المساعد الشخصي الرقمي

مشاهدة النسخة كاملة : حسنو علاقتكم معايا انتو بكرة مش عارفين ممكن أبقى ايه



Mimi
07-03-2009, 01:30 AM
بصو ياجماعة



خلوني أكلمكم من قلبي وبصراحة شديدة



أنا في ناس أحيانا بتحب تتريق عليا



او يحب يضحكو عليا وكدا



والله بجد انا مش بهزر يعني مش بنقل موضوع انا بكتب الكلام دا عليا



أنا شخصيتي مش ضعيفة خالص على فكرة ولا بتحرج أرد على حد مدايقني بس المشكلة لو بنكون كذا حد بخاف أرد على اللي دايقني فأحرجه قدام الباقي وانا طبيعي عشان مبحبش الشعور دا مش عايزه حد يتعرضله



فايه أنا بتجرح من جوايا بس أنا بضحك عشان بكون عايزه اصحابي مبسوطين وبقول جايز نيتهم هزار بس



بس اذا رجعت البيت وقعدت لوحدي بحس اني متدايقة ومجروحة



وببقى عايزه الناس تتعامل معايا كويس ويحترموني



ماهو افرضو مثلا انا بكرة بقيت مثلآ وزيرة ولا حاجة وبعدين قلت بأه أسجن كل اللي كانو بيضحكو عليا



ولا مثلا بقيت شخصية عالمية وكدا وأجيب ناس أدفعلهم عشان يضربوك




فلازم كل حد يحترمني ويعاملني كويس



واللي علاقته وحشة بيا يحسنها بأه



طيب هديكم مثال انتو اكيد عارفين اينشتاين العبقري كان بيحصله ايه في صغره



كل الناس كان فاكرينو اب نورمال وانه مش طبيعي وشوفو هو بأه ايه




ياجماعة بلاش آينشتاين هضربلكم مثال حي




شوفو الراجل دا مين ؟



http://www3.0zz0.com/2009/07/02/23/339778430.jpg



دا اوباما ياولاد كان قاعد بيت جده من 21 سنة شايفين كان ازاي



طيب هو قاعد فين دلوقتي ؟


http://www5.0zz0.com/2009/07/02/23/504611416.jpg



على اهم كرسي في االعالم في البيت الابيض



فبليز عاملوني كويس عشان انا بحس بالاضطهاد



وعاملو كل الناس كويس بأه

AHMED FTIHA
07-03-2009, 01:49 AM
بجد بجد فكرة الموضوع دة عجبانى جدا جدا
والكلام دة اتذكر فى القرأن وان محدش يسخر من حد علشان ممكن يكون احسن منه
الف شكر على الكلام الجميل دة

yousef
07-03-2009, 01:37 PM
انا مش عارف ايه اللي خالاكي تقولي كده
بس انا لو حد عاملني وحش او جرحني اكيد اما هبين له ده ام هعامله زي ما بيعاملني
في حاجه انا حاططها في دماغي علي طول ان الدنيا مش بتقف علي حد مهما كان
ياريت تكوني فهمتي قصدي

Mimi
07-03-2009, 01:54 PM
بجد بجد فكرة الموضوع دة عجبانى جدا جدا
والكلام دة اتذكر فى القرأن وان محدش يسخر من حد علشان ممكن يكون احسن منه
الف شكر على الكلام الجميل دة

انا مبسوطة انها عجبتك الفكرة ووصلتك النقطة اللي بتكلم فيها

وعندك حق دا مذكور في قرآننا وديننا مش بيقبل بحاجة زي كدا

بجد شكرآ لمشاركتك

Mimi
07-03-2009, 01:56 PM
انا مش عارف ايه اللي خالاكي تقولي كده
بس انا لو حد عاملني وحش او جرحني اكيد اما هبين له ده ام هعامله زي ما بيعاملني
في حاجه انا حاططها في دماغي علي طول ان الدنيا مش بتقف علي حد مهما كان
ياريت تكوني فهمتي قصدي

