وقفه مع نفسه ومحتاج انه يعيد

ترتيب افكاره ويفضى كل اللى جواه على ورق

مرسى يا ميرا كتير على الموضوع الجميل اوى ده اللى مهما اعلق عليه

مش هوفيه ولا هوفيه حقك

ميرا مار
06-22-2009, 12:43 PM
والله كلام جميلواحنل لازم صح نعيد ترتيب افكارنا

وعلي فكره هايله اوي طريقه الربط بين الفيلم وفكره موضوعك



تسلم ايديكي


ميرسى لك يا يوسف

انا باشكرك جدا لانك قرات الموضوع

وعرفت الغرض منه بجد شكرا لك

ميرا مار
06-22-2009, 12:44 PM
ميرا بجد الموضوع فوق الرااااااااااااااااااااائع من هنا لبكره فعلا تسلم ايديكى

اسلوبك جميل اووووووووووى بكلامك بتلمسى كل حاجه ممكن تكون وجعانا

او محيرانا فعلا الواحد اوقات كتير بيبقى حاسس ان فى حاجه غريبه بتحصل

او انه تايهه وفعلا زى ما قولتى بيبقى محتاج وقفه مع نفسه ومحتاج انه يعيد

ترتيب افكاره ويفضى كل اللى جواه على ورق

مرسى يا ميرا كتير على الموضوع الجميل اوى ده اللى مهما اعلق عليه

مش هوفيه ولا هوفيه حقك



ميرسى ليك حبيبتى

اقول ايه بقى بعد كلامك الجميل دا؟؟

ربنا يكرمك يارب ويكون الموضوع عمل فرق معاك

eslam mamdouh
06-22-2009, 10:09 PM
مهندسه مها


بحييكى جدا على موضوعك المميز جدا.......ده شى مش جديد طبعا التميز شى من شيمك وطباعك


وزى ما حضرتك قولتى معرفه المرض وتشخيصه وتحليل اسبابه والعوامل التى ادت اليه هو اساس حل المرض واساس لحل اى مشكله


او بمعنى اخر


مصراحه نفسك بعيوبها , وان يجعل الانسان من نفسه صديق مقرب له صداق معه

يجعل من الانسان افضل طبيب لامراض نفسه.......

شكرا جدا لحضرتك مره اخرى على موضوعك المميز

وفى انتظار المزيد من الابداع

pretty angel
06-22-2009, 11:15 PM
موضوع مهما قولنا فيه مش حنوفيه قيمته

بجد يحييكى عليه جدااااااااااااا يا باشمهندسه

ميرا مار
08-16-2009, 01:28 PM
ميرسى يا حبيبتى

يكفينى وجودك فى الموضوع احلى رد عليه:o

ميرا مار
08-16-2009, 01:30 PM
مهندسه مها


بحييكى جدا على موضوعك المميز جدا.......ده شى مش جديد طبعا التميز شى من شيمك وطباعك


وزى ما حضرتك قولتى معرفه المرض وتشخيصه وتحليل اسبابه والعوامل التى ادت اليه هو اساس حل المرض واساس لحل اى مشكله


او بمعنى اخر


مصراحه نفسك بعيوبها , وان يجعل الانسان من نفسه صديق مقرب له صداق معه

يجعل من الانسان افضل طبيب لامراض نفسه.......

شكرا جدا لحضرتك مره اخرى على موضوعك المميز

وفى انتظار المزيد من الابداع


ربنا يكرمك يا اسلام
اللهم امين

وحضرتك اثرت نقطة مهمة

صداقة الانسان لنفسة
صدقنى من اعقد العلاقات
لانك بتبقى مش محتاج توصل لحد كل اللى جواك
لكن بردو مانتش عارف تنصحك بايه:confused::confused::confused:
صح؟؟:o

شكرا لك بجد ردودك بتسعدنى جدا

Mohamed Hashem
08-16-2009, 09:14 PM
قليل جدا مننا ممكن يطلعوا بحاجات كتير من بين السطور
كلمات تصحى فيهم معانى .. ومعانى تصحى فيهم مبادئ
والمبادئ لما تصحى .. يلتزموا بيها
وانتى - ما شاء الله - من القلة دول
حقيقى باستمتع بمواضيعك كالعاده
تحياتى على الموضوع القوى
وبالتوفيق دايما

ALY ELSAYED
08-16-2009, 11:34 PM
الله يا ميرا

طريقه عرض جميله جدا

ودا مش جديد عليكي التميز الدائم

بجد عجبني جدا واتعلمت كمان منه

وعجبتني اوي اول كلمات الاغنيه

هتعمل ايه لو نمت يوم وصحيت ...بصيت

وشوفت نفسك فى المرايا بكيت

كلمات جميله جدا

بس ياتري مين يحس ويفهم الكلام ده ؟

جزاكي الله كل خير

حسناء
08-17-2009, 04:22 AM
ميرا الموضوع بجد راااااااااااااااااائع جدا
جزاك الله خير الجزاء

hebaya
08-20-2009, 01:21 PM
كلام جميل وروعه وغايه فى الجمال بجد جزاءكى الله خيرا