المساعد الشخصي الرقمي

مشاهدة النسخة كاملة : اذا جرحك بعض الاشخاص قل لهم هذه الكلمات ....



جوليت الحب
07-04-2009, 01:12 PM
يا رب تعجبكوا عشان عجبتنى اوى لما قريتها بجد اذا جرحك بعض الاشخاص


قل لهـــــــــــــم..
انـك نسيتهـم .. وأدر لهـم ظهـر قلبـك , وأمـض ِفـي الطـريق المعاكـس

لهـم فربما كان هناك.. فـي الجهة الأخرى.. أناس يستحقونك أكثـر منهـم



.................................................. ..

قل لهـــــــــــــم ..

إن الأيـام لا تتكـرر.. وإن المـراحـل لا تعـاد .. وإنـك ذات يـوم .. خلفتهـم

تمـامـاً كمـا خلفــوك فــي الـوراء وإن العـمـر لا يعـود إلــى الــوراء أبــداً


.................................................. ...
قل لهـــــــــــــم ..
إنك لفظت آخر أحلامك بهـم.. حين لفظت قلوبهـم.. وإنك بكيت خلفهـم

كثيـراً حتـى إقتنعـت بمـوتهـم وإنـك لا تملـك قـدرة إعادتهم إلـى الحياة

فــي قلبــك مــرة أخــرى بعــد أن إختــاروا الـمــوت فيــك .

.................................................. ...........


قل لهــــــــــم ..

إن رحـيلهــم جعلـك تعـيـد إكتشاف نفسـك.. وإكتشـاف الأشيـاء حولـك

وإنـك إكتشفــت أنهـم ليـسـوا آخـر المشـوار.. ولا آخـر الإحساس.. ولا

آخـر الأحـلام.. وأن هنـاك أشيـاء أخــرى جـمـيلـة.. ومـثيـرة.. ورائعــة

تـستـحــق عـشــق الـحـيــاة وإسـتـمــراريـتــهــا .


.................................................. .............

قل لهــــــــــــــــــــــم..

إنـك أعـدت طـلاء نفـسـك بعـدهـم.. وأزلـت آثـار بصمـاتـهـم مـن جـدران

أعماقـك.. وأقتلعـت كـل خناجـرهم من ظهرك وأعدت ولادتك مـن جديـد

وحرصت على تنقية المساحات الملوثة منهـم بك ، وإن مساحتك النقيـة

مـــا عـــادت تـتـســع لـهـــم .


.................................................. ............... .

قل لهـــــــــــــــــــــم ..

إنك أغلقت كـل محطات الإنتظار خلفهـم.. فلـم تعـد ترتـدي رداء الشـوق

وتقـف فـوق محطـات عودتهـم.. تترقـب القـادميـن.. وتدقـق في وجـوه

المسافريـن.. وتبحث في الزحام عـن ظلالهـم وعطـرهـم وأثـرهـم عـل

صـدفــة جـمـيـلــة تـأتــي بـهــم إلـيــك .

.................................................. ............... ...........

قل لهـــــــــــــــم ..
ان صـلاحيتهـم إنتهت.. وأن النبض في قلبك ليس بنبضهم.. وأن المكان

فـي ذاكرتك ليس بمكانهم.. ولم يتبق لهم بك سوى الأمـس.. بكل ألم

وأســى وذكـــرى الأمـــس .

.................................................. ............... ..

قل لهـــــــــــم ..
إنـك نزفتهـم في لحظـات ألمـك كدمـك.. وإنـك أجهضتهـم فـي لحظـات

غيابهـم كجنيـن ميـت بداخلـك.. وإنـك أطلقـت سراحهـم منـك كـالطيـور

وأغلقـت الأبـواب دونـهـم وعـاهـدت نفسـك ألا تفـتـح أبـوابـك إلا لأولئـك

الــذيــن يسـتـحـقـــون .

.................................................. ............