والله يايوسف متشكرة الاول على تعليقك

وانا بتكلم بفضفضة شوية في الموضوع مع توصيل نقطة معينة من خلال الفضفضة دي

وبعدين زي ما انت بتقول الدنيا مبتقفش عن حد

الحمد لله انا عندي خطط في دماغي تخليني اتغاضى عن حاجات كتير واركز على اللي في دماغي

وشكرآ على نصيحتك واكيد فهمت قصدك

alaa eid
07-03-2009, 09:28 PM
بشكرك علي الموضوع الرائع ده

تسلمي حبيبتي
والفكرة وصلت تمام

eslam mamdouh
07-03-2009, 09:42 PM
على فكره يا بشمهندسه

يمكن انا معرفش حضرتك الا من خلال معرفه سطحيه من خلال المنتدى

لكن اللى اقدر اقوله ( كراى شخصى ) من خلال ردود وموضوعات حضرتك

ان بسم الله ما شاء الله عليكى شخصيه فى غايه التمييز , وتتمتع بحب واحترام وتقدير الجميع بلا استنثناء


بسم الله ما شاء الله ....زادك الله من فضله


انا اعتقد ان الموضوع ده فكرته واضحه ومميزه جدا.....حبيتى تنقلى فيها وجهه نظرك بشكل فنى جميل

بجد الفكره وصلت من حضرتك مميزه جدا

وعامل الاخريين بمثل ما تريد ان يعاملوك

لان السخريه والتهمك والاستهزاء ضعف ما بعده ضعف.........وسكوت من امامك قوه وصبر وحلم

شكرا ليكى جدا جدا على موضوعك المميز

eslam mamdouh
07-03-2009, 09:54 PM
يا بشمهندسه انا كان عندى سؤال
بالنسبه لموضوعك الجميل

معنى كلام حضرتك ان الانسان يحترم الانسان خوف منه فى المستقبل او انه يفكر ان ممكن الشخص ده ممكن فى المستقبل يكون حاجه كبيره

بمعنى ان الاحترام لا يكون متبادل احترامى للروح الانسانيه ..........احترام الانسان وتقديريه لانه نفس بشريه وعقل وروح وخليقه من صنع الله عز وجل


انا شايف طبعا ان الاحترام والتقدير يكون بين جميع البشر اى كان مش هيفرق معايا يكون ايه بعد الزمن

انا بحترمه لان احترامى له هو احترام اساسا لزاتى..........ولانه نفس بشريه من جهه اخرى

Mohamed Hashem
07-03-2009, 10:04 PM
الفكره وصلت طبعا .. جميل
الفكرة جميلة
وطريقة التوصيل أجمل
على رأى أخويا م/اسلام ممدوح
ما شاء الله عليكى
(احب أنا الأفكار العابرة للقارات دى)
واسمحى لى اضيف
حتى لو سخر منى أحدهم اليوم .. وحتى لو منُ الله عليا من فضله غدا بالجاه والسلطة
بلاش نفكر فى تصفية الحسابات ولو بعد 100 سنة
أفضل للقلب أن يصفح وينسى
ولنا فى ديننا الحنيف الدافع للعفو
والكاظمين الغيظ والعافين عن الناس
ويكفى الانسان من ذلك إمتلاء صدره بالحنق والضيق سنوات
ويا يقدر .. يا ميقدرش
مرة أخرى أشكرك على النصيحة والموضوع الجميل
بارك الله فيكى

Wild_Angel
07-10-2009, 03:33 PM
ياااااه يا ميمي تصدقى انا اول مره اشوف الموضوع ده
طب شاوريلى كده على اللى دايقك...
لا بجد رأى باشمهندس أسلام وباشمهندس محمد صحيح ميه فى الميه
وخصوصا أن الكاظمين الغيظ والعافين عن الناس لهم أجر كبيييير جدا

وبجد طول ما أنتى بتحترمى اللى حواليكِ اكيد حتجبريهم أنهم يحترموكى
وكلمتين صغننين بينى وبينك : لو حد دايقك اوى كده كذا مره تقدرى تقوليله كلمتين بكل ذوق تخلى لسانه يتلجم أنه يضحك او يتريق عليكى
ميمي لكِ منى كل الاحترام والتقدير

