المساعد الشخصي الرقمي

مشاهدة النسخة كاملة : يعني إيه تنمية بشرية؟



محمد الفرارجي
06-24-2009, 11:41 AM
سلام عليكم
شكرا لادارة المنتدى عالاستجابة السريعة بانشاء القسم

بسم الله نبدأ

يعني إيه تنمية بشرية؟





1- يعني إيه تنمية؟
2- وليه بشرية بالذات مش حاجة تانية؟



* التنمية باختصار وبالبلدي هي التطوير وجانب كبير منها هوه الابداع وقلنا قبل كده الابداع (الوصول لأفضل النتائج بما هو متاح لديك من امكانيات)


"يعني ما معاكش فلوس للدورات ادخل عالنت وحملها وذاكرها بينك وبين نفسك ، مش فاضي تروح مركز تدريب اشتري كتاب أو اتنين في دورة من الدورات واستغل وقت الذهاب والاياب لشغلك في القرايه وبكده بقيت مبدع في الحته دي".


* يعني هطور العنصر البشري اللي عندي عشان يقدر يتوافق مع الشغل المطلوب منه، يعني لو مساح ومش عارف أتوكاد هخليه يتعلم أتوكاد، ولو رسام وعايزه يتعلم عالتوتال مثلا هعلمه وبكده هيبقى ضفت تنمية للعنصر البشري إللي عندي.


* يعني لما تدرس دورة على جهاز كمبيوتر وتفهم كمبيوتر وانتر نت وتوظفها في شغلك وأداءك العام سواء في شغلك أو حياتك دي تنمية بشرية.


* يعني لما تكون في الكلية وتسمع عن دورة في التدريب الصيفي بتقولك تعالى اتدرب على أجهزة جديدة والأجهزة دي بالطبع للما تتعلمها وتتدرب عليها هتأهلك لسوق العمل أسرع من غيرك دي من التنمية البشرية.

* لما تشتغل أو شغال بالفعل وتاخد دورة في مباديء الادارة العامة دي تنمية بشرية.


* لما تبقى في شغلك وتلاقي نفسك مش قادر تتعامل بمرونة وليونة مع العمال والموظفين إللي معاهم يبقى إنت محتاج دورات في التنمية البشرية.







*********************************************



سؤال مهم إيه اللي ممكن ندرسه في التنمية البشرية وهتفيدنا بإيه؟



- ممكن تدرس إدارة عامة.
- ممكن تدرس إدارة فريق عمل.
- ممكن تدرس إدرة مكاتب.
- ممكن تدرس إدارة فريق العمل من خلال النت.
- ممكن تدرس تسويق.
- ممكن تدرس مبيعات.
- ممكن تدرس مهارات التخاطب مع الآخرين.
- ممكن تدرس تفاوض وتوقيع اتفاقيات.
- ممكن تدرس لغات وتقدر تفهمها وتمشي شغلك بيها.




طب دي شوية من الدراسة طيب هتفيدنا بإيه؟



تخيل إنسان بيقدر يتعامل بحرية تامة تقريبا في معظم مواقف حياته وما عندوش خجل وكسوف ممكن يحط نفسه فيه وفي نفس الوقت بيقدر يدير اللي معاه بسهولة ويسر من غير ما يوقف سير العمل أو يبطأه.

وكمان لما بيروح مكان منتدب ليه بيقدر ياقلم نفسه بسرعة على طبيعة المكان إللي انتقل ليه.
دا غير إنه مؤهل إنه يبيع ويشتري اي منتج أو حتى خدمة ممكن تكون في شغله.

وغير انه دارس تفاوض يعني عارف هيعلي إمته ويسيب إمته.




شخصية عندها المهارات دي كلها
ما أعتقدش إنها تقعد من غير شغل إلا إذا كان هوه مش عايز يشتغل.