قل لهــــــــــــــــــــــم..
إن لكـل إحسـاس زماناً.. ولكل حلم زماناً.. ولكـل حكايـة زمانـاً.. ولكـل

حزن زماناً.. ولكل فـرح زمانـاً.. ولكل بشـر زمانـاً.. ولكـل فرسـان زمانـاً

وإن زمنهـم إنتهـى بــك منـذ زمــن .

.................................................. ............... ....

قل لهــــــــــــــــــــــم..
لا تقل لهم شيئا.. إستقبلهم بصمت فالصمت أحيـاناً قـدرة فائقـة علـى

التعبيـر عمـا تعجـز الحـروف والكلمـات عـن تـوضيحــه

شخص مجهول
07-04-2009, 01:45 PM
بجد كلام تحفة ملهوش حل................

بس لما يكون الجرح من الحب.................. تنسى الكلمات والحروف......وتكون الدموع والذكريات
هى المتحدث الاول والرسمى عن جرح القلب.............

جوليت الحب
07-04-2009, 01:50 PM
صح عندك حق بجد والله يا محمد لما الجرح بيكون من الحب بنعيش على دموع وذكريات بجد معاك حق كلام تمام والحمد لله ان الموضوع عجبك شكرا كتيييييير ليك

AHMED FTIHA
07-04-2009, 02:36 PM
ازيك ياجوليت ياريت متكونيش زعلانة لسة بس الموضوع المرادى بجد جميل جدا وواقعى وبيمس كل واحد عندة احساس فعلا
الف شكر على الكلام الجميل دة

جوليت الحب
07-04-2009, 03:00 PM
شكرا ليك اوووووووووووى يا احمد على ردك للموضوع ويارب يكون عجبك بجد بس انا عاوزة اعرف ؟انا زعلانة من اية ؟ انا والله مقدرش ازعل من حد موجود بجد خالص بس عارفنى لسة زعلانة من اية ؟ممكن ؟

جوليت الحب
07-04-2009, 06:40 PM
يارب الموضوع يعجبكوا بجد انا مستنية الردود الى اتعود عليها منكوا يلا انا اهو مستنية ...........

Mimi
07-04-2009, 10:33 PM
شكرآ ياجوليت على الموضوع المتميز دا

كلماته مؤثرة جدآ

Marwa Magdy
07-04-2009, 10:49 PM
شكرا يا جوليت على الموضوع الجميل ده
تسلم ايدك

Hend Elhabet
07-05-2009, 12:09 AM
شكراا لكِ جولييت
بس اسمحيلي اعلق وبدون زعل
مش كل اللى جرحونا ينفع نقولهم كده
عشان كتير بيكون فى روابط جامدة بتمنعنا نجرحهم زى ما جرحونا

جوليت الحب
07-05-2009, 12:25 AM
شكرآ ياجوليت على الموضوع المتميز دا

كلماته مؤثرة جدآانا الى بشكرك بجد على ردك الجميل دا وبجد نورتى الموضوع كله شكرا ليكى كتير اوى

جوليت الحب
07-05-2009, 12:26 AM
شكرا يا جوليت على الموضوع الجميل ده
تسلم ايدك


لا شكر على واجب يا ميرو هههههههههههه نورتى التوبيك كله ويارب يكون عجبك بجد يااحلى ميرو والله وحشانى كتير بجد

جوليت الحب
07-05-2009, 12:29 AM
شكراا لكِ جولييت
بس اسمحيلي اعلق وبدون زعل
مش كل اللى جرحونا ينفع نقولهم كده
عشان كتير بيكون فى روابط جامدة بتمنعنا نجرحهم زى ما جرحونا
طبعا من غير زعل اكيدومفيش اى زعل من اى حد واكيد بخترم راى كل واحد ورايك طبعا فوق راسى اكيد وشكرا ليكى كتير ياهند ونورتى الموضوع وانا فعلا معاكى فى راى بس لما بنكون مجروحين مش بنفكر ساعتها احنا هنعمل اية كل غضبنا هو الى بيحركنا اكيد وانا اقصد كدا وبجد بشكرك كتير اوى

مروة على
07-05-2009, 12:39 AM
الموضوع جامد والكلمات اجمد بس احنا لما بننجرح مش بنعرف نتكلم لان الكلام مش بيداوى الجرح اهم شىء اننا نقتنع ان اللى جرحنا ميستهلش لو حتى دمعة صغيرة واللى بيجرح بيلاقى اللى يجرحه واكيد هنلاقى بعده اللى يحبنا ويخاف على جرحنا ده سواء فى الحب او الصحاب اسفة على الاطالة وشكرا على الموضوع

جوليت الحب
07-05-2009, 01:02 AM
الموضوع جامد والكلمات اجمد بس احنا لما بننجرح مش بنعرف نتكلم لان الكلام مش بيداوى الجرح اهم شىء اننا نقتنع ان اللى جرحنا ميستهلش لو حتى دمعة صغيرة واللى بيجرح بيلاقى اللى يجرحه واكيد هنلاقى بعده اللى يحبنا ويخاف على جرحنا ده سواء فى الحب او الصحاب اسفة على الاطالة وشكرا على الموضوع
شكرا كتير على رايك طبعا وفعلا معاكى حق بس ساعات بتكون الدموع قريبة اوى منننا ومش بنقدر نمسكها لانها بخرج كل حاجة جوانا مش قادرين نطلعة بكلام وميرسى ليكى ونورتى الموضوع كله

farida
07-05-2009, 02:39 AM
موضوع اكتر من رائع يا جولي

احييكي عليه

وكلام بيمس كل انسان لان مفيش انسان متجرحش

وزي ماقالت روري ان اللي بيجرح ميستهلش دمعة مننا

في غيره حيستحق الحب ده فعلا و الصداقة

ميرسي ليكي يا قمر

الورده البيضاء
07-05-2009, 12:27 PM
ميرسى ياجولى على الموضوع
كلمات رائعة جدا
تسلم ايدك

جوليت الحب
07-05-2009, 07:14 PM
موضوع اكتر من رائع يا جولي

احييكي عليه

وكلام بيمس كل انسان لان مفيش انسان متجرحش

وزي ماقالت روري ان اللي بيجرح ميستهلش دمعة مننا

في غيره حيستحق الحب ده فعلا و الصداقة

ميرسي ليكي يا قمر

شكرا ليكى كتير يا فريدة بجد على التعليق الهايل دا والحمد لله ان الموضوع عجبك انتى الى قمر والله شكرا يا جميله بجد

جوليت الحب
07-05-2009, 07:15 PM
ميرسى ياجولى على الموضوع
كلمات رائعة جدا
تسلم ايدك
شكرا ليكى انتى بجد يا امل على التعليق الجميل دا وردودك على اى موضوع بعمله فى المنتدى

هاجر
07-05-2009, 08:33 PM
إنـك نزفتهـم في لحظـات ألمـك كدمـك.. وإنـك أجهضتهـم فـي لحظـات

غيابهـم كجنيـن ميـت بداخلـك.. وإنـك أطلقـت سراحهـم منـك كـالطيـور

وأغلقـت الأبـواب دونـهـم وعـاهـدت نفسـك ألا تفـتـح أبـوابـك إلا لأولئـك

الــذيــن يسـتـحـقـــون .
كلمات بجد قوية ومؤثرة بحييكى يا جولييت ع الكلام الجميل دة

جوليت الحب
07-05-2009, 09:09 PM
إنـك نزفتهـم في لحظـات ألمـك كدمـك.. وإنـك أجهضتهـم فـي لحظـات

غيابهـم كجنيـن ميـت بداخلـك.. وإنـك أطلقـت سراحهـم منـك كـالطيـور

وأغلقـت الأبـواب دونـهـم وعـاهـدت نفسـك ألا تفـتـح أبـوابـك إلا لأولئـك

الــذيــن يسـتـحـقـــون .
كلمات بجد قوية ومؤثرة بحييكى يا جولييت ع الكلام الجميل دةشكرا ليكى يا هاجر والله مش عارفة اقول ايه غير ربنا يخليكى والحمد لله ان الموضوع او كلمات على الاقل اثرت فى فيكى ودا واضح انك بجد حساسه ميرسى يا قمره بجد

حسبى من الدنيا رضاك
07-05-2009, 09:36 PM
موضوع اكثر من رائع
كلمات معبرة جدا لكل انسان حساس
كلمات يعجز عن قولها اللسان ولكن تعبر عنها العيون
بشكرك يا قمر على الموضوع الهايل ده

جوليت الحب
07-05-2009, 09:40 PM
موضوع اكثر من رائع
كلمات معبرة جدا لكل انسان حساس
كلمات يعجز عن قولها اللسان ولكن تعبر عنها العيون
بشكرك يا قمر على الموضوع الهايل ده
بجد ميرسى ليكى
انا بشكرك اوى يا جاسمين وعلى فكرة اسمك حلو اوى

روميو الحب
07-06-2009, 08:00 PM
الله عليكى يا جوليت بجد الموضوع تحفه وبجد عاجبنى اوى اوى

لا تقل لهم شيئا.. إستقبلهم بصمت فالصمت أحيـاناً قـدرة فائقـة علـى

التعبيـر عمـا تعجـز الحـروف والكلمـات عـن تـوضيحــه

جوليت الحب
07-07-2009, 11:54 PM
الله عليكى يا جوليت بجد الموضوع تحفه وبجد عاجبنى اوى اوى

لا تقل لهم شيئا.. إستقبلهم بصمت فالصمت أحيـاناً قـدرة فائقـة علـى

التعبيـر عمـا تعجـز الحـروف والكلمـات عـن تـوضيحــه
شكرا كتير يا روميو على ردك الجميل دا والحمد لله ان الموضوع عجبك اوى اوى

الدلوعة
07-08-2009, 12:56 AM
موضوع جميل يا جوليت
بس مش لازم نجرح حد ولو بالكلام لمجرد انه جرحنا
لازم يكون فى تسامح زى مربنا قال

جوليت الحب
07-08-2009, 01:09 AM
موضوع جميل يا جوليت
بس مش لازم نجرح حد ولو بالكلام لمجرد انه جرحنا
لازم يكون فى تسامح زى مربنا قال
ماشى يا ستى اوك فى تسامح وربنا قال كدا بس لما بننجرح مش بنشوف ادامنا اى حاجة غير جرح مش لية دواء غير بعد فترة طويلة وبعد كدا اكيد بنسامح وشكرا لمرورك وطبعا ردك دا ورايك فوق راسى وانا بحترمه جدا

جوليت الحب
07-08-2009, 01:11 AM
شكرا اخى جوليت على هذا الحديث ولكن هل له من اهداف فى الحياه وفائدة اخى جوليت


على فكرة انا مش ولد انا بنت دا فى البدايه انا بنت وبعدين تانى حاجة ممكن حضرتك تشوفى فيها اهداف ولالا؟ وشكرا على مرورك الجميل دا بجد

sweet girl
07-08-2009, 01:35 AM
جولى الموضوع طبعا كالعاده راااااااااااااااائع

بجد الكلمات كلها جميله تسلمى يا قمر على مواضيعك الجميله

جوليت الحب
07-08-2009, 01:51 AM
جولى الموضوع طبعا كالعاده راااااااااااااااائع

بجد الكلمات كلها جميله تسلمى يا قمر على مواضيعك الجميله

انتى بجد نورتى التوبيك كله وشكرا كتير اوى على الكومنت دا والحمد لله انه عجبك بجد

جوليت الحب
07-08-2009, 05:38 PM
شو هذا الموضوع عم سوى لا اجد له اهداف اخى جوليت ماذا افعل ؟


مع احترامى لحضرتك طبعا الاول فى البداية انا بنت مش ولد يعنى يا ريت تكلمنى بصفة المونث مش اخى دا فى الاول تانى حاجة اوك حضرتك مش لاقى للموضوع اهداف ممكن تدخل اى قسم تانى هتلاقى اهداف كتير زى القسم الاسلامى الثقافى فى اقسام كتير اقسام تاريخ وحضارة اكيد هتستفاد منهم اكتر من المواهب والفنون وشكرا جزيلا