المساعد الشخصي الرقمي

مشاهدة النسخة كاملة : الى كل من يهمه الامر



Horiaa Swedan
06-19-2009, 11:03 PM
السلام عليكم ورحمه الله

الى من لهم الفضل علينا وعلى تفوقنا جميعا بالقسم دكاتره واساتذه ومعدى قسم الجغرافيا

الى كل من يهمه امرنا امر طلاب القسم

الى الساده الافاضل ضيوف الشرف بالمنتدى من كافه المجالات

الى خريجى قسم الجغرافيا من الشعبتين

الى كل طالب وطالبه بالفرق الاربعه بقسم الجغرافيا اعضاء منتدانا الكرام

الى كل طلاب شعبه المساحه والشعبه العامه بالفرقه الرابعه المقبلون على التخرج

بعد السلام على الجميع والتحيه

مرت فتره قويه على الجميع قد اقسم البعض انها لم تمر على خير

على اوقات عشناها بكينا وضحكنا بها ولكن اجتمعنا جميعا او الاغلبيه على جمله واحده " احنا عملنا ايه لده كله "

" وليه الامتحانات كده"

فجميعنا نرى ان الدراسه بالقسم ممتعه بجميع فروعه ومناهجه

ولكن هناك سؤال يحيرنى اريد اجبه عليه من من يهمهم امرنا ويتعجبون لمدى انحدار تقديراتنا ومستوانا .

والسؤال هو .......لما ندرس كل هذا الكم من العلم فى كل ماده ؟

كلما قل منهج الدراسه كلما كانت لدينا فرصه اكبر على البحث والتدقيق فى كل جزئيه والاستفاده منها

ولكن تثاقلت علينا المناهج مما اضاق صدورنا وجعلنا نفر من المنهج باكمله بدلا من محاوله دراسته

اعلم اننا مقصرين ولكن ارجوا الالتماس الينا فى ان عقولنا مازلات لا تتحمل كل هذا فقد اعتدنا على مناهج مبسطه صغيره وصدمنا بكلامات المراجع الواسعه المعانى واسلوب الكتابه والبحث والمناهج المختلفه فى المعالجه

ولاننا جميعا تعبنا من تلك الفتره تعب جسدى وزهنى واعصابى اريد ان يجوبنى كل من يهمه الامر


هل هذا لمصلحتنا ؟؟


هل من مصلحتنا ان يقرر علينا مراجع باكمله تزيد عن 10 فصول دراسه تحمل من الكلمات ما يصعب على عقولنا فهمه؟

هل من مصلحتنا ان نلتزم بمنهج محدد نحفظه لنضع فى ورقه الاجابه وانتهى الامر لاننا ان توسعنا وقرنا بافاضه نسبنا الى قائمه اخذى القرصات والدروس الخصوصيه؟؟

وفى النهايه اتمنى ان كلماتى لا تغضب احد فهذه مما رايت عليه حال ال 4 فرق فى تلك الامتحانات


http://i151.photobucket.com/albums/s129/sadness11/52-1.jpg

اتمنى ان لا اكون قد اطلت فى كلماتى

وتقبلوا وجهه نظرى بصدر رحم

Mahro
06-20-2009, 02:07 AM
موضوع جميل استاذتى الفاضله

والى اكتر من كده انك هتتفجاى بأن الى اتعلمتيه حاجه والشغل حاجه تانيه

يعنى زيرو ات ليفت

وده فشل منظومه كامله فى مصر اسمها وزارة التحشيه والتفريغ

تقبلى مرورى

abdoitthad
06-20-2009, 04:28 AM
نتمنى ذلك

Mohamed Hashem
06-20-2009, 07:36 AM
هههههههههههههههههههههه
انتو اصلا مش واخدين بالكو اننا شعبة المساحة والخرائط وشعبة نظم المعلومات الجغرافية اللى طول النهار رسم خرايط ورفع واجهزة الكترونية معقدة وبرامج كمبيوتر متطورة
وطلبه فى كلية الآداب
حد بالله عليكو يفهمنى كلية العلوم اتعملت ليه ؟؟
وازاى علوم ديناميكة زى اللى درسناها -على اعتبار انى خريج- تبقى جزء من كلية تدرس جميع العلوم الانسانية: جغرافيا - تاريخ - فلسفة - اجتماع - علم نفس- لغات ..الخ
محدش شعر يوم - من طلبة المساحة - وهو شغال سكشن عملى فى حديقة الكلية بالغربة .. محدش شاف مرة طالب سنة اولى بيبص له باستغراب او افتكره من بتوع هيئة المساحة ولا جاى يشتغل تبع مقاول جوة الكلية
تخصصات كتير فى العلوم موجوده فى كليات تانية زى الكيمياء وجميع التخصصات التطبيقية مكانها الطبيعى العلوم ..
حضرتك لما تطلع تشتغل فى المساحة البحرية وتطلع بحر ويسالك القبطان حضرتك هندسة ولا اكاديمية ؟ تقوله لا آداب !!!
ياسيدى العملية التعليمية كلها .. ولا بلاش

