المساعد الشخصي الرقمي

مشاهدة النسخة كاملة : اجمل موضوع قراته اليوم وافظع دراسه شفتها في حياتي



ALY ELSAYED
06-30-2009, 07:55 PM
هذا الموضوع قرأته في أحد المنتديات وقد جذبني جدًا لواقعيته وصدقه للأسف، وهو أجمل موضوع قرأته اليوم، وأفظع دراسة أقلقتني في الفترة الأخيرة، وقد نقلته حرفيًا للإفادة بالدراسة الموجودة به بغض النظر عن بعض التعليقات به
=====================
هل أنت ولامؤاخذة مثقف؟؟


هل فكرت وغامرت واتهورت مرة وقريت كتاب؟؟


بتقرا حاجة غير مجلة ميكي ؟؟


عندك مصدر بتجيب منه معلومات غير قعدة القهوة؟؟


تعرف يعني إيه حزب؟؟


هل تعلم ماهى الليبرالية والفدرالية والإشتراكية ؟؟


يا ترى بتدخل ع النت ليه؟؟ عشان تتثقف؟؟


إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:


80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-



أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..

طب تعالوا نشوف ازاى الشباب المصرى بيستفيد من الإنترنت:


فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!


لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..


فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟


فى الحقيقه الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ورفعوا شعار عمار يامصر وبلدنا لسه بخيرولازم يطمنوا علي الأرقام دي بنفسهم.. وعلى الشباب الجامعي المثقف..فنزلوا للجامعة وعملوااستطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة-..


طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟


لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟


وملحوظه بسيطه


هنري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر

AHMED FTIHA
06-30-2009, 09:37 PM
الله ينور عليك يابوعلى بجد مفيش موضوع منك قراته الا وأفادنى
بس بجد الكلام اللى فى الموضوع دة خلانى اشعر باليأس الشديد
ربنا يرحمنا برحمته

alaa eid
06-30-2009, 11:32 PM
موضوع رااااائع
تسلم ايدك
الله ينور عليك

yousef
07-01-2009, 12:23 AM
موضوع حلو
بس علي فكره الدرسات ديه مش مصدر موثوق منه او منعتمدش علي النتائج بتاعتها
انا علي الرغم من اني مطريها زي اغلب الناس بس مهتم بالسياسه وبقرا الجرائد يوميا ومش جريده واحده وعندي مكتبه كتب معقوله ممكن مش مواظب عليها بس وقتها بيجي
انا بتكلم عن حاله انا عايشها وبرضه ليا صحابي ممكن يبقي نفس الكلام
احنا نعتبر من نادي الوسطيه
وربنا يهدي ويعقلنا
تسلم ايدك علي الموضوع والله ينور

Mohamed Hashem
07-01-2009, 12:41 AM
جوووووووووون .. يا كارمو
شوطه حلوة ..
بجد برافو
منتظر منك المزيد ... خليك على الخط ده
حتبقى مميز يا ريس ..
تحياتى ومش حاقولك تقبل مرورى لانى حامر تانى وتالت

ALY ELSAYED
07-01-2009, 12:56 AM
الله ينور عليك يابوعلى بجد مفيش موضوع منك قراته الا وأفادنى
بس بجد الكلام اللى فى الموضوع دة خلانى اشعر باليأس الشديد
ربنا يرحمنا برحمته


شكرا ليك يا بو حميد

ومتشعرش بالياس ولا حاجه طول منتا ماشي صح متقلقش

جزاك الله كل خير



موضوع رااااائع
تسلم ايدك
الله ينور عليك



شكرا ليكي يا لولو

اسعدني وجودك وجزاكي الله كل خير


موضوع حلو
بس علي فكره الدرسات ديه مش مصدر موثوق منه او منعتمدش علي النتائج بتاعتها
انا علي الرغم من اني مطريها زي اغلب الناس بس مهتم بالسياسه وبقرا الجرائد يوميا ومش جريده واحده وعندي مكتبه كتب معقوله ممكن مش مواظب عليها بس وقتها بيجي
انا بتكلم عن حاله انا عايشها وبرضه ليا صحابي ممكن يبقي نفس الكلام
احنا نعتبر من نادي الوسطيه
وربنا يهدي ويعقلنا
تسلم ايدك علي الموضوع والله ينور


شكرا ليك يا يوسف جدا
بس احنا مش بتقول كل الناس احنا بنقول نسبه من الناس
حتي لو كانت النسبه الاكبر
جزاك الله كل خير



جوووووووووون .. يا كارمو
شوطه حلوة ..
بجد برافو
منتظر منك المزيد ... خليك على الخط ده
حتبقى مميز يا ريس ..
تحياتى ومش حاقولك تقبل مرورى لانى حامر تانى وتالت


