المساعد الشخصي الرقمي

مشاهدة النسخة كاملة : ممكن كلنا ندخل



roma
06-26-2009, 11:22 PM
السلام عليكم





انا عندى فكره يارب تعجبكم

هى اننا نعمل موضوع جديد عن الجواله وعشائر الجواله

الموضوع ده جميل جدا بيعلم الانسان كل شى كويس فى حياته بس انا عايزه حد يساعدنى فى الموضوع
انا كنت ايام الكليه بشترك فى مسابقات جواله وهى فعلا بتساعد البنات والشباب ع ممارسه حياه بطريقه جيده
وكمان بتسشاعدنا ع التعرف ع ناس جديده واماكن جديده واكتساب خبرات كتيره

وفى الجواله فيها عادت كويسه وبتعلمنا ان احنا نصنع اشياء نستفاد منها باقل الامكنيات
هى عباره عن عيشه حياه الخلاء
انا مستنيه روددكم وتشجعكم
وان اى حد يشترك معايا فى الموضوع

يارب الموضوع يعجبكم
وانا فى انتظار ردودكم

yousef
06-26-2009, 11:32 PM
انا اول رد يوصلك واول واحد هساعد لو الموضوع ده تم
اكيد انا مئيد الفكره وبضم صوتي لروما وفعلا حاجه جميله الجواله والرحلات
ولو في نصيب انا راشق

AHMED FTIHA
06-26-2009, 11:34 PM
فكرة جميلة بس انتى اتكلمتى بصفة عامة ومقولتيش تفاصيل عن الفكرة دى اكتر

AYMAN GAMAL
06-27-2009, 01:44 AM
ممكن تفيدينا اكتر في الموضوع ده

فكرتة جميلة و جديدة

MoStAfA MaHeMoD
06-27-2009, 04:13 AM
موضوع حلو اوي

dero
06-27-2009, 11:25 AM
موضوع فعلا جميل بس يا ريت تفاصيل اكتر

sweet girl
06-27-2009, 12:52 PM
الفكره جميله جدا واكيد ان شاء الله كلنا هنساعدك بس عايزين تفاتصيل اكتر

alaa eid
06-27-2009, 07:53 PM
موضوع جميل جدا والفكرة جميلة بس ياريت تحطي لينا حاجات اكثر تعرفينا بيها عليالجوالة
تسلمي يا قمراية

roma
07-02-2009, 11:12 PM
والله انا اسعدنى روددكم
وانا اسفه فى التاخير ع الرد لان الايام دى كان عندى ظروف جامده
لكن انا ممكن اتكلم عن الجواله



انا ممكن اتكلم معاكم الاول عن تفصيل الكشافه الجواله

والا يحب ممكن يشارك برائيه ويضيف شئ جديد يضيف وكله لصالح المنتدى






اولا


الحركه الكشفيه
هى حركه تربويه تطوعيه ليست سياسيه وهى مفتوحه للجميع

هدفها

المعاونه والمساعده فى تكامل تنميه قدرات الناشئ والشباب (بدنيا وعقلنيا وروحيا واجتماعيا ) ليكونو مواطنين صالحين وايجابين فى المجتمعات
سواء مجتمع محلى او عالمى

مبدائها

القيام بالواجب نحو الله........الوطن.........نحو الاخرين .........نحو الذات











طريقتها




من خلال المشاهده والتجريب لممارسه القياده وتحمل المسؤليه
وتلبيه التطلعات والحاجات وتحدى القدرات وفق نظام تقدم يراعى فيه التنوع والتوازن والشمول وتنفذ معظمها فى الخلاء بين احضان الطبيعه لاكتساب الصفات السلوكيه الحميده ومكارم الاخلاق


وهى حركه لها تاريخ قديم
وهىتقرر التمسك بالايمان بالله والاديان السماويه مع التحلى بالقيم والاخلاق الحميده من صدق وتعاون واخاء ونظام وعمل وعطاء


دا الا قدرت اكتبه علشان مش حابه اطول عليكم
وان شاء اكلمكم بعد كده عن تاريخ الحركه الكشفيه
وطبعا لو حد عنده تعليق او معلومات يكتبها
منتظره ردوددكم

AYMAN GAMAL
07-03-2009, 08:17 AM
كل ده رائع و جميل جدا

بس كنا عايزين نعرف تفاصيل اكتر عن تطبيق الفكرة

وايه اللي ممكن مننا هنا (ادارة المنتدى) نساعدك بيه عشان نطبق الفكرة

شكرا ليكي

roma
07-04-2009, 12:13 AM
كل ده رائع و جميل جدا

بس كنا عايزين نعرف تفاصيل اكتر عن تطبيق الفكرة

وايه اللي ممكن مننا هنا (ادارة المنتدى) نساعدك بيه عشان نطبق الفكرة

شكرا ليكي


والله انا حبيت اتكلم عن الفكره لان متلقتهاش فى اغلبيه المنتديات خالص
برغم انها موجوده فى حياتنا فى مراكز الشباب وفى الكليات وغيره
ممكن المنتدى يساهم بان هو ممكن يعمل معسكر جواله زى الرحله لمده يوم او يومين او اكتر ع حسب
الجواله بتكون عباره عن مسابقات فى الجامعات مثلا بين جامعه الاسكندريه والقاهره مثلا
واو فى مراكز الشباب مثلا داخل الاسكندريه بين مركز شباب المعموره والعجمى مثلا

وبيكون فيها مسابقات ثقافيه ودينيه ومناقشات ابحاث وشغل يدوى ورسومات ومجلات حائط مع شغل الجواله الااحنا ممكن نتكلم عنه فيما بعد
بس هى الفكره انى حبيت اتكلم فى الموضوع ده بحيث ان ممكن لما اى حد يدخل يبحث عن اى شئ يخص الجواله يلقيها فى منتدانا مش فى اى منتدى تانى