AHMED FTIHA
06-20-2009, 12:18 PM
عند حق فى موضوعك
بس احنا كدة من 100 سنة وحنفضل كدة الى 10000000 سنة ومش حنتغير دة احنا بندرس مناهج كانت بتدرس من10سنين متغيرتش
الفرق بينا وبين الدول المتقدمة هو التغير فى كل شيء العلم اللى الانسان عرفة نقطة على الشمال وكل يوم بنكتشف جديد
ولازم نغير من اسلوب التعليم فى كل مراحلة والا حنفضل ندرس المناهج اللى المفروض تكون مراجع ونسيب العلوم الجديدة لغيرنا نستنى بقى لما يقولولنا عليها كمان 100سنة يالة احنا ورانا حاجة

Mohamed Hashem
06-20-2009, 12:40 PM
الله يرحمه ويجزيه عنا خيرا الدكتور العلامة جوده حسنين جوده
قال فى تانى محاضرة فى الطبيعية فى سنة اولى (1989) ولسه فاكرها لحد دلوقتى
كل العالم جديده افضل من قديمه إلا إحنا كل حاجه قديمة عندنا افضل من الجديد
حتى أخلاق البنى آدمين
وعجبى

AHMED FTIHA
06-20-2009, 01:10 PM
طبعا كلام الدكتورجودة حكمة جميلة جدا
بس انا مش اقصد ان احنا نترك القديم لانة اساس اللى جاى انا اقصد ان احنا نبحث فى تطوير العلوم و اكتشاف جديد ونغير من اسلوب تعليمنا

Mohamed Hashem
06-20-2009, 01:14 PM
ما هو ده اللى اقصده ... اننا قديمنا افضل من حديثنا
بسبب اننا ما بنطورش اى حاجه لما جبنا ورا خالص
ياراجل الهنود .. اللى كنا بنضرب بيهم المثل فى ال .........
مشفتش بيقولوا علينا ايه .. احدث سفن فى العالم بتتبنى عندهم دلوقتى
دا غير النووى وبرامج الكمبيوتر وصناعات متقدمة زى المعالجات الدقيقة والصواريخ واقمار الاتصالات الصناعية

alaa eid
06-20-2009, 01:37 PM
صح والله يا بشمهندس وبجد انا اهو خلصت سنة اولي حاسة ان ما ستفدتش كتير غير حاجات بسيطة لان المناهج بتكون كبيرة اماا لو كانت صغيرة هانقدر حتي نجيب ليها مراجع ونبحث في النت وفي المكتبات ونقرأ اكتر عليها اما علي مناهجنا ديه هنلحق نقرا ايه ولا ايهبشكرك جدااااااااااا علي موضوعك الرائع ده

Horiaa Swedan
06-20-2009, 10:48 PM
جزاكم الله خيرا على مروركم ومتابعتكم للموضوع

وخارج نطاق اللغه العربيه حتكلم بلغتنا شويا

بصوا يا جماعه احنا اتحشينا السنه دى كتير اووووووووووووووووووووى وفى كل المواد بس عشان مكدبش الا الكميه المنهج كان حلو جددددددددددا

كمان كون اننا يتقرر علينا فصول ماخدنهاش ويكون مجمل المحاضره بيشرح القشور والمطلوب مننا دراسه التفاصيل لوحدنا

بجد اتكلكعنا فى المناهج واعصبنا تعبت

المناهج كانت كبيره فوق المستطاع

MOHAMAD ELSAADANY
06-21-2009, 11:49 PM
موضوع كويس ومهم جدا
بس تصدق والله مهما كانت الصعوبات ومهما كان الضغط النفسى علينا
الا ان الايام دى عمره ما هتتعوض تانى
حقيقى كانت من احسن ايام حياتنا
ياعم انا فى حاله نفسيه سيئة من ساعة ما خلصت الامتحانات
شكرا ليك على الموضوع