شكرا ليك يا بشمهندس محمد علي توجهاتك ليا

واسعدني وجودك جدا جدا واتمني مرورك دائما

جزاك الله كل خير

Mimi
07-01-2009, 01:01 AM
معئول 74 % مش عارفين اسم أول رئيس

والله بتمنى النسب دي تبقى غلط

دي حاجة وحشة أوي بجد

شباب وبنات مصر حصلهم ايه

السؤال الصح احنا حصلنا ايه بجد

ممكن نقول محتاجين ايه كلنا عشان نعدل الاحصائيات دي ؟

ALY ELSAYED
07-01-2009, 01:28 AM
شكرا ليكي يا ميمي

بس لو حنقول احنا حصلنا ايه حنقول كتير

اهم حاجه ان احنا نفووووووق

جزاكي الله كل خير

Soma
07-01-2009, 03:34 AM
جزاك الله كل خير
موضوع رائع جدا
هو اه فعلا فى كتير مش بيهتموا باى حاجة فى اى حاجة وعايشين كده وخلاص
بس برضه فى كتييييييييييير بيهتموا وبيقروا وعندهم اهداف بيسعوا ليحققوها
زى ما فى كده فى كده انا شايفة ان النسبة تقريبا مبالغ فيها
وعموما ربنا يهدى الشباب كلها ونركز كده ونفوق

ALY ELSAYED
07-01-2009, 04:12 AM
شكرا ليكي يا سومه

وشكرا لرئيك الجميل هو ممكن بكون مبالغ لكن انا عايزك تقيمي الموضوع من خلال

نظرتك لمجتمعنا المصري عامه وتشوفي الاغلبيه من ايني فئه

اسعدني وجودك وجزاكي الله كل خير

Soma
07-01-2009, 04:22 AM
بقيمه انه نص نص بصراحة اللى اعرفهم ناس مثقفة وبيهتموا بحاجات كتيرة مش بيضيعوا وبيهتموا كتير بمستقبلهم وعندهم طموح جامد جدا
بس اكيد فى ناس برضه عايشين زى ماتيجى تيجى

هدى على
07-01-2009, 09:35 AM
عندك حق والله فعلا بس تعليمنا مبقاش زى الاول ومش هو التعليم

ALY ELSAYED
07-01-2009, 04:43 PM
عندك حق والله فعلا بس تعليمنا مبقاش زى الاول ومش هو التعليم


شكرا ليكي يا هدي علي مرورك

واتمني اشوف مشاركاتك دايما

جزاكي الله كل خير

sandra_sa
07-01-2009, 05:37 PM
ده فعلا حال كل الشباب بس انا من راى ان دة مش ذ نبهم لوحدهم الاهل اكيد ليهم دور اساسى لان مصر مش كل الى فها بالشكل دة اكيد بردو لسة فى شباب عندهم دفع واهداف بس محتاجين حد يسعدهم ممكن زى ما اتكلمت عن السلبيات ممكن بردو تتكلم عن الحلول

NOHA SHABAN
07-01-2009, 05:52 PM
موضوع مهم ويارب الأحصاءات دى تتطلع غلط وجزاك الله خيرا كارمو على مواضيعك الهامة

ALY ELSAYED
07-02-2009, 04:43 AM
ده فعلا حال كل الشباب بس انا من راى ان دة مش ذ نبهم لوحدهم الاهل اكيد ليهم دور اساسى لان مصر مش كل الى فها بالشكل دة اكيد بردو لسة فى شباب عندهم دفع واهداف بس محتاجين حد يسعدهم ممكن زى ما اتكلمت عن السلبيات ممكن بردو تتكلم عن الحلول


شكرا ليكي يا سندرا علي رئيك الواقعي

بس الحلول انا مستني اشوفها منك ومن باقي الاعضاء

مشاركتك مهمه ومش شرط اني عشان كاتب قضيه اضع حل لها

جزاكي الله كل خير

موضوع مهم ويارب الأحصاءات دى تتطلع غلط وجزاك الله خيرا كارمو على مواضيعك الهامة


شكرا ليكي يا نهي وجزاكي الله كل خير

elodo
07-02-2009, 05:28 AM
بجد الموضوع جاااااااااااااامد جدا يا karmo تسلم ايدك

و ربنا يستر على شباب مصر و ينجيهم من اللى هم فيه

ALY ELSAYED
07-02-2009, 04:12 PM
شكرا ليك يا حوده

وربنا يصلح حال شبابنا وحكمنا

جزاك الله كل خير

pretty angel
07-02-2009, 05:37 PM
بجد موضوع مهم جدااااااا وجامد فعلا


وفعلا كل اللى عايز يقوله الموضوع حقيقى بغض النظر عن الاحصائيات


شكرااااا ليك يا karmo

ALY ELSAYED
07-02-2009, 06:32 PM
بجد موضوع مهم جدااااااا وجامد فعلا


وفعلا كل اللى عايز يقوله الموضوع حقيقى بغض النظر عن الاحصائيات


شكرااااا ليك يا karmo


شكرا ليكي جدا بريتي

واتمني مرورك دايما

جزاكي الله كل خير

جيجى
07-02-2009, 10:29 PM
المؤضوع جميل
جدا يا كيمو
مرسى جدا على الموضؤع

ALY ELSAYED
07-03-2009, 07:54 AM
شكرا ليكي يا جيجي

واتمني اشوف مشاركاتك دايما

واسمي كارمو

جزاكي الله كل خير