وللحديث بقية إن شاء الله



شكرا يا حسن لإنشاء القسم

Mahmoud Slem
06-24-2009, 11:45 AM
شكرا ليك يا باشمهندس

ونتمنى من حضرتك
انك تبدا فى مشروعك

عايزين الكل يشتغل
شكرا مره تانية
ليك
وبالتوفيق

Yamyam
06-24-2009, 11:47 AM
الموضوع مفيد جداً ,شكراً لحضرتك

وكتير كنا بنسمع عن التنميه البشريه وما بنعرف عنها غير
انها عباره عن تنميه امكانات الفرد

محمد الفرارجي
06-24-2009, 11:48 AM
شكرا ليك يا محمود عالمرور

المشروع موجود وما تقلقش

انا بس مشتني أنسق مع الادارة ان شاء الله

emu
06-24-2009, 11:52 AM
شكرا ليك يا بشمهندس محمد علي فتح باب المناقشه في الموضوع ده
لانه فعلا مهم جدا و فكرني بكلام دكتور محمد راشد
فعلا ده موضوع مهم جدا وبيمس كل شخص وخاصتا في ظل الظروه الحاليه
وكان عندي تعريف بسيط للتنميه البشريه اسمحلي اضيفه::

التنمية البشرية تنميه قدرات الفرد وبناءه بشكل سليم لكى يواجه متغيرات الحياة
وتنمية الجوانب الشخصية والأسرية والإجتماعية والمهنية وتحقيق الاستقرار في كل من هذه الجوانب..
شكرا لحضرتك مره تانيه..وفي انتظار باقي الحديث،،،،

Hassan Mohamed
06-24-2009, 11:59 AM
فعلا موضوع مهم يا بشمهندس وانا دلوقت عرفت اهمية القسم ده

وطبعا منكرش ان حضرتك صاحب الفكرة

وياريت نبدأ في المشروع زي مالمهندس محمد قال

وكمان الحوار التاني اللي المفروض يتعمل في المكان اللي اتفقنا عليه

شكرا ليك يا بشمهندس

AYMAN GAMAL
06-24-2009, 12:00 PM
شكرا جزيلا يا بشمهندس

كلنا انشاء الله هنساعدك في الموضوع

ادام فيه خير لكل الخريجين انشاء الله

محمد الفرارجي
06-24-2009, 12:36 PM
شكرا لكل الي شاركوا

وشكرا جدا جدا

والموضوع مش مجرد كلام الموضوع فعل
وربنا يسهل
ويبقى دورات

ALY ELSAYED
06-24-2009, 12:48 PM
شكرا ليك يابشمهندس محمد

وموضوع جميل جدا وكويس انك اتكلمت علي التنميه البشريه

لانه حقا من العلوم الذي يجب التمسك بها في وقتنا الحالي لانها امل التغير للاحسن

جزاك الله كل خير

محمد الفرارجي
06-24-2009, 12:50 PM
شكرا كارمو

يا ريت تشاركنا بمجهودك

الورده البيضاء
06-24-2009, 07:48 PM
الف شكر لحضرتك على الموضوع بجد حاجة مهمة جدا اننا نحاول ننمى مهاراتنا
وبصراحة مكنتش اعرف غير حاجات بسيطة جدا عن التنمية البشرية
والفضل لحضرتك بعد ربنا فى معرفة المزيد
منتظرين بقية الحديث
الف شكر لمجهودات حضرتك

eslam mamdouh
06-24-2009, 08:04 PM
والله وبدون اى مبالغه

طول عمرك مميز يا صديقى واخى العزيز


جزاك الله كل خير

محمد الفرارجي
06-24-2009, 09:24 PM
شكرا يا ايمي جدا
يا اسلام انت اللي مميز

طب يا ريت أنا نصك
ويا جماعة أنا مسمي إسلام

الدينامو

بجد دورا على معظم اللي على المنتدى هتلاقوا اسلام ليه نصيب كبير فيه

شكرا جدا يا جماعة

ادعوا لنا ننسق مع الادارة ويبقى دورات منظمة وان شاء الله المصلحة تعم

شكرا جدا

froty
06-24-2009, 10:28 PM
شكرا ليك يا بشمهندس محمد

على الموضوع المتميز

ومنتظرين باقيه الحديث

Wild_Angel
06-28-2009, 11:49 AM
جزاك الله خيرا يا باشمهندس محمد الفرارجى حقيقى انا مهتمه بموضوع التنميه اللبشريه وكان نفسى اتعلم عنه أكتر
ان شاء الله متابعين

محمد الفرارجي
06-29-2009, 07:22 PM
شكرا ليكوا انتوا

احنا بنحاول والله المساعدة مش أكتر

شكرا لكل الردود

Marwa Mahmoud
07-30-2009, 12:59 AM
بشكرك جدا يا بشمهندس على الموضوع فعلا ممتاز

جزاك الله كل خير

محمد الفرارجي
12-19-2009, 07:45 PM
ربنا يبارك في الجميع ومنتظرين مشاركتكوا معانا في تطوير وتنمية المنتدى إن شاء الله
ربنا يوفق الجميع