ALY ELSAYED
06-22-2009, 06:38 AM
ريموندا انتي عندك حق في كلامك بالنسبه للكم الدراسي
وفعلا زي مقال محمد ان مفيش حاجه بتتغير من المناهج
بس مش لازم الدكتور يشرح بالتفصيل
لان الكليه تختلف عن المدرسه والثانوي
بس انا عمري محنسي شرح الكتور (احمد مصطفي)
بصراحه مشفتش حد بيشرح زيه
جزاكي الله كل خير

Wild_Angel
06-22-2009, 11:00 PM
بصى يا ريموندا
موضوعك فتح حوار مهم أوى او على الاقل كل واحد يفرغ الشحنه اللى جواه
والله يا بنتى الواحد تعب فى مواد حلوووووه جدا والدكاتره بتاعتها حقيقى بيوصلولنا اهميتها من خلال شرحهم
وفى مواد بتكون مش ظريفه واللى مزودها أسلوب الملقن
هو عموما منظومة التعليم فاشله ولكن يبقى ان التعليم فى الجامعه مغايرر تماما عن المدرسه والجامعه مغايره تماما عن اللى بنشوفه فى الواقع
انا من رأأيى يكون التعليم من خلال البحث عن الماده اللى بتدرسيها طول ما انتى بتدورى على حاجه عمرك ما حتنسيها

Horiaa Swedan
06-23-2009, 09:05 PM
جزاكم الله خيرا على مروركم وكلاماتكم واتمنى فعلا الموضوع ده يخرج الطاقات المكتومه جوانا

انا من اكتر الناس اللى مازالت بتعانى من اثر الامتحانات ومن الضغط النفسى اللى اصبنا منها

وحزينه انى بدات اكره الدراسه وامل منها بجد بعد مكنت عاشقه لفروعها

محمد الفرارجي
06-23-2009, 10:13 PM
يا كبير هتعقد العيال سيبهم يذاكروا وخلاص
وبعدين هتزعل الناس منك
ههههههههههههههههههههههههههه

كلامك كله صح

صحيح فعلا

ده ديالوج دار بين واحد والاستاذ بتاعه من كام سنة يمكن ينفع

1- (الطالب) ليه كمية المناهج دي كلها؟
- (الاستاذ ) عشان تذاكروا طبعا وما تتلفتوش غير لمذاكرتكوا.

2- (الطالب) ليه كلها حشو ونظري ومفيش سكاشن؟
- (الاستاذ )والله! ظراف قوي هنجيب لكوا أجهزة منين وأماكن مينين
3- (الطالب) ليه ما نحاولش نخلي نص المادة بالبحث عالنت ونستخدم الوسائل الحديث؟ (مش كل المواد طبعا).
يا سلام ناكل عيالنا بقى والكتب دي مين هيشتريها.
4- (الطالب) ليه ما تتعملش مادة اعمال السنة لكل مادة وتتوزع درجاتها عالمواد عشان يبقى فيه عملي؟

- (الاستاذ ) يا حلاوة هنجيب لكوا معيدين منين؟
5- (الطالب) ليه ما بنخليش البحث العلمي هوه أساس العمل بينا وبينكوا؟
- (الاستاذ ) ههههههههههههه
والله! طب يلا ورينا شطارتك واشتغل معانا بالبحث العلمي.

6- (الطالب) طب وايه المشكلة؟

- (الاستاذ ) المشكلة اننا مش معانا فلوس
ولو معانا فلوس هنبني لكوا بيها مباني جديدة وألا هنصرفها عالمرتبات وألا هنجيب لكوا أجهزة وألا وألا وألا....

(الطالب) طيب نعمل ايه؟

- (الاستاذ ) إحنا اللي نعمل لكوا ايه؟

- (الاستاذ ) مش عارف والله طب قول وإحنا هنحاول نطبق اللي ممكن نشوفه صح يمكن يمشي الحال
بس خلي بالك مش كل اللي هتقترحه هيتعمل بيه.

-(الطالب) يعني ممكن نتغلب عالروتين؟
-(الأستاذ) طيب ما تسيب الناس في المنتدى تكمل يمكن ربنا يكرمنا وناخد فكرتين
-(الطالب) خلاص عندك حق.