AYMAN GAMAL
07-10-2009, 03:50 PM
بصي يا ميمي

انا عن نفسي مش هستنا اني اكون مكان اوباما او غيره عشان احس اني اقدر اخد حقي من ناس زي دي

كفايا اكون كبير نفسي عشان احس بالاحساس ده

احساس ان ناس زي دي متستحقش اصلا التفكير فيها

يعني انا مش هديهم اهتمام اصلا للي بيقولوه و الحياة سجال


شكرا ميمي موضوع جميل جدا جدا

ALY ELSAYED
07-10-2009, 03:59 PM
كلامك جميل اوي يا ميمي

بجد شدني اني اقراه وعايز اقولك ان الي بيحصلك بيحصل مع كل الناس

مش انتي لوحدك ودا ناتج للحقد بين الناس

وعايز اقولك ان الي بيديقك او بيسخر منك

دا ليس الا غيظ منك وانه مش عارف يبقي زيك

وزي مبنسمع ان العين متحبش تشوف حد احسن منها ودا عند الحاقدين

وللاسف موجودين في كل مكان في الصحاب في الاقارب في المنتدي .....الخ

اهم حاجه انك متحطيش في دماغك وكملي طريقك للنهايه وخلي هدفك امامك في كل مكان

جزاكي الله كل خير

S2AH
07-10-2009, 05:39 PM
الموضوع بجد غريب وجميل
هو باحترامنا للناس اللى قدامنا هنخليهم يحترمونا وحتى لو اتريقو باحترامنا هنحرجهم
اما بالنسبة انى لما يكون فايدى سلطة واذى الناس اللى اذونى قبل كدة
فمعنى كدة ان احنا بنام وبنفكر فاذيتهم أو مبتكنش قلوبنا صافية من ناحيتهم
وكان فى واحد ايام الرسول كان بيعمل الفروض اللى علية بس يعنى بيقمش ليل ولا نوافل والحاجات التانية لكنة هيدخل الجنة
لانة بينام وقلبة صافى من ناحية الناس كلهم
وجزاك اللة خيرا على الموضوع

Mimi
07-10-2009, 07:01 PM
lolo

شكرآ حبيبتي على مشاركتك والحمد لله الفكرة وصلت منوراني دايمآ حبيبتي

eslam mamdouh

مش عارفه اقولك ايه والله على كلامك ردك دا أثر فيا جامد ودايمآ تعليقاتك متميزة جدآ بس انا والله كنت عايزه اوصل فكرة معينة ومش قصدي ابدآ ايدآ ان السلطات العالية ليهم الحق انهم ينتقمو او يأذو الناس بسلطتهم عشان مثلا حاجة زي دي .. انا لاحظت فعلا اني ماشية بالتسلسل دا في الموضوع وفي الاخر انتهى بانتقام وغلطت في كدا ومعترفة بغلطي بس الله يعلم ايه اللي كان جوايا مش قصدي كدا خالص وانا عارفه طبعا ان دا .. كل اللي كان قصدي عليه ان في فعلا ناس بأه في ايديها صلاحيات كتير بس لسة الماضي مأثر على حياتهم واسلوب تعاملهم وممكن اذا اتعرضو لحاجة بشكل متكرر في صغرهم يسببلهم حاجة وحشة في شخصيتهم لما يكبرو تخليهم يستخدمو سلطتهم دي بشكل خاطئ .. حتى لو كنت شفت فيلم meet the robinsons هتعرف قصدي تمآمآ وشكرآ على ملحوظتك دي وتعليقك الرائع دا