يلا وروني شطارتكوا

مش عايزين تغيروا المناهج عالأقل شوية عشان تريحكوا

إبدأوا وكل واحد يقول فكرة ويستمر

Horiaa Swedan
08-01-2009, 11:44 AM
الطالب: نفسى اسأل حضرتك سؤال ليه بندرس دراسه عملى ومواد عملنى بالرغم من اننا اسمنا كليه اداب يعنى تدرس مواد نظريه.

الاستاذ: والله احنا جينه لقيناها كده طبعا الكلام ده صحيح بس ده توزيع الوزاره وبعدين احنا حنجبلكم كليات منين


الطالب : ليه بدرس طول السنه فى فصلين واخر السنه يتكوم علينا الكتاب كله مقرر .

الاستاذ : لان الكتاب لازم يدرس كامل دى مناهج محدده.

الطالب : طب ليه حضرتكم مش تدرسوها كلها ليه اجبارى علينا احنا اللى نفهمها لوحدينا

الاستاذ : عشان مفيش وقت والاجازات كتير.

الطالب : ليه امتحانات الفرق اللى كانت درستها صباحى (يعنى محضرتها 8) تكون بليل (يعنى من 4) والعكس امتحانات الفرق المسائى ( محاضرتها من بعد 12) يكون امتحنهم بدرى بعد ميكون كل طالب نظم وقته وموعيد مذكرته بيكون صعب عليه يتاقلم مع معاد الامتحان


الاستاذ : اللى عايز يذاكر بيذاكر فى اى وقت

الطالب : احنا بشر ومن اعتاد شئ صعب يغيره بن يوم وليله

الاستاذ : صمت

الطالب : بلاش ليه يكون فى يوم عندنا محاضره من 8 الى 10 والمحاضره التانيه من 4 ل 6

الاستاذ : المفروض تجتهدو وتحولوا تلقوا معاد مع استاذ الماده

الطالب : حولنا ومفيش موعيد ومش بنقدر نروح ونرجع فى ناس منا بتسافر

الاستاذ: واحنا نعملكم ايه نجبلكم موعيد من بتنا


الاساله دى وغيرها كتير كان نفسى اسالها لدكتور او معيد او استاذ بس للاسف انا متوقعه الرد

حسناء
08-02-2009, 05:25 AM
شوفي يا جميل انا بصراحه حقولك رأي وياريت تتقبليه ماشي انا معاكي ان في مواد دراسه تقيله اوي لكن مهمه وممتعه جدا قابلي الماده العلميه اللي بتدرسيها بحب وحاولي تقرأي فيها مش لازم مرجع صعب ولا كلام معقد اقرئ اللي موجود فالكتاب ومش مقرر عليكي ووانتي بتقرئ الكتاب متقريهوش عشان الامتحان اقريه باستمتاع يعني علي سبيل المعرفه حتلاقي انك بتستفادي
وبصي يا جميل احنا بندرس فالكليه مواد عملي علي الرغم من انها كليه نظريه لان البحوث الانسانيه النظريه لا يمكن الاستفاده منها الا اذا كانت مدعمه ببحث عملي ميداني
وفعلا عندك حق المواعيد بتبقي غلسه جدا وانا عن نفسي عشان اجي الكليه باخد ساعه ونص لكن بهون علي نفسي بقول رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ طَرِيقًا إِلَى الْجَنَّةِ
وكده يعني بحاول مغمقش الدنيا قدامي عشان المركب تمشي لان اي حاجه غير كده بحسها حجج ملهاش لازمه والوقت الفاضي بين المحاضرات بقضيه فمكتبه اسكندريه وكده يعني لان هو ده الوضع ودي امكانيات بلادنا ورحم الله امرء عرف قدر نفسه
واسفه جدا جدااااا علي الاطاله

Horiaa Swedan
08-02-2009, 06:05 AM
لا يا حسناء انا عاشقه للمواد العلميه المواد فعلا ممتعه والدراسه بالقسم ممتعه

لكن احنا بيوضع على عاتقنا منهج كبير جدا للدراسه بيخلينا نهرب منها

اكيد حضرتك مش قسم جغرافيا عشان بتقولى كده

حسناء
08-02-2009, 06:13 AM
لا والله انا طالبه معاكم فالقسم وعارفه المعاناه بتعانتنا بس بفصل وبعديها وعلي فكره انا رايحه سنه تالته ان شاء الله

Horiaa Swedan
08-02-2009, 06:16 AM
يعنى دفعتى يا حسنا طب امال ايه اكيد اكيد انتساب

لان انتظام فهمين كلامى ده كويس