Mohamed Hashem

حلوة اوي ياباشمهندس الافكار العابرة للقارات ههههههههههههه والله حضرتك نورتني بس والله بجد ما قصدي اننا هنصفي حسابات في الاخر بس حضرتك عارف ان الواحد ممكن يكتم فعلا ويتحمل بس ممكن ميبقاش في ايده ينسى انا لحد اللحظة دي مثلا بفتكر مواقف كانت بتحصلي من وانا عمري 3 سنين مثلا .. والله ما بتروح من دماغي خالص الواحد غصب عنه بيفتكر لكن اللي بايده ان يكتم ويحاول يتناسى المواقف دي ومرة تانية بعتذر عن الطريقة اللي اتبعتها في الموضوع دا والنهاية فعلا كانت غلط بس والله مرة تانية مش قصدي اننا في الاخر هننتقم ونصفي حسابات لكن حضرتك عارف ان في فعلا ناس بتعمل كوارث لما بتكبر عان مواقف تافهة اوي اثرت عليهم في صغرهم وشبابهم زي هتلر مثلا وان شاء الله مفيش حاجة وحشة تحصل انا كنت بحاول اوصل حاجة معينة من خلال التوبيك وهيا الاحترام وشكرآ لرأي حضرتك

Wild_Angel

وايلد حياااااتي انتي والله كلامك دايمآ بيرضيني ويريحني وانا وضحت لباشمهندس اسلام وباشمهندس محمد قصدي من الموضوع وانا غلطانة فعلا في خاتمة الموضوع المهم ياوايلد زي ما قلتي فعلا الزوء هو اقسى رد على اللي يتطاول عليكي والسكوت والكتمان فعلا بيحير اللي قدامك في رد فعلك وبيكون متوقع اي حاجة منك بعد كدا ويعمل حسابك مرة تانية لما ينوي يدايقك .. انا بالغت شوية في الموضوع بس حبيت اننا كلنا نلتزم بصفة الاحترام للكبير والصغير وبالعكس الصغير قبل الكبير .. وبجد مبسوطة اوي بمشاركتك دي ياوايلد

AYMAN GAMAL

ردك الاجمل ياباشمهندس ايمن فعلا الحياة مش مستاهلة ضغط اعصاب ولا اننا نشغل تفكيرنا بحاجة بتدايقنا وكل واحد فينا دايما هيكون معرض لاساءات وتطاولات وانا معاك جدآ في نقطة اننا مش لازم نكون مكان اوباما عشان ناخد حقنا ومش لازم اصلا نفكر ناخد حقنا مهما كانت سلطتنا واسفة مرة تالتة كمان اني نهيت بالشكل دا .. شكرآ بجد على مشاركتك وانا مقتنعة ومتفقة معاك مية في المية

KARMO_RX

شكرآ ياكارمو على متابعتك للموضوع دا وانا مبسوطة جدآ برائيك الجميل دا ومتهيألي الواحد مبيحسش انه مجروح اوي الا من حد بيحبه اوي ولو كان حد غريب اكيد كان هينفضله ويكبر دماغه منه وعشان كدا انا لما بزعل مش بزعل من الموقف نفسه او الكلمة نفسها قد ما بزعل من الشخص اللي صدر منه الموقف دا لان الشخص دا بيكون ليه مكانة كبيرة اوي عندي ودا اللي بيكسرني اكتر من اي حاجة ممكن يعملها بس كلامك كله صح وعندك حق فيه وميرسي جدآ ليك

S2AH

شكرآ ياS2AH لاهتمامك بالموضوع وانا والله ما بفكر في أذية حد ولا قصدت كدا خالص وانا بعتذر لكل واحد فهمني بالشكل دا وفعلا الاحترام هو احسن رد فعل في التعامل مع الاخرين شكرآ على تعليقك الجميل دا ومنورني دايمآ

AYMAN GAMAL
07-10-2009, 07:11 PM
ميمي ازيك

انا مش بقصد خالص نسيب حقنا على فكرة انا ضد اننا نسيب حقنا

انا كل اللي بقصده ان الواحد طالما بيحس انه كبير نفسه محدش يقدر يحطمه مهما يحصل

و ناس من النوع اللي بتتكلمي عليهم بينطبق عليهم مثل القافلة تسير فميستحقوش انك تاخدي بالك منهم ابدا او حتى جزء من تفكيريك يروح ناحيتهم اعتبريهم (inviable)

و متشكر اوي يا ميمي مرة تانية

eslam mamdouh
07-10-2009, 11:42 PM
فعلا كده فكره حضرتك وصلت بشكل سليم تماما

انا بعتزر انى فهمت الفكره بشكل غير كامل فى البدايه

ولكن بجد الفكره رائعه وبشكل سهل وبسيط

فعلا المواقف الى بيمر فيها الانسان بتاثر بكل حياته بشكل سلبى او ايجابى

والمشكله الاكبر لو اتراكم لدى الانسان شعور بالنقص او الاانتقام من الاخريين

نتيجه لاغالهم السيئه معه


فعلا الاحترام يكون بكده سيد الخلاق


شكرا جدا لحضرتك مره اخرى على موضوعك المميز جدا

اسمحيلى اقيم الموضوع من وجه نظرى المتواضعه( كموضوع مميز جدا كاسلوب عرض جديد ومضمون)



جزاكى الله كل خير

mr.lonly
07-11-2009, 02:04 AM
طبعا انا مش عارف هتقبلي رأيي ولا لأ يا ميمي بس هقولك حكمة هتلاقي فيها الحل لموضوعك

خلي شكرك علي نعمة انك مثلا بقيتي وزيرة او سفيرة او .......
انك تسامحي وتعفي عن اللي ظلمك او اساء ليكي

وصدقيني هتلاقي لذة كبيرة جدا في العفو عن الناس

وشكرا ليكي انك طرحتي موضوع جاد للمناقشة

Ahmed Mohamed
07-11-2009, 02:19 AM
موضوع جميل اوي اوي يا ميمي وبجد بيوضح نقطة مهمة في حياتنا

عامة من وجهة نظري او يعني اللي بيحصل معايا وانا بعمله ان الناس اللي بتعمل معايا كده

عشان انا بحب كل الناس ومش بحب ازعل حد ولا افضل زعلان كتير من حد فبسامح

ومن صفات المؤمن العفو عند المقدرة ولا ايه يا ميمي

بس بجد الموضوع تحفة وجميل جدا وطرقة تعبيرك عن المشكلة لذيذة اوي

ودايما في تالق وتقدم باذن الله

Wild_Angel
07-11-2009, 04:44 AM
يكفى قلبك الطيب وتأكدى أنه حيكون بوصلتك اللى حتوديكى للشعور الصح وضميرك حينفر أى أحساس وحش

على فكره آراء الناس بصراحه فادتنى أنا شخصيا بجد ربنا يكرمك الموضوع متميز

Mimi
07-11-2009, 08:26 AM
AYMAN GAMAL

ميرسي والله يااايمن وانا فهمت وجهة نظرك ومقتنعة بيها وشكرآ على اهتمامك الكبير دا

eslam mamdouh

والله ارائك دايما بتعجبني وكلها تحترم بجد متعتذرش عن اي حاجة يااسلام انا معرفتش اوصل الفكرة الا من خلال مناقشتكم ليا وردودي شكرا جدآ والله لاهتمامك

mr.lonly

صح مستر لونلي فعلا دي هتكون نعمة كبيرة اوي من ربنا والمفروض نحسن استخدامها واقل حاجة نعملها ننسى الاساءات اللي كنا بنتعرضلها فعلا كلامك صح وعندك حف فيه ميرسي جدآ للمشاركة دي

Ahmed Mohamed

شكرآ يااحمد على رائيك الجميل دا واكيد العفو من صفات المؤمن وميرسي على تعليقك الجميل دا ومنورني دايمآ

Wild_Angel

شكرآ حبيبتي وايلد على متابعتك دي وانا من جوايا رافضة اي اذى او اني اتعامل بالمثل مع الوحشين وبجد انا استفدت جامد من الردود اللي جت في الموضوع دا وبجد ميرسي ياوايلد مبسوطة بمتابعتك ليا

والله ياجماعة بشكركم من قلبي مكتنتش متخيلة الموضوع هيبقى باب للمناقشة كدا وانه يلاقي الاهتمام دا شكرآ ليكم كلكم وجزاكم الله